Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.07.2020
ԳԻՏՈՒԹՅՈՒՆ


Անհրաժեշտ փորձ ձեռք բերելու հրաշալի հարթակ

«Գիտական աստիճաններ. դեպի եվրոպական ստանդարտներ»

Լիանա ՍԱՐԳՍՅԱՆ
l.sargsyan@hhpress.am


Բարձրագույն կրթության երրորդ մակարդակում ուսուցման եւ հետազոտական աշխատանքների կազմակերպման, շնորհվող գիտական աստիճանների փոխճանաչման ոլորտում փորձի փոխանակման նպատակով այսօր եւ վաղը ՀՀ գիտությունների ազգային ակադեմիայում տեղի կունենա «Գիտական աստիճաններ. դեպի եվրոպական ստանդարտներ» խորագրով աշխատաժողովը, որի ընթացքում զեկուցումներով հանդես կգան Եվրամիության անդամ երկրներից ժամանած փորձագետներ եւ ոլորտի փորձառու մասնագետներ։
ՀՀ ԳԱԱ գիտակրթական միջազգային կենտրոնի գիտական քարտուղար Ատոմ Մխիթարյանը «ՀՀ»—ի հետ զրույցում շեշտեց՝ աշխատաժողովը լավ փորձ ձեռք բերելու հրաշալի հարթակ է։ Երկօրյա միջոցառումը Հայաստանում կազմակերպվում է ԵՄ կողմից՝ «TAIEX» ծրագրի շրջանակներում։ Հրավիրված է շուրջ 80 մասնակից՝ ԳԱԱ համակարգի գիտնականներ, բուհերի դասախոսներ, վարչական աշխատողներ, բարձրագույն կրթության ու գիտության ոլորտի կառավարիչներ, մասնագիտական խորհուրդների անդամներ, երիտասարդ գիտնականներ ու ասպիրանտներ։ Ապահովված է նաեւ անգլերեն—հայերեն թարգմանությունը։
«Աշխատաժողովը, ինչպես արդեն նշվեց, միտված է բարձրագույն կրթության երրորդ մակարդակում, այսինքն՝ ասպիրանտուրայում կամ արեւմտյան դոկտորանտուրայում ուսուցման կազմակերպման եւ շնորհվող գիտական աստիճանների փոխճանաչման ոլորտում փորձի փոխանակությանը։ Մասնակցելու են եվրոպական տարբեր երկրներից մասնագետներ, ովքեր այս գործի գիտակներ են եւ կներկայացնեն իրենց երկրների փորձը։ Հայաստանից մասնակցում են տարբեր բուհերի ներկայացուցիչներ, ակադեմիական համակարգի գիտնականներ։ Կփորձենք փորձի փոխանակմամբ լավ փորձ ձեռք բերել»,—մանրամասնեց Ա. Մխիթարյանը։
Նա նշեց, որ ասպիրանտուրայի ոլորտի խնդիրները բավականին շատ են եւ ակնառու. «Հենց կարելի է սկսել նրանից, որ մեր ասպիրանտուրան ավարտելուց հետո գիտական աստիճան ստանալու պարագայում առաջանում է, օրինակ, դրա ճանաչելիության հարցը։ Երբ անձը Հայաստանում պաշտպանելուց հետո տեղափոխվում է աշխատանքի, ասենք, եվրոպական որեւէ երկիր, անհրաժեշտ է լինում ներկայացնել ոչ միայն դիպլոմը, այլ նաեւ անցած քննությունների, հավաքած կրեդիտների մասին տեղեկանքներ, միեւնույն ժամանակ անվանումը նույնիսկ չի համապատասխանում եվրոպական չափանիշներին»։
«Գիտական աստիճաններ. դեպի եվրոպական ստանդարտներ» խորագրով աշխատաժողովի առաջին զեկույցը Մխիթարյանինն է լինելու, որտեղ նա մանրամասն կներկայացնի հայաստանյան ընթացակարգերը՝ ասպիրանտուրայում սովորելու, գիտական աստիճաններ, գիտական կոչումներ ստանալու, իսկ հետո եվրոպական գործընկերները կներկայացնեն իրենց փորձը եւ Բոլոնիայի գործընթացը։ Այնուհետեւ զեկույցներով հանդես կգան Ռումինիայի դիպլոմների ճանաչման եւ համապատասխանեցման ազգային կենտրոնի տնօրեն Գիանինա Գիրազին, Էստոնիայի ակադեմիական փոխճանաչման տեղեկատվական կենտրոնի ղեկավար Գուննար Վահտը, Ռումինիայի դիպլոմների ճանաչման եւ համապատասխանեցման ազգային կենտրոնի գրասենյակի ղեկավար Ադրիան Իորդաչեն, Խորվաթիայի գիտության եւ կրթության նախարարության բարձրագույն կրթության զարգացման բաժնի ղեկավար Անա Գորշիչը եւ այլք։

17-10-2019





14-07-2020
Բարձր դրույքաչափով մաքսատուրք վճարածը կկարողանա հետ ստանալ ավելի փոխանցած գումարը
Հունիսի 12-ից ուժի մեջ մտած որոշումը հետադարձ ուժ ...


14-07-2020
Հանրակրթության նոր չափորոշիչներով առաջնայնություն է տրվում կրթության բովանդակությանը
Տարրական դասարաններում մեկական շաբաթով կերկարացվեն գարնանային եւ աշնանային ...


14-07-2020
Հայաստանում հաստատվել է COVID-19-ի 339 նոր դեպք․ ապաքինվել է 864, մահացել 8 քաղաքացի
Հայաստանում հուլիսի 14-ին հաստատվել է կորոնավիրուսային հիվանդության ընդհանուր ...


14-07-2020
Ես արարում եմ, որովհետեւ տեսել եմ, թե ինչպես է արարում Հայրը
Ճշմարիտ, ճշմարիտ ասում եմ ձեզ, թէ Որդին իրանից կարող ...


14-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
Նոյեմբերի 23-ին Փարիզի Հայկական մշակույթի տանը կայացավ գրքիս ...


14-07-2020
Մայթեզրերն ավտոշուկա, վարձույթի շուկա կազմակերպելու համար չեն
Հարցը կկարգավորվի օրենսդրական նախաձեռնությամբ

Օրենսդրորեն սահմանվելու են տրանսպորտային ...


14-07-2020
Էռնեստ Հեմինգուեյ
Երջանկության եւ ողբերգության առասպելը

1961 թ. հուլիսի 2-ին ...



14-07-2020
Իսկը «թուրքեցի» սպանություններ
«Գթասրտություն դրսեւորելու կարիք չկա։ ...

14-07-2020
«Գ. Գաբրիելյանը հայ մանկագրության մեջ իր հավասարը չունի...»
Նա բարձրացրել է ժանրը՝ հասցնելով ...

14-07-2020
Համարակալված կենդանիները նաեւ անձնագիր կունենան
Խթանվում է խոշոր եղջերավոր անասունների ...

14-07-2020
Հայաստանի հավաքականը 1/8 եզրափակիչում
Հայաստանի տղամարդկանց ազգային հավաքականը, ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO