Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.08.2019
ԿՐԹՈՒԹՅՈՒՆ


Հայկական լեռնաշխարհ

Կայացավ էլեկտրոնային գրքի շնորհանդեսը

Աշխարհում օնլայն կրթության վերջին զարգացումներին զուգընթաց, կրթական համայնք է ձեւավորում նաեւ հայկական վիրտուալ համալսարանը, որն աշխարհի տարբեր երկրներում ունի շուրջ 3 հազար ուսանող եւ գործում է արդեն մի քանի տարի։ Համալսարանը համացանցի միջոցով բոլոր սփյուռքահայ ուսանողների համար իրականացնում է հասանելի եւ մատչելի կրթություն՝ մշակութային, կրթության եւ այլ ուղղություններով։ Համալսարանը նպատակ ունի նաեւ համապարփակ կրթություն իրականացնել գերժամանակակից մուլտիմեդիայի միջոցներով եւ առաջիկա ամիսներին թողարկել շուրջ մի քանի էլեկտրոնային գրքեր։
Նշենք, որ ՀՎՀ–ի էլեկտրոնային գրքերի նորարար շարքի առաջին գիրքն արդեն պատրաստ է՝ «Հայկական լեռնաշխարհ» անվամբ, որը ներկայացնում է հայկական մշակույթն ու պատմությունը։ Գրքի բովանդակության եւ թողարկման նպատակների մասին երեկ մանրամասնորեն ներկայացրեց հայկական վիրտուալ համալսարանի հիմնադիր—նախագահ ՀԲԸՄ կենտրոնական վարչական ժողովի անդամ Երվանդ Զորյանը, ում խոսքերով, ինչպես այս, այնպես էլ գրքի հետագա թողարկումները նոր էջ կբացեն հայկական ինքնության բացահայտման գործում։ Գրքում ներկայացված են հայկական լեռնաշխարհի բազմադարյա մշակույթը, շրջակա միջավայրը եւ վարչական տարածաշրջանային բաժանումները, որոնցից յուրաքանչյուրը հագեցած է պատկերներով եւ տեսանյութերով։ Ըստ Երվանդ Զորյանի, գրքի առաջին մասի՝ «Հայկական լեռնաշխարհ»—ի թեմայի ընտրությունը բացատրվում է նրանով, որ հենց հայկական լեռնաշխարհից են սկիզբ առնում մեր ազգային արմատներն ու պատմությունը եւ հենց հայկական լեռնաշխարհով են պայմանավորված մեր պատմության եւ ազգային ճակատագրի առանձնահատկությունները։
Գիրքը սկզբնական շրջանում ընթերցողին կներկայանա հայերեն եւ անգլերեն լեզուներով, այնուհետեւ 5 լեզուներով եւս՝ թուրքերենով, իսպաներենով, ֆրանսերենով, ռուսերենով եւ արեւմտահարենով։ Գիրքը ընդգրկում է Հայաստանին վերաբերող թեմաների բավական լայն շրջանակ՝ պատմություն, մշակույթ, տուրիզմ, տնտեսություն եւ այլն։ Երվանդ Զորյանի տեղեկացմամբ, գիրքը կազմելիս հաշվի են առնվել ընթերցողների բազմազանությունը եւ գրքից սպասվող նրանց ակնկալիքները, ուստի փորձ է արվել տեղեկատվությունը մատուցել մատչելի լեզվով՝ միաժամանակ ապահովելով նաեւ ոճային ինքնատիպությունը։
Ընթերցողները հնարավորություն ունեն հարցաշարերի միջոցով գնահատել սեփական առաջընթացը, առանձնացնել ժամանակաշրջանի կարեւորագույն իրադարաձությունները եւ ծանոթանալ հատուկ այդ աղբյուրի համար մշակված հարուստ բառապաշարին։
Գիրքը բոլորի համար կլինի անվճար եւ ամենուրեք հասանելի։ Բացի թողարկված տեսաերիզներից, ցանկացած ընթերցող բավական հեշտ ներբեռնումով կկարողանա այն ընթերցել մոբայլ սարքերով, պլանշետներով եւ այլն։ Որքանո՞վ է գրքում հնարավոր եղել ապահովել նյութերի գիտական հավաստիություն եւ ի՞նչ աղբյուրներ են օգտագործվել, Երվանդ Զորյանն, ասաց, որ դրանք վերցվել են ՀՎՀ—ի ուսումնական գրականությունից, ակադեմիական ամսագրերից, պատմական փաստաթղթերից, բուհերում կիրառվող կրթական նյութերից եւ այլն։ Իսկ ինչ վերաբերում է գրքի ակադեմիական խորությանը, ապա, բանախոսի հավաստմամբ, այն կարող է ծառայել որպես գիտական աղբյուր՝ շնորհիվ գրքում տեղ գտած ճշգրիտ եւ մանրակրկիտ ուսումնասիրությունների։
Գրքի առանձնահատկություններից մեկն այն է, որ տեղեկատվությանը զուգահեռ միաժամանակ մեկնաբանվում է նաեւ նյութը տեսաշարի ձեւով, տեսողական 3—D էֆեկտներով, լուսանկարներով, տեսահոլովակներով, իրադարձությունների ժամակագրությամբ, դինամիկ քարտեզներով եւ այլն։
Նախատեսվում է առաջիկա ամիսներին թողարկել հաջորդ գրքերը եւս, որոնցից երկուսն, ի դեպ, նույնպես հիմնված կլինեն վերոհիշյալ աղբյուրների վրա եւ կներկայացնեն Հայաստանի տնտեսությունը, տուրիզմն ու փոփ մշակույթը։ Իսկ մնացած թողարկումները կընդգրկեն տարբեր բնագավառներ՝ ճարտարապետություն, երաժշտություն, գեղարվեստ, ժողովրդական մշակույթ եւ այլն։ Այդ գրքերի միջոցով, բանախոսի վստահեցմամբ, կընդլայնվի նաեւ ՀՎՀ—ի վիրտուալ լսարաններում ընդգրկված միջազգային ուսանողների շրջանակը։ Ի դեպ, ըստ նրա, աշխարհի տարբեր վայրերի կրթական համակարգի ներկայացուցիչներն ու ուսանողները բավական մեծ անհամբերությամբ են սպասել այս գրքի վիրտուալ թողարկմանը, եւ այն իրականություն դարձնելու ցանկությամբ էլ պայմանավորված է եղել գրքի թողարկումը։
Լուսինե ՆԱԶԱՐՅԱՆ

30-01-2014





01-08-2019
Ինչպե՞ս դառնալ ներդրող
Բնակելի շենքի կառուցապատման գործընթացից կարելի է շահույթ ստանալ ...


01-08-2019
«Աշխարհս առանց իշխանութեան չի կառավարուիր»
Մկրտիչ Ա Վանեցի Ամենայն հայոց կաթողիկոսը (1820–1907) համոզված էր, ...


01-08-2019
Հնարավոր չէ առանց պատժվելու այլասերել բառերը
Թադեւոս ԽԱՉԱՏՐՅԱՆ
t.khachatryan@hhpress.am


Կամյուին կարելի է համարել 20-րդ դարի ...


01-08-2019
Արեւայրուք ստանալ բակում «բուրդ չփխելո՞վ», թե՞ լողափին
Հանգստի ամեն տեսակ էլ կարող է լավագույնը լինել

Թամարա ...


01-08-2019
Թավշյա հեղափոխությունը բացառապես ներքին խնդիր էր
ՀՀ ԱԳ նախարար Զոհրաբ Մնացականյանի հարցազրույցը Մարշալի հիմնադրամին



01-08-2019
Թարմ մսի սպանդանոցային ծագման պահանջ՝ այսօրվանից
Տեսչական մարմինը մշտադիտարկում է սկսում հանրային սննդի կետերում

Արմենուհի ...


01-08-2019
Ժամանակ ու սերունդներ կապող մարդ-մշակույթ էր
ՀՀ ժողովրդական արտիստ, բեմադրիչ Երվանդ Ղազանչյանի վախճանը մեծ ...



01-08-2019
Եղիշե Չարենցը պաշտում էր Արեւելքը
Վաղը բանաստեղծի տուն-թանգարանում կբացվի ...

01-08-2019
Այվազովսկուց մինչեւ Սալվադոր Դալի
Ի՞նչ են սովորում ՀԱՊ-ի ամառային ...

01-08-2019
Արոտների ջրարբիացումից՝ ճանապարհների վերակառուցում
Ի՞նչ խնդիրներ են լուծվում Ամասիա ...

01-08-2019
Մեդալներն արդեն նշմարվում են
Եվրոպայի երիտասարդական առաջնությանը ...
USD
EURO
RUR
GEL
Եղանակը Երևանում
գիշերը +20... +22
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO