Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.02.2019
ԿՐԹՈՒԹՅՈՒՆ


Ամուր բանակ՝ ամուր թիկունք

Հյուսիսային համալսարանի մի խումբ ուսանողներ ու դասախոսներ՝ բուհի ռեկտոր Բորիս Մակիչյանի գլխավորությամբ, երեկ Հայոց բանակի կազմավորման 23—ամյակի առթիվ այցելեցին ՀՀ պաշտպանության նախարարության 5—րդ բանակային կորպուսի զինծառայողներին։ Երեսուն հոգուց բաղկացած պատվիրակությունը հետաքրքիր ու հագեցած օր անցկացրեց՝ շփվելով զինծառայողների, սպայական կազմի հետ։ Բուհի ուսխորհուրդը զորամասում կազմակերպեց Հայոց բանակին նվիրված միջոցառում, որի ընթացքում խոսվեց մեր բանակի անցած ուղու, նրա փառավոր հաղթանակների մասին։ «Հյուսիսային համալսարանում մի շարք արտոնություններ են սահմանված բանակից զորացրված երիտասարդների համար,–ողջույնի խոսքում նշեց Բ. Մակիչյանը։–Ուսանելով մեր բուհում՝ նրանք կարող են օգտվել տարատեսակ զեղչերից, արժանանալ Վազգեն Սարգսյանի եւ Անդրանիկ Մարգարյանի անվան կրթաթոշակների, որոնք նախատեսված են բանակից զորացրվածների համար»։
Ներկաներին շնորհավորելով տոնի կապակցությամբ՝ 5—րդ բանակային կորպուսի հրամանատար, գեներալ—մայոր Իշխան Մաթեւոսյանը նշեց. «ՀՀ պաշտպանության նախարարությունը նախանձախնդիր է այն հարցում, որ ամրապնդվի հասարակություն—բանակ կապը։ Այս առումով բարձր եմ գնահատում Հյուսիսային համալսարանի այս նախաձեռնությունը։ Միաժամանակ ցանկանում եմ, որ ամեն ոք գիտակցի՝ ՀՀ զինված ուժերն այն կառույցն է, որը անառիկ է պահում հայոց հողը»։
Միջոցառմանն իրենց մասնակցությամբ շունչ ու ոգի հաղորդեցին ՀՀ վաստակավոր արտիստ Արսեն Գրիգորյանը (Մրո), Երգի պետական թատրոնի մեներգիչ Ռուսլան Էլյազյանը։ Ներկաներին ոգեւորեց ոչ միայն սիրված երգիչ Ա. Գրիգորյանի հայրենաշունչ երգը, այլեւ նրա կրակոտ ու ոգեշունչ խոսքը. «Որդուս՝ Գրիգորին, պատրաստում եմ Հայոց բանակի համար։ Հայրենիքին ծառայելը յուրաքանչյուրիս պարտքն է։ Կարծում եմ՝ մեր ժողովրդի ամենամեծ տոնը պետք է լինի հենց այս տոնը»,–շնորհավորական խոսքում նշեց Ա. Գրիգորյանը։
Հանդիպման ավարտին 5—րդ բանակային կորպուսի հրամանատար, գեներալ—մայոր Իշխան Մաթեւոսյանը Հյուսիսային համալսարանի ռեկտորին հանձնեց ՀՀ պաշտպանության նախարարության պատվոգիրը՝ բանակ—հասարակություն կապերի ամրապնդման գործում մեծ ավանդ ունենալու համար, ինչպես նաեւ ժամացույց ու հուշանվերներ։
Եվ քանի որ 77—ամյա ռեկտորը խոստովանեց, որ ցանկացած պահի պատրաստ է համալրել իր հարազատ բանակի շարքերն ու ծառայել հայրենիքին, նրան նվիրեցին նաեւ զինվորական համազգեստ։
Իր հերթին Բ. Մակիչյանը Հյուսիսային համալսարանի կողմից զորամասին հանձնեց համակարգիչ, բուհի հրատարակչության գրքեր ու ձեռնարկներ, «Հյուսիսային համալսարան» ամսագրի թարմ օրինակները։ Հավելենք նաեւ, որ բուհը պատրաստում է պայմանագրի նախագիծ, որով առավել կսերտացվեն բանակի հետ կապերը, իսկ զորացրված երիտասարդներին կհատկացվեն ավելի շատ արտոնություններ։

Գայանե ՀԱԿՈԲՅԱՆ

28-01-2015





20-02-2019
ԵՄ-Հայաստան առեւտրաշրջանառությունն աճել է 19 տոկոսով
Արտահանման դյուրացմանը նպաստել է նաեւ GSP+ համակարգը

Եվրամիության ...


20-02-2019
Պատմական նստաշրջանը անհրաժեշտություն էր
Բաքուն ի զորու չէր կասեցնելու համաժողովրդական շարժումը

Արցախյան ...


20-02-2019
Ներդրողին պետք է հուշել
Թափոնների վերամշակումից մինչեւ արեւային էներգետիկա հնարավորություններ կան

Այս ...


20-02-2019
Թումանյանական շունչն ամենուր է
Գրքերի ցուցահանդես-վաճառք Երեւանի մետրոպոլիտենի «Երիտասարդական» կայարանում

Հայ մեծանուն ...


20-02-2019
«Հեքիաթի դեսպանները»՝ մանուկներին
Մանկապատանեկան գրքի երեւանյան 15—րդ հոբելյանական ցուցահանդես—վաճառքն ավանդույթի համաձայն միտված ...


20-02-2019
«Թումանյանը՝ մեր աչքերով»
Ազգային գրադարանը միջոցառումներով հագեցած տարի կունենա

Հայաստանի ազգային ...


20-02-2019
Շվեյցարիայի դեսպանը՝ ԱԺ-ում
Հայաստանի օրենսդիր մարմնի ղեկավար Արարատ Միրզոյանը երեկ ընդունել է ...



20-02-2019
Հանցագործություն՝ պետական մակարդակով
Բուդապեշտում Գուրգեն Մարգարյանի ...

20-02-2019
Ցուցադրություններ նոր տեխնոլոգիաներով
Մատենադարանը ցուցանմուշները ...

20-02-2019
Ամենայն հայոց բանաստեղծի «այցը» Գանձասար
Արցախում եւս տրվել է թումանյանական ...

 
20-02-2019
ՖԻԴԵ-ն խստացնում է պահանջները
Շախմատի միջազգային ֆեդերացիան վերանայել է ...
USD
EURO
RUR
GEL
Եղանակը Երևանում
գիշերը 0... -2
ցերեկը +2... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO