Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.07.2020
ՆԵՐՔԻՆ ԿՅԱՆՔ


Հանցագործության հետքերը չվերացնելու համար

Պետք է դադարեցնել քրեական հետապնդման մեջ գտնվող պաշտոնյայի լիազորությունները

Լիանա ՍԱՐԳՍՅԱՆ
l.sargsyan@hhpress.am


Ազգային ժողովի «Բարգավաճ Հայաստան» խմբակցության մի քանի անդամներ կառավարություն են ներկայացրել «ՀՀ քրեական դատավարության օրենսգրքում փոփոխություն կատարելու մասին» ՀՀ օրենքի նախագիծ, համաձայն որի՝ եթե հանրային ծառայող հանդիսացող անձի կամ ցանկացած այլ աշխատողի նկատմամբ հարուցված է քրեական գործ, ապա քննիչի որոշմամբ իրավունք կունենան ժամանակավորապես դադարեցնել տվյալ անձի լիազորությունները։
Ինչպես «ՀՀ»—ի հետ զրույցում նշեց «Բարգավաճ Հայաստան» խմբակցության անդամ, իրավաբան Գեւորգ Պետրոսյանը, նախագծի նպատակն է՝ քրեական հետապնդման մեջ գտնվող անձի լիազորությունները կանխել, որպեսզի վերջինս մնալով պաշտոնում՝ չխոչընդոտի օբյեկտիվ ճշմարտության բացահայտմանը, գործի հանգամանքների պարզաբանմանը։ «Այստեղ գնացել ենք ե՛ւ արդարադատության շահերից, ե՛ւ նաեւ գործատուների իրավաչափ շահերը պաշտպանելու անհրաժեշտությունից ելնելով։ Այսօրվա գործող իրավակարգավորումների համաձայն՝ միայն հանրային ծառայող մեղադրյալի  կամ կասկածյալի նկատմամբ հարուցված քրեական գործի դեպքում քննիչը իրավունք ունի պատճառաբանված որոշմամբ պահանջել ժամանակավորապես դադարեցնել պաշտոնավարումը։ Եթե անձը չի համարվում հանրային ծառայող, ապա քննիչը զրկված է ոչ հանրային ծառայողի վերաբերյալ նման որոշում կայացնելու իրավունքից։ Դա նշանակում է, որ եթե անձի նկատմամբ կա հարուցված քրեական գործ, եւ նա պատասխանատու պաշտոն է զբաղեցնում տվյալ գործատուի մոտ, մենք նրան չենք կարողանում հեռացնել պաշտոնից, եւ նա այդ ընթացքում կարող է հանցագործության հետքերը վերացնել, բացահայտումը դժվարացնել, ապացուցման առարկան ոչնչացնել։ Նախագիծը ներկայացրել ենք կառավարության եզրակացությանը՝ անհայտ ելքով։ Դեռ չեն քննարկել»,—ասաց Պետրոսյանը։
«Բարգավաճ Հայաստան» խմբակցությունը վերջերս ներկայացրեց եւս մի քանի նախագիծ, որոնց կառավարությունը տվեց բացասական գնահատական։ Անդրադառնալով այդ նախագծերին՝ Պետրոսյանը նշեց, որ դրանցից մեկը վերաբերում էր «Բաժնետիրական ընկերությունների մասին» ՀՀ օրենքում փոփոխություններ եւ լրացումներ կատարելու մասին» նախագծին, ըստ որի՝ Հայաստանում ոչ մի աշխատող չպետք է առանց պատճառի ազատվի աշխատանքից, այդ թվում նաեւ բաժնետիրական ընկերության գործադիր տնօրենը։ Պետրոսյանի մեկնաբանմամբ՝ գործող իրավակարգավորումներով, «Բաժնետիրական ընկերությունների մասին ՀՀ օրենքի» համաձայն՝ ընդհանուր ժողովը ցանկացած ժամանակ, նաեւ առանց պատճառի իրավունք ունի դադարեցնել տնօրենի լիազորությունները. «Մենք գտնում ենք, որ տնօրենը նույնպես վարձու աշխատող է՝ իր աշխատանքային գործառույթներով, եւ նա նույնպես պետք է օգտվի ՀՀ Սահմանադրությամբ երաշխավորված աշխատանքի իրավունքից։ Ուստի առաջարկել ենք այնպիսի փոփոխություն, որ օրենքում տնօրեն հասկացությունը դուրս բերվի, որպեսզի ցանկացած ժամանակ տնօրենին չկարողանան կամայականորեն ազատել աշխատանքից։ Կառավարությունը տվել է բացասական գնահատական։ Հիմնավորումներին տեղյակ չեմ։ Հանձնաժողովում կուսումնասիրենք հիմնավորումները, եւ ես այնուամենայնիվ կփորձեմ պաշտպանել մեր ներկայացրած նախագիծը։ Եթե հանձնաժողովն էլ մերժի, ապա հարցը կքննարկվի լիագումար նիստում»։
Խմբակցության ներկայացրած հաջորդ երկու նախգծերը վերաբերում էին «ՀՀ ընտանեկան օրենսգրքում փոփոխություններ եւ լրացումներ կատարելու մասին» կետին։ Պետրոսյանի խոսքով՝ առաջին նախագծով ուղղակիորեն օրենքով արգելվելու էր նույնասեռականների կամ սեռափոխված անձանց ամուսնությունների գրանցումը։ Երկրորդ նախագիծը հիշյալ անձանց կողմից երեխա որդեգրելու արգելք սահմանելու մասին էր։ Պատգամավորի մեկնաբանմամբ՝ նման նախագծեր մշակելիս հաշվի են առել Հայաստանի ժողովրդագրական իրավիճակը, ազգային ավանդական արժեքները պահպանելու անհրաժեշտությունը։ Պետրոսյանը գտնում է, որ Հայաստանում պետք է բոլոր օրինական միջոցները գործադրել՝ նույնասեռականության տարածումը կանխելու համար։ Կառավարությունը դարձյալ այս նախագծին բացասական եզրակացություն է տվել. «Հիմնավորելով, թե անհնար է ստուգել անձի սեռափոխված լինելը»։
Այնինչ Պետրոսյանը կարծում է, որ դա շատ հեշտ է պարզել օրինակ անձնագրային բաժիններից եւ այլ համապատասան կառույցներից հարցում անելու միջոցով։ «Եթե ողջամտորեն կա կասկած, որ այդ անձը սեռափոխված է, մենք ուզում ենք, որ քաղաքացիության ակտերի գրանցման մարմինը հնարավորություն ունենա մերժել նրանց ամուսնության կամ երեխա որդեգրելու ցանկությունը։ Պետք է ընդունենք նպատակի լրջությունն ու կարեւորությունը որպես Հայաստանի Հանրապետության ազգային անվտանգության կարեւոր բաղադրիչ։ Գաղտնիք չէ, որ մեր ազգային անվտանգության անկյունաքարը հայ ավանդական ընտանիքն է։ Այդ մասին նաեւ նշված է ՀՀ Սահմանադրությամբ, համաձայն որի՝ ընտանիքը հասարակության հիմնական եւ կարեւոր բջիջն է, որը պետք է գտնվի հատուկ պաշտպանության ներքո»,—ասաց Գեւորգ Պետրոսյանը՝ հավելելով, որ այս նախագծի նպատակը այդ սահմանադրական նորմի իրացումն է։

15-10-2019





14-07-2020
Բարձր դրույքաչափով մաքսատուրք վճարածը կկարողանա հետ ստանալ ավելի փոխանցած գումարը
Հունիսի 12-ից ուժի մեջ մտած որոշումը հետադարձ ուժ ...


14-07-2020
Հանրակրթության նոր չափորոշիչներով առաջնայնություն է տրվում կրթության բովանդակությանը
Տարրական դասարաններում մեկական շաբաթով կերկարացվեն գարնանային եւ աշնանային ...


14-07-2020
Հայաստանում հաստատվել է COVID-19-ի 339 նոր դեպք․ ապաքինվել է 864, մահացել 8 քաղաքացի
Հայաստանում հուլիսի 14-ին հաստատվել է կորոնավիրուսային հիվանդության ընդհանուր ...


14-07-2020
Ես արարում եմ, որովհետեւ տեսել եմ, թե ինչպես է արարում Հայրը
Ճշմարիտ, ճշմարիտ ասում եմ ձեզ, թէ Որդին իրանից կարող ...


14-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
Նոյեմբերի 23-ին Փարիզի Հայկական մշակույթի տանը կայացավ գրքիս ...


14-07-2020
Մայթեզրերն ավտոշուկա, վարձույթի շուկա կազմակերպելու համար չեն
Հարցը կկարգավորվի օրենսդրական նախաձեռնությամբ

Օրենսդրորեն սահմանվելու են տրանսպորտային ...


14-07-2020
Էռնեստ Հեմինգուեյ
Երջանկության եւ ողբերգության առասպելը

1961 թ. հուլիսի 2-ին ...



14-07-2020
Իսկը «թուրքեցի» սպանություններ
«Գթասրտություն դրսեւորելու կարիք չկա։ ...

14-07-2020
«Գ. Գաբրիելյանը հայ մանկագրության մեջ իր հավասարը չունի...»
Նա բարձրացրել է ժանրը՝ հասցնելով ...

14-07-2020
Համարակալված կենդանիները նաեւ անձնագիր կունենան
Խթանվում է խոշոր եղջերավոր անասունների ...

14-07-2020
Հայաստանի հավաքականը 1/8 եզրափակիչում
Հայաստանի տղամարդկանց ազգային հավաքականը, ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO