Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.07.2020
ԿՐԹՈՒԹՅՈՒՆ


Թումանյանական բնաշխարհը՝ Հյուսիսային համալսարանում

Երեկ Հյուսիսային համալսարանի ցուցասրահում բացվեց գեղանկարիչ Արմեն Լոռենց—Հարությունյանի՝ Սանահինի համալսարանին նվիրված՝ թումանյանական աշխարհի բնանկարների ցուցահանդեսը։ Սա բուհի ղեկավարության՝ Սանահինի համալսարանի 1050—ամյակի միջոցառումների շրջանակում կազմակերպված բազմաթիվ նախաձեռնություններից մեկն է միջնադարյան նշանավոր կրթօջախի հիմնադրման միջոցառումներին հասարակության լայն շերտերին ներգրավելու, կրթօջախի հոբելյանին առավել մեծ հնչեղություն հաղորդելու համար։
Ցուցահանդեսի բացմանը ներկա էին ՀՀ կրթության եւ գիտության նախարար Լեւոն Մկրտչյանը, «Լոռվա ձոր» հայրենակցական միության նախագահ Սերգո Երիցյանը, հյուրեր, համալսարանի վարչական, դասախոսական կազմը եւ ուսանողներ։
Ողջունելով ներկաներին՝ Հյուսիսային համալսարանի ռեկտոր Բորիս Մակիչյանը նշեց, որ շուրջ չորս տարի առաջ բուհի ղեկավարության նախաձեռնությունը՝ մեծ շուքով նշելու եվրասիական տարածաշրջանի առաջին մեծ կրթօջախի 1050—ամյակը, պսակվեց հաջողությամբ. «Չորս տարվա ընթացքում մենք հանդես ենք եկել բազմաթիվ նախաձեռնություններով նախ՝ 2012թ. կազմավորվեց «Սանահինի համալսարան» հիմնադրամը, որի գործունեության նպատակը 4 տարիների ընթացքում տարաբնույթ միջոցառումների միջոցով հայ ժողովրդի դպրության ու մշակույթի կենտրոն Սանահինի համալսարանի ունեցած դերակատարմանը անդրադառնալն էր, այդ կրթօջախի գործունեությունը վերաարժեւորելը՝ դրանով իսկ նոր սերնդին հասու դարձնելով մեր պատմության անչափ արժեքավոր էջերին։ Այս ընթացքում կատարված միջոցառումներից հիշատակության են արժանի այցելությունները Լոռու մարզ, հանդիպումները Հյուսիսային համալսարանի Ալավերդու «Թումանյան» մասնաճյուղի ուսանողների եւ թիվ 8 դպրոցի աշակերտների հետ, ծառատունկը նշյալ դպրոցի շրջակայքում եւ համատեղ այցը Սանահինի վանական համալիր։ Իսկ նոյեմբերի 22—23—ը նախատեսված «Հայաստանը՝ տարածաշրջանային գիտակրթական կենտրոն» խորագրով միջազգային գիտաժողովը Հայաստանի Հանրապետությունում կհամախմբի հեղինակավոր շատ գիտնականների եւ կստիպի խոսել կրթության ու գիտության ոլորտում ունեցած մեր արժեքավոր ժառանգության մասին»։
Բ. Մակիչյանը նշեց նաեւ, որ Սանահինի համալսարանին նվիրված թումանյանական աշխարհի բնանկարների ցուցահանդեսը ուղղված է կրթօջախի հիմնադրման 1050—ամյակը մեկ անգամ եւս արժեւորելուն։
Ողջույնի խոսքով հանդես եկավ նաեւ ԿԳ նախարար Լեւոն Մկրտչյանը։ Նա իր հիացմունքը հայտնեց կազմակերպված ցուցահանդեսի առթիվ՝ նշելով, որ բարձր է գնահատում հայ ժողովրդի կրթական, մշակութային արժեքների հիշատակմանն ու պահպանմանն ուղղված ցանկացած նախաձեռնություն։ «Իսկ Հյուսիսային համալսարանի ղեկավարության այս նախաձեռնությունը՝ մեծ մասշտաբով նշելու Սանահինի համալսարանի 1050—ամյակը տարաբնույթ միջոցառումներով, առավել քան ողջունելի է, քանի որ մեկ անգամ եւս հիշեցնում է մեր ազգի մեծ սիրո եւ նվիրման մասին դեպի գիտությունը, կրթությունն ու մշակույթը»։
Հավելենք, որ ներկաները մեծ բավականությամբ շրջեցին ցուցասրահում՝ հիանալով գեղանկարիչ Արմեն Լոռենց—Հարությունյանի՝ թումանյանական աշխարհի ինքնատիպ մեկնաբանությամբ։

Գ. ՀԱԿՈԲՅԱՆ

12-11-2016





14-07-2020
Բարձր դրույքաչափով մաքսատուրք վճարածը կկարողանա հետ ստանալ ավելի փոխանցած գումարը
Հունիսի 12-ից ուժի մեջ մտած որոշումը հետադարձ ուժ ...


14-07-2020
Հանրակրթության նոր չափորոշիչներով առաջնայնություն է տրվում կրթության բովանդակությանը
Տարրական դասարաններում մեկական շաբաթով կերկարացվեն գարնանային եւ աշնանային ...


14-07-2020
Հայաստանում հաստատվել է COVID-19-ի 339 նոր դեպք․ ապաքինվել է 864, մահացել 8 քաղաքացի
Հայաստանում հուլիսի 14-ին հաստատվել է կորոնավիրուսային հիվանդության ընդհանուր ...


14-07-2020
Ես արարում եմ, որովհետեւ տեսել եմ, թե ինչպես է արարում Հայրը
Ճշմարիտ, ճշմարիտ ասում եմ ձեզ, թէ Որդին իրանից կարող ...


14-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
Նոյեմբերի 23-ին Փարիզի Հայկական մշակույթի տանը կայացավ գրքիս ...


14-07-2020
Մայթեզրերն ավտոշուկա, վարձույթի շուկա կազմակերպելու համար չեն
Հարցը կկարգավորվի օրենսդրական նախաձեռնությամբ

Օրենսդրորեն սահմանվելու են տրանսպորտային ...


14-07-2020
Էռնեստ Հեմինգուեյ
Երջանկության եւ ողբերգության առասպելը

1961 թ. հուլիսի 2-ին ...



14-07-2020
Իսկը «թուրքեցի» սպանություններ
«Գթասրտություն դրսեւորելու կարիք չկա։ ...

14-07-2020
«Գ. Գաբրիելյանը հայ մանկագրության մեջ իր հավասարը չունի...»
Նա բարձրացրել է ժանրը՝ հասցնելով ...

14-07-2020
Համարակալված կենդանիները նաեւ անձնագիր կունենան
Խթանվում է խոշոր եղջերավոր անասունների ...

14-07-2020
Հայաստանի հավաքականը 1/8 եզրափակիչում
Հայաստանի տղամարդկանց ազգային հավաքականը, ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO