Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ԱՌՈՂՋԱՊԱՀՈՒԹՅՈՒՆ


Հիվանդանոցային ծառայությունների ծանրաբեռնվածությունը կնվազի

Բուժօգնություն կկարողանան կազմակերպել նաեւ պոլիկլինիկաները

Լուսինե ՆԱԶԱՐՅԱՆ
l.nazaryan@hhpress.am


Սուր շնչառական վարակների ակտիվացում այս ժամանակաշրջանում դիտվում է հատկապես մանկահասակ երեխաների շրջանում, ինչն էլ հիվանդանոցներում մանկական բաժանմունքների ծանրաբեռնվածության պատճառ է դառնում։
Շատ անգամ հոսպիտալացման ենթակա երեխաների թիվն ավելին է լինում, քան նախատեսված հիվանդասենյակները։ Առաջնային ամբուլատոր օղակները համապատասխանաբար ուղեգրում են երեխային բուժհաստատություն՝ համապատասխան հետազոտում ու բուժում անցնելու նպատակով, սակայն վարակի տարածման թեժ շրջանում հիվանդանոցային ծառայությունների ծանրաբեռնվածությունը մայրիկների շրջանում հաճախ խուճապի ու անհանգստության պատճառ է դառնում։
Ուստի Երեւանի քաղաքապետի նախաձեռնությամբ այս տարվա բյուջեի «Առողջապահական կազմակերպությունների համար բժշկական սարքավորումների ձեռք բերում» ծրագրի շրջանակներում ձեռք են բերվել սարքավորումներ, որոնք հնարավորություն կտան առաջնային բուժօգնություն ցուցաբերել մանկահասակներին նաեւ ամբուլատոր օղակներում։ Ծրագրի նպատակը սուր շնչառական վարակների թվաքանակի սեզոնային ավելացումների ժամանակ հիվանդանոցային ծառայությունների ծանրաբեռնվածության իջեցումն է։
Երեւանի քաղաքապետարանի աշխատակազմի առողջապահության վարչության պետ Կամսար Բաբինյանը «ՀՀ»—ի հետ զրույցում նշեց, որ օրեր առաջ գիտաուսումնական սեմինար է կազմակերպվել սուր շնչառական վարակների ախտորոշման եւ վարման արդիական հարցերը քննարկելու նպատակով, որին մասնակցել են պոլիկլինիկական բուժհաստատությունների թերապեւտներ, մանկաբույժներ, ընտանեկան բժիշկներ։
«2018—2019 թթ. ընթացքում շուրջ 300 մանկական ամբուլատոր—քարտերի ուսումնասիրություններ ենք անցկացրել այն պացիենտների շրջանում, ովքեր սուր շնչառական վարակներով են հիվանդացած եղել, եւ դրանցում մի շարք բացթողումներ ու խնդիրներ ենք ի հայտ բերել։ Այդ ամենի մասին քննարկվել է օրեր առաջ կայացած գիտագործնական կոնֆերնասի ժամանակ։ Մեր բժիշկներին եւս մեկ անգամ ավելի մասնագիտորեն ներկայացվեցին այդ խնդիրները, եւ կոչ արեցինք նրանց ավելի զգոն լինել»,–ասաց Կամսար Բաբինյանը։
Գնված սարքավորումները՝ պուլսօքսիմետրերը եւ ինհալատոր—նեյբուլայզերները ներդրվելու են Երեւանի քաղաքապետարանի ենթակայության տակ ներառված 50 ամբուլատոր օղակներում, որոնց միջոցով շատ երեխաներ կկարողանան ինհալացիոն թերապիա ստանալ, հնարավոր կլինի առաջնային բուժօգնություն կազմակերպել՝ զգալիորեն թեթեւացնելով երեխայի շնչառական վիճակը։
Այս սարքավորումների գործածումը զերծ կպահի սուր շնչառական վարակներով հիվանդ երեխաներին հետագա բարդություններից եւ էապես կկրճատի ծանր վիճակով հոսպիտալացվող երեխաների թիվը։ Կամսար Բաբինյանը նկատեց, որ նախորդ տարի այս ժամանակաշրջանում սուր շնչառական վարակներով հոսպիտալացման եւ դիմելիության մեծ հոսք է եղել բուժհաստատություններում, ինչն էլ նոր միջոցառումներ ձեռնարկելու անհրաժեշտություն է առաջացրել։ Նոր սարքավորումները պոլիկլինիկաներում թույլ կտան կազմակերպել ինչպես բուժման թերապիա, այնպես էլ ճշգրտորեն գնահատել երեխայի առողջական վիճակը՝ թթվածնի հագեցվածության մակարդակը, սրտի աշխատանքը՝ լրացուցիչ ազդակ հաղորդելով բժիշկներին ճշգրիտ ախտորոշման համար։
Իսկ մասնագետները, ինչպես միշտ, նշում են, որ սուր շնչառական վարակները սովորաբար անցնում են առանց լրացուցիչ բուժման, միայն համապատասխան խնամքի օգնությամբ։ Մարդու օրգանիզմը մեկ կամ առավելագույնը երկու շաբաթում ունակ է գործի դնել վիրուսի դեմ պաշտպանիչ սեփական մեխանիզմները եւ վերականգնել ֆունկցիաները, որոնք խախտվել էին վիրուսի հետեւանքով։
Անկողնային ռեժիմ, հանգիստ քուն եւ շատ հեղուկ (ավելի լավ է մրգային հյութ կամ օշարակ)՝ օգտակար են օրգանիզմի համար եւ կարող են նպաստել շուտ ապաքինմանը։

25-10-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO