Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.01.2019
ՄՇԱԿՈՒՅԹ


Արվեստը ճամփորդում է Հայաստանով

Գյումրիի 6—րդ միջազգային բիենալեի մասնակից արվեստագետները քաղաքում աշխատում էին դեռ օգոստոսի սկզբից, իսկ բիենալեն սկսեց գործել սեպտեմբերի 7—ից։ Վերջին արվեստագետների բիենալեի գլխավոր համադրող Ազատ Սարգսյանը ճանապարհել է բոլորովին վերջերս։ Բայց թե հյուրերը մեկնել են, իսկ բիենալեն շարունակվում է՝ Գյումրիից առաջին անգամ տարածվելով դեպի հանրապետության մյուս քաղաքները։ Մշակույթի նախարարության հետ հայտարարված մրցույթի արդյունքում ընտրված մի շարք աշխատանքներ հոկտեմբերի 7—ից առանձին ցուցադրվում են Գյումրիի «Ստիլ» ցուցասրահում։ Նոյեմբերի 7—ին այս ցուցադրությունը կտեղափոխվի Վանաձորի պատկերասրահ։
Բիենալեի մրցանակակիր աշխատանքների ցուցահանդեսը (արվեստագետներ՝ Էլվիրա Ռայթ, Աշոտ Ավագյան, Յան Կրաուչեր, Վահագն Ղուկասյան, Պիտեր Յոհանսոն, Սամվել Ղարիբյան, այլք) ներառում է նաեւ այն նվիրատվություն—աշխատանքները, որոնք արվեստագետները բիենալեից հետո նվիրել են Հայաստանին։ Նվիրատվությունների շնորհիվ 10—ամյա բիենալեն արվեստի գործերի խոշոր հավաքածու ունի արդեն, ինչը ցուցադրության վայր չունենալով՝ արխիվացված է։ Երկրաշարժից հետո Գյումրին չունի նաեւ պատկերասրահ։ Երեկ այս մտահոգությունն էին հայտնում Ազատ Սարգսյանը, Գյումրիի գեղարվեստի ակադեմիայի տնօրեն Համբարձում Ղուկասյանը. «Գյումրին չունի պատկերասրահ, այս խնդիրը մեր առաջ դրված է։ Մենք ունեինք Ազգային պատկերասրահի մասնաճյուղ, որը երկրաշարժից հետո տեղափոխվեց Ձիթողցոնց թանգարան, իսկ հետո ողջ ֆոնդը բերվեց Երեւան։ Այս առումով կարող ենք շնորհավորել Վանաձորին եւ նրա նկարիչներին, որ պահպանում ու փայփայում են իրենց պատկերասրահը։ Բիենալեն ունի հավաքածու, դրանք նվիրատվություններ են, որոնք չեն ցուցադրվում։ Այդ աշխատանքները, գոնե այս տարվա նվիրատվությունները չեն մնա փակված Գյումրիում, կսկսեն ապրել ու շնչել Վանաձորում, Սպիտակում»։
Վանաձորի կերպարվեստի թանգարանը սկսել է գործել իբրեւ Ազգային պատկերասրահի մասնաճյուղ՝ 1974 թվականից, բայց 5 տարի անց առանձնացել է։ Գարնանային եւ աշնանային պարբերական ցուցահանդեսների շարքում առանձնանալու է նոյեմբերի 7—ի ցուցահանդեսը, որովհետեւ ներկայացվող ժամանակակից արվեստի աշխատանքները շատերի համար հայտնություն են։ Վանաձորի պատկերասրահի տնօրեն Փափագ Ալոյանը կարեւորում է ցուցահանդեսը մեկ այլ տեսանկյունից. «Հանրապետության թե թանգարանները, թե պատկերասրահները եւ թե արվեստագետները պետք է շփման մեջ լինեն»։
Երեւանի մշակութային ապակենտրոնացման գործընթացը շարունակվում է, իսկ բիենալեն այս տարի աննախադեպ տարածականություն գրավեց։
Հատկանշական է, որ արվեստագետները բիենալեն հիմնել էին աղետի գոտու հոգեւոր վերածնունդը խթանելու նպատակով, եւ այս տարի, դեկտեմբերի 7—ին, ցուցահանդեսը կտեղափոխվի Սպիտակի թանգարան եւ այնտեղ կմնա մշտական ցուցադրության։ Այս նվերը Սպիտակ քաղաքին հնարավոր է դարձել բիենալեի եւ նախարարության համագործակցության շնորհիվ, ինչի համար երեկ ուրախություն հայտնեցին թե՛ Ազատ Սարգսյանը, թե՛ նախարարի խորհրդական Սոնա Հարությունյանը։
Ի պատասխան Գյումրիի պատկերասրահին վերաբերող մտահոգություններին՝ երեկ Սոնա Հարությունյանը տեղեկացրեց, որ մշակույթի նախարարության եւ Իտալիայի տրամադրած դրամաշնորհի միջոցներով Գյումրիում արդեն շինարարական ընթացքի է պատրաստվում Գյումրիի պատմամշակութային արգելոցի շենքերից մեկը (Աճեմյան 2 հասցեում), եւ հաջորդ տարվա կեսից այն կծառայի իբրեւ Ազգային պատկերասրահի Գյումրիի մասնաճյուղ։ Շենքը վերակառուցվելու է եվրոպական չափանիշներով եւ ունենալու է մեծ այգի, որը նույնպես հրաշալի ցուցադրավայր է։ Հավանական է, որ պատկերասրահի մեկ հարկը կհատկացվի ժամանակակից արվեստի ցուցադրությանը, իսկ Գյումրին, ինչպես արդեն նշեցինք, բիենալեի շնորհիվ այդ աշխատանքների հարուստ հավաքածու ունի։ Այս տարի հայտնի արվեստագետ Լուչեզար Բոյաջիեւը նվիրել է իր՝ «Ձեռքներդ հեռու իմ պարազգեստից» գործը (2008 թ.) Գյումրիին։ Ազատ Սարգսյանը նշում է, որ շատ հաճախ հյուրերը Գյումրիի բիենալե են այցելում նման հայտնի գործեր դիտելու համար։ Պատկերասրահի կառուցումից հետո Գյումրին հավակնում է դառնալ Հայաստանի ժամանակակից արվեստի կենտրոն։

Կարին ԳՐԻԳՈՐՅԱՆ

05-11-2008





19-01-2019
Բնական մեղր, սխտոր, ճարպ եւ լավաշ
Ձմեռային ժամանակահատվածում զինծառայողներին կհատկացվի լրացուցիչ սնունդ

Զինված ուժերի ...


19-01-2019
Բաքվի ջարդերը ցեղասպանություն էին
Դրանք պետք է արժանանան միջազգային հանրության հստակ գնահատականին



19-01-2019
Առջեւում բարեփոխումների երկրորդ փուլն է
ԱԺ նախագահ Արարատ Միրզոյանը երեկ ԱԺ—ում պատասխանել է լրագրողների ...


19-01-2019
Փոփոխությունների անհրաժեշտությունը կարեւոր է
Միջազգային չափանիշների համաձայն՝ պետական կառավարման համակարգում պետք է լինի ...


19-01-2019
ԱՀՀ-ն ուզում է տեր կանգնել իր իրավունքներին
Մեկնարկել է ԱՀՀ-ի խորհրդարանի երկրորդ գումարման առաջին նստաշրջանը



19-01-2019
«Մենք Աստծո ընտրյալ ժողովուրդ ենք եւ հաղթելուց բացի այլ ճանապարհ չունենք»
Նախագահ Արմեն Սարգսյանն Աբու Դաբիում հանդիպել է հայ ...


19-01-2019
ՀՀ Ազգային ժողովի յոթերորդ գումարման խորհրդի անդրանիկ նիստը
Երեկ տեղի է ունեցել ՀՀ Ազգային ժողովի յոթերորդ գումարման ...



19-01-2019
Երրորդ անգամ Դավոսում
ՀՀ վարչապետ Նիկոլ Փաշինյանը կմասնակցի ...

19-01-2019
Հեռացա, որ մնամ
Ա՜խ, ափսո՛ս, որ հիմա այսպես
Լուռ ու ...

19-01-2019
Տրամադրությունների փոփոխություն արաբական աշխարհում
Երբ 2018թ. սկզբներին ԱՄՆ-ը իրականացրեց իր ...

19-01-2019
Սկսվում է ձյուդոյիստների վարկանիշային մրցաշարը
Հայ ձյուդոյիստները մարզումային հագեցած ...
USD
EURO
RUR
GEL
Եղանակը Երևանում
գիշերը 0... -2
ցերեկը +2... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO