Հայերեն / English / Русский

Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.09.2017
ՏՆՏԵՍՈՒԹՅՈՒՆ


Որո՞նք են հակաճգնաժամային ուղղությունները

Սոցիալական ծախսերը չեն կրճատվի

«Համաշխարհային ճգնաժամի ազդեցությունը Հայաստանի վրա. կարճաժամկետ եւ երկարաժամկետ հեռանկարներ» միջազգային համաժողովը երեկ շարունակեց իր աշխատանքները։ Համաժողովի շրջանակներում լրագրողներին հանդիպեցին միջազգային կազմակերպությունների ներկայացուցիչները։
ՄԱԿ—ի զարգացման ծրագրի տնտեսագետ Բեն Սլեյը նկատեց, որ ՀՀ կառավարությունը բավականին «անդուր վիճակում» է, որովհետեւ միաժամանակ պետք է բազմաթիվ միջոցառումներ ձեռնարկի սահմանափակ ռեսուրսներով՝ թե՛ ֆինանսական եւ թե՛ մարդկային։ Հարց է, թե որքանով կարող են կառավարության այդ ջանքերը սատարել միջազգային կազմակերպությունները։ «Հայաստանի կառավարությունը դժվարագույն խնդիր է լուծում դրամավարկային քաղաքականությունում։ Մեծ ջանքեր է ձեռնարկում նաեւ կենտրոնական բանկը»,–ասաց Բ. Սլեյը։ Նա միաժամանակ հավելեց, թե ՀՀ կառավարության առջեւ դեռ խնդիրներ կան ծառացած՝ ինչպե՞ս պաշտպանել խոցելի խավին, ինչպե՞ս տարատեսականացնել տնտեսությունը, պահպանել սննդի անվտանգությունը, նաեւ ինչպե՞ս անել, որ արտաքին պարտքի բեռը սերունդների ուսերին չմնա։
Ասիական զարգացման բանկի ռազմավարական հետազոտությունների բաժնի ղեկավար Ջեսուս Ֆելիպի կարծիքով, ՀՀ կառավարության համար հակաճգնաժամային երկարաժամկետ ու հեռանկարային քայլերից մեկը եւ ամենակարեւորը պետք է լինի տնտեսության հատվածում արդյունաբերությանը զարկ տալը։
Արժույթի միջազգային հիմնադրամի ռազմավարության եւ քաղաքականության բաժնի պետ Լորենցո Ջիորջիանին վստահ է, որ ՀՀ կառավարությունը այլ ելք չուներ եւ ստիպված էր մեծածավալ վարկեր ներգրավել՝ հեշտացնելու համար բյուջեի խոշոր դեֆիցիտի ծածկումը, ինչն անհրաժեշտ էր, որպեսզի պետության հանդեպ պահպանվեր վստահությունը։
Այնուամենայնիվ, որո՞նք են հակաճգնաժամային այն առաջին մի քանի առաջնահերթ ուղղությունները, որոնք անհապաղ պետք է իրականացնել։ Եթե հակիրճ ամփոփենք, ապա պատկերը հետեւյալն է։ Ինչպես հայտնեց ՀՀ էկոնոմիկայի նախարար Ներսես Երիցյանը, քննարկումներում իբրեւ ամենակարեւոր գործոններից մեկը նշվել է հետճգնաժամային շրջանում ավելի որակյալ, տարատեսականացված տնտեսական աճ ապահովելը։ Երկրորդը՝ առանձնացվել է սոցիալական քաղաքականությունը. «Հրդեհը հանգցնելու պահին պետք է վստահ լինենք, որ մեր երկրի սոցիալական կառուցվածքը խեղված չէ, եւ վերջին 10—15 տարիներին ձեռքբերված հաջողությունները՝ կապված աղքատության ծավալների կրճատման, զբաղվածության ավելացման հետ, էապես խաթարված չեն։ Դա շատ կարեւոր է լինելու հետճգնաժամային ժամանակահատվածում»,–ընդգծեց էկոնոմիկայի նախարարը։ Երրորդը՝ մի առաջարկ է հնչել քննարկումներում, որը շատ հոգեհարազատ է եղել Ներսես Երիցյանին եւ ինքն անձամբ հետեւողական է լինելու, որ «կառավարությունում այդ դեբատը տեղի ունենա»։ Խոսքը վերաբերում է հետեւյալին. որպեսզի մարդկանց նպաստ կամ գործազրկության դիմաց տրվող վճարի փոխարեն խթանվեն հանրային աշխատանքները։ Նախարարի խոսքերով՝ կարճաժամկետ առումով պետք է կարողանանք ուշադրություն դարձնել խնդիրների արագ լուծմանը, իսկ երկարաժամկետ հատվածում պետք է կարողանանք պահպանել ճիշտ հավասարակշռությունը արտաքին պարտքի բեռի եւ այն բարեփոխումների միջեւ, որոնք նպաստելու են այդ պարտքի վճարմանը։ Հիմնական մոտեցումը հետեւյալն է. ճգնաժամը չպետք է պատճառ դառնա, որպեսզի երկարաձգվեն կամ չիրագործվեն երկարաժամկետ ծրագրերը։ Միջազգային ֆինանսական կազմակերպություններից ներգրավված միջոցները բավարա՞ր են ճգնաժամային այս վիճակում։ Հարցին Ներսես Երիցյանը պատասխանեց՝ այո, բավարար են, բայց թե ինչպես կվերաբաշխվեն, «պայմանավորված է սցենարներով եւ դրսեւորումներով»։ Մի բան ակնհայտ է. սոցիալական ծախսերը պահպանվում են։
Արմենուհի ՄԵԼՔՈՆՅԱՆ

09-07-2009





 
20-09-2017
Ճանաչումն ԱՄՆ—ի շահերից է բխում
Ուստի կոնգրեսականներն աշխատում են ցեղասպանության ճանաչման ուղղությամբ

Հայկական ...


20-09-2017
Ներդրումները միայն Հայաստանի 3 միլիոնանոց շուկա չեն մտնում
Թեմատիկ քննարկման ժամանակ վարչապետը նաեւ հարցերի պատասխանեց

Տնտեսության ...


 
20-09-2017
Զինված ուժերում ծառայելը մեր բարոյական եւ իրավական պարտականությունն է
Հայաստան—սփյուռք 6—րդ համաժողովի շրջանակներում ՀՀ պաշտպանության նախարարության կողմից կազմակերպվել ...


 
20-09-2017
Կարեւոր է, որ բանակը սիրված է ժողովրդի կողմից
Չիլիի ռազմածովային ուժերի ծովակալ Հերնան Կույումջյանը արդեն երրորդ անգամ ...


 
20-09-2017
Զիջումները՝ միայն ԼՂՀ ճանաչման դեպքում
Փոխզիջումային քաղաքականությանը պետք է շատ խնամքով մոտենալ

Հայաստան—սփյուռք ...


20-09-2017
Նոր ուղղություններ՝ գյուղոլորտում
ՀՀ գյուղատնտեսության նախարարն այցելել է Կոտայքի մարզ

ՀՀ ...


 
20-09-2017
Արտադրել եւ դուրս գալ արտաքին շուկա
Քննարկվեցին ՀՀ տնտեսության զարգացման հեռանկարները

Հայաստան—սփյուռք 6—րդ համաժողովի ...



20-09-2017
Հայ լինելը Թուրքիայում դժվար է
Սակայն անձայն մնալը սխալ է, ...

 
20-09-2017
Բացվել է Արենու քարանձավ հնավայրը
ԱՄՆ—ն աջակցում է հուշարձանի ...

20-09-2017
Վարչապետն ԱՄՆ կոնգրեսականների հետ քննարկել է հայ–ամերիկյան տնտեսական համագործակցության հեռանկարները
Վարչապետ Կարեն Կարապետյանը երեկ ընդունել է ...

20-09-2017
Միասին շարունակենք կառուցել բոլորիս երազած երկիրը
Վարչապետի ելույթը՝ Հայաստան–սփյուռք ...
USD
EURO
RUR
GEL
Եղանակը Երևանում
գիշերը +16... +18
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO