Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

10.07.2020
ՄԱՅՐ ԱԹՈՌ


Բարեկենդանը կնշվի փետրվարի 23-ին

Այս տոնին խրախուսվում են խրախճանքները, ուրախությունները, ժամանակին գյուղերում մեծ տոներ են կազմակերպվել

Ուրախություն եւ զվարճանք խորհրդանշող Բարեկենդանի տոնի շրջանակում Երեւանում հետաքրքիր տոնակատարություններ են սպասվում՝ համերգային ծրագրեր, ցուցահանդես—վաճառք, ազգագրական երգ ու պար։ Հարկ է ընդգծել, որ վերջին տարիներին հայ հասարակությունում ավելի շատ հայկական տոներն են նշում՝ մերժելով օտարածին տոները։
Արարատյան հայրապետական թեմի (ԱՀԹ) առաջնորդանիստ Սուրբ Սարգիս եկեղեցու եւ ԱՀԹ երիտասարդաց միությունների հոգեւոր հովիվ տեր Պետրոս ավագ քահանա Մայիլյանի տեղեկացմամբ, Բարեկենդանի տոնը նշվում է փետրվարի 23—ին, իսկ փետրվարի 24—ին սկսվում է Մեծ պահքը։
Սովորաբար, Բարեկենդան է կոչվում շաբաթապահքի եւ Մեծ պահքի նախընթաց օրը։ Բարեկենդանը մարդու երջանկության հիշատակն է, որը դրախտում վայելում էին Ադամն ու Եվան։ Այն նաեւ դրախտային կյանքի օրինակն է, որտեղ մարդուն արտոնված էր ճաշակել բոլոր պտուղները՝ բացի բարու եւ չարի, գիտության ծառի պտուղից։ Ադամն ու Եվան ճաշակեցին այդ պտուղը, ինչի պատճառով էլ արտաքսվեցին դրախտից։ Պահքի ամենամեծ խորհուրդն այն էր, որ արգելված էր պտուղն ուտելը։ Մեծ պահքը բաղկացած է յոթ կիրակիից, եւ Բարեկենդանին հաջորդող կիրակին արտաքսման կիրակին է։
Մեր ժողովուրդը հիմնականում Մեծ պահքը զուգորդում է սննդակարգի փոփոխության հետ, այնինչ Մեծ պահքի շրջանում ոչ միայն պետք է հրաժարվել որոշ կերակրատեսակներից, այլեւ վատ սովորություններից՝ շատախոսությունից, հայհոյանքներից, ստից, գողությունից եւ այլ մեղքերից։ Ի տարբերություն Մեծ պահքի, Բարեկենդանին խրախուսվում են խրախճանքները, ուրախությունները։ Ժամանակին գյուղերում մեծ տոներ են կազմակերպել։ Այդ ամենը վերականգնելու համար թեմի երիտասարդները Երեւանի քաղաքապետարանի աջակցությամբ փետրվարի 23—ին, ժամը 13։00—ին կհավաքվեն առաջնորդանիստ Սուրբ Սարգիս եկեղեցու մոտ, որտեղ ելույթներ կունենան ազգագրական խմբեր, տարբեր վարչական շրջանների մշակույթի կենտրոնների սաներ։ Եկեղեցուց կշարժվեն դեպի Ազատության հրապարակ, որտեղ մեծ միջոցառում է նախատեսվում։ Կանցկացվեն կոխի ցուցադրական մրցաշար, ազգային խաղեր, թատերական ներկայացումներ, ելույթներ կունենան ազգագրական պարային խմբեր, որոնք կներկայացնեն Բարեկենդանին նվիրված ծեսեր։
Նախկինում դրանք հեթանոսական տոնախմբությունների օրեր էին, կատարվում էին փետրվարին կամ մարտի սկզբին։ Տոնը, հավանաբար, կապ ուներ գարնան սկսվելու հետ։ Եվ պատահական չէին զվարճությունները, որոնք արթնացող բնությունն ուրախ դիմավորելու, մարդկանց վերակենդանացնելու խորհուրդ ունեին։ Մարդիկ միմյանց մաղթում էին բարի կենդանություն։ Հետագայում քրիստոնեությունը հարմարեցրեց իրեն եւ դարձրեց Մեծ պահքի նախորդող շաբաթվա տոն, որը նշվում էր կերուխումով, մասսայական խաղերով, մրցումներով, թատերախաղերով, պարերով եւ այլն։ Այն տեւում էր երկու շաբաթ՝ անմիջականորեն հաջորդելով Ս. Սարգսի տոնին եւ ավարտվելով Մեծ պասով։ Մեծ պահքին նախորդող կիրակին Բուն բարեկենդանի օրն էր։ Պահքի կարեւոր լինելը մարդկանց ցույց է տվել Քրիստոսը։ Նա անապատում 40 օր է անցկացրել։ Մարդիկ Հիսուս Քրիստոսի օրինակով են պահում Մեծ պահքը։ Մեծ պահքի 40 օրերին գումարվել են նաեւ Զատկին նախորդող 9 օրերը, եւ այն տեւում է 49 օր։ Մեծ պահքն ավարտվում է Զատկի՝ Հիսուս Քրիստոսի Հարության տոնով։

22-02-2020





10-07-2020
«Լիճք» ենթակայանի ամբողջական վերակառուցումն անհրաժեշտություն է
Այն նաեւ Արցախի էներգետիկ անվտանգության հետ կապված կարեւոր ...


10-07-2020
Գյուղոլորտի ապագա կադրերը՝ Շուշիի տեխնոլոգիական համալսարանից
Ուսուցում՝ նաեւ լսարանից դուրս, «գործնական դաշտում»

Շուշիի տեխնոլոգիական ...


10-07-2020
Հայաստանում հաստատվել է COVID-19-ի 557 նոր դեպք․ապաքինվել է ևս 709, մահացել 11 քաղաքացի
Հայաստանում հուլիսի 10-ի դրությամբ հաստատվել է կորոնավիրուսային հիվանդության ընդհանուր ...


10-07-2020
Ժառանգելու են ե՛ւ գենետիկ, ե՛ւ հոգեւոր, ե՛ւ նյութական արժեքները
Այն, ինչ այսօր պատկանում է մեզ՝ ծնողներիս, վաղը պատկանելու ...


10-07-2020
«Առողջ անդամները հոսանքին հակառակ են ծնվում»
Կամ որտե՞ղ փնտրենք Ռուբեն Հախվերդյանին

Երգիչ-երգահանի հետ «ՀՀ»-ն ...


10-07-2020
Ազգի եւ մարդկության բարերարը
Ալեք Մանուկյանը տաժանակիր աշխատանքից հետո հայոց լեզվի դասընթացներ ...


10-07-2020
Պետությունը պատասխանատվություն է ստանձնում
Զոհված զինծառայողների ընտանիքների անդամներն անվճար սովորելու հնարավորություն կունենան




10-07-2020
«Թուֆենկյանը»՝ Քաշաթաղի շրջանին
«Ազատագրված տարածքները պիտի բնակեցվեն, ...

10-07-2020
«Դերասանուհին, որը դերասանություն չի անում...»
«Նա երբեք չի ստել, չի կեղծել, նրա ոչ մի ...

10-07-2020
Տուֆով սալարկումն ընդօրինակելի է
Անցած տարի սուբվենցիոն միջոցներով Ջրաշեն ...

10-07-2020
Ալոյանը կվիճարկի աշխարհի չեմպիոնի կոչումը
Ռուսաստանցի Միխայիլ Ալոյանը հոկտեմբերի 15-ին ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO