Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.07.2020
ՏՆՏԵՍՈՒԹՅՈՒՆ


Գյուղատնտեսության ոլորտի իրական գույքագրումն առաջնահերթություն է

Վիճակագրական տվյալների հավաքագրման մեթոդաբանությունը եւս հստակեցման կարիք ունի

Լուսինե ՄԽԻԹԱՐՅԱՆ
l.mkhitaryan@hhpress.am


Կառավարությունը շուրջ մեկ տարի առաջ սկսել է նոր ռազմավարություն մշակել գյուղատնտեսության ոլորտում։ Ներկայում քննարկումներ են ընթանում գերատեսչություններում եւ փորձագիտական շրջանակներում ռազմավարության շուրջ։
ՀՀ էկոնոմիկայի նախարարի տեղակալ Արտակ Քամալյանը Ազգային ժողովում «2020 թվականի պետական բյուջեի մասին» ՀՀ օրենքի նախագծի նախնական քննարկումների ժամանակ նշել էր, որ ընտրել են 7 առաջնահերթություն՝ գյուղոլորտում մրցակցության եւ արդյունավետության բարձրացումը, սննդի անվտանգության բարձրացումը, պարենային անվտանգության բարելավումը, տեղական շուկաների զարգացումը եւ արտահանման հնարավորությունների խթանումը, թվային գյուղատնտեսության զարգացումը, գյուղական համայնքների զարգացումը, ինչպես նաեւ ինստիտուցիոնալ եւ մարդկային կարողությունների զարգացումը։
Էկոնոմիկայի նախարարությանը նախատեսվում է հատկացնել 33.2 մլրդ դրամ, որից 19.2 մլրդ դրամը՝ գյուղոլորտի 7 ծրագրի եւ 47 միջոցառման իրականացման համար։ Այդ գումարից 7.6 մլրդ դրամը արտաքին աղբյուրներից ստացվող վարկային եւ դրամաշնորհային միջոցներ են։ Նշենք, որ գյուղոլորտին հատկացված գումարը շուրջ մեկ միլիարդով ավելի է այս տարվա ֆինանսական հատկացումներից։ 2011—2017 թթ. տվյալներով գյուղատնտեսությունն ապահովել է երկրի համախառն ներքին արդյունքի շուրջ 17,6 տոկոսը։ Ներկայումս գործում է շուրջ 320 հազար գյուղացիական տնտեսություն։
ԱԺ տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի նախագահի տեղակալ Սերգեյ Բարգրատյանը «ՀՀ»—ի հետ զրույցում նշեց, որ գյուղատնտեսության ոլորտում 4.8 տոկոս ցուցանիշի անկումը տարակուսանք է առաջացնում եւ խնդրահարույց է, որովհետեւ վիճակագրական տվյալներն այնքան էլ հստակ չեն։ «ՀՀ վարչապետն այդ անկումը խաղողագործությամբ էր պայմանավորել. տարիներ շարունակ Հայաստան էր ներկրվում սպիրտ, եւ որպեսզի ներկայացվեր, թե այն արտադրվել է մեր երկրում, ցույց էին տալիս խաղողի ավելի շատ մթերում, քան կար իրականում։ 2017—ի վերջում օրենսդրական փոփոխություն կատարվեց, բարձրացվեց մաքսատուրքը, սպիրտի ներկրումն այլեւս ձեռնտու չէր, եւ այն դադարեց։ Այդ փաստով պայմանավորված 2018—ի անկումը բնական ենք համարում, սակայն այս տարի անկումը չէր կարող շարունակվել, հետեւաբար, այստեղ որոշակի մեթոդաբանական սխալ կա, եւ պետք է վիճակագրական վարչության ներկայացրած թվերը նորից վերհանել»,–մանրամասնեց պատգամավորը։
Այսպիսով, գյուղատնտեսության ոլորտում առաջնային խնդիրներից է դառնում արտադրանքի ծավալների ճիշտ գույքագրումը։ Տարիներ շարունակ հաջորդ տարվա տվյալները հաշվարկվել են որոշակի փոքրիկ աճ ցույց տալով՝ առանց իրական հաշվառման։ Հաշվի առնելով այն հանգամանքը, որ բյուջետային հատկացումներն արվում են ըստ ծրագրերի, այս պարագայում նույնպես անհրաժեշտություն է դառնում գյուղոլորտի գույքագրումը։ Օրինակ՝ պատվաստելու համար եւ առավել բարձր արդյունավետություն գրանցելու համար պետք է անասունների ճշգրիտ հաշվառում անցկացվի։ «Արդեն ժամանակն է, որ իրական հաշվառում իրականացվի, գույքագրվի գյուղատնտեսության ամբողջ ծավալը եւ այդ կետից սկսած՝ արդեն հստակ թվեր կունենանք քաղաքականությունը մշակելու համար»,–նշեց պատգամավորը։ Բյուջետային քննարկման ժամանակ մարզպետները նույնպես նշել են, որ ոչ իրական տվյալներ են ուղարկվում վիճակագրական վարչություն, հետեւաբար, այդ իմաստով դեռ շատ անելիքներ կան։
Նման իրավիճակը որպեսզի չկրկնվի, ԱԺ համապատասխան հանձնաժողովում նախատեսում են ստեղծել ենթահանձնաժողով, որը կզբաղվի գույքագրման եւ գյուղատնտեսական այլ հարցերի քննարկմամբ։ «Վիճակագրական տվյալների ճշգրտության խնդիր ունենք տարբեր ոլորտներում։ Չի կարելի այլեւս սիրողական մակարդակում գյուղատնտեսություն զարգացնել։ Մեր նպատակն է սիրողականից անցում կատարել պրոֆեսիոնալ մակարդակ։ Ենթահանձնաժողովը կհամակարգի այդ աշխատանքների ընթացքը, կունենանք հստակ օրակարգ, ժամանակացույց։ Արդյունքները կուղարկենք կառավարություն, որտեղ գյուղատնտեսության ոլորտը համակարգող հատվածը կկարողանա մինչեւ տարեվերջ աշխատել։ Մեր նպատակն է սիրողական գյուղատնտեսությունից անցում կատարել պրոֆեսիոնալ մոտեցման»,–ասաց նա։
21—րդ դարի, այլ կերպ ասած՝ ժամանակակից հնարավորությունների եւ տեխնոլոգիաների վրա հիմնված գյուղատնտեսություն ունենալու համար միայն կառավարության կողմից իրականացվող ծրագրերն ու նախաձեռնությունները բավարար չեն։ Մեծ անելիք կա նաեւ գյուղացիներին անհրաժեշտ գիտելիքներով զինելու, գյուղական համայնքները զարգացնելու մասով։ Ցավոք, իրավագիտակցությունը, նոր տեխնոլոգիաների եւ նոր մոտեցումների հանդեպ թերահավատությունը երբեմն խանգարում են առավելագույն արդյունքներ գրանցելու համար։ «Արդյունքում թղթի վրա են մնում շատ ծրագրեր, քանի որ այն մարդը, որը պետք է կյանքի կոչի դրանք, բավարար չափով տեղյակ չէ, հետեւաբար պատրաստ չէ ներկայացված ծրագիրն արդյունավետ իրականացնել»,–նկատեց զրուցակիցս։

31-10-2019





14-07-2020
Բարձր դրույքաչափով մաքսատուրք վճարածը կկարողանա հետ ստանալ ավելի փոխանցած գումարը
Հունիսի 12-ից ուժի մեջ մտած որոշումը հետադարձ ուժ ...


14-07-2020
Հանրակրթության նոր չափորոշիչներով առաջնայնություն է տրվում կրթության բովանդակությանը
Տարրական դասարաններում մեկական շաբաթով կերկարացվեն գարնանային եւ աշնանային ...


14-07-2020
Հայաստանում հաստատվել է COVID-19-ի 339 նոր դեպք․ ապաքինվել է 864, մահացել 8 քաղաքացի
Հայաստանում հուլիսի 14-ին հաստատվել է կորոնավիրուսային հիվանդության ընդհանուր ...


14-07-2020
Ես արարում եմ, որովհետեւ տեսել եմ, թե ինչպես է արարում Հայրը
Ճշմարիտ, ճշմարիտ ասում եմ ձեզ, թէ Որդին իրանից կարող ...


14-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
Նոյեմբերի 23-ին Փարիզի Հայկական մշակույթի տանը կայացավ գրքիս ...


14-07-2020
Մայթեզրերն ավտոշուկա, վարձույթի շուկա կազմակերպելու համար չեն
Հարցը կկարգավորվի օրենսդրական նախաձեռնությամբ

Օրենսդրորեն սահմանվելու են տրանսպորտային ...


14-07-2020
Էռնեստ Հեմինգուեյ
Երջանկության եւ ողբերգության առասպելը

1961 թ. հուլիսի 2-ին ...



14-07-2020
Իսկը «թուրքեցի» սպանություններ
«Գթասրտություն դրսեւորելու կարիք չկա։ ...

14-07-2020
«Գ. Գաբրիելյանը հայ մանկագրության մեջ իր հավասարը չունի...»
Նա բարձրացրել է ժանրը՝ հասցնելով ...

14-07-2020
Համարակալված կենդանիները նաեւ անձնագիր կունենան
Խթանվում է խոշոր եղջերավոր անասունների ...

14-07-2020
Հայաստանի հավաքականը 1/8 եզրափակիչում
Հայաստանի տղամարդկանց ազգային հավաքականը, ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO