Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

13.08.2020
ՆԱԽԱԳԱՀ


Գործարար արձագանք

Ծաղկաձորում բացվեց հերթական հյուրանոցային համալիրը

«Վաղուց էինք Ծաղկաձորում նման ներդրումների սպասում։ Մեր ներդրումները լեռնադահուկային համալիրում պարտադիր կերպով պետք է խրախուսեին մասնավոր հատվածին՝ Ծաղկաձորում հյուրանոցային համալիրների վրա ներդրումներ անել։ Սա այն է, ինչ ակնկալում էինք։ Գործարար աշխարհն արձագանքեց, եւ ուրախ եմ, որ Ծաղկաձորն արդեն ունի ծավալներով ու որակով առաջին հզոր կառույցը»,— երեկ Ծաղկաձորում «Մուլտի ռեսթ հաուզ» հյուրանոցային համալիրի բացմանը նշեց հանրապետության նախագահ Ռոբերտ Քոչարյանը։ Նրա համոզմամբ, կառույցը հրապուրիչ է լինելու արտերկրից Հայաստան եկող զբոսաշրջիկների համար։ Համալիրի բացմանն իր ներկայությունը նախագահը բացատրեց ոլորտում առաջընթացը խթանելու մղումով։ «Շատ ուրախ կլինեմ, որ եւս մի քանի գործարար ներդրումներ անի Ծաղկաձորում»,–ասաց նա՝ նկատի ունենալով գործարար Գագիկ Ծառուկյանի այս ձեռնարկը եւ նշելով, որ շատ մեծ ներդրումներ ունեցող ծրագրերի բացմանը ճիշտ է, որ երկրի նախագահը մասնակցի։ Բացի այդ, ինքը մասնակցում է այն ոլորտների ձեռնարկներին, որոնց գերակայություն է տրվում։
Հավաստելով, որ համալիրի «շրջակա ձորափն ամբողջությամբ կենդանանալու է»՝ Ռ. Քոչարյանը տեղեկացրեց, որ Ծաղկաձոր քաղաքում կառուցվում են եւս մի քանի հյուրանոցներ։ «Պետք է լինեն եւ բարձրակարգ, եւ միջին կարգի հյուրանոցներ, յուրաքանչյուր ճաշակի եւ հնարավորությունների համար»,—կարծում է նախագահը՝ նշելով, որ լուծվելու են նաեւ Ծաղկաձորի բնապահպանական հարցերը։ «Տուրիզմում հաջողության հասնելու համար պետք է պատշաճ լուծում տրվեն բնապահպանական հարցերին, բոլոր տուրիստական ընկերություններն այսօր ավելի խստապահանջ են»,–ասաց նա։
Ինչպես Ծաղկաձորի քաղաքապետ Գարուն Միրզոյանն ասաց. «Քաղաքը զարգանում է աննախադեպ տեմպերով։ Գտնվելով երկրի ղեկավարի ամենօրյա ուշադրության ներքո՝ ամեն օր կառուցվում են ճանապարհներ, հյուրանոցներ, ճոպանուղիներ, սպորտային ու հանգստի համար նախատեսված կենտրոններ։ Մեր խնդիրն է Ծաղկաձորը դարձնել հանրապետության տուրիզմի լավագույն վայրերից մեկը»։ Շվեյցարական կողմի աջակցությամբ իրականացվում է քաղաքի զարգացման հեռանկարային ծրագիրը։ «Մի քանի օր առաջ այստեղ եղած շվեյցարացի գործընկերները տպավորված էին քաղաքի զարգացման տեմպերով»,—պատմեց համայնքապետը։ Նրա կարծիքով, նորաստեղծ համալիրը համապատասխանում է միջազգային չափանիշներին ու կարող է ընդունել ինչպես տեղացիներին, այնպես էլ խստապահանջ արտասահմանցի զբոսաշրջիկներին։
Խորհրդային տարիների մանկական ճամբարի տեղում մոտ 2,5 տարում ծավալված համալիրն ունի երկու մեծ մասնաշենք եւ 15 առաձնատուն։ Այն ներառում է 2—10 տեղանոց 45 համար եւ կարող է տեղավորել 270 հոգու։ Հյուրանոցային համալիրի տնօրեն Բենիամին Ալեքսանյանը տեղեկացրեց, որ համալիրն ունի խաղային կենտրոն, ռեստորան, փոքր կինոթատրոն, ջրավազան, մարզասրահ եւ այլն։ Իսկ հյուրանոցի մեկ տեղի արժեքը տատանվում է 40—120 հազար դրամի սահմաններում։
Երկրի նախագահը մինչեւ համալիրի բացմանը մասնակցելը եղավ նաեւ Թեղենիսի վրա։ Լրագրողների հետ կարճատեւ զրույցում նա գոհունակություն հայտնեց ճոպանուղու չորրորդ գծի կառուցման աշխատանքներից։ «Նոյեմբերի վերջին ավարտում ենք այս տարվա ծրագիրը։ Կմնա մեկ տարվա աշխատանք ծրագիրը զարգացնելու համար։ Պլանավորել ենք ամբողջական համալիրը վերջնական տեսքի բերել 2007—ին»,— տեղեկացրեց Ռ.Քոչարյանը։
Օֆելյա ԿԱՄԱՎՈՍՅԱՆ

10-11-2006





01-08-2020
682 դեպքով հրդեհների թիվը նվազել է
Սակայն հրդեհավտանգ իրավիճակը կպահպանվի նաեւ օգոստոսին եւ սեպտեմբերին



01-08-2020
Ադրբեջանի էթնիկ քարտեզը
Հայկական տարրը տեւապես եղել է Կովկասի մշակութային շարժիչ ...


01-08-2020
Հայաստանում հաստատվել է COVID-19-ի 291 նոր դեպք․ ապաքինվել է 560, մահացել 11 քաղաքացի
Հայաստանում օգոստոսի 1-ի դրությամբ` հաստատվել է կորոնավիրուսային հիվանդության ընդհանուր ...


01-08-2020
Հուշապատում
Բինգյոլը... Սեւանի ափին

Սեւանա կղզին Իսահակյանի ամենասիրելի վայրերից ...


01-08-2020
«Ամենատխուր մարդը» կամ անազատության ազատությունը
Վերարժեւորելով Պերճ Զեյթունցյանին եւ նրա ինքնատիպ գործերից մեկը՝ ...


01-08-2020
Հայաստանի «Ինտերկապը» 30 տարեկան է
ՀԽՍՀ ֆիզիկական կուլտուրայի եւ սպորտի պետական կոմիտեի նախագահ Ռուբեն ...


01-08-2020
Կալիսիրի ակումբը՝ Շվեդիայի գավաթակիր
Շվեդիայի ֆուտբոլային գավաթը 8-րդ անգամ նվաճեց «Գյոթեբորգը»։ Ակումբակիցների հետ ...



01-08-2020
Հայաստանում մեկնարկում է հիմնարար բարեփոխումների գործընթաց
68-97 տոկոսով կբարձրացվեն ոստիկանության ...

01-08-2020
ՀԱԷԿ-ում ՊՆՎ-ն ըստ ժամանակացույցի է եւ առանց խոչընդոտների
Հայաստանն ատոմակայանի շահագործման եզակի ...

01-08-2020
Պատմության հետագծով
–1921 թ. օգոստոսի 1-ին ծնվել է Լիլի Չուգասզյանը՝ ...

01-08-2020
Ինֆանտինոն արդեն մեղադրյալ է
Համաշխարհային ֆուտբոլը հերթական ապտակը ստացավ. ...
USD
EURO
RUR
GEL
Եղանակը Երևանում
գիշերը +20... +22
ցերեկը +36... +38

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO