Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

24.03.2019
ԿՐԹՈՒԹՅՈՒՆ


Կնքվեցին համագործակցության պայմանագրեր

Որոնք ավելին են, քան կրթագիտական

Հայաստանի ազգային ագրարային համալսարանը նպատակասլաց, գործուն, արդյունավետ քայլեր է իրականացնում, որոնք բնորոշել այլ կերպ, քան ռազմավարական, հնարավոր չէ։ Սիսիանի մասնաճյուղի հիմնումից հետո համանման ձեռնարկ մեծ հաջողությամբ իրականացվեց նաեւ Շուշիում։ Այսօր արդեն համոզված կարող ենք ասել, որ հայկական երկու հանրապետության բուհերի շարքում ՀԱԱՀ Շուշիի մասնաճյուղը անփոխարինելի դերակատարություն կունենա։
Հիմա ագրարայինի հոգածության ծիրում հայտնվեց նաեւ ՀՀ հարավային դարպասը՝ Մեղրիի տարածաշրջանը։ ՀԱԱՀ—ն համագործակցության պայմանագրեր կնքեց Մեղրիի եւ Ագարակի ավագ դպրոցների տնօրենների հետ, համաձայն որոնց բուհը կաջակցի կրթօջախների նյութատեխնիկական բազայի թարմացման, դասարանների նորոգման, կահավորման հարցերում, որոնք անշուշտ ավելի կբարելավեն կրթության որակը։ Իսկ ամենակարեւորը՝ պարմանիների գրագետ ու հիմնավորված մասնագիտական կողմնորոշում կիրականացվի։ Շեշտը հատկապես կդրվի պտղաբուծության, բնապահպանության, մթերքի վերամշակման ոլորտների վրա։ Մեղրիի տարածաշրջանի տնտեսության անկյունաքարը գյուղատնտեսությունն է, եւ շատ կարեւոր է, որ երիտասարդները համապատասխան կրթություն ստանալուց հետո հաստատվեն ու ամուր մնան իրենց հայրենի եզերքում, ինչպես սիրում ենք ասել՝ փոքր հայրենիքում։
ՀԱԱՀ ռեկտոր, ՀՀ ԳԱԱ իսկական անդամ Արշալույս Թարվերդյանը, հանդիսության պահին դիմելով ներկաներին ասաց. «Հիմք ենք դնում շատ կարեւոր համագործակցության։ Սյունիքի, ԼՂՀ—ի մասնագետ կադրերով ապահովվածության հարցերը պետք է դրվեն հստակ, իրականացվեն՝ ճշգրիտ։ Սա կարեւորագույն նշանակության ծրագիր է, որը մեկ տարուց ավելի նախապատրաստվում էր»։ Այս հարցում մեծ դեր է խաղացել CARD հիմնադրամի տնօրեն Գագիկ Սարդարյանը։ Նրա համոզմամբ՝ ագրարային համալսարանի ներուժը պետք է հասցնել Մեղրի։ Այստեղ կստեղծվի ֆերմերներին աջակցող կենտրոն, որտեղ առաջնայինը կլինի մասնագիտական օժանդակությունը. «Առանց գիտական մտքի անհնար է ագրարային գրագետ արտադրություն կազմակերպել։ Ֆերմերային տնտեսություններում ամենակարեւոր ներդրումը կրթությունն է»։ Այս ճանապարհով լուծվում է երկու խնդիր. երեխաները մասնագիտական անհրաժեշտ կողմնորոշում կստանան, եւ նրանց միջոցով ծնողներն էլ ավելի իրազեկ կդառնան ու ավելի գրագետ կվարեն իրենց տնտեսությունները։
Նախաձեռնության հեղինակները համոզված են, որ այս ճանապարհով կլուծվի բարձրակարգ մասնագետներով ապահովվածության հարցը, կստեղծվեն նոր աշխատատեղեր՝ միջինից բավականին բարձր վարձավճարով։
Տեսանելի ապագայում նման ծրագիր ագրարայինը կիրականացնի նաեւ Խնձորեսկում, անասնաբուժական ուղղվածությամբ։ Դժվար չէ նկատելը, որ ձեռնարկումների հիմքում տեղում իրավիճակի ճշգրիտ գնահատումն է, կարիքների, լուծման կարոտ խնդիրների բացահայտումը, որոնց շնորհիվ ծրագրերը դառնում են իրատեսական, նաեւ՝ սպասված։
Սյունիքի փոխմարզպետ Դավթյանը, Ագարակի եւ Մեղրիի ավագ դպրոցների տնօրենները բարձր գնահատեցին համագործակցության պայմանագրերի ստորագրումը ու այն միահամուռ, աներկբայորեն որակեցին իբրեւ ռազմավարական։
Հրաժեշտից առաջ ՀԱԱՀ ռեկտորը նկատեց. «Մենք միշտ բարեխղճորեն ենք կատարում մեր պայմանագրային պարտավորությունները, համոզված եղեք, սա էլ կլինի նույն կերպ»։
Անի ԽՈՒԴԱՎԵՐԴՅԱՆ

23-09-2015





23-03-2019
Գաղտնալսող սարքեր այլեւս չեն կարող ներկրել
Կոռուպցիայի դեմ պայքարում ԱԱԾ-ն խոստանում է հնչեղ բացահայտումներ



23-03-2019
Աննկատ աշխատանքի նկատելի արդյունքը
Մետրոպոլիտենի առեղծվածը «կուլիսներում» է

Քաղաքի ներքեւի «քաղաքի» մուտքը, ...


23-03-2019
Նոր իրավիճակ միջազգային իրավունքում
Ճանաչումը կհակասի ՄԱԿ-ի ԱԽ-ի բանաձեւերին

Ժամանակակից միջազգային իրավունքում ...


23-03-2019
Չկա վատ հող, կա վատ մշակող
Բացվեց օրգանական գյուղատնտեսության ուսումնական կենտրոնը

Օրեցօր մեծանում է ...


23-03-2019
ՀՀ նախագահին հավատարմագրերն է հանձնել Կուբայի դեսպանը
Հանրապետության նախագահ Արմեն Սարգսյանին երեկ իր հավատարմագրերն է հանձնել ...


23-03-2019
Առողջ սերունդ եւ ամուր թիկունք
Ֆիզիկական դաստիարակության համակարգը ենթակա է վերանայման

Հրադադարի եւ ...


23-03-2019
Գարդասիլ. ինչու է կարեւոր պատվաստվելը
ԱՆ-ն մտահոգիչ է համարում առկա ցուցանիշները

Կանանց համար ...



23-03-2019
«Արցախի մանդատն անփոփոխ է»
Ինչն է հիմք հանդիսացել համատեղ ...

23-03-2019
Թումանյանի վերջին գարունն ու մահվան հանգամանքները
Այսօր բանաստեղծի մահվան օրն է


23-03-2019
Մաքուր Հայաստանը իրականություն պետք է դառնա բոլորիս ջանքերով
Այսօր տեղի կունենա այս տարվա համապետական ...

23-03-2019
Պետությունը քաջալերում է տնտեսավարող սուբյեկտներին
Նախագահը հորդորեց հաշվի առնել Արցախի ...
USD
EURO
RUR
GEL
Եղանակը Երևանում
գիշերը +4... +6
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO