Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

30.05.2020
ՄԱՐԶԵՐ


Վետերանները՝ ուշադրության կենտրոնում

Մարզպետ Անդրեյ Ղուկասյանը, մարզպետարանի մի խումբ պաշտոնյաներ այցելեցին Հայրենական մեծ պատերազմի մասնակից 21 վետերանի եւ Շուշիի ազատագրմանը մասնակցած 34 ազատամարտիկի բնակարաններ՝ իրենց հարգանքն ու խոնարհումը տանելով նրանց։
Լոռիում Հայրենական մեծ պատերազմի ամենատարեց մասնակիցը 97-ամյա Հովհաննես Ուլիխանյանն է։ Երեք երեխայի հայրը, թոռների, ծոռների ու ծոռների երեխաների պապիկը, որ միշտ շրջապատված է նրանց ջերմ հոգատարությամբ, այդ օրն էլ ուշադրության կենտրոնում էր։ Վետերանն, ասում են, հազվադեպ է խոսում պատերազմի մասին, չի սիրում հիշել ծանր օրերը, միայն հիշում է, որ վիրավորվել է 4 անգամ, մահից հրաշքով է փրկվել։ Փոխարենը հպարտանում է, որ 60 տարի անընդմեջ, միեւնույն հիմնարկում հաշվապահ է աշխատել ու դեռ կաշխատեր, եթե առողջությունը ներեր։.
–Թող պատերազմ երբեք չլինի,–հուզվում է պապիկը,–բոլորիդ առողջություն եմ մաղթում։
Այցելուները ջերմ շնորհավորանքներ հղեցին Հովհաննես Ուլիխանյանին՝ մաղթելով երկար տարիների կյանք.
–Հաղթանակի 80—ամյակին նույնպես գալու ենք, այնպես որ առողջ եղեք։ Դուք մեր ուշադրության կենտրոնում եք տարվա բոլոր օրերին՝ անկախ տոնակատարություններից,–ասաց մարզպետը։
Նա վետերանին շնորհավորագիր եւ դրամական պարգեւ հանձնեց։ Մարզի ղեկավարն այցելեց նաեւ Շուշիի ազատագրման ժամանակ զոհված ազատամարտիկ Զոհրապ Հովհաննիսյանի մորը՝ Օլյա Օգանեզովային՝ հանձնելով դրամական աջակցություն եւ հայտնելով իր ու մարզպետարանի աշխատակազմի պատրաստակամությունը անհրաժեշտության դեպքում աջակցելու կնոջը։
–Ձեր որդին հայրենիքի համար տվել է ամենաթանկը՝ իր կյանքը։ Մենք պարտական ենք մեր հերոսներին հաղթանակի ու խաղաղության համար,–ասաց մարզպետը։
Տիկին Օլյան տեղեկացրեց, որ բնակարանը գազաֆիկացված չէ, ինչին մարզի ղեկավարն արձագանքեց՝ մարզպետարանի մասնագետները կուսումնասիրեն խնդիրը, հարցն առաջիկայում կլուծվի։
Մեծ հայրենականի մասնակից, վաստակաշատ շինարար 95—ամյա Վազգեն Ավետիկյանին այցելեց փոխմարզպետ Գայանե Մարկոսյանը։ Վետերանը պատմեց, որ կամավոր է մեկնել ռազմաճակատ, 18 տարին լրացած չի եղել.
–Ամենահիշարժան պահն այն էր, երբ ասացին, որ հարձակվելու ենք Թուրքիայի վրա։ Չնայած գիտեինք, որ արյուն է հեղվելու եւ շատերս զոհվելու ենք, բայց մեր ուրախությանը չափ ու սահման չկար, ափսոս, հետո չեղարկեցին հրամանը,–պատմում է վետերանն ու հուզմունքով ավելացնում,–մի բուռ հայ ենք մնացել, մեր ազգը շատ է տառապել, թող էլ կռիվ չտեսնի։
Մարզպետարանի աշխատակիցները մարզի ղեկավարի շնորհավորանքներն ու դրամական պարգեւները փոխանցեցին նաեւ Մեծ հայրենականի մյուս վետերաններին։ Աջակցություն ցուցաբերվեց Շուշիի ազատագրմանը մասնակցած ազատամարտիկներին եւ նրանց ընտանիքներին եւս։

Գագիկ ԱՆՏՈՆՅԱՆ
Լոռի

12-05-2020





30-05-2020
Հայաստանում ներդրվում է համայնքային միասնական էլեկտրոնային կառավարման հարթակ
Կբարձրացվեն ՏԻՄ-երի աշխատանքների արդյունավետությունը եւ թափանցիկությունը

Ֆիզիկական եւ ...


30-05-2020
«Հայը լինի իր երկրին մեջ տերը, Հայը լինի իր ազատության տերը»
Դրոն հայոց պատմության էջերը հարստացրել է հաղթանակներով

Հայ ...


30-05-2020
Հայաստանում հաստատվել է COVID-19-ի 251 նոր դեպք, առողջացել է ևս 20 պացիենտ
Հայաստանում մայիսի 30-ի, ժամը 11:00-ի դրությամբ հաստատվել է կորոնավիրուսային ...


30-05-2020
Ո՞րն է ճշմարտությունը։ Աստծո խոսքը
Ի՞նչը կարող է մեզ ազատագրել։ Աստծո խոսքը։ Ե՞րբ է ...


30-05-2020
Առանց կուսակցությունների զարգացման չկա ժողովրդավարություն
Ի՞նչ փոփոխություններ են նախատեսվում ՏԻՄ ընտրություններում

4000 եւ ...


30-05-2020
Թանգարանի գիտական բաժինն անցել է աշխատանքի
Չի գործելու միայն ցուցադրության հատվածը

ԿԳՄՍ նախարարի հրամանով, ...


30-05-2020
Երեխաներին գնահատել է պետք գիտելիքով
Անցումը նոր համակարգին կնպաստի ինքնակրթության զարգացմանը

ՀՀ կրթության, ...



30-05-2020
«Մենք միակ ժողովուրդն ենք, որի գիրն ու կրոնը զուտ ազգային երեւույթներ են»
Ֆրանսահայ պատմաբան Կլոդ Մութաֆյանի հետ «ՀՀ»—ն ...

30-05-2020
Կարմիր գիրքը՝ բնական սահմանների խախտման ուղղակի ցուցիչ
Եվ համավարակի այս օրերին՝ բնության հետ ...

30-05-2020
Նորընտիր խորհրդարան-կառավարություն համագործակցությո՞ւն, թե՞…
2020 թ. փետրվարի 21-ին Իրանում տեղի ունեցան խորհրդարանի ...

30-05-2020
Չեմպիոնների չեմպիոնը կարող է որոշվել միասնական մրցաշարում
ՈւԵՖԱ-ն շարունակում է ուսումնասիրել եվրագավաթների ...
USD
EURO
RUR
GEL
Եղանակը Երևանում
գիշերը +12... +14
ցերեկը +27... +29

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO