Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.11.2019
ՄՇԱԿՈՒՅԹ


Մեծ Հայաստանի «որակյալ» քաղաքացիները

Ի՞նչ են նկարել Համահայկական 9-րդ մանկապատանեկան նկարչական մրցույթ-փառատոնի մասնակիցները

Լիանա ՍԱՐԳՍՅԱՆ
l.sargsyan@hhpress.am


«Մերիդիան էքսպո կենտրոնի» ընդարձակ ցուցասրահում Համահայկական 9-րդ մանկապատանեկան նկարչական մրցույթ-փառատոնի մասնակիցների աշխատանքներն են։ Այս տարվա մրցույթ-փառատոնը «Իմ Սարյանը» խորագիրն է կրում, բայց եթե անգամ ծանոթ էլ չլինես մրցույթի թեմատիկային, անմիջապես գլխի կընկնես՝ ասելիքը Սարյանն է։ 20—րդ դարի հայ մեծագույն նկարչի «շունչը» զգացվում է բոլոր աշխատանքներում՝ գույնի եւ պատկերի ներդաշնակ համադրությամբ։
Սա մեր մշակութային իրականության մեջ պարզապես հերթական ցուցահանդես չէ։ Այստեղ իրենց աշխատանքներն են ցուցադրում Հայաստանի, սփյուռքի արվեստի եւ հանրակրթական դպրոցների սաները։ Երեւակայական փոքրիկ մոնստրիկների գլխավերեւում սարյանական աղավնիներն են՝ որպես չարի դեմ բարության խորհրդանիշ։ Նկարի տրամաբանության մեջ բարու եւ չարի պայքարն է, երբ պատմության վերջում բարին միշտ հաղթում է չարին։ 7—ամյա Մարկի աշխատանքն է, մայրն է այսպես մեկնաբանում։ Մարկից էլ եմ փորձում մեկնաբանություն լսել, հարցնում եմ՝ ինչո՞ւ ես նկարում, պատասխանում է՝ «որովհետեւ հիմա, այս տարիքում նկարելուց հա՛մ ձեռքդ է բացվում, հա՛մ, որ մեծանաս, ավելի սիրուն ես նկարելու։ Իմ կտավի մոնստրուհին Սլենդերինան է։ Վախենալու մուլտֆիլմի մեջի հերոսուհու կողքին Սարյանի աղունիկներն են։ Ես շատ եմ սիրում տենց վախենալու բաներ։ Երեք հատ աշխատանք ունեմ՝ փիսիկ, մոնստրներ եւ այս մուլտի հերոսը»։
Սարյանի թեմայով նկարելու միտքն այնքան էլ փոքրիկին չի ուրախացրել, անկեղծանում է՝ «դժվար էր, հազիվ նկարեցի»։ Գյումրիի հայորդաց տան սան 10—ամյա Արեն Մնոյանի՝ ծառ նկարելու միտքը խիստ անհատական որոշում է եղել։ Ասում է՝ վստահ էր, ծառն ամենասիրունը կլինի Սարյանի գույներով։ Սարյանական կարմիր գույնը շատ է սիրում, նկարի մեջ էլ գերակշռում է կարմիրը։ Սարյանի թեմայով ցուցահանդես մրցույթի առաջին անգամ էր մասնակցում։ Գիտի, որ մրցույթ—փառատոն է եւ բնավ չի բավարարվում «կարեւորը մասնակցությունն» է ձեւակերպումով։ Արենը հաղթանակի համար է մասնակցել։ Ներքին Գետաշենի ապագա արվեստագետը՝ 9—ամյա Ժասմինա Վահանյանը, սովորում է տեղի միջնակարգ դպրոցում։ Նկարչական տաղանդը Ժասմինայի մեջ բնատուր է։ Պատկերել է սարյանական մոտիվներով եկեղեցի, ուր այցելում են ինքն ու իր ընկերուհիները։ Ժասմինայի սերը նկարչության նկատմամբ, ինչպես մայրն է ասում, դեռ մանկուց է դրսեւորվել։ Մինչ իր հասակակիցները ազատ ժամանակը ժամանակակից տեխնիկական միջոցներով են լցնում, Ժասմինան նկարում է ու նկարում։
Ներքին Գետաշենի մեկ այլ տաղանդավոր գեղեցկուհի՝ 10—ամյա Էլեն Վահանյանը, ցուցահանդեսի արդեն երրորդ անգամ է մասնակցում, իսկ այս համահայկական մրցույթ—փառատոնին՝ առաջին։ Նկարել է գարնանային բնություն։ Էլենի կտավում Սարյանի «ձեռագիրը» երեւում է գույների համադրության մեջ։ Ինքն էլ, ինչպես Սարյանը, սիրում է նկարել հայկական լեռնաշխարհի չքնաղ բնությունը։ Ցանկությունն է՝ մեծ նկարիչ դառնալ։ Մարտիրոս Սարյանի թեման հոգեհարազատ է, երեւի հենց նրա համար, որ նկարիչներից հատկապես Սարյանին է շատ սիրում։ «Սկզբում չէի կողմնորոշվում ինչ նկարել, հետո հասկացա, որ բնությունն է ամենաճիշտը։ Երկու աշխատանք եմ մրցույթին ներկայացրել, որոնցից մեկում Գետաշենի ծառերը, բնությունն ու մրգերն եմ նկարել։ Երկրորդ դասարանից եմ նկարում, շատ եմ սիրում, չեմ կարող բացատրել, թե վրձինը ձեռքիս ինչ է զգում»,—անկեղծանում է Էլենը։ Իր աշխատանքներն առաջինը ցույց է տալիս նկարչության ուսուցչուհուն, ում հորդորով էլ մասնակցում է մրցույթ–փառատոնին։ Ակնկալում է, որ լավագույն աշխատանքների մեջ նաեւ իր նկարներից մեկը կներառեն։
Ներկայացված աշխատանքներից բոլորն էլ իրենց գույներով եւ պատկերներով հիացմունքի տեղիք էին տալիս։ Դրանց մեջ, սակայն, մի գործ կա, որ ո՛չ գույն ունի, ո՛չ էլ բնության պատկերներ. փայտի վրա մատիտով արված Սարյանի դիմանկարն է, որը պարզապես անհնար է չնկատել։ Հեղինակը Բյուրեղավանի Սամվել Վարդանյանի անվան ավագ դպրոցի աշակերտ 15—ամյա Հայկ Չլոյանն է։ Ասում է՝ ի սկզբանե գիտեր, որ փայտի վրա նկարելն ավելի յուրահատուկ ու գեղեցիկ կդիտվի, թեեւ ավելի դժվար է։ Բայց Սամվելը փայտի հետ վաղուց է «լեզու գտել», արդեն հմտացել է։ Վերջերս է սկսել Սարյանի նկարները նկարել, հիմա արդեն նկարիչն իրեն անչափ հարազատ է դարձել։ Նկարչությունը որպես մասնագիտություն չէ, որ ընտրել է, այն Սամվելի համար պարզապես հոբբի է, նախասիրություն։ Նոր բաներ տեսնելու եւ սովորելու ցանկությամբ է մրցույթ—փառատոնին մասնակցության հայտ ներկայացրել։ Բոլոր նկարներն էլ, ըստ իրեն, գաղափարական առումով յուրահատուկ են։ «Բայց ես հատկապես դիմանկարներ եմ շատ սիրում»,—նշեց մրցույթ—փառատոնի մասնակիցը։
Հիշեցնենք, որ համահայկական 9—րդ մանկապատանեկան մրցույթ—փառատոնն իրականացվում է ՀՀ կրթության, գիտության, մշակույթի եւ սպորտի նախարարության եւ Հենրիկ Իգիթյանի անվան գեղագիտության ազգային կենտրոնի նախաձեռնությամբ։ Այս տարի փառատոնին մոտ 800 աշխատանք էր ներկայացվել։ Արվեստաբան Հենրիկ Իգիթյանի եղբայրը՝ ճարտարապես Լեւոն Իգիթյանը, հիշում է՝ ինը տարի առաջ, երբ հանդես եկան մրցույթ—փառատոն անցկացնելու նախաձեռնությամբ, ոչ ոք չհավատաց, որ այն կարող է «միս ու արյուն» ստանալ։ Ասում է՝ ժամանակը ցույց տվեց, որ իրենց գործը ճիշտ էր։
«Բազմաթիվ երեխաներ են ծնվում հայկական լեռնաշխարհում, օտար երկրներում, մեր առաջին խնդիրն է նրանց կապել մայր հայրենիքի հետ, որպեսզի ապրեն մեր հոգեւոր խնդիրներով։ Ինչ—որ երկրների պետական ծրագրում մենք, որպես էթնոս, այսօր չպիտի լինեինք, բայց ինչպես տեսնում եք, կանք եւ դեռ երկար ճանապարհ պիտի անցնենք, որպեսզի նաեւ աշխարհին հիշեցնենք, որ հայկական լեռնաշխարհի տերը մենք ենք։ Այն երեխաները, որ մեր համակարգում են ընդգրկված, այս գաղափարախոսությամբ եւ հոգով են դաստիարակվում։ Մեր նպատակն է երեխաներին դարձնել մեծ Հայաստանի «որակյալ» քաղաքացիներ, ներքուստ անկախ, եւ որպեսզի մի բան շատ լավի իմանան՝ երկրագնդում ոչ մի ազգ իրավունք չպիտի ունենա մեզ հետ վերեւից խոսելու։ Կա՛մ մեզնից ցած, կա՛մ՝ հավասար։ Մենք համոզված ենք, որ բոլորը նկարիչ չեն դառնալու, եւ դրա կարիքն էլ չկա, բայց եթե նրանք բժիշկ դառնան կամ քիմիկոս, իրենց կոլեգաներից կտարբերվեն, ավելի բարձր կլինեն հենց իրենց մասնագիտության մեջ։ Սա է հոգեւոր սնունդի արժեքը»,—ասաց Իգիթյանը։
Նշենք նաեւ, որ փառատոնն անցկացվելու է երկու փուլով։ Առաջին փուլում հաղթողների աշխատանքները ներկայացվելու են ցուցահանդեսում եւ տպագրվելու են համապատասխան պատկերագրքում։ Ցուցահանդեսին մասնակցած աշխատանքների հեղինակներից որոշվելու են վերջնական հաղթողները՝ կրթօջախները կամ անհատ հեղինակները։ Առաջին փուլի բոլոր հաղթողները կստանան ցուցահանդեսի պատկերագիրք, երկրորդ փուլում՝ գեղագիտության ազգային կենտրոնի դիպլոմներ եւ պատվոգրեր։

05-11-2019





22-11-2019
«Խաղաղության աստղը՝ Արցախի երկնակամարում»
Նկարահանվում է ֆիլմ աշխարհի միստիկ վայրերի մասին, որում ...


22-11-2019
Բյուրականի աստղազարդ երկինքն ու Արագածի ջրերը
Նոր գաղափարներ՝ զբոսաշրջության զարգացման համար

Թամարա ՄՈՒՐԱԴՅԱՆ
t.muradyan@hhpress.am


Բյուրական համայնքի ...


22-11-2019
Կշահեն արագ գործող եւ հավատարիմ դաշնակիցները
Պետք է առավելագույնի հասցնենք մեր դիվանագիտական ու ռազմաքաղաքական ...


22-11-2019
Դեպի միասնական ֆինանսական շուկա
ԵԱՏՄ երկրների օրենսդրությունն այդ ոլորտում կներդաշնակեցվի մինչեւ 2025 ...


22-11-2019
Ադրբեջանից բռնագաղթածները կապահովվեն մշտական օթեւանով
Այս փուլում 112 ընտանիքի խնդիր կլուծվի

Արմենուհի ՄԵԼՔՈՆՅԱՆ
a.melqonyan@hhpress.am


1988-1992 ...


22-11-2019
Գրքերը կզեղչվեն 40 տոկոսով
Մեկնարկում է Գրքի երեւանյան 3-րդ փառատոնը

Լիանա ՍԱՐԳՍՅԱՆ
l.sargsyan@hhpress.am


Հայ ...


22-11-2019
Հանդիպում Սենատում
Վարչապետ Նիկոլ Փաշինյանը Միլանում նախատեսված հանդիպումներից եւ միջոցառումներից հետո ...



22-11-2019
Արախիշի զարմանահրաշ խաչքարը
Այսօրվա Քաշաթաղի մայր գետի՝ Հակարիի 3 մեծ վտակի՝ ...

22-11-2019
Գրապահարանները, որպես տան կահույք, «մոդայիկ» չեն
Իսկ գրքե՞րը...

Թամարա ...

22-11-2019
«Հնարավոր չէ լուծել Լեռնային Ղարաբաղի հարցը առանց ծանր ու հետեւողական ջանքերի, առանց փոխզիջման»
Վարչապետ Նիկոլ Փաշինյանի հանդիպումներն ...

22-11-2019
ՀՖՖ նախագահն ու գործկոմը դադարեցրեցին իրենց լիազորությունները
Նախորդ նախագահի ընտրությունից 1 տարի եւ 2 ամիս անց ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO