Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ԵՐԵՎԱՆ


Չկենտրոնացնել, չկուտակել ամեն ինչ մեկ վայրում եւ մեկ ձեռքում

Էրեբունի-Երեւանի տոնակատարությունների կազմակերպման տրամաբանությունը փոխվել է

Լիանա ՍԱՐԳՍՅԱՆ
l.sargsyan@hhpress.am


Դժվարին ճամփա անցած, հազարամյակների պատմություն կերտած «վարդագույն» քաղաք Երեւանն այսօր դառնում է 2801 տարեկան։ Եթե նախորդ տարիներին մայրաքաղաքի տոնը նշանավորվում էր մեկ վայրում՝ Հանրապետության հրապարակում, ապա այս տարի տոնակատարությունների կազմակերպման տրամաբանությունն ամբողջությամբ փոխված է։ Առաջին անգամ քաղաքի տոնը հավասարապես նշվում է Երեւանի բոլոր վարչական շրջաններում։
«Բյուջեով՝ նախորդ տարիների համեմատ բավական համեստ, բայց՝ բազմաթիվ նորություններով։ Փոխվել են կազմակերպման փիլիսոփայությունն ու մոտեցումները։ Քաղաքապետ Հայկ Մարությանի եւ նրա թիմի նախընտրական ծրագրի դրույթներից մեկը ապակենտրոնացումն էր։ Մենք մշտապես խոսում ենք Հայաստանի մասշտաբով ապակենտրոնացումների մասին, որի անհրաժեշտությունը կա նաեւ Երեւանում։ Տոնն այս տարի կազմակերպվել է հետեւյալ տրամաբանությամբ՝ չկենտրոնացնել, չկուտակել ամեն ինչ մեկ վայրում եւ մեկ ձեռքում»,–այս մասին «ՀՀ»—ի թղթակցի հետ զրույցում ասաց Երեւանի քաղաքապետի մամուլի խոսնակ Հակոբ Կարապետյանը։
Նախորդ տարիներին Էրեբունի—Երեւանին նվիրված տոնակատարությունների կազմակերպման լավ կամ վատ լինելու վերաբերյալ Կարապետյանը գնահատական չի հնչեցնում, միայն նկատում է՝ տոնին նվիրված միջոցառումներն այնպես էին կազմակերպվում, որ կենտրոնում առանցքային գլխավոր միջոցառումն էր, իսկ մնացած վարչական շրջանների հանդիսությունները միջոցառման ստվեր էին հիշեցնում։ «Հիշեցնում էր այսպես ասած՝ հոգու պարտք, քան ինչ—որ արժեքավոր բանի մատուցում։ Կենտրոնական հրապարակում էլ լինում էին նույն ժանրի մեջ երգող մի քանի արտիստներ։ Ամիսներ առաջ, երբ սկսվեցին նախապատրաստական աշխատանքները, քաղաքապետի հանձնարարությամբ որոշվեց վարչական շրջաններում հավասարաչափ, հավասարազոր համերգներ եւ միջոցառումներ կազմակերպել։ Մենք արդեն քարտեզն ու համերգների ցանկը հրապարակել ենք, օրինակ, Նուբարաշենում կհնչի ռոք, Դավիթաշենում՝ ջազ, Արաբկիրում՝ դասական, Կենտրոնում՝ փոփ, Քանաքեր—Զեյթունում՝ ռետրո եւ այլն։ Բոլոր վայրերում համերգները սկսվելու են նույն ժամին՝ 19։00—ին»,—տեղեկացրեց Կարապետյանը՝ նշելով, որ ինքը ամենայն հավանականությամբ կլինի Նուբարաշենում։
Ասում է՝ իր համար շատ հետաքրքիր է լսել ռոք երաժշտությունը հայկական մթնոլորտում։ Նուբարաշենն, ըստ նրա, մայրաքաղաքի հետաքրքիր առանձնահատկություն ունեցող վարչական շրջաններից մեկն է. «Վստահ եմ՝ քաղաքի բնակչության ճնշող մեծամասնությունը Նուբարաշենում երբեւէ չի եղել։ Ես նույնպես մինչեւ վերջերս այս վարչական շրջանում չէի եղել։ Հաճելիորեն զարմացած եմ։ Կանաչ, շատ հետաքրքիր փոքրիկ թաղամաս է, մի քիչ քաղաքից կտրված, բայց շատ կոլորիտային։ Կարծում եմ՝ այս համերգի շնորհիվ երեւանցիները եւ երիտասարդությունը իրենց համար նոր բան կբացահայտեն»։
Էրեբունի—Երեւանի 2801—ամյակի տոնակատարությունների համար այս տարի նախատեսվում է ծախսել մոտավորապես 150 մլն դրամ։ Ինչպես տեղեկացրեց քաղաքապետի մամուլի խոսնակը, 2019թ. տեղի է ունեցել թափանցիկ եւ իրական մրցութային գործընթաց, ինչը Կարապետյանը բացառիկ դեպք է որակում վերջին մեկ տասնամյակի համար։ Մրցույթին մասնակցել է շուրջ 20 կազմակերպություն, որոնցից տոնակատարությունների կազմակերպման համար ընտրվել են 10—ը. «Շատ կազմակերպություններ, անհատներ, որոնք տարիներ շարունակ զբաղվել են միջոցառումներ կազմակերպելով նոր պայմաններում են մրցակցել։ Վստահաբար կարող եմ ասել, որ վերջին տասը տարվա ընթացքում առաջին անգամ մրցույթները հաղթում են մեկից ավելի կազմակերպություններ։ Հաղթողների թվում, ի դեպ, նախկին կազմակերպությունները չկան, թեեւ նույնպես մասնակցել են։ Չեն հաղթել, որովհետեւ իրենց գնային առաջարկները մրցունակ չեն եղել»։
150 մլն դրամ տոնի համար ծախսելու նպատակահարմարության մասին խոսելիս՝ Կարապետյանը նշեց, որ պետությունն առանձին սոցիալական, քաղաքաշինական, կրթական ծրագրեր ունենալու հետ զուգահեռ նաեւ մեծ տեղ է հատկացնում մայրաքաղաքի տոնին, քանի որ այն համարում է քաղաքային կյանքի կարեւոր բաղադրիչը։ «Ըստ էության, սա ոչ միայն ծախս է, այլ նաեւ ներդրում՝ քաղաքի հետագա զարգացման համար, որովհետեւ տոնին մասնակցում են նաեւ բազմաթիվ զբոսաշրջիկներ։ Հորդորում եմ՝ այսօր մասնակցել միջոցառումներին եւ ականատես լինել այստեղ իրենց հանգիստը կազմակերպած զբոսաշրջիկների մասնակցությանը։ Նրանք հետեւում են, թե որ քաղաքում ինչ միջոցառում է տեղի ունենում»,—ընդգծեց Կարապետյանը։

19-10-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO