Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.07.2020
ՄԱՐԶԵՐ


Գեղեցկությունը բարություն ու հույս է սերում

Շնորհավո՛ր տոնդ, նորոգման անկասելի ուղին բռնած մեր Վանաձո՛ր

Քանի օր է՝ իշխողն այս քաղաքում անօրինակ ժպիտն է։ Տեւական ժպիտ կա ոչ միայն գունեղ ջրաղիթերի բարձրաթիռ ճախրին խառնված՝ կրծքից շատրվանող մանկանց ճիչերի եւ նրանց լուսե հայացքների մեջ։ Անսովոր բերկրությամբ են ճչում բոլորի հոգիները։ Ժպտում են այս օրերին մարդիկ, ծառերը, փողոցները, շենքերը։ Եվ ժպտալով իր լայնահուն գիրկն է բանում այս ժպտառատ աշխարհի առաջ Հայքի հրապարակը....
Եվ հիշում եմ։ Նախքան երկրաշարժը, թեեւ պարզուկ շատրվաններով, բայց նույն վեհությունն ուներ օտար անվանմամբ քաղաքիս այս նույն օտարանուն հրապարակը, որը շրջափակող կոթողային շենքերի կամարներին ու սյունաշարերին նաեւ Թամանյանի կնիքը կա։ Քաղաք էր՝ այդ տարիների սովորական հունով զարգացող, բազմամարդ, պաշտոնական տվյալներով՝ 180.000, ոչ պաշտոնականով (իրական)՝ 220.000 բնակչությամբ։ Ուներ այդ կարգի քաղաքներին հատուկ մշակութային օջախներ՝ մշակույթի պալատ—հուշարձան (երկրաշարժից հետո մեր Ազնավուրի սատարումով նորոգվեց եւ նրա անունն է կրում հիմա), թատրոն, վեց կինոթատրոն, պատկերասրահ, թանգարաններ, տասնյակ մանկապարտեզներ ու դպրոցներ, երեք հրաշալի զբոսայգի՝ կարուսելներով ու ճոճանակներով, իսկ կենտրոնական զբոսայգու «սատանի անիվն» ամենաբարձրն էր Հայաստանում։ Քաղաքն ուներ ճոպանուղի, որ հասնում էր Մայմեխ լեռան լանջն ի վեր եւ պիտի շարունակվեր մինչեւ լեռնագագաթ՝ միանալով ու ընդհանուր երթուղի ապահովելով Ծաղկաձորի ճոպանուղու հետ։ Քաղաքի Վանաձոր բարձրադիր թաղամասի ամենաբարձր կետերում զբոսաշրջիկների հանգստյան տունն էր, գրեթե տասնյակի հասնող ճամբարները՝ ողջ ամառ դպրոցականների ղողանջով ողողված, ու նաեւ բուսաբանական այգին։ Ամենից գողտրիկ վայրերից մեկը Շահումյանի հրապարակի հարեւանությամբ մի կողմում՝ մի լիճն էր՝ բարձր ու գեղանի ուռենիների շերտավարագույրներով եզրափակված, որտեղ լողափ էր, մեկ էլ՝ թիանավեր, մյուս կողմում՝ մեկից մյուսը թափվող ու լցվող երեք աննման լճեր, որոնցից մեկում եւս հանգստի գոտի էր՝ թինավերով եւ տարբեր պարագաներով ու հարմարություններով։ Բազմաթիվ էին սրճարանները, որոնցից ամենագրավիչն ու մարդաշատը բացօթյաներն էին։ Դե, իսկ քաղաքը բոլորափակող սարերն ու գանգրախիտ անտառները ժամանցի եւ սիրահարների հանդիպման տիրույթներ էին։
Երկրաշարժը, սակայն, ոչ միայն մարդկային կյանքեր խլեց, այլեւ փակեց քաղաքի բնականոն շնչառությունը։ Անտերության պայմաններում, ինչպես ժողովուրդն էր դառնորեն հեգնում, երկրաշարժը ոմանց համար եկամտաշարժի լայն դռներ բացեց։ Շատ արագ մետաղակույտի վերածվեցին ու որպես ջարդոն վաճառվեցին երբեմնի կարուսելները, տասնյակ ու տասնյակ գործարանների հարյուրավոր հաստոցներ...
Եվ երեսնամյա այս մղձավանջից հետո առաջին անգամ համընդհանուր բերկրանքի հնարավորություն ունեն վանաձորցիները, որովհետեւ կենսական վայելքի՝ իրենցից կողոպտված տարրական իրավունքին տեր դառնալու հուսո նշույլ է թրթռում հոգիներում, հանրությանը մարդկայնորեն միաձուլվելու տասնամյակների տանջված կարոտն է վերարթնանում ու մարմնավորվում նրանց ներսում։
Վայելե՛ք այս հրաշք հրապարակի երաժշտական գունաշիթերը, իմ տառապա՛ծ համաքաղաքացիներ։ Ձեր՝ անկեղծ մանկականությամբ զուլալված հոգիների հրճվանքը թող թվարկածս տեսարժան վայրերը վերադարձնելու բազմապատկված նոր հույս արթնացնի ձեր մեջ, բարությամբ ու վսեմով ապրել—արարելու անբեկանելի՛ հույս...
Շնորհավո՛ր տոնդ, նորոգման անկասելի ուղին բռնած մեր Վանաձո՛ր։
Դավիթ ԳՅՈՒԼԶԱԴՅԱՆ

26-10-2019





14-07-2020
Բարձր դրույքաչափով մաքսատուրք վճարածը կկարողանա հետ ստանալ ավելի փոխանցած գումարը
Հունիսի 12-ից ուժի մեջ մտած որոշումը հետադարձ ուժ ...


14-07-2020
Հանրակրթության նոր չափորոշիչներով առաջնայնություն է տրվում կրթության բովանդակությանը
Տարրական դասարաններում մեկական շաբաթով կերկարացվեն գարնանային եւ աշնանային ...


14-07-2020
Հայաստանում հաստատվել է COVID-19-ի 339 նոր դեպք․ ապաքինվել է 864, մահացել 8 քաղաքացի
Հայաստանում հուլիսի 14-ին հաստատվել է կորոնավիրուսային հիվանդության ընդհանուր ...


14-07-2020
Ես արարում եմ, որովհետեւ տեսել եմ, թե ինչպես է արարում Հայրը
Ճշմարիտ, ճշմարիտ ասում եմ ձեզ, թէ Որդին իրանից կարող ...


14-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
Նոյեմբերի 23-ին Փարիզի Հայկական մշակույթի տանը կայացավ գրքիս ...


14-07-2020
Մայթեզրերն ավտոշուկա, վարձույթի շուկա կազմակերպելու համար չեն
Հարցը կկարգավորվի օրենսդրական նախաձեռնությամբ

Օրենսդրորեն սահմանվելու են տրանսպորտային ...


14-07-2020
Էռնեստ Հեմինգուեյ
Երջանկության եւ ողբերգության առասպելը

1961 թ. հուլիսի 2-ին ...



14-07-2020
Իսկը «թուրքեցի» սպանություններ
«Գթասրտություն դրսեւորելու կարիք չկա։ ...

14-07-2020
«Գ. Գաբրիելյանը հայ մանկագրության մեջ իր հավասարը չունի...»
Նա բարձրացրել է ժանրը՝ հասցնելով ...

14-07-2020
Համարակալված կենդանիները նաեւ անձնագիր կունենան
Խթանվում է խոշոր եղջերավոր անասունների ...

14-07-2020
Հայաստանի հավաքականը 1/8 եզրափակիչում
Հայաստանի տղամարդկանց ազգային հավաքականը, ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO