Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.07.2020
ԿՐԹՈՒԹՅՈՒՆ


Այստեղ պատանիներն են զարգանում

Ուղղությունը՝ ժամանակակից ինժեներիա, ծրագրավորում, ռոբոտաշինություն

Լիանա ՍԱՐԳՍՅԱՆ
l.sargsyan@hhpress.am


Ջավախքում բացվում է թվով 4-րդ «ԱրՄաթ» ինժեներական լաբորատորիան։ Անշուշտ, ինժեներական լաբորատորիաների հիմնումը պարզապես արտադպրոցական պարապմունքների հնարավորություն չէ։ Այս ծրագրի շնորհիվ տարածաշրջանի երեխաների առջեւ իր դռներն է բացում ժամանակակից տեխնոլոգիաների եւ գիտության աշխարհը։ Ծրագիրը հնարավորություն է տալիս դպրոցական դասերին զուգահեռ սովորել ժամանակակից ինժեներիա, ծրագրավորում, ռոբոտաշինություն։
«ԱրՄաթ»—ների հիմնման ծրագիրը Ջավախքում իրականացնում է «Ջավախքին աջակցություն» հիմնադրամը՝ Առաջատար տեխնոլոգիաների ձեռնարկությունների միության հետ համագործակցությամբ։
«Սա Ջավախքում բացվող 4—րդ «ԱրՄաթ» ինժեներական լաբորատորիան է։ «ԱրՄաթ» լաբորատորիաները Ջավախքում շատ մեծ արդյունքներ են տալիս, նախորդ երեքում բավական մեծ արդյունքներ ենք գրանցել։ Ջավախքը լեռնային շրջան է, եւ այնտեղ ապրող մեր պատանիների մաթեմատիկական ունակությունները բավական բարձր են։ Ախալքալաքում մոտ 100 սան ունենք, որ հիմա այս պահին սովորում են։ Նույնիսկ փոքր գյուղերի աշակերտներն են այցելում լաբորատորիա։ Բոլորն էլ մաթեմատիկական հակումներ ունեն, եւ երեւում է, թե որքան սիրով են այցելում դասերին»,–«ՀՀ»—ի հետ զրույցում ասաց «Ջավախքին աջակցություն» հիմնադրամի գործադիր տնօրեն Սամվել Մկոյանը։
«ԱրՄաթ» լաբորատորիաները, ըստ նրա, երեխաների  մակարդակը բարձրացնելու համար, թերեւս, լավագույն միջոցներն են։
Մկոյանի խոսքով՝ նրանց առջեւ բացվում է ծրագրավորման մի աշխարհ, որտեղ կարող են, «ԱրՄաթը» հաջողությամբ ավարտելուց եւ փոքր մասնագիտական ծրագրավորման դասընթացներ անցնելուց հետո, անմիջապես աշխատել՝ առանց բարձրագույն կրթություն ստանալու. «Կարող են նույնիսկ Ամերիկայից պատվերներ ստանալ եւ արտագաղթելու միտքն ընդհանրապես հանել իրենց մտքից»։ Եթե Հայաստանում «ԱրՄաթն» իրականացվում է միայն «Առաջատար տեխնոլոգիաների ձեռնարկությունների միության» կողմից, ապա Ջավախքում նրանք աշխատում են համատեղ։ Համատեղ են իրականացնում նաեւ լաբորատորիաների վերահսկողությունը՝ փորձելով հնարավորինս արդյունավետ միջոցներ կիրառել՝ երեխաների մակարդակը բարձրացնելու ուղղությամբ։
«ԱրՄաթ»—ները նախատեսված են պատանիների համար։ Նրանք, բնականաբար, մրցունակ են, սակայն պետք է նկատել, որ լաբորատորիաներում պրոֆեսիոնալ ծրագրավորում չի դասավանդվում, քանի որ նրանք այստեղ նախեւառաջ սովորում են, թե ինչ ասել է ռոբոտաշինություն, ծրագրավորում։ Ախալքալաքում, երբ նոր էինք բացել լաբորատորիա, մեր այստեղի սանը Հայաստանում տեղի ունեցած ճամբարում գրավեց առաջին տեղը՝ իր հեռախոսային հավելվածի գաղափարով։ Հիմա փորձում է այդ գաղափարը իրականություն դարձնել»,–հպարտությամբ նշեց Մկոյանը։ Նա նաեւ ասաց, որ թեեւ ընդունելության ժամանակ գրանցվում են 100—150—ից ավելի երեխաներ, այդուհանդերձ, նրանց թիվը հետագայում կրճատվում է հասկանալի պատճառներով։
«Սկզբում բոլորին հետաքրքիր է «ԱրՄաթը», բայց հետագայում, երբ հասկանում են, որ ռոբոտաշինությունը իրենցը չէ, հեռանում են, եւ արդյունքում մնում են այն մարդիկ, ովքեր ուզում են իրենց ապագան կապել տեղեկատվական տեխնոլոգիաների աշխարհի հետ»,—նկատեց «Ջավախքին աջակցություն» հիմնադրամի գործադիր տնօրենը։ «ԱրՄաթները», ինչպես արդեն նշեցինք, նախատեսված են պատանիների, դպրոցահասակների համար։ Այստեղ կարող են սովորել տասը տարեկանից սկսած՝ մինչեւ դպրոցն ավարտելը։
4—րդ «ԱրՄաթի» բացման արարողությունը, որ տեղի է ունենալու այսօր, ներկա են լինելու «Ջավախքին աջակցություն» հիմնադրամի (ՋԱՀ), «Հրայր եւ Աննա Հովնանյան» հիմնադրամի, Առաջատար տեխնոլոգիաների ձեռնարկությունների միության (ԱՏՁՄ) պատվիրակությունները, Հայաստանից ու Վրաստանից բարձրաստիճան պաշտոնյաներ, խորհրդարանների պատգամավորներ, տեղական իշխանությունների ներկայացուցիչներ, հոգեւոր դասի ներկայացուցիչներ, գործարարներ, մտավորականներ եւ ԶԼՄ ներկայացուցիչներ։ Բացման արարողության ժամանակ իրենց աշխատանքները կներկայացնեն Ջավախքի «ԱրՄաթ» լաբորատորիաների սաները։ Ի դեպ, Ախալցխայում բացվող 4–d «ԱրՄաթ» ինժեներական լաբորատորիայի հիմնման ծրագիրը ֆինանսավորել է «Հրայր եւ Աննա Հովնանյան» հիմնադրամը։

02-11-2019





14-07-2020
Բարձր դրույքաչափով մաքսատուրք վճարածը կկարողանա հետ ստանալ ավելի փոխանցած գումարը
Հունիսի 12-ից ուժի մեջ մտած որոշումը հետադարձ ուժ ...


14-07-2020
Հանրակրթության նոր չափորոշիչներով առաջնայնություն է տրվում կրթության բովանդակությանը
Տարրական դասարաններում մեկական շաբաթով կերկարացվեն գարնանային եւ աշնանային ...


14-07-2020
Հայաստանում հաստատվել է COVID-19-ի 339 նոր դեպք․ ապաքինվել է 864, մահացել 8 քաղաքացի
Հայաստանում հուլիսի 14-ին հաստատվել է կորոնավիրուսային հիվանդության ընդհանուր ...


14-07-2020
Ես արարում եմ, որովհետեւ տեսել եմ, թե ինչպես է արարում Հայրը
Ճշմարիտ, ճշմարիտ ասում եմ ձեզ, թէ Որդին իրանից կարող ...


14-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
Նոյեմբերի 23-ին Փարիզի Հայկական մշակույթի տանը կայացավ գրքիս ...


14-07-2020
Մայթեզրերն ավտոշուկա, վարձույթի շուկա կազմակերպելու համար չեն
Հարցը կկարգավորվի օրենսդրական նախաձեռնությամբ

Օրենսդրորեն սահմանվելու են տրանսպորտային ...


14-07-2020
Էռնեստ Հեմինգուեյ
Երջանկության եւ ողբերգության առասպելը

1961 թ. հուլիսի 2-ին ...



14-07-2020
Իսկը «թուրքեցի» սպանություններ
«Գթասրտություն դրսեւորելու կարիք չկա։ ...

14-07-2020
«Գ. Գաբրիելյանը հայ մանկագրության մեջ իր հավասարը չունի...»
Նա բարձրացրել է ժանրը՝ հասցնելով ...

14-07-2020
Համարակալված կենդանիները նաեւ անձնագիր կունենան
Խթանվում է խոշոր եղջերավոր անասունների ...

14-07-2020
Հայաստանի հավաքականը 1/8 եզրափակիչում
Հայաստանի տղամարդկանց ազգային հավաքականը, ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO