Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ԶԱՆԱԶԱՆ


Արդյունքը կարող էր ավելի բարձր լինել

Հունգարիայում ավարտված մինչեւ 23 տարեկան մարզիկների աշխարհի առաջնությունում հունահռոմեական ոճի հայ ըմբիշները նվաճեցին 1-ական ոսկե եւ բրոնզե պարգեւներ։ Մեր երկրի մյուս 7 ներկայացուցիչները մրցանակային հավակնություններ չդրսեւորեցին։ Մրցաշարի արդյունքները փորձեցինք վերլուծել Հայաստանի մարզաձեւի ազգային հավաքականի գլխավոր մարզչի պաշտոնակատար Էդուարդ Սահակյանի հետ։
—Բավարարվա՞ծ եք գրանցված արդյունքից։
—Մասնակցությունը կարող էր ավելի լավը լինել, բայց ունենք այն, ինչ ունենք։ Ինչեւէ, համարում եմ, որ նորմալ արդյունք է, քանզի ահռելի մրցակցության պարագայում 1—ական ոսկե եւ բրոնզե մեդալ նվաճեցինք։ Ամենից կարեւորն այն է, որ ձեռնունայն չվերադարձանք, եւ մեր թիմի աշխատանքը երեւաց։ Բնականաբար, չեմ կարող բավարարված լինել, որովհետեւ կուզենայի, որ արդյունքն ավելի բարձր լիներ։ Բայց, կրկնում եմ, մեր մարզաձեւում մրցակցությունը կտրուկ աճել է, ուստի շատ կարեւոր է պահել ունեցած դիրքերը։ Հենց դրան էլ միտված են մեր ջանքերը։
—Մեր միակ չեմպիոն Արմեն Մելիքյանը (60 կգ) առաջին երեք գոտեմարտը շահեց 17։0 ընդհանուր արդյունքով, սակայն եզրափակիչում 7 միավոր զիջեց մրցակցին։ Դա լարվածությա՞ն հետեւանք էր։
—Առհասարակ, եզրափակիչներում թույլ մրցակիցներ չեն լինում, եւ չեմպիոնի կոչման համար հանդիպումները, որպես կանոն, անցնում են լարված ու նյարդային պայքարում։ Այդ գոտեմարտն էլ ընթացավ փոխադարձ գրոհներով։ Արմենի մրցակից ղրղզ ըմբիշը բավականին ուժեղ էր, չէր խորշում բազմազան հնարքներ կատարելուց։ Իհարկե, մեր մարզիկը զերծ չէր սխալներից եւ ավելորդ միավորներ զիջեց մրցակցին, բայց, ամեն դեպքում, Մելիքյանի տրամադրվածությունն ու վարպետությունը բավարարեցին չեմպիոն դառնալուն։
—Երիտասարդների աշխարհի անցյալ տարվա փոխչեմպիոն Դավիթ Հովասափյանն այս առաջնությունում բավարարվեց բրոնզե մեդալով։ Ինչպե՞ս կմեկնաբանեք կիսաեզրափակիչում վրացի ըմբիշի հետ նրա գոտեմարտը։
—Դավիթը լավ հանդես եկավ եւ արժանիորեն գրավեց 3—րդ տեղը։ Կարծում եմ, որոշ բացեր լրացնելու դեպքում նա դեռ կկայանա գերծանր քաշային կարգում։ Կփորձենք նրան ներգրավել նաեւ օլիմպիական վարկանիշային մրցումներին, մեծահասակների Եվրոպայի առաջնությանը եւ այլ մրցաշարերի։ Իսկ վրացի մարզիկի հետ պայքարում նա պետք է ավելի ակտիվ աշխատեր եւ օգտագործեր նպաստավոր հնարավորությունները։
—Մեր երկու ըմբիշը մասնակցեցին սփոփիչ գոտեմարտերի, սակայն չկարողացան մրցանակային տեղ գրավել։ Ինչո՞ւ չստացվեցին բրոնզե մեդալի համար նրանց գոտեմարտերը։
—Ասեմ, որ 82 կգ քաշային Արման Վարդումյանն ավելի մոտ էր մրցանակակիր դառնալուն, քան մինչեւ 55 կգ քաշային կարգում հանդես եկած Նորայր Հախոյանը։ Պատճառները տարբեր են։ Մասնավորապես, Վարդումյանը որոշ ժամանակ չէր մարզվել։ Հախոյանը նույնպես խոստումնալից մարզիկ է, որը ապագայում դեռ կարող է դրսեւորել իրեն։ Շատ հարցերի պատասխաններ կտա Հայաստանի առաջիկա առաջնությունը։
—Սպասելիքներ կային նաեւ Սլավիկ Գալստյանից (63 կգ) եւ Հրանտ Կալաչյանից (72 կգ), որոնք, սակայն, հաղթահարեցին միայն մեկնարկային փուլը։ Ինչո՞ւ գրանցվեց նման արդյունք։
—Լինելով մեդալի իրական հավակնորդ՝ Գալստյանը թուրք ըմբիշի հետ գոտեմարտի վերջում տակտիկական սխալ թույլ տվեց եւ պատժվեց։ Նա արժանի էր առնվազն եզրափակիչում հանդես գալուն։ Կալաչյանը նույնպես չարդարացրեց սպասելիքները։ Նրանց մասին առայժմ կսահմանափակվեմ այդքանով։
—Մեր եւս երեք ըմբիշ ելույթներն ավարտեցին առաջին մրցափուլերում։ Ինչպե՞ս եք գնահատում նրանց ելույթները։
—Նրանցից առաջխաղացման ավելի մեծ հնարավորություն ուներ 77 կգ քաշային Վահե Պողոսյանը, որը պարտվեց հավասար պայքարում։ Իսկ Հայկ Մելիքյանի (67 կգ) եւ Ալբերտ Եղիկյանի (87 կգ) պարագայում զգացվեց մրցափորձի պակասը։ Ամեն դեպքում, նրանք ունեն լավ ըմբիշներ դառնալու նախադրյալներ։ Հիմա պետք է պատրաստվեն Հայաստանի առաջնությանը, որից հետո ուսումնամարզական հավաք ենք անցկացնելու Ծաղկաձորում։ Այդ ամենի արդյունքներով կհստակեցնենք հաջորդ տարվա մեր ծրագրերը։
Հրայր ՆԱԶԱՐՅԱՆ

07-11-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO