Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ԱՌՈՂՋԱՊԱՀՈՒԹՅՈՒՆ


Հիշենք, որ ինչ-որ մեկը մեր արյան կարիքն ունի

Արյունաբանական կենտրոնի մասնագետները տիրապետում են բուժման նորագույն մեթոդներին ու ձեւերին

Թամարա ՄՈՒՐԱԴՅԱՆ
t.muradyan@hhpress.am


Արյան հիվանդության տարածվածությունը Հայաստանում միջազգային վիճակագրական միջին տվյալներին համապատասխան է։ Շրջանառվող տեղեկատվությունը, թե այդ առումով մեր երկիրն առաջին տեղում է, իրականությանը չի համապատասխանում։
Ռ. Յոլյանի անվան արյունաբանական կենտրոնի տնօրեն, ՀՀ առողջապահության նախարարության գլխավոր արյունաբան, բժշկական գիտությունների թեկնածու, դոցենտ Սամվել Դանիելյանը «ՀՀ»—ի հետ զրույցում ընդգծեց. «Արյան եւ չարորակ այլ հիվանդություններով տառապող մարդկանց թիվը միջազգային ցուցանիշների շրջանակում է։ Տարվա ընթացքում մանուկների մոտ չարորակ հիվանդությունների թիվը մոտավորապես մոտենում է 100—ի, իսկ չափահաս մարդկանց շրջանում՝ 400—ի»։
Մասնագետը նշում է, որ հիվանդացությունը ինչպես մեծահասակների, այնպես էլ երեխաների շրջանում 3 հիմնական պատճառ ունի՝ ֆիզիկական, քիմիական եւ կենսաբանական ուռուցքածին գործոններ։ Այդ հարցում նաեւ գենետիկան իր նշանակությունն ունի։ Նպաստող գործոններից էլ կարող է լինել ծխախոտը, ինչպես նաեւ՝ շատակերությունը, գիրությունը, նստակյաց կյանքը, շարժունակության սահմանափակումը եւ այլն։ Քաղցկեղով հիվանդանալու հավանականությունը մեծանում է նաեւ տարիքի մեծացմանը զուգահեռ։
«Երկար ապրելը լավ բան է, բայց շատ ավելի լավ է առողջ ապրելը»,–բարձրաձայնում է հանրապետության գլխավոր արյունաբանը՝ ընդգծելով, որ հիվանդության բուժման հարցում հաջողությունը պայմանավորված է ախտորոշման փուլով։ Լեյկեմիաների դեպքում, ճիշտ է, վաղ ախտորոշումն այդքան էլ մեծ նշանակություն չունի, բայց, օրինակ, տեղակայված ուռուցքների դեպքում շատ կարեւոր նշանակությունի ունի։ Ահա թե ինչու՝ անգամ կատարյալ առողջ լինելու դեպքում, մեր զրուցակիցը բարձրաձայնում է, 45—50 տարեկանից հետո մարդը պարտավոր է դիմել տարբեր հետազոտությունների։ Այդ դեպքում ապրելիության հավանականությունն ավելի մեծ է, հատկապես որ հայ մասնագետները չեն զիջում «դրսի» բժիշկներին։
«Անցել են այն ժամանակները, երբ անգլիացի կամ հոլանդացի բժիշկը որեւէ բանից տեղեկություն էր ունենում, որից անտեղյակ էր հայ բժիշկը։ Այն այցերի աշխարհագրությունը եւ ինտենսիվությունը, որը կա մեր կենտրոնում, իսպառ զրկում է մեզ անտեղյակ մնալու «հնարավորությունից»։ Միջազգային ծրագրերի շնորհիվ է նաեւ, որ կենտրոնում լավ արդյունքներ են արձանագրվում»,–ասում է արյունաբանական կենտրոնի տնօրենը։
Տնօրենը պատմեց, որ պատահում է՝ հիվանդը նույնիսկ տեղյակ չի էլ լինում, թե ինչպիսի ժամանակակից եւ նորագույն մեթոդներով է բուժվում, ընդ որում՝ երեխաները եւ մինչեւ 25 տարեկան բոլոր հիվանդները՝ գրեթե անվճար։
Արյունաբանականում հաջողությամբ շարունակվում են նաեւ ոսկրածուծի փոխպատվաստման ուղղությամբ աշխատանքները։ Առաջիկայի համար ծրագրում են դոնորից ոսկրածուծի պատվաստում հիվանդին։ «Դա ավելի բարդ է, աշխատատար ու ծախսատար։ Բայց ձգտում ենք դրան։ Կարծում եմ՝ ժամանակ է պետք, մեկ կամ երկու տարի»,–նշեց տնօրենը՝ ավելացնելով, որ կենտրոնն անընդհատ դինամիկորեն զարգանում է։ Իսկ այդ զարգացումն իր պտուղներն է բերում հիվանդների համար, ինչպես, օրինակ՝ «Սիթի օֆ Սմայլ / Ժպիտների քաղաք» բարեգործական հիմնադրամի հետ համագործակցությունը։
Ս. Դանիելյանը հավատացնում է, որ առանց հիմնադրամի գործնականում անհնար կլիներ մանուկների ու երիտասարդների բուժումը կատարյալ եւ լիարժեք կազմակերպել. «Բժշկությունն աստիճանաբար թանկանում է։ Այսօր մելանոմա կոչվող չարորակ նորագոյացությունը բուժվում է համեմատաբար նորահայտ դեղամիջոցով, որի դեպքում մեկ հիվանդի համար պահանջվում է մեկ միլիոն դոլար։ Աստիճանաբար նոր մեթոդներ ու միջոցներ են ի հայտ գալիս, եւ բնական է, որ առանց նմանօրինակ ֆոնդերի անհնար կլիներ աշխատել»։
«Ժպիտների քաղաք» բարեգործական հիմնադրամի գործադիր տնօրեն Էսթեր Դեմիրճյանը տեղեկացրեց, որ հիմնադրամում այս պահին գրանցված է շուրջ 240 շահառու։ Այս տարի 130—140 նոր դիմում ունեն։ Իսկ առողջացման դեպքերին վերաբերող հարցին ի պատասխան՝ նշեց, որ քաղցկեղի դեպքում առողջացումը «դժվար» արտահայտություն է. «Քաղցկեղի դեպքում խոսվում է նահանջի մասին, ոչ թե ամբողջական առողջացման։ Վերջնական բուժման մասին խոսում ենք միայն 6—7 տարի հետո, իսկ մեր հիմնադրամը ավելի քան մեկ տարի է՝ գործում է։ Առողջացման դեպքեր ունենք, երբ ավելի վաղ են ախտորոշվել եւ բուժում սկսել։ Այդպիսի 30—35 բուժման դեպք ունենք։ Ցավոք, պատահում է, որ երեխաների մոտ նահանջային շրջան է լինում, բայց հիվանդությունը մեկ կամ երկու տարի հետո կրկնվում է»։
«Պետք է նշեմ, որ մենք սկսել ենք 3 տոկոս առողջացումից։ Հիմա արդեն ունենք 70—75 տոկոս կատարյալ առողջացում։ Դա մեծ թիվ է։ Գերմանական ծրագրերի ներդրումից հետո ավելի քան 1000 երեխա կատարյալ առողջացել է, ամուսնացել, երեխաներ ունեցել»,–ներկայացրեց արյունաբանական կենտրոնի տնօրենը՝ ընդգծելով, որ հայ բժիշկները ձգտում են հասնել արեւմտյան արդյունավետությանը։
Իսկ թե կգա՞ ժամանակ, երբ քաղցկեղը լիարժեքորեն կբուժվի, Սամվել Դանիելյանը պատասխանում է, որ չի կարծում՝ գա այնպիսի ժամանակ, երբ քաղցկեղ ախտորոշումը շատ ծանր տագնապներ չառաջացնի մարդկանց մոտ։ Եվ քանի դեռ իրավիճակն այդպիսին է, կարեւոր նշանակություն ունի դոնորությունը։ «Ամենակարեւոր բանը, որն ուզում եմ փոխանցել՝ եկեք, արյուն հանձնեք, ժողովուրդ։ Արյունն արհեստականորեն չի կարող ստեղծվել, օդից չի կարող գալ։ Մենք ինչ—որ մեկից պետք է արյուն վերցնենք, որպեսզի կարողանանք ամբողջ հանրապետությանն ապահովել արյունով»,–բարձրաձայնեց նա՝ շեշտելով, որ արյուն տալով՝ մեր քրիստոնեական պարտքն ենք կատարում այն մարդկանց նկատմամբ, որոնց հանդեպ ճակատագիրն ավելի ժլատ է եղել առողջության հարցում։

31-10-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO