Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.04.2019
ՄՇԱԿՈՒՅԹ


Ազգային եւ համամարդկային արժեքների փնտրումով

Նշվեց «Վէմ» ռադիոկայանի 10—ամյակը

Արդեն 10 տարի է, հայկական ռադիոեթերում իր ուրույն տեղն է զբաղեցնում «Վէմ» ռադիոկայանը։ Իր գործունեության ընթացքում ռադիոկայանը պատրաստել եւ հեռարձակել է սեփական արտադրության շուրջ 40 անուն հաղորդաշար, 17 հազար հեղինակային հաղորդում հայերեն, ռուսերեն եւ անգլերեն լեզուներով։ «Վէմ»—ի եթերում մեծ տեղ է զբաղեցնում հայ դասական եւ հոգեւոր երաժշտությունը, ձայնադարանն ունի համաշխարհային դասական երաժշտության լավագույն կատարումների ավելի քան 30 հազար երաժշտական միավոր։ Ռադիոկայանին կից գործող «Վէմ» ձայնագրման ստուդիայի թողարկած հայ դասական եւ հոգեւոր երաժշտության ձայնագրությունները՝ հանրաճանաչ երգչախմբերի եւ երաժիշտների կատարմամբ, որակական նոր մակարդակի վրա են բարձրացրել հայ մշակույթի մատուցումը թե Հայաստանում, թե արտերկրում։
Ռադիոկայանի տեսաարտադրական թեւը՝ «Վէմ մեդիա արվեստներ» ստուդիան թողարկել է հարյուրավոր հեռուստատեսային հաղորդումներ, ինչպես նաեւ հանրապետական ու միջազգային մրցանակների արժանացած 12 վավերագրական ֆիլմ։ Դրանց մեջ պետք է առանձնացնել 2010 թվականին թողարկված միջազգային մրցանակների դափնեկիր «Արարատից Սիոն» փաստագրական ֆիլմը, որը դարձավ հայության յուրահատուկ կինոանձնագիրն աշխարհում։ Այն պատմում է Սուրբ երկրում հայերի դարավոր ներկայության մասին։ Նշենք, որ «Արարատից Սիոն»—ին «Լավագույն վավերագրական ֆիլմ» մրցանակ է շնորհվել միջազգային չորս կինոփառատոներում։ Ֆիլմը հաջողությամբ ցուցադրվել է աշխարհի տարբեր երկրների հեռուստաալիքներով, այդ թվում՝ ամերիկյան հանրահայտ PBS հեռուստատեսությամբ։
Երեւանի Կոմիտասի անվան Կամերային երաժշտության տանը ապրիլի 15—ին տեղի ունեցավ «Վէմ» ռադիոկայանի 10—ամյակին նվիրված միջոցառում։
Հոբելյանի առթիվ շնորհավորական խոսք էին ՀՀ նախագահն ու Ամենայն հայոց կաթողիկոսը։
«Վէմ» ռադիոկայանի հիմնադիր եւ տնօրեն տեր Մեսրոպ քահանա Արամյանը, ներկայացնելով ռադիոկայանի 10—ամյա գործունեությունը, նշեց, որ այն իր բովանդակությամբ եւ հեռարձակման որակով հայկական եթերում դարձել է չափանիշ, սեփական ինքնության փնտրումների եւ խորքային բացահայտումների աղբյուր, խոսքի մատուցումը դարձնելով արվեստի մակարդակի։
«Վէմ»—ի գործունեությունը հնարավոր չէ տարանջատել «Գանձասար» աստվածաբանական կենտրոնից, որի ավելի քան 80 հրատարակությունների միջոցով լայն ճանաչում ստացան հայ աստվածաբանական մտքի, պատմության, մշակույթի բազմաթիվ գանձեր։
«Ռադիոկայանը ստեղծվել է հայ մարդուն հաղորդակից դարձնելու իր ինքնությանը, հոգեւոր արժեքներին, բարձր մշակույթին, իսկ ռադիոկայանի այս տարիների գործունեությանը գնահատական կարող են տալ ունկնդիրները։ «Վէմ»—ը մի օազիս է ընդհանուր եթերում, գաղափարական մի տարածք, որտեղ մարդիկ կատարում են իրենց համար խորքային բացահայտումներ, որտեղից գալիս է խաղաղություն եւ ներդաշնակություն, որտեղ չկա գովազդային աղմուկ։ Ռադիոկայանի լսարանը կայուն է, քանի որ դրանք հոգեւոր փնտրումներ ունեցող, մշակութասեր, բարձր դասական երաժշտություն սիրող մարդիկ են, որոնք նաեւ կարծիք ձեւավորող հասարակություն են»,— արդեն «ՀՀ»—ի հետ զրույցում նշեց տեր Մեսրոպ քահանա Արամյանը։
«Վէմ» ռադիոկայանի «Համաշխարհային դասական երաժշտություն» հաղորդման հեղինակ, երգահան Դանիել Երաժիշտը մեզ հետ զրույցում նշեց, որ ռադիոկայանի գործունեությունն ունի ինչպես հոգեւոր, այնպես էլ՝ գործնական նշանակություն։ Դանիել Երաժիշտը ռադիոկայանի 10—ամյա գործունեության ամենակարեւոր ձեռքբերումը համարում է ունկնդրին։
Հոբելյանական միջոցառումն ավարտվեց տոնական համերգով, որի ընթացքում իրենց կատարումներով «Վէմ»—ին շնորհավորեցին «Հովեր» կամերային երգչախումբը, Արամ Խաչատրյանի անվան տրիոն, «Տաղարան» անսամբլը, Հայաստանի պետական սիմֆոնիկ նվագախմբի կամերային կազմը եւ ուրիշներ։
Լուսինե ՄԽԻԹԱՐՅԱՆ

17-04-2012





23-04-2019
«Արցախն իր թիկունքում միշտ ունենալու է ամուր Հայաստան»
Օրակարգում անվտանգության, քաղաքացիական համակարգի պատրաստության խնդիրներն են



23-04-2019
Թուրքական ապացույցներով՝ Թուրքիայի հանցանքի մասին
Թաներ Աքչամի աշխատությունը ծանր հարված է թուրքական ժխտողականությանը



23-04-2019
Վեպը միշտ ինձ է սպասում
Գրիգը բացել է փակագծերը

Արձակագիր Գրիգը, որն ընթերցասերների ...


23-04-2019
Կրթության որակը՝ առաջնահերթություն
Ուսուցչի դերը կրթական բարեփոխումներում դեռ լավ չի գիտակցվում



23-04-2019
Վարչապետը խորհրդակցություն է անցկացրել մարզպետների հետ
Վարչապետ Նիկոլ Փաշինյանի մոտ տեղի է ունեցել խորհրդակցություն, որին ...


23-04-2019
«Քրիստոս յարեաւ ի մեռելոց»
Սուրբ եւ անմահ պատարագ՝ ի նշանավորումն Հիսուս Քրիստոսի ...


23-04-2019
Նոր ավիաընկերությունների սպասելիս
Հարցազրույց քաղավիացիայի կոմիտեի նախագահ Տաթեւիկ Ռեւազյանի հետ

ՀՀ ...



23-04-2019
Անձրեւացման եղանակի «հայկական հետքը»
Ինչ է պատմում խորհրդային տարիներին ...

23-04-2019
ԱՄՆ-ը Իրանից նավթի ներմուծման արտոնությունը չեղարկում է
2018թ. նոյեմբերի 4-ին, երբ ԱՄՆ-ն Իրանի դեմ տնտեսական ...

23-04-2019
Հոգեւոր կյանքի վերանորոգման առիթ
Արցախում նշել են Հիսուս Քրիստոսի ...

23-04-2019
«Բանանցը» հրաժարվեց. ի՞նչ սպասել հաջորդիվ
Խորը հիասթափություն էր սպասում այն մի քանի տասնյակ ...
USD
EURO
RUR
GEL
Եղանակը Երևանում
գիշերը +4... +6
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO