Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ՆԵՐՔԻՆ ԿՅԱՆՔ


Ներքաղաքական կյանքն ընթանում է բնականոն հունով

Խորհրդարանական ուժերը՝ տեղական իրադարձությունների մասին

Թամարա ՄՈՒՐԱԴՅԱՆ
t.muradyan@hhpress.am


Ինչպիսի՞ն է հայաստանյան քաղաքական աշունը, որո՞նք են օրակարգային առաջնային հարցերն այս փուլում, ինչպիսի՞ն է ժողովրդի վերաբերմունքը իշխանության նկատմամբ. թեմայի շուրջ «ՀՀ»—ն զրուցել է խորհրդարանական ուժերի ներկայացուցիչների հետ։
Այսպես, «Իմ քայլը» խմբակցության անդամ Սոս Ավետիսյանը ներքաղաքական ներկա իրավիճակն ամփոփելով՝ արձանագրեց. «Նորմալ փուլ է։ Առաջնային օրակարգային հարցերը նրանք են, որոնք մենք գրել ենք մեր նախընտրական ցուցակում։ Հիմա սպասվում են ապօրինի ծագում ունեցող գույքի բռնագանձման, կոռուպցիոն կանխարգելման հանձնաժողովի հարցերի կարգավորումներ։ Եվ ես կարծում եմ, որ ներկայիս ամբողջ աղմուկը հիմնականում «Ապօրինի ծագում ունեցող գույքի բռնագանձման մասին» օրենքի նախագծի ընդունման ու նշված հանձնաժողովի հետ է կապված»։ Սահմանադրական դատարանի թնջուկի մասով էլ տարօրինակ է համարում, որ դատարանն ինքնամաքրման պարտականությունը չի կատարում։ Բայց միաժամանակ նկատում է՝ թեւաթափ լինելու որեւէ խնդիր չկա։
«Եթե համեմատենք 2018 թ. իրադարձությունների հետ, հիմա ներքաղաքական կյանքում հարաբերական անդորր է, բայց չի նշանակում՝ ներքաղաքական գործընթացներ չկան։ Դրանք շարունակվում են։ Ներքաղաքական սահուն գործընթացներ են»,–բնորոշեց «Բարգավաճ Հայաստան» խմբակցության անդամ Շաքե Իսայանը՝ ներկայացնելով իր համար օրակարգային առաջնահերթությունները։
Նրա համար շարունակում են Հայաստանի առաջնային հարցեր մնալ տնտեսական հեղափոխությունը, ներդրումների հոսքը Հայաստան. «Ինձ համար առաջնայինը տնտեսական հեղափոխությանը միտված այն ծրագրերն են, որոնք պետք է իրականացվեին, կամ գոնե այն նպատակները, որոնց մասին հայտարարվել էր։ Ցավոք, ներդրումների մասով դիտարկելով չեմ կարող ասել, թե վիճակագրությունը գոհացուցիչ է։ Բայց, ինչպես ասում են, առաջիկա գործընթացներն ամեն ինչ ցույց կտան»։
Խորհրդարանական երրորդ ուժի՝ «Լուսավոր Հայաստանի» ներկայացուցիչ Անի Սամսոնյանն էլ որպես առաջնային հարցեր նշելով տնտեսական հեղափոխությունն ու դատական բարեփոխումները՝ արձանագրեց. «Հայաստանի քաղաքական կյանքը ոչ շատ ակտիվ է, ոչ էլ շատ պասիվ, բնականոն հունով շարժվում է առաջ»։
Իսկ թե իշխանություն—ընդդիմություն փոխհարաբերություններն ինչպիսի՞ն են, իմքայլական պատգամավորը ասում է, որ Հայաստանում երկու տեսակի ընդդիմություն կա։ Մի տեսակը ինստիտուցիոնալն է։ Որպես այդպիսին «Բարգավաճ Հայաստան» ու «Լուսավոր Հայաստան» կուսակցություններն է առանձնացնում։ Պատգամավորը չշրջանցեց նաեւ Ամուլսարի շուրջ եղած իրադաձություններով պայմանավորված փոխհարաբերությունները՝ մեկնաբանելով, որ այդ դեպքում պետք է դիտարկել՝ ինչ այլ շահագրգիռ կողմեր կային, որոնք փորձում էին «ջուրը» պղտորել։ Ընդդիմության մյուս խմբի՝ իշխանության նախկին ներկայացուցիչների վերաբերյալ էլ իշխող ուժի ներկայացուցչի դիտարկումը հետեւյալն է. «Չունենալով որեւէ էական ազդեցություն՝ իրենց մնում է ապավինել միայն սեփական հսկայածավալ մեդիա ռեսուրսներին, որոնց միջոցով մանիպուլյացիան դարձրել են իրենց լավագույն «գործընկերը»։ Դրա հետ մեկտեղ, երբեմն միանում է այլ օրակարգեր սպասարկելու նրանց ցանկությունը։ Այսպիսին է մեր ներկայիս իրականությունը։ Այդպես էլ երբեք չկարողացան հասկանալ, թե ինչ է կատարվել, եւ ոչ էլ կհասկանան, թե ինչ է կատարվում. իրականությունից կտրվեցին»։
Ընդդիմություն—իշխանություն համագործակցությունը Անի Սամսոնյանը շատ արդյունավետ չի համարում։ Կարծում է՝ դեռեւս ընդդիմության հետ համագործակցության խնդիր կա։ Այսպես է մեկնաբանում. «Հաճախ մենք նախագծեր ենք ներկայացնում, որոնք մերժվում են իշխանության կողմից այն պատճառով, որ դրանք ընդդիմությունն է ներկայացրել։ Կարծում եմ՝ այդ ընկալումը դեռ կա»։
«Մենք ընդդիմանում ենք այն ծրագրերին, որոնք ճիշտ չենք համարում, որոնք, կարծում ենք, որ լավ բանի չեն տանում։ Այդ գործընթացներում առաջարկում ենք օրենքի նախագծեր, որոնք շատ դեպքերում շարունակում են մերժվել՝ ես հույս ունեմ՝ ոչ այն պատճառով, որ ընդդիմությունն է ներկայացնում»,–ասում է Իսայանը՝ նկատելով, որ «լեզու գտնել—չգտնելու» հարց չկա, պարզապես քաղաքականության ու մոտեցման հարց կա։ «Եթե ընդդիմությունը որեւէ առաջարկ է անում, ճիշտ կլինի, որ իշխանության ներկայացուցիչները դրա վերաբերյալ ավելի խորքային մտածեն եւ չհամաձայնելու դեպքում հստակ պատճառներ մատնանշեն։ Նույն կերպ էլ, կարծում եմ, որ իշխանության առաջարկին ընդդիմությունը չպետք է ընդդիմանա միայն նրա համար, որ ընդդիմություն է»,–բարձրաձայնեց «Բարգավաճ Հայաստանի» պատգամավորը։
Իսկ իշխանությունից ու հեղափոխությունից ՀՀ քաղաքացիների հիասթափության մասին խոսակցությունները մեկնաբանելով՝ նա հույս հայտնեց, որ, իր ձեւակերպմամբ, արդեն սկիզբ առած ճանապարհը շատ շուտ կանգ կառնի եւ չի տանի ամբողջական հիասթափեցման։ Իսայանը խոստովանում է՝ ինքն էլ մեծ հույս է ունեցել, որ երկիրն առաջ տանելու հնարավորություն է ընձեռվել. «Հուսանք, որ առաջիկայում Հայաստանի իշխանությունը իր քաղաքականությունը կվերանայի, որը հիասթափության ալիքը չի խորացնի»։
«Ես կարծում եմ, որ հետհեղափոխական էյֆորիան այլեւս չկա։ Այն, ինչ ակնկալում եւ ցանկանում էր տեսնել ժողովուրդը, օրինակ, տնտեսական հեղափոխությունը՝ չկա։ Բնական է, որ կհիասթափվեին, որովհետեւ սպասելիքները չեն արդարանում»,—Անի Սամսոնյանի դիտարկումն է։
Սոս Ավետիսյանը, սակայն, չի կարծում, թե հասարակության շրջանում հիասթափություն կա, կամ էլ թե՝ իշխանությունը, այսպես ասած, կոտրել է հասարակության թեւերը։ Իշխանության ներկայացուցիչը նշում է, որ հասարակության շրջանում բազմապիսի հարցադրումներ կան։ Ու դա նորմալ է համարում։ «Իշխող խմբակցության պարտավորությունն է դրանց անդրադառնալ ու ամեն օր ու ժամ ձեռքը «զարկերակին» պահելով՝ հասկանալ, թե ինչ քայլեր պետք է ձեռնարկել։ Շատ անգամ լոկալ կարեւոր խնդիրներ դուրս են մնում ընդհանուր դիսկուրսներից։ Իսկ մարդիկ նաեւ դրանց կարիքն ունեն»,–ասաց նա՝ ավելացնելով, որ Հայաստանում կառավարման համակարգը խիստ կոռումպացված էր։ Իսկ հիմա վերադարձ է կատարվում օրենքին։ Ավետիսյանի ասելով՝ նախկինում օրենքների տրամաբանությունն այնպիսին էր, որ կոռուպցիայով աշխատեին, եւ հիմա, երբ օրենքները փոխվելով, ավելի դանդաղ արդյունք են արձանագրում՝ հաճախ մարդկանց ընկալումներում հարց է ծագում, թե ինչու «այսինչը» կամ «այնինչը» միանգամից «այսպես» չեղավ. «Այս հարցերը, իհարկե, լեգիտիմ են, որովհետեւ հասարակության համար կարեւոր են օրինական գործընթացները, բայց նաեւ կարեւոր է, որ իրենց կենսակերպում անմիջական ազդեցությունը զգան։ Դրա համար, երբ խոսում ենք հասարակության արձագանքից, վստահ եմ, որ, օրինակ, ճանապարհաշինական ծրագրերը դրական են գնահատում, որովհետեւ, ի վերջո, մարդիկ նաեւ դրա կարիքն ունեն»։
Իսկ ի պատասխան այն մեկնաբանությունների, թե իշխանությանը ոչ ձեռնտու աղմուկը որեւէ իրադարձության ու նախաձեռնության շուրջ իշխանության ներկայացուցիչները փորձում են ստվերել առավել աղմկահարույց գործողություններով, օրինակ, ձերբակալություններով, մեր զրուցակիցն արձագանքում է. «Չկա նման բան»։

23-10-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO