Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.10.2018
ՄՇԱԿՈՒՅԹ


Հավերժ Չարենցի հետ

Եղիշե Չարենցի ծննդյան 112—ամյակին նվիրված միջոցառումները երեկ առավոտյան մեկնարկեցին մայրաքաղաքի Բաղրամյան 33ա հասցեից։ Հուշատախտակ տեղադրվեց այն տան պատին 1961—1999 թվականներին ապրել է բանաստեղծի բարեկամ, վաստակավոր նկարչուհի Ռեգինա Ղազարյանը, նա հայտնի է որպես չարենցյան տողերի փրկիչ... «Հավերժ Չարենցի հետ» հուշատախտակի տեղադրման նախաձեռնողն է Հայաստանի գրողների միությունը։
Հանդես գալով հուշաքարի բացման արարողության ժամանակ՝ ԳՄ նախագահ Լեւոն Անանյանը ասաց, որ հուշատախտակը հարգանքի տուրք է եւ մեծ բանաստեղծի, եւ նկարչուհու հիշատակին։ «Մեր ժողովրդի պատմության մեջ Եղիշե Չարենցը մի ամբողջ պոետական մշակույթ է ներկայացնում։ Գրողը, որի ձեռագրերը պահպանելով, նկարչուհին դարձավ Չարենց գրողի անմահ հուշարձանը կառուցողներից, 1937—ին բանտարկվելուց հետո կնոջը՝ Իզաբելային գրած նամակում նրան տեղյակ է պահել, որ միակ մարդը, որին կարող է վստահել, Ռեգինան է»,–ասաց Լ. Անանյանը, նկարչուհուն անվանելով «գրողի ստեղծագործության պահապան հրեշտակ»։
Նկարչուհու բարեկամուհի Մարինե Խորասանյանը պատմում է. «Չարենցի տունը շրջապատված էր, Չարենցը ներքնաշորի վրա բանտից գրել էր Իզաբելլային եւ խնդրել, որ միայն Ռեգինային վստահի պահարանը տանից դուրս հանելու գործը։ Եվ նա, ՆԿՎԴ—ի աչքի առջեւ, պատճառաբանելով, որ պահարանն իրեն պետք է, վերցրել է այն։ Դրա ներքեւի մասում, որտեղ դռնակ չկար, պահվում էին ձեռագրերը։ Ռեգինան ասում էր, դա կաներ յուրաքանչյուր հայ մարդ»։
Նկարչուհին ձեռագրերը պահել է հողի մեջ։ Դրանց 25 տոկոսը չի դիմացել խոնավությանը, փշուրները պահպանվում են փոքրիկ տոպրակներում։ Մնացած ձեռագրերը վերականգնվել են Մատենադարանում, եւ դրանց մի մասը մշտական ցուցադրության մեջ է Չարենցի տուն—թանգարանում, որտեղ երեկ բացվեց բանաստեղծի անձնական արխիվի ժամանակավոր ցուցադրությունը։ Ցուցադրության մեջ նաեւ Ռեգինայի հեղինակած Արփենիկ եւ Անահիտ Չարենցների, բանաստեղծի կնոջ՝ Իզաբելլայի դիմանկարներն են, Միքայել Արուտչյանի, Կարեն Սմբատյանի եւ Ռոբերտ Էլիբեկյանի՝ «Երկիր Նաիրի» ստեղծագործության ձեւավորումները, Հենրիկ Մամյանի՝ «Ամբոխները խելագարված» եւ «Ռադիոպոեմներ» գործերի ձեւավորումները։
Չարենցի տուն–թանգարանի տնօրեն Լիլիթ Հակոբյանը նշում է, որ այդ ձեռագրերը կազմում են շուրջ 7000 տող, ներառում են Չարենցի 1935—37թթ. ստեղծագործությունները, դրանց մեջ են «Վերջին աղոթքը», «Նավզիկե», «Ռեքվիեմ Կոմիտասի հիշատակին», «Անվերնագիր», «Աշնան երգեր» եւ այլ գործեր։ Ձեռագրերի մի մասը Ռեգինա Ղազարյանը հանձնել է բանաստեղծի դուստրերին իբրեւ ժառանգություն, իսկ քույրերը դրանք վերահանձնել են թանգարանին։ «Թանգարանում ունենք մի անկյուն, որտեղ պահպանում ենք Ռեգինա Ղազարյանից մեզ հասած բոլոր մասունքները։ Դեռ կենդանության օրոք իր ողջ Չարենցապատումը (իսկ նա Չարենցի եւ նրա ստեղծագործություններով թեմաներով ստեղծած հիանալի կտավներ ունի) հանձնել է տուն—թանգարանին»,–ասում է Լ. Հակոբյանը։
Փրկված ձեռագրերի մեջ են նաեւ «Հերոսի հարսանիքը» ստեղծագործությունից հատվածներ։ «Դա պիտի լիներ Չարենցի ամենահետաքրքրական ստեղծագործություններից մեկը։ Մի երեւակայական բան էր ստեղծում՝ հավաքվել են գրական մեծ գործիչները եւ խոսում են մարդկության, աշխարհի խնդիրների մասին։ Միայն մոտավորապես կարող ենք գուշակել, թե ընթացքը ինչպիսին պետք է լիներ.. բայց ամեն դեպքում, դա այնքան հետաքրքիր մտահղացում էր, որ այդ մի երկու պահպանված էջերը շատ մեծ արժեք ունեն»,–ասում է գրականագետ Ազատ Եղիազարյանը։
Չարենցի հուշարձանի մոտ՝ Ալեք Մանուկյան փողոցում, երեկ կայացավ նաեւ պոեզիայի ավանդական ցերեկույթը։ «Չարենցի յուրաքանչյուր տող կարդացվում է այնպես, որ կարծես այսօր է գրվել եւ մեր ժամանակի մասին է, յուրաքանչյուր տող ուղղված է հավերժությանը»,–ասաց Մ. Աբեղյանի անվան գրականության ինստիտուտի տնօրեն Ավիկ Իսահակյանը։

Ըստ «ՀՀ»–ի եւ «Արմենպրեսի»

14-03-2009





13-10-2018
Ձգտել միասնության՝ պահպանելով բազմազանությունը
Ավարտվեց Ֆրանկոֆոնիայի միջազգային կազմակերպության 17-րդ գագաթնաժողովը

Ֆրանկոֆոնիայի միջազգային ...


13-10-2018
«Արմենպրեսը»՝ արդեն հինգ լեզվով
Ներկայացվեց կայքի ֆրանսերեն բաժինը

«Արմենպրես» պետական լրատվական գործակալության ...


13-10-2018
«Մենք այս հրաշալի միջոցառման էջը պատվով կփակենք»
Նիկոլ Փաշինյանը բարձր է գնահատել ՖՄԿ գագաթնաժողովի արդյունքները



13-10-2018
Երկկողմ հանդիպումներ
Ֆրանկոֆոնիայի միջազգային կազմակերպության 17—րդ գագաթնաժողովի շրջանակում հանրապետության նախագահ Արմեն ...


13-10-2018
Հայ–կանադական բարեկամությունը շատ ավելի մեծ ապագայի ներուժ ունի
Հանրապետության նախագահի նստավայրում երեկ կայացել է նախագահ Արմեն Սարգսյանի ...


13-10-2018
ՀՀ վարչապետի հանդիպումները Ֆրանկոֆոնիայի գագաթնաժողովի շրջանակում
Վարչապետ Նիկոլ Փաշինյանը Ֆրանկոֆոնիայի միջազգային կազմակերպության 17—րդ գագաթնաժողովի շրջանակում ...


13-10-2018
Մենք պետք է ապրենք՝ շրջապատված իրական բովանդակությամբ
Վարչապետ Նիկոլ Փաշինյանի անունից՝ ի պատիվ պաշտոնական այցով Հայաստանի ...



13-10-2018
Ջիվան Գասպարյանը դեռ 90 տարեկան է
Երեւանում տեղի կունենա համերգ՝ նվիրված ...

13-10-2018
Ֆրանսերեն լեզվով, բայց հայկական սրտով
Հայերի ներդրումը ֆրանսագիր գրականության ...
USD
EURO
RUR
GEL
Եղանակը Երևանում
գիշերը +7... +9
ցերեկը +21... +23

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO