Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

10.07.2020
ԱՌՈՂՋԱՊԱՀՈՒԹՅՈՒՆ


«Կորոնավիրուսի բռնկման շրջանը ժամանակավոր է»

Անվանի թոքաբան Անդրանիկ Ոսկանյանն իր դիտարկումներն ունի

«Այսօրվա կորոնավիրուսը տարին մեկ անգամ ի հայտ եկող, սակայն տարբեր անվանումներով բժշկությանը հայտնի վիրուսի տեսակ է, եւ դրա փոխակերպման պատճառով է, որ մարդու իմուն համակարգը չի կարողանում այն իսկույն ճանաչել՝ սկսելով նոր տեսակի վիրուսի դեմ պայքարը»,-«ՀՀ»-ի հետ զրույցում նման կարծիք հայտնեց թոքաբան, բժշկական գիտությունների դոկտոր, պրոֆեսոր Անդրանիկ Ոսկանյանը՝ հորդորելով հանրությանը չդիտարկել այն վտանգավոր վիրուսների շարքում։
Աշխարհում բժշկագիտությանը հայտնի է գրիպի եւ տարատեսակ սուր շնչառական վարակների ավելի քան 300 տեսակ, որոնցից որոշներն ունեն սեզոնային բնույթ եւ սովորաբար ակտիվանում են հունվարից եւ չեզոքանում՝ մինչեւ մարտ—ապրիլ ընկած ժամանակահատվածը։ Կորոնավիրուսի դեպքում էլ թոքաբանն իր դիտարկումն ունի եւ վստահ է, որ ինչպես ցանկացած վարակ, կորոնավիրուսը եւս կարող է անէանալ կայուն տաք ջերմաստիճանային պայմաններում։ Այս մասին փաստում է այն դեպքում, երբ նույնիսկ համաշխարհային բժշկությունը վարակի նկատմամբ ջերմակայուն լինելու կամ չլինելու մասին տեսակետը պաշտոնապես դեռ չի շտապում հաստատել։
«Ցուրտ ժամանակ մարդու օրգանիզմը կորցնում է պայքարելու ունակությունը, եւ դա լավ պայմաններ է ստեղծում, որ վարակը օրգանիզմ ներթափանցի։ Օրգանիզմը մշակել է այն համակարգը, որ վարակի փոխանցման ժամանակ մարմնի ջերմությունը բարձրանա եւ սկսի արդյունավետ պայքարել հիվանդության դեմ։ Ուստի կայուն տաք միջավայրում վիրուսը գոյատեւել չի կարողանա։ Խոսքը վերաբերում է 29—30 ջերմաստիճանային պայմաններին»,–նշեց Անդրանիկ Ոսկանյանը՝ հաստատելով, որ կորոնավիրուսի բռնկման շրջանը ժամանակավոր բնույթ ունի։
Ովքե՞ր են խոցելի խմբում. թոքաբանն ունի մասնագիտական նույն դիրքորոշումը։ «Եթե հիվանդը տկար է, ապա այս վարակը նրան փոխանցվելու դեպքում կարող է պատճառ դառնալ իր հիմնական հիվանդության սրացման, ընդհուպ՝ հանգեցնել մահվան։ Սա օրինաչափ է բոլոր վարակների դեպքում, ուստի արձանագրվող մահերը հիմնականում լինում են այն մարդկանց շրջանում, ովքեր տարեց են եւ ունեն տարբեր քրոնիկ հիվանդություններ»,–ասաց նա՝ հորդորելով բոլոր կանխարգելիչ գործողություններին հետամուտ լինել եւ անձնական հիգիենային հետեւել՝ անկախ վարակի բռնկման շրջանից։
Ո՞ր դեպքում է կորոնավիրուսն ախտահարում թոքերը եւ ինչո՞վ է տարբերվում սովորական թոքաբորբից։ Մասնագետի պարզաբանմամբ՝ բոլոր վիրուսային թոքաբորբերը սովորաբար ընթանում են ավելի ծանր, քան պարզապես թոքաբորբն է, եւ դարձյալ ախտահարում է քրոնիկ հիվանդներին։ Եթե սովորական թոքաբորբի ժամանակ բորբոքվում է թոքի հյուսվածքը, ապա վիրուսային թոքաբորբի դեպքում հյուսվածքն ախտահարվում է։ Ուստի խոցելի խմբում գտնվողներին թոքաբանը հորդորում է պահպանել առավելագույն զգուշավորություն եւ հետեւել վարակի կանխարգելման բոլոր պաշտոնական հրահանգներին։
Շնչուղային սուր վարակները յուրաքանչյուրի մոտ տարբեր կերպ են դրսեւորվում։ Անդրանիկ Ոսկանյանը նկատեց՝ աշխարհում մարդկանց 30 տոկոսը տարեկան նվազագույնը մեկ կամ երկու անգամ վարակվում է սուր շնչառական վիրուսով, սակայն շատ հեշտ հաղթահարում է եւ ապաքինվում։ Իսկ խոցելի խմբի մոտ այն կայծակնային զարգացում է ունենում, նույնն էլ՝ կորոնավիրուսի դեպքում։ Ինչ վերաբերում է հիվանդացության եւ դրանից մահացության համաշխարհային ցուցանիշներին, ապա պրոֆեսորը մահացության 2 տոկոսը համարում է օրինաչափ բոլոր տիպի վարակների դեպքում՝ պնդելով, որ խուճապն անհարկի է։ Փոխարենն ուրախ է նկատել, որ վարակի համակարգված կանխարգելիչ գործընթացներում ակտիվորեն ներգրավված է նաեւ բնակչությունը՝ վարակից պաշտպանվելու իր բարձր ինքնագիտակցությամբ։
Նշենք, որ Հայաստանում սուր շնչառական վարակների հիվանդացությունը սովորաբար աճում է՝ սեզոնային բնույթով պայմանավորված։ Դրանք ակտիվանում են հունվարին։ Նախորդ ամսվա համաճարակաբանական դիտարկման համաձայն՝ հիվանդացության աճ է գրանցվել ամբուլատոր—պոլիկլինիկական, հիվանդանոցային կազմակերպություններ դիմելիության եւ շտապօգնության կանչերում։
Ըստ ԱՆ տեղեկատվության, հանրապետությունում դեռեւս շրջանառվում են գրիպի Ա H1N1 ենթատեսակը եւ Բ տեսակը, ինչպես նաեւ շնչառական այլ վարակների հարուցիչներ (ռինովիրուս, բոկավիրուս, ռեսպիրատոր սինտիցիալ վիրուս, ադենովիրոս)։
Լուսինե ՆԱԶԱՐՅԱՆ
l.nazaryan@hhpress.am

21-03-2020





10-07-2020
«Լիճք» ենթակայանի ամբողջական վերակառուցումն անհրաժեշտություն է
Այն նաեւ Արցախի էներգետիկ անվտանգության հետ կապված կարեւոր ...


10-07-2020
Գյուղոլորտի ապագա կադրերը՝ Շուշիի տեխնոլոգիական համալսարանից
Ուսուցում՝ նաեւ լսարանից դուրս, «գործնական դաշտում»

Շուշիի տեխնոլոգիական ...


10-07-2020
Հայաստանում հաստատվել է COVID-19-ի 557 նոր դեպք․ապաքինվել է ևս 709, մահացել 11 քաղաքացի
Հայաստանում հուլիսի 10-ի դրությամբ հաստատվել է կորոնավիրուսային հիվանդության ընդհանուր ...


10-07-2020
Ժառանգելու են ե՛ւ գենետիկ, ե՛ւ հոգեւոր, ե՛ւ նյութական արժեքները
Այն, ինչ այսօր պատկանում է մեզ՝ ծնողներիս, վաղը պատկանելու ...


10-07-2020
«Առողջ անդամները հոսանքին հակառակ են ծնվում»
Կամ որտե՞ղ փնտրենք Ռուբեն Հախվերդյանին

Երգիչ-երգահանի հետ «ՀՀ»-ն ...


10-07-2020
Ազգի եւ մարդկության բարերարը
Ալեք Մանուկյանը տաժանակիր աշխատանքից հետո հայոց լեզվի դասընթացներ ...


10-07-2020
Պետությունը պատասխանատվություն է ստանձնում
Զոհված զինծառայողների ընտանիքների անդամներն անվճար սովորելու հնարավորություն կունենան




10-07-2020
«Թուֆենկյանը»՝ Քաշաթաղի շրջանին
«Ազատագրված տարածքները պիտի բնակեցվեն, ...

10-07-2020
«Դերասանուհին, որը դերասանություն չի անում...»
«Նա երբեք չի ստել, չի կեղծել, նրա ոչ մի ...

10-07-2020
Տուֆով սալարկումն ընդօրինակելի է
Անցած տարի սուբվենցիոն միջոցներով Ջրաշեն ...

10-07-2020
Ալոյանը կվիճարկի աշխարհի չեմպիոնի կոչումը
Ռուսաստանցի Միխայիլ Ալոյանը հոկտեմբերի 15-ին ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO