Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

26.05.2020
ՆԵՐՔԻՆ ԿՅԱՆՔ


Հասարակական տրանսպորտն աշխատում է

Կարեւորագույն խնդիրը կարգուկանոնի պահպանումն է

Երկուշաբթի օրը Երեւանում մեկնարկեց հասարակական տրանսպորտի՝ կորոնավիրուսի տարածման պատճառով ընդհատված երթեւեկությունը։ Կանգառներում գրեթե բոլորը դիմակներով են եւ ձեռնոցներով։ Իրավիճակն է պահանջում։ Ոստիկանությունը վերահսկողություն է իրականացնում, վարորդներն իրենց հերթին են պահանջում տրանսպորտ բարձրանալ միայն դիմակներով ու ձեռնոցներով, իսկ մեքենաներում ալկոգելեր են դրված։ Կանգնած ու կռացած երթեւեկելն անթույլատրելի է։
Սա հասարակական համակեցության դրսեւորում է։ Պատկերացնում եք, այն Երեւանում, որտեղ տրանսպորտի խնդիրն ամենաարդիականներից ու դժվարիններից է, կանգնած երթեւեկողներ չկան, գրեթե բոլորը մեկ մարդու պես հետեւում են պարետատան պահանջին ու համապատասխան պաշտպանիչ միջոցներ են կիրառում։ Դա գին է, որը պետք է վճարել առողջությունը պահպանելու դիմաց։ Չնայած, ասում են՝ առողջությունն անգին է։ Բայց այսօր, պատկերացրեք, այդ անգին բանն ունենալու կամ պահպանելու համար սահմանված է որոշակի գին՝ դիմակ, ձեռնոց, սոցիալական հեռավորություն, հիգիենայի խստագույն պահպանում եւ այլն։ Դա այն նվազագույնն ու պարտադիրն է, որը բոլորս պարտավոր ենք ունենալ ու որին հետեւել։ Դա միայն մեր առողջության հարցը չէ, դա մեր դիմացինի ու մեր ընտանիքի անդամների առողջության հարցն է։
Կա մի մեծամտություն՝ իբր, մեզ հիվանդությունը չի հասնի, իբր, մենք ապահովագրված ենք, հասկանալի էլ չէ, թե որտեղից այդ վստահությունն ու դրա վնասների թերագնահատումը։ Բայց խնդիրը միայն մենք ինքներս չենք, այլ նաեւ մեր հարազատները։ Աստիճանաբար հայտնի է դառնում, որ կորոնավիրուսը չի խնայում ոչ միայն մեծահասակներին, այլեւ երիտասարդներին ու երեխաներին։ Տարբեր ասեկոսեներ են պտտվում։ Ու հենց ամենավատը դա է, որ չկան հստակ գիտելիքներ այդ հիվանդության մասին։ Անորոշ է՝ ով, որ պարագայում, ինչպես է տանում Covid 19—ի վիրուսը։
Ուրախալին այն է, որ օրերս ունեցել ենք կորոնավիրուսով հաստատված վարակակիր 94 տարեկան պացիենտի առողջացման դեպք։ Իհարկե՝ լավ է, ուրախալի է։ Բայց չունենք այն պատասխանը, թե որ դեպքում են մեծահասակները թեթեւ տանում վիրուսը, որ դեպքում՝ ոչ։ Ամենը ենթադրությունների ու հիպոթեզերի մակարդակում է։
Վերադառնանք տրանսպորտին ու սահմանված կարգուկանոնը պահելուն։ Անկախ այն բանից, թե ինչ է հայտնի այս համավարակի մասին ու կանխարգելիչ ինչպիսի մեթոդներ կան հայտնաբերված, միեւնույն է, կա մեկ առանցքային սկզբունք՝ համավարակը հաղթահարելի է կազմակերպվածության բարձր մակարդակի շնորհիվ։ Դա վկայում է նաեւ Չինաստանի փորձը, որը, չգիտես ինչու, մեզ մոտ առանձնապես չի քարոզվում, եւ մենք այդ մոդելը չենք փորձում կիրառել։ Այդ հսկա երկիրը, որտեղից տարածվել էր համավարակը, կարողացավ հասնել այն բանին, որ տարածումից ամիսներ անց՝ այսօր, այլեւս չունի նոր վարակման դեպքեր։ Դա՝ խիստ դիսցիպլինայի արդյունքում։ Յուրաքանչյուր քաղաքացի պետք է առավելագույնս պահպանի պարետատան կամ լիազոր մարմնի կողմից սահմանվող պահանջները։ Դա է պահանջում իրավիճակը։ Միեւնույն ժամանակ՝ անխուսափելի է տրանսպորտի գործարկումը, քանի որ ոչ բոլորն են ի վիճակի անընդհատ երթեւեկել տաքսիներով, իսկ պետությունը պարտավոր է ապահովել տնտեսական լիարժեք շրջանառություն։
Այսպես՝ տրանսպորտը համավարակի տարածման տեսանկյունից ամենառիսկային ոլորտն է։ Այն պահանջում է բոլորիս աչալրջությունը։ Հատկապես այն պարագայում, երբ ունենում ենք օրական 2-3 հարյուր վարակման նոր դեպքեր ու արդեն ժամանակ առ ժամանակ լսում ենք մեր շրջապատում կամ անձամբ ճանաչած մարդկանց շրջանում վարակի հայտնվելու մասին, տրանսպորտում կարգուկանոնի պահպանումը դառնում է առաջնային խնդիր։ Խնդիր՝ դրված բոլորիս առաջ, թե՛ վարորդների, թե՛ ուղեւորների։
Դավիթ ՊԵՏՐՈՍՅԱՆ

20-05-2020





26-05-2020
Իշխանաձորում հիմնվել է ձիթենու այգի
Հաջողության դեպքում 4-5 տարի անց արդեն բերք կտան



26-05-2020
Արամ Խաչատրյան. Ապպիոսյան ճանապարհի խորհուրդը
«Ես մնում եմ հայ, բայց եվրոպացի հայ, ոչ ...


26-05-2020
Հայաստանում գրանցվել է COVID-19-ի 289 նոր դեպք, առողջացել է ևս 75 պացիենտ
Հայաստանում մայիսի 26-ի, ժամը 11:00-ի դրությամբ հաստատվել է կորոնավիրուսային ...


26-05-2020
Տարեցները կարոտ էին նման ցերեկույթի
«Հայաստանի ինտերկապ» բարեգործական կազմակերպության նախաձեռնությամբ Վանաձորի տարեցների տանը ...


26-05-2020
Արցախում բարձրագույն եւ միջին մասնագիտական կրթությունը կդառնա անվճար
Առաջին անգամ «Վերջին զանգը» չհնչեց նաեւ Արցախում

Արցախի ...


26-05-2020
Հերոսի հետ՝ Բարձրաքաշում
Եղիշե Չարենցի անվան գրականության եւ արվեստի թանգարանի տնօրեն, ...


26-05-2020
Տոնեցինք Երկրորդ Ծաղկազարդը
Մայիսի 24-ին Հայ առաքելական եկեղեցիներում մատուցվեց սուրբ պատարագ՝ ...



26-05-2020
Սիրիական հակամարտության լուծումը դեռ չի երեւում
Մերձավոր Արեւելքում անվտանգության ...

26-05-2020
Եգիպտացորենի մշակությանը զարկ տալով՝ թռչնաբուծությունն էլ տեղից կշարժենք
Որոնք են առաջին ամենագլխավոր ...

26-05-2020
Թուրքիան չարտերային չվերթներ բացելու մտադրություն ունի
Մինչեւ կանոնավոր միջազգային ավիահաղորդակցության ...

26-05-2020
Գործող չեմպիոնի լուրջ հայտը
Շուրջ 2,5 ամսվա ընդմիջումից հետո ...
USD
EURO
RUR
GEL
Եղանակը Երևանում
գիշերը +11... +13
ցերեկը +22... +24

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO