Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.11.2019
ԼՂՀ


Պոլ Էլյուարի կենտրոնը նորակառույց շենք կունենա

Հայկական եւ ֆրանսիական ճարտարապետության համադրմամբ

Դավիթ ՄԻՔԱՅԵԼՅԱՆ
d.miqayelyan@hhpress.am


Արդեն չորրորդ տարին է, ինչ հանրապետությունում մարդասիրական ծրագրեր է իրականացնում «Պոլ Էլյուարի տուն-Ֆրանկոֆոնիայի կենտրոն» հիմնադրամը։ Կառույցի նպատակն է ընդլայնել ֆրանսախոս բարեկամ երկրների շրջանակը, որոնք ծրագրեր կյանքի կոչելով՝ ձգտում են ամենատարբեր ոլորտներում զարգացնել Արցախի հետ հարաբերությունները։
Ինչպես զրույցի ժամանակ տեղեկացրեց հիմնադրամի ուսումնական մասի գծով տնօրեն Նելլի Հովհաննիսյանը, կառույցի գործունեության հստակեցման եւ արդյունավետ աշխատանքների ծավալման առաջին վստահ քայլերն արված են, եւ, բնականաբար, ուրվագծվել են փոխգործակցության հիմնական ուղղությունները։ Նրա խոսքով՝ որպեսզի թափանցիկ եւ տեսանելի լինի այդ ամենը, վերապատրաստման նպատակով առաջնահերթ ձեւավորվել են ֆրանսերենի ուսուցիչների խմբեր, եւ արհեստավարժ մասնագետների ընդգրկմամբ նրանց համար դասընթացներ են կազմակերպում։ Ն. Հովհաննիսյանը հատկանշական է համարում, որ դասընթացներին ընդգրկվում են ոչ թե միայն ուսուցիչները, այլեւ տարբեր բնագավառների աշխատողներ՝ բժիշկներ, ճարտարապետներ, արվեստագետներ, ուսանողներ, ԱԺ պատգամավորներ, «Արցախ—Ֆրանսիա» բարեկամության շրջանակի անդամներ։
Գաղտնիք չէ, որ ծրագրված աշխատանքների արդյունավետ համակարգումը պայմանավորված է նաեւ շենքային հարմարավետ պայմաններով, ինչի անհրաժեշտությունը կարեւորելով՝ համապատասխան նախագիծ է պատվիրվել։ Արդեն երեք ամիս է, ինչ ԱՀ կառավարության եւ «Հայաստան» համահայկական հիմնադրամի համաֆինանսավորմամբ իրականացվում է կենտրոնի շինարարությունը։ Համալիրի կառուցման աշխատանքներն ընթանում են Ֆրանսիական պուրակի հարեւանությամբ, որը վերածվել է յուրահատուկ շինհրապարակի։
Եռահարկ շինությունը, ըստ «ՊԱՆՏ» շինընկերության աշխղեկ Սամվել Հարությունյանի, հագեցած կլինի ժամանակակից բոլոր ենթակառուցվածքներով։ Այն կունենա հանդիսությունների սրահ, մեծ ու փոքր դահլիճներ՝ ֆիլմերի ցուցադրման, խոհրդակցությունների հրավիրման համար, վերապատրաստման դասընթացների կազմակերպման դասարաններ, հյուրասենյակներ, ռեստորան, ընդհուպ գինու մառան՝ կից սրճարանով, որտեղ հյուրերը կհամտեսեն արցախյան եւ ֆրանսիական գինիներ։ Նա չմոռացավ հավելել, որ բազմաֆունկցիոնալ կենտրոնի շրջապատը բարեկարգվելու է եւ լինելու է շատ բարետես. «Պարտեզի բուսական աշխարհի բազմազանությունը եւ հայ—ֆրանսիական բարեկամության խորհուրդն առավել ներդաշնակ ներկայացնելու համար, ծառ ու թփերի, ծաղիկների լայն տեսականի կբերվի Ֆրանսիայից եւ Հայաստանից»։ Պարտեզի գեղագիտական հնարքներին ու բաղադրիչներին առանձնակի շուք կհաղորդի նաեւ կառուցվելիք շատրվանը, որը գունային եւ երաժշտական նուրբ երանգներ կստանա...
«Պոլ Էլյուարի տուն—Ֆրանկոֆոնիայի կենտրոնի» տուֆակերտ շենքի շինարարությունը, որն իրականացվում է հայկական եւ ֆրանսիական ճարտարապետական լուծումների համադրմամբ, ավարտին կհասցվի 2020 թ. ամռանը։ Հանդիսավոր բացումը նախատեսված է աշնանը։
Ստեփանակերտ

07-11-2019





16-11-2019
Հայաստանի հավակնոտ հայտը ռազմարդյունաբերության ոլորտում
Ոլորտին հատկացվող գումարը հաջորդ տարի կկազմի 6.3 մլրդ ...


16-11-2019
Իրանի տնտեսարդյունաբերական ազատ եւ հատուկ գոտիները
Նպաստավոր պայմաններ են ապահովում հատկապես օտարերկրացի ներդրողների համար

Էմմա ...


16-11-2019
Ինչ ստացավ Անկարան Վաշինգտոնից եւ ինչ կստանա Մոսկվայից
Հայկական հարցը՝ միջազգային վերադասավորումների համապատկերում

Արմենուհի ՄԵԼՔՈՆՅԱՆ
a.melqonyan@hhpress.am


Մեր ենթադրությունների ...


16-11-2019
Ձկնարտադրությունից մինչեւ սեւ խավիար
Արցախի ձկնկիթն առաջին անգամ կարտահանվի Եվրոպա

Լուսինե ՆԱԶԱՐՅԱՆ
l.nazaryan@hhpress.am


Առաջնագծից ...


16-11-2019
ՊԵԿ-ը 253 միլիոն դրամի խախտում է արձանագրել
Կառույցն անցում է կատարում իրավախախտումների դեմ պայքարի նոր ...


 
16-11-2019
IPSE DIXIT
«Նախանձ» մենք համարում ենք մարդկային բնույթի այն ստորությունը, որը ...


 
16-11-2019
Հորդորակ
Հայերեն ընդունելի համարժեքներ ունեցող օտար բառերից խուսափելու մասին




16-11-2019
Ինչն է գրավում զբոսաշրջիկներին մեր երկրում
Քննարկման փուլում է ոլորտի զարգացման ...

16-11-2019
Մանկապարտեզների ու դպրոցների սնունդը
Ի՞նչ խնդիրներ կան, որո՞նք են չիմացության ...

16-11-2019
Հայաստանում աճում է սուսերամարտի նկատմամբ հետաքրքրությունը
Հանգստյան օրերին Նորագավիթի սուսերամարտի ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO