Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

05.06.2020
ՄԱՐԶԵՐ


Հարթագյուղի բերրի հողերն անմշակ չեն մնա

Ընտրվել են ոչ ավանդական մշակաբույսեր՝ սիսեռ, ոսպ եւ այլն

Հարթագյուղի մերձակա բարձրաբերձ սարի կատարին է Սուրբ Հովհաննես մատուռ-սրբավայրը, որտեղ այցելեցին Գուգարաց թեմի առաջնորդ գերաշնորհ տեր Սեպուհ արքեպիսկոպոս Չուլջյանը, հոգեւոր հովիվներ։ Թեմի առաջնորդի հրավերով ժամանել էին նաեւ մի խումբ հուշարձանագետ-ճարտարապետներ՝ վաստակաշատ ճարտարապետ Ստեփան Նալբանդյանի գլխավորությամբ։
Տարեսկզբին սրբավայրի տանիքը պտտահողմից պոկվել էր, իսկ օրեր անց գերաշնորհ տեր Չուլջյանը խոստացել էր, որ կհրավիրի Մայր Աթոռ Սուրբ Էջմիածնի եւ ԿԳՄՍ նախարարության ճարտարապետներին ու նախագծողներին, եւ նրանց ցուցումով սրբավայրն ամբողջական եւ հիմնավոր կվերակառուցվի։ Ասենք, որ պարբերաբար մատուռի տանիքը քամին վնասել է, մոմերի բռնկումից էլ այն հրդեհվել է։ Սրբավայրի տանիքն ամեն անգամ վերականգնվել է բարեպաշտ մարդկանց միջոցով ու նախաձեռնությամբ, սակայն, ցավոք, առանց մասնագիտական հիմնավոր միջամտության եւ ուղղորդման։ Հրավիրյալ մասնագետները զննեցին սրբավայրի ընդհանուր վիճակը, կատարեցին ուսումնասիրություններ, չափագրեցին եւ առաջիկայում կպատրաստեն վերակառուցման—վերականգնման նախագիծ ու նախահաշիվ։ Իսկ վերականգնման համար անհրաժեշտ միջոցները խոստացել են տրամադրել Սեպուհ սրբազանի լոսանջելեսաբնակ եւ հայաստանյան բարեկամները։
Մատուռի նկատմամբ հոգատարությունը դրանով չի ավարտվում։ Այս օրերին «Վարձատրվող հասարակական աշխատանքների կազմակերպման միջոցով՝ գործազուրկների ժամանակավոր զբաղվածության ապահովում» ծրագրով խճալցվում, բարեկարգվում է Սուրբ Հովհաննես տանող շուրջ 1.3 կմ վերձիգ դժվարանցանելի ճանապարհը։ Այն համայնքի 6 բնակչի համար երկամսյա ժամկետով ոչ միայն աշխատատեղ է ապահովում, այլեւ համայնքի համար զբոսաշրջային նշանակության կարեւոր հարց է լուծում. հատկապես հանգստյան օրերին օրական 2000—3000 զբոսաշրջիկ է մատուռ այցելում այդ ճանապարհով։ Զբոսաշրջիկների եւ այցելուների համար բազմաթիվ ծառայություններ են մատուցվում։
Հարթագյուղը Սպիտակի տարածաշրջանում առանձնանում է նաեւ «Աստղիկ» բարեգործական հիմնադրամի կողմից իրականացվող բազմաթիվ ծրագրերով։ Հիմնադրամն արդեն երրորդ տարին գյուղում ծրագրեր է իրականացնում հոլանդացի բարերարների աջակցությամբ։ Դրանցում ներգրավված է նաեւ տեղացի գյուղատնտես։ Հիմնադրամի տնօրեն Մարիամ Անտոնյանը «գեղագիտորեն» է հիմնավորում հիմնադրամի առաքելությունը. «Հոլանդացի գյուղատնտեսների փորձն ու գիտելիքնեը, մեր սերն ու ջերմությունը համադրելով՝ ստանում ենք առատ բերք»։
Հարթագյուղն ունի բերրի հողեր, որոնց մի մասը երկրաշարժից հետո չի մշակվել։ Աշխատաքներում ընդգրկված է 50 գյուղացի, եւս 50 շահառուի հիմնադրամն օգնում է մշակելու սեփական հողատարածքները՝ տրամադրելով սերմացու, տեխնիկա։ Ընտրվել են ոչ ավանդական մշակաբույսեր՝ սիսեռ, ոսպ, տարբեր լոբազգիներ, ինչպես նաեւ կարտոֆիլ, բանջարեղեն, կորնգան, առվույտ։ Արդեն երկրորդ տարին է՝ մեղվաբուծության ծրագիր են իրականացնում, ուսուցանում տեղի երիտասարդներին, որպեսզի այս ոլորտը համայնքում զարգանա։ Հիմնադրամի ջանքերով ներկայում մշակվում է շուրջ 50 հեկտար հողատարածք։ Նախորդ տարի, որպես համաներդրող, հիմնադրամը մասնակցել է նաեւ Հարթագյուղում իրականացվող ոռոգման համակարգի կառուցման սուբվենցիոն ծրագրին։ Գյուղի ղեկավար Անդրանիկ Հարությունյանի կանխատեսմամբ՝ այս տարի 90 հեկտարով կավելանան իրենց մշակովի հողատարածքները։
Գագիկ ԱՆՏՈՆՅԱՆ
Լոռի

20-05-2020





05-06-2020
Սեւանա լիճն այս տարի եւս կկանաչի
Միայն համալիր միջոցառումները կփրկեն Սեւանի էկոհամակարգը

Սեւանի էկոհամակարգը ...


05-06-2020
Վարակը չպետք է ազգային սպառնալիք դառնա
Կմտցվեն մուտքի եւ ելքի լրացուցիչ սահմանափակումներ

Պաշտոնական տվյալների ...


05-06-2020
Հայաստանում հաստատվել է COVID-19-ի 596 նոր դեպք․ ապաքինվել է 45, մահացել 7 քաղաքացի
Հայաստանում հունիսի 5-ին, ժամը 11:00-ի դրությամբ հաստատվել է կորոնավիրուսային ...


05-06-2020
Սուտ
Միգուցե, յուրաքանչյուրը կմտածի այս մասին եւ իր համար ...


05-06-2020
345 հանրային ծառայողներ նորակառույց բնակարաններ կունենան
Գործադիրը հաստատեց այդ բնակարանների վաճառքի կարգը

Բնակարանային շինարարությունը ...


05-06-2020
Սուսերամարտ՝ բացասական եւ դրական հույզերի միջեւ
Մշակութային թերապիա եւ առողջություն

Կյանքը բոլոր ժամանակներում եղել ...


05-06-2020
Ճամփաբաժան
Կենսոլորտը պետք է պաշտպանվի, եւ նրա պաշտպանվելու հետեւանքները ...



05-06-2020
Խաչիկ Դաշտենցի կենսագրական ոչ հայտնի մանրամասները
Նորերս լույս տեսած «Կորուսյալ երկրի ...

05-06-2020
Երես առած երեխայի լուրջ քմահաճույքը
Թատրոնը նրա համար զուտ թամաշա չդարձավ, ...

05-06-2020
Հետահայաց վերլուծության փորձ
Թե ինչպես Կիեւում մայդանը դարձավ ...

05-06-2020
Սխալ հաշվարկի հետեւանքը
Արագ շախմատի Եվրոպայի անդրանիկ առցանց առաջնության ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO