Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

11.07.2020
ՄԱՅՐ ԱԹՈՌ


«Ընտանիքը փոքր եկեղեցի է»

Բազմազավակ քահանաների ընտանիքները հյուրընկալվել են Մայր Աթոռ Սուրբ Էջմիածնում

Երեկ Ն.Ս.Օ.Տ.Տ. Գարեգին Երկրորդ Ծայրագույն պատրիարք եւ Ամենայն հայոց կաթողիկոսը Մայր Աթոռ Սուրբ Էջմիածնի «Վաչե եւ Թամար Մանուկյան» մատենադարանում հանդիպում ունեցավ Հայաստանյայց առաքելական սուրբ եկեղեցու հայաստանյան թեմերում ծառայող բազմազավակ քահանաների ընտանիքների հետ, հայտնում են Մայր Աթոռ Ս. Էջմիածնի տեղեկատվական համակարգից։
Հանդիպման սկզբում ներկաներին ողջունեց Մայր Աթոռի Եկեղեցական հայեցակարգային հարցերի գրասենյակի տնօրեն գերաշնորհ տ. Վազգեն եպիսկոպոս Միրզախանյանը՝ շնորհակալություն հայտնելով Նորին սրբությանն անցնող 2019 թվականն Ընտանիքի տարի հռչակելու եւ այդ առիթով ընտանեկան ավանդական արժեհամակարգի պահպանմանն ուղղված բազմաթիվ ծրագրերի եւ միջոցառումների իրագործմանն օժանդակելու համար։
Այնուհետեւ Ամենայն հայոց հայրապետն իր ուրախությունը հայտնեց հանդիպման առիթով՝ առավել կարեւորելով այն փաստը, որ հանդիպումը չորս եւ ավելի զավակներ ունեցող քահանաների ընտանիքների հետ տեղի է ունենում Ընտանիքի տարվա շրջանակներում։ Նորին սրբությունը հաստատեց, որ տարվա ընթացքում Մայր Աթոռ Սուրբ Էջմիածնի եւ թեմերի կողմից նախաձեռնված քայլերը եւ միջոցառումները պետք է շարունակական բնույթ կրեն՝ առավել չափով ժողովրդի ուշադրությունը սեւեռելու ընտանեկան արժեքների վրա։
Ընդգծելով, որ բազմազավակությունը երկնային օրհնություն է՝ Նորին սրբությունը մասնավորաբար նշեց, որ ընտանիքը փոքր եկեղեցի է։ Հայոց հովվապետը շեշտեց, որ ընտանիքի գոյության առաջնային հիմքը տղամարդու եւ կնոջ սերն է՝ հաստատված Տիրոջ ներկայությամբ եւ օրհնությամբ, շաղախված փոխադարձ հարգանքով ու ներողամտությամբ, զիջելու պատրաստակամությամբ եւ խոնարհությամբ։
Ամենայն հայոց կաթողիկոսը ցավով արձանագրեց, որ արդի աշխարհում ընտանիքի ավանդական ընկալումը ենթարկվում է ձեւախեղումների, աղավաղվում է ոչ միայն «ընտանիք» հասկացությունը, այլեւ փորձ է արվում արժեզրկել ընտանիքի հետ շաղկապված մի շարք կենսական իրողություններ՝ սիրո զգացումը, սրբության ընկալումը, ընտանեկան հարաբերությունների մեջ պատասխանատվությունը, զոհողության ոգին։ Նորին սրբությունն ասաց, որ հարկավոր է զերծ պահել ազգը ներմուծվող այն արատավոր երեւույթներից, որոնք այսօր ներկայացվում են իբրեւ մարդու իրավունք կամ ազատության դրսեւորում։
Այդ փորձությունների հաղթահարման եւ քրիստոնեական ընտանիքների զորացման գործում Վեհափառ հայրապետը կարեւորեց Հայ եկեղեցու եւ մասնավորապես հոգեւոր հովիվների առաքելությունը՝ նշելով, որ քահանաները կոչված են ոչ միայն իրենց երեխաներին հայր լինելու, այլեւ հայրաբար խնամելու հավատացյալներին։
Հայրապետն ընդգծեց, որ հոգեւոր հովիվների առանցքային ծառայությունը պետք է լինի հայ ընտանիքի զորացումը հոգեւոր եւ բարոյական արժեքներով, որոնց է միայն հնարավոր երաշխավորել հայրենիքի անսասանությունը, շեն ու պայծառ ազգային կյանքը։ «Որքան փարված լինենք ազգային ու հոգեւոր արժեքներին, այնքան զորեղ կլինենք եւ առաջընթաց կարձանագրենք մեր կյանքում»,–ասաց Վեհափառ հայրապետը՝ եկեղեցականներին հանձնարարելով առավել մեծ ուշադրություն դարձնել երիտասարդության հետ տարվող աշխատանքներին, նրանց մեջ ավանդական, քրիստոնեական ընտանիքի վերաբերյալ ընկալումների ձեւավորմանը եւ հոգեւոր արժեքների սերմանմանը։
Ամենայն հայոց կաթողիկոսը նշեց, որ քահանան իր բազմազավակ ընտանիքով պետք է լավագույն օրինակը լինի համայնքի համար։
Վերջում, իր գնահատանքը հայտնելով ներկաներին, Նորին սրբությունը հայցեց, որ Տերն Իր մշտական օրհնության ներքո երջանկության, սիրո եւ խաղաղության մեջ պահի բոլոր հայ ընտանիքները։
Ամենայն հայոց կաթողիկոսը քահանաների զավակներին նվերներ ընծայեց, որից հետո նրանք այցելեցին Մայր Աթոռի թանգարաններ։

30-11-2019





11-07-2020
10 տարի անց բարեփոխվում է հանրակրթության բովանդակությունը
Դպրոցից դուրս է մղվում անբավարար գնահատման համակարգը

Ժամանակակից ...


11-07-2020
Թվային քաղաքակրթություն
Իսկ իրական աշխարհը մեզ է սպասում իր ամենավառ ...


11-07-2020
Հայաստանում հաստատվել է COVID-19-ի 489 նոր դեպք․ապաքինվել է ևս 710, մահացել 13 քաղաքացի
Հայաստանում հուլիսի 11-ի դրությամբ հաստատվել է կորոնավիրուսային հիվանդության ընդհանուր ...


11-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
1991 թվականի ապրիլի 30-ին սանձազերծվեց Խորհրդային Միության (ԽՍՀՄ) ...


11-07-2020
Հարկային բարենպաստ պայմաններ են ստեղծվում փոքր եւ միջին բիզնեսի համար
Տոկոսադրույքների նվազեցումը բիզնեսի խթանիչ ուժն է

Զարգացած երկրների ...


11-07-2020
Դիք. չաստվածների պաշտամունք
Ավարառության եւ գերեվարության ոգու հետ մեկտեղ Տիգրանն ու ...


11-07-2020
«Նա 40 տարի առաջ բարձրացել է իր խավար հայրենիքի բլուրները ու իր բարձրությունից ինչե՜ր, ինչե՜ր է տեսել…»
Հովհ. Թումանյան, «Քառասուն տարի»

1862 թվի գարնանը մի ...



11-07-2020
Ջերմոցային գազերի արտանետումների մեր բաժինն ու դրանք կրճատելու ներուժը
Հրապարակվել է կլիմայի փոփոխության մասին ...

11-07-2020
Մեծ Պեպոն
Գաբրիել Սունդուկյանը միշտ հաճոյախոսել է ...

11-07-2020
Սիրիայում կփոխվե՞ն խաղի կանոնները
Կողմերը պահանջել են այդ երկրից դուրս ...

11-07-2020
Ռեւանշի հնարավորություն
Հայաստանի եւ Քուվեյթի ֆուտբոլի ֆեդերացիաներն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO