Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.02.2020
ՄԱՐԶԵՐ


«Պետք է գիտակցենք, որ շատ ավելի հզոր ենք, քան ենթադրում ենք»

Սյունիքում հայտարարեց ՀՀ նախագահ Ռոբերտ Քոչարյանը

«Առաջին հերթին պետք է շնորհակալ լինել այն մարդկանց, ովքեր կառուցել են այս ճանապարհը։ Իմ խնդիրը որոշում կայացնելն էր, ստիպելը, գործի ընթացքին հետեւելը,–երեկ Մեղրի—Շվանիձոր—Վերիշեն—Ծավ—Կապան ավտոճանապարհի բացման արարողությանը նշեց ՀՀ նախագահ Ռոբերտ Քոչարյանը։–Մինչ այս գործող ճանապարհը խորհրդային տարիներին 6 տարում է կառուցվել։ Մենք սա 3 տարում կառուցեցինք։ Սա փաստում է, որ մեր՝ մասնավոր ընկերությունների, շինարարների հնարավորություններն ավելի լուրջ են, քան կարծում ենք։ Բայց սրանով չենք բավարարվելու։ Մեղրին մոռացված չէ ու մոռացված էլ չպիտի լինի։ Սկսելու է զարգանալ։ Իրան—Հայաստան գազատարը կառուցվեց, Մեղրին գազաֆիկացելու է, հիմա էլ երկաթուղու շինարարության հարցն է լրջորեն քննարկվում։ Այսինքն՝ սա փաստում է, որ մենք ի վիճակի ենք խոշոր ծրագրեր իրականացնել։ Այս ճանապարհն անցնում է 6 գյուղերի միջով, որոնք, ըստ էության, մոռացված էին։ Այսօր այդ գյուղերը շունչ կստանան։ Իրանից բեռնափոխադրումներն այս ճանապարհով են անցնելու։ Ուղղաթիռում արդեն քննարկում էինք այս ճանապարհի շարունակության՝ Կապան—Սիսիան հատվածի շինարարության խնդիրը։ Այս դեպքում այս ճանապարհը գործողին այլընտրանք կլինի։ Կրկին շնորհակալություն շինարարներին»։
Ի դեպ, այս ճանապարհի շինարարությունն սկսվել է 2005թ. մայիսին (շինարարությունն արել են 4 կապալառու ընկերություններ՝ «Մեղրու ՃՇՇՁ» ԲԲԸ—ն, «Դորոժնիկ» ՍՊԸ—ն, «Կապավոր» ՍՊԸ—ն եւ «Կապանի ՃՇՇ» ԲԲԸ—ն)։ Գումարը հատկացվել է պետական բյուջեից՝ ընդհանուր առմամբ, ըստ տրանսպորտի եւ կապի նախարար Անդրանիկ Մանուկյանի, 15 մլրդ 275 մլն դրամ։ Ճիշտ է, նախորդ՝ գործող ճանապարհից դեռ 12 կմ էլ երկար է, բայց հարավային լանջերով է անցնում, ավելի արեւկող է եւ ձմռանն էլ անցանելի։
Ճանապարհի երթեւեկելի մասի նվազագույն լայնությունը 6 մ է, առավելագույն երկայնական թեքությունը 9 տոկոս է։ Առավելագույն բարձրանիշը ծովի մակերեւույթից 2215 մ է։ Ճանապարհի կրողունակությունը կազմում է 11.5 տոննա փոխադրամիջոցի յուրաքանչյուր սռնու հաշվով կամ առավելագույնը 80 տոննա՝ 1 ծանրաքաշ փոխադրամիջոցի ընդհանուր քաշի հաշվարկով։ «Այս ճանապարհի շինարարության գաղափարը մեր երկրի նախագահինն է։ Այս շինությունը կառուցելը բարդ էր, ինչպես Սելիմի լեռնանցքը, Դիլիջանի թունելը եւ այլն։ Բայց կառուցվեց»,–նկատեց Ա. Մանուկյանը։ Սյունիքի մարզպետ Սուրիկ Խաչատրյանն էլ հավելեց, որ այս ճանապարհը գործողից ավելի անվտանգ է երթեւեկության համար եւ համապատասխանում է միջազգային չափանիշներին։
Ճանապարհի բացումից հետո երկրի ղեկավարը Մեղրիում մասնակցեց բերքի տոնին, հետաքրքրվեց այս տարվա բերքով։ Շվանիձոր, Վարդանիձոր, Լեհվազ եւ այլ գյուղերի գյուղապետերն ասում էին՝ բերքը նախորդ տարվա համեմատ քիչ պակաս է, որովհետեւ «ցուրտը վախեցրել է մի անգամ»։ Նախագահը կանգ առավ նաեւ Ծավ ու Շիկահող գյուղերի մոտ, զրուցեց բնակիչների հետ։
Այնուհետեւ լրագրողների հետ հանդիպման ժամանակ նա հիշեց, թե ինչպես էր կայացրել նոր ճանապարհի կառուցման որոշումը։ Այսպիսով, երբ հնի բարձրանիշը իջեցնելու (2215մ—ն) համար մտածել են թունելի մասին, բավականին թանկ նախագիծ է ստացվել. «Ըստ էության, ընդհանուր ճանապարհի տեսքը, բարդությունը չէր փոխվում։ Մի պահ ասացի. գուցե նո՞ր ճանապարհ կառուցենք։ Մասնագետներ ուղարկեցինք, որ ուսումնասիրեցին եւ ասացին, թե կա դրա հնարավորությունը։ Ծախսեցինք ավելի քիչ, քան կծախսեինք թունելի շինարարության համար, ունեցանք նոր ճանապարհ, որի շնորհիվ 6 գյուղեր շունչ կառնեն։ Սա ես շատ եմ կարեւորում։ Բարձրանիշն էլ իջավ ավելի քան 300 մետրով»։ Ռոբերտ Քոչարյանն ասաց, թե ավելի շատ իջեցնելու հնարավորություն էլ կար։ Բայց կար նաեւ Շիկահողի արգելանոցի խնդիրը. «Մենք լսեցինք բնապահպաններին։
Ինչեւէ, այս շրջանը ռազմավարական նշանակություն ունի։ Մենք Իրանի հետ խոշոր ծրագրերի հեռանկար ունենք, ուստի մեկ ճանապարհ ունենալը պարզապես սխալ էր։ Այս 2—րդ ճանապարհը պիտի շարունակենք՝ Կապան—Սիսիան։ Կշրջանցի Գորիսը, բայց շատ ավելի հանգիստ ճանապարհ կլինի ու տարանցիկ ներուժ կունենա։ Խոսքն, իհարկե, հիմնականում բեռնափոխադրումների մասին է»։
Երկիրն ի վիճակի՞ է այս կարգի ծրագրեր իրականացնել. լրագրողներից մեկի հարցին ի պատասխան՝ նախագահը ժպտաց. «Բայց արեցինք, չէ։ Ի վիճակի ենք խոշոր ծրագրեր անելու։ Ընդհանրապես համարում եմ, որ մենք չպետք է վախենանք համարձակ, խոշոր ծրագրերից, համարձակ լուծումներից։ Պարզապես պետք է մեր հնարավորությունները ճիշտ գնահատենք։ Եթե այս մոտեցումը չլիներ, մենք Սելիմի ճանապարհը չէինք ունենա, Հյուսիսային պողոտան հաստատ չէինք ունենա։ Բոլորն ասում էին՝ նույնիսկ խորհրդային տարիներին չէին համարձակվում այդ կարգի բեռ ստանձնել... Պետք է գիտակցենք, որ շատ ավելի հզոր ենք, քան ենթադրում ենք։ Խեղճ ու կրակ մարդու հոգեբանությունից վաղուց պետք է դուրս գալ»,–ամփոփեց երկրի նախագահը։
Հ. Գ. Թե որ հատվածով կձգվի երկաթուղին, առայժմ որոշված չէ։ 1—2 տարում հստակ կուրվագծվեն եւ՛ երկաթուղու, եւ նավթազտարանի հետ կապված հարցերը։
Արմենուհի ՄԵԼՔՈՆՅԱՆ

27-10-2007





15-02-2020
Շուկան բաց կլինի նաեւ միջազգային խոշոր ներդրողների համար
Պարտատոմսերի աճուրդային համակարգը թարմացվում է

Լուսինե ՆԱԶԱՐՅԱՆ
l.nazaryan@hhpress.am


Որպեսզի պարտատոմսերի ...


15-02-2020
Հազարների փոխարեն՝ միլիոններ ու քրեական պատասխանատվություն
Շարունակական խստացումնե՛րը կզսպեն տնտեսավարողի ախորժակը

Արմենուհի ՄԵԼՔՈՆՅԱՆ
a.melqonyan@hhpress.am

Մենք մեր ...


15-02-2020
Հայաստանի ազգային հերոս
Յուրի Պողոսյան

«Մի անգամ, երբ ջոկատի տղաներով Մեծ ...


15-02-2020
Ի՞նչ կփոխվի ադրբեջանական քաղաքականության մեջ
Ընտրություններից առաջ եւ հետո

«ՀՀ»-ի հյուրն է ԱԺ ...


15-02-2020
Հայաստանն ու Գերմանիան շահագրգիռ են խորացնելու տնտեսական համագործակցությունը
Նիկոլ Փաշինյանն այցելել է «Ֆրիդրիխ Էբերտ» հիմնադրամ

Աշխատանքային ...


15-02-2020
Խոշոր վթար Նովոսելցովո-Վանաձոր ջրատարում
Փետրվարի 13-ի ցերեկը խոշոր վթար տեղի ունեցավ Նովոսելցովո—Վանաձոր ...


15-02-2020
Տուրիզմը կմտնի Խաչփար
Այստեղ բացվեց ԱՐՏ-թակարդ տուն-արվեստանոցը

ՄԱԿ-ի Զարգացման ծրագրի (ՄԱԶԾ) ...



15-02-2020
Ինչո՞ւ Չոպանյանը Կոմիտասին խորհուրդ տվեց Կ. Պոլիս հեռանալ
Կամ՝ ինչ պատճառով «Անուշ» օպերան այդպես ...

15-02-2020
Քաղաքական որոշում տնտեսական աճի ակնկալիքներով
Որո՞նք են Հայաստանի եւ Սերբիայի ...

15-02-2020
Սիրիան փոքր մարտադաշտ է
Որտեղ բախվում են բավականաչափ լուրջ ...

15-02-2020
«Սա երկկողմանի համաձայնությամբ որոշում էր»
Փետրվարի 12-ին հայտարարվեց, որ Հայաստանի ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO