Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.08.2020
ՄԱՐԶԵՐ


Ծառուղիներ՝ ճանապարհի երկայնքով

Աշտարակ–Ապարան ավտոմայրուղու եզրերին 2200 ծառ տնկվեց

Նիգ–Ապարան հայրենակցական միությունը եւ ՀՀ բնապահպանության նախարարությունը հուշագիր են ստորագրել, որ բնակլիմայական խիստ պայմաններ ունեցող Ապարանի նախկին շրջանի տարածքում, Աշտարակ–Ապարան ավտոմայրուղու, ինչպես նաեւ միջհամայնքային ճանապարհների որոշ հատվածներում (ընդհանուր առմամբ՝ 7 կմ) ծառուղիներ ստեղծվեն։ Նախաձեռնությունը հայրենակցականինն է։
Անցյալ շաբաթ օրը ծառատունկը մեկնարկեց Աշտարակ–Ապարան ավտոմայրուղու՝ Ափնագյուղ–Հարթավան հատվածում։ Չնայած եղանակն այնքան էլ բարենպաստ չէր, այդուհանդերձ, միջոցառումը բազմամարդ էր։ Մայրաքաղաքից եկած մասնակիցներին միացան տարածքի ութ համայնքների բնակիչները, գլխավորապես ավագ եւ միջին դասարանների դպրոցականներ։ Տնկվեց 2200 ծառ, որով ձեւավորվեց մոտ 3,5 կմ ծառուղի։ Ըստ Արագած համայնքի գյուղապետ Գագիկ Պողոսյանի, յուրաքանչյուր համայնք միջին հաշվով ստեղծելու է 500–600 մ ծառուղի։
Այս հատվածում նախկինում էլ ծառատունկ կատարվել է, սակայն արդյունքը շատ փոքր է եղել։ Պատճառը, ըստ Գագիկ Պողոսյանի, նաեւ տնկիների տեսակներով է պայմանավորված։ Թխկի եւ հացենի տեսակները չեն հարմարվել տեղի բնակլիմայական պայմաններին եւ շոշափելի արդյունք չեն տվել։ Այս անգամ բերվել են Շիրակում աճեցրած կանադական բարդիներ, որոնք միանգամայն հարմար են ցրտաշունչ այս տարածքի համար։ Ծառատեսակի ընտրությունը կատարվել է բնապահպանության եւ գյուղատնտեսության նախարարությունների մասնագետների խորհրդով։
Մինչ ծառատունկն սկսելը, Ափնագյուղի մոտակայքում հիմնադրվեց անվանական ծառուղի։ Այստեղ իրենց անունը կրող ծառեր տնկեցին ՀՀ գլխավոր դատախազ, «Նիգ–Ապարան» հայրենակցականի պատվավոր նախագահ Աղվան Հովսեփյանը, բնապահպանության նախարար Արամ Հարությունյանը, անվանի բռնցքամարտիկ, աշխարհի բազմակի չեմպիոն Վիկ Դարչինյանը եւ Հայաստանում ՌԴ սահմանապահ զորքերի հրամանատար, գեներալ–լեյտենանտ Վիկտոր Վլասովը։ Հետագայում այստեղ անվանական նոր ծառեր կտնկվեն։
Գլխավոր դատախազ Աղվան Հովսեփյանը Վիկ Դարչինյանի հերթական հաղթանակի առիթով շնորհակալագիր եւ արժեքավոր նվեր հանձնեց անվանի մարզիկին։ Վիկն ասաց, որ այդ օրը ինքը միշտ հաճույքով է հիշելու։
Այս ծառատունկն ինչպե՞ս է գնահատում բնապահպանության նախարարը, եթե նկատի առնենք, որ սա «Նիգ–Ապարան» հայրենակցականի առաջին ծառատունկը չէ։ «Շատ կցանկանայի, որ հնարավորություն ունեցող ամեն ոք այսպիսի նախաձեռնություն հանդես բերի՝ ի նպաստ մեր երկրի բնության պաշտպանության։ Սա գովելի նախաձեռնություն է։ Օրվա խորհուրդը մեր մատաղ սերնդին օրինակ ծառայելն է, նրանց մոտ ավանդույթ ձեւավորելը, որ ամեն մարդ կյանքում ծառ տնկի եւ շրջապատը մաքուր պահի։ Ծառ տնկելը, բնությունը պաշտպանելը մարդկության բարօրության հիմքերից մեկն է։ Մի քանի տարի առաջ այս ճանապարհով անցնողը աջ ու ձախ ամայի տարածքներ էր տեսնում։ Հիմա բերքատու այգիներ են հիմնվել, դեկորատիվ ծառեր են տնկվել։ Ուրախալին հատկապես նորատունկ այգիների երեւան գալն է։ Դա նշանակում է քայլ դեպի գյուղատնտեսության զարգացում, միաժամանակ՝ շրջակա միջավայրի պահպանման խնդիրների լուծում։ Եթե ամեն անգամ տնկված ծառերի գոնե 50–60 տոկոսը արմատ գցի, սա արդեն մեզ համար մեծ հաջողություն կլինի։ Այս տարածքում ոռոգման խնդիրը լուծված է, ոռոգման ցանցեր են կառուցված, ինչը հույս է տալիս, որ արդյունքը լավ է լինելու»,–ասաց Արամ Հարությունյանը։
Նախարարի միտքը, թե այս ակցիան նոր սերնդի մեջ բնասիրական, բնապահպանական ավանդույթ ձեւավորելու խորհուրդ ունի, ծառատունկի օրը բավական ընդգծված երեւաց։ Դպրոցականները պարզապես իրարից խլելով էին տնկիները հանձնում հողին։ Ուղղություն, խորհուրդ տվողները ավագ մարդիկ էին, բայց գործի գերակշիռ մասը կատարեցին դպրոցականները։ Տեղացած հորդ անձրեւն էլ չխանգարեց, որ նրանք շարունակեն աշխատանքը եւ բոլոր տնկիները պահ տան հողին։ Ընդգծված ակտիվությամբ աշխատող մի պատանու՝ Վարդենուտ գյուղի միջնակարգ դպրոցի 10–րդ դասարանցի Գոռ Տերոյանին հարցնում եմ, թե գիտի՞, արդյոք, ինչ է անում եւ ինչ է սպասում իր աշխատանքից։ Պարզվեց՝ գիտի. «Ապարանի տարածքում ծառերը քիչ են, տնկում ենք, որ շատանան։ Ամեն անգամ, երբ ծառատունկ է կազմակերպվել, եկել եմ։ Եկել են նաեւ իմ հասակակիցները։ Միշտ էլ հոժարակամ ենք եկել։ Այսօր էլ եկել ենք մեր դասարանի տասներկու աշակերտներս։ Հարկ լինի՝ մեր տնկած ծառերի խնամքն էլ կկատարենք»։
«Նիգ–Ապարան» բարեգործական միության նախագահ Հայկազ Նավասարդյանի տեղեկացմամբ, իրենք 2006 թ. ծառատունկ են իրականացրել Սյունիքի մարզում, Երեւանում, Էջմիածնում։ «Բնականաբար, Ապարանի տարածքում խնդիրն ավելի կարեւոր է,–ասաց նա,–այստեղ Արարատյան դաշտի պես կանաչապատված չէ, հետեւաբար, անհրաժեշտ է ավելի մեծ ուշադրություն։ Մեր խնդիրն է, որ նորատունկ ծառերը կպչեն եւ մեր արածը արդյունք տա»։
Պետրոս ՍԱՐՈՒԽԱՆՅԱՆ
Լուսանկարը՝ հեղինակի

24-05-2011





01-08-2020
682 դեպքով հրդեհների թիվը նվազել է
Սակայն հրդեհավտանգ իրավիճակը կպահպանվի նաեւ օգոստոսին եւ սեպտեմբերին



01-08-2020
Ադրբեջանի էթնիկ քարտեզը
Հայկական տարրը տեւապես եղել է Կովկասի մշակութային շարժիչ ...


01-08-2020
Հայաստանում հաստատվել է COVID-19-ի 291 նոր դեպք․ ապաքինվել է 560, մահացել 11 քաղաքացի
Հայաստանում օգոստոսի 1-ի դրությամբ` հաստատվել է կորոնավիրուսային հիվանդության ընդհանուր ...


01-08-2020
Հուշապատում
Բինգյոլը... Սեւանի ափին

Սեւանա կղզին Իսահակյանի ամենասիրելի վայրերից ...


01-08-2020
«Ամենատխուր մարդը» կամ անազատության ազատությունը
Վերարժեւորելով Պերճ Զեյթունցյանին եւ նրա ինքնատիպ գործերից մեկը՝ ...


01-08-2020
Հայաստանի «Ինտերկապը» 30 տարեկան է
ՀԽՍՀ ֆիզիկական կուլտուրայի եւ սպորտի պետական կոմիտեի նախագահ Ռուբեն ...


01-08-2020
Կալիսիրի ակումբը՝ Շվեդիայի գավաթակիր
Շվեդիայի ֆուտբոլային գավաթը 8-րդ անգամ նվաճեց «Գյոթեբորգը»։ Ակումբակիցների հետ ...



01-08-2020
Հայաստանում մեկնարկում է հիմնարար բարեփոխումների գործընթաց
68-97 տոկոսով կբարձրացվեն ոստիկանության ...

01-08-2020
ՀԱԷԿ-ում ՊՆՎ-ն ըստ ժամանակացույցի է եւ առանց խոչընդոտների
Հայաստանն ատոմակայանի շահագործման եզակի ...

01-08-2020
Պատմության հետագծով
–1921 թ. օգոստոսի 1-ին ծնվել է Լիլի Չուգասզյանը՝ ...

01-08-2020
Ինֆանտինոն արդեն մեղադրյալ է
Համաշխարհային ֆուտբոլը հերթական ապտակը ստացավ. ...
USD
EURO
RUR
GEL
Եղանակը Երևանում
գիշերը +20... +22
ցերեկը +36... +38

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO