Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.05.2018
ՏՆՏԵՍՈՒԹՅՈՒՆ


Կիրականացվեն 1,5 մլրդ դոլարի ներդրումային ծրագրեր

Երեկ ՀՀ էներգետիկ ենթակառուցվածքների եւ բնական պաշարների նախարարությունում տեղի է ունեցել ներդրումային հանձնախմբի հերթական նիստը, որը վարել է նախարար Աշոտ Մանուկյանը, հայտնում են նախարարության տեղեկատվության եւ հասարակայնության հետ կապերի բաժնից։ Նախարարության պատասխանատուները եւ ենթակայության տակ գործող պետական ընկերությունների ղեկավարները զեկուցել են 2017—2019թթ. իրականացվող ներդրումային ծրագրերի կատարման ընթացքի, 2017թ. անելիքների ու խնդիրների մասին։ «Բարձրավոլտ էլեկտրացանցեր» ՓԲԸ գլխավոր տնօրեն Արթուր Բաղդասարյանի հաղորդմամբ, Հայաստան—Իրան երրորդ էլեկտրահաղորդման գծի կառուցման աշխատանքներն ընթանում են ըստ ժամանակացույցի։ Շուրջ 76 մլն եվրո գումարով ներդրումային ծրագրի շրջանակներում ձեռք են բերվել 672 հողակտոր եւ հենարանների կառուցման շինարարության թույլտվություններ 60 համայնքներում։ Ներկրվել եւ պահեստավորվել են 1965 տոննա ընդհանուր քաշով հենարանների մետաղական կոնստրուկցիաներ, կառուցվել են շուրջ 100 կմ մոտեցման ճանապարհներ, ավարտվել են բոլոր 706 հենարանների նշահարման աշխատանքները։ Ծրագրի շրջանակներում շուրջ 33 մլն եվրո արժողությամբ «Նորավան» ենթակայանի համար ձեռք է բերվել անհրաժեշտ 12 հա տարածքը։ Կառուցվել է 620 գծամետր պարիսպ, փորվել է ղեկավարման շենքի հիմքը։
Արթուր Բաղդասարյանը տեղեկացրել է, որ գնահատման փուլում են Հայաստան—Վրաստան օդային գծի եւ բարձր լարման հաստատուն հոսանքի փոխակերպիչ կայանի կառուցման կապալառու կազմակերպությունների ընտրության համար հայտարարված մրցույթին ներկայացված հայտերը։ 188 մլն եվրո արժողությամբ ծրագիրը նախատեսվում է ավարտել 2019թ.։
Ընթանում են «Հաղթանակ», «Չարենցավան—3», «Վանաձոր—1», «Ագարակ—2», «Շինուհայր» եւ «Աշնակ» ենթակայանների վերակառուցման աշխատանքները, որոնց ներդրումային գումարը կազմում է 50,5 մլն դոլար։ «Հրազդան—Շինուհայր» 220 կՎ օդային գծի կառուցման 26,5 մլն դոլար ծրագրի շրջանակներում հնդկական «Կալպատառու» ընկերությունը շարունակում է շինարարությունը։ Ծրագրի տնտեսումների հաշվին կկառուցվի նաեւ «Նոյեմբերյան—Լալվար» օդային գիծը, որի շինարարությունը կսկսվի գարնանը։
Նիստում «Երեւանի ՋԷԿ» ՓԲԸ գլխավոր տնօրեն Սասուն Խաչատրյանը ներկայացրել է ՋԷԿ—ի ենթակայանի վերակառուցման եւ վերազինման 18 մլն դոլար արժողությամբ ծրագրի կատարման ընթացքը։ Տեղեկացվել է նաեւ, որ ավարտին են մոտենում իտալական «ՌԵՆԿՈ» ընկերության հետ «Երեւանի ՋԷԿ»—ի համակցված շոգեգազային ցիկլով երկրորդ էներգաբլոկի կառուցման բանակցությունները։ Ծրագրի նախնական արժեքը կազմում է 230 մլն դոլար։ «Հայկական ատոմային էլեկտրակայան» ՓԲԸ գլխավոր տնօրեն Մովսես Վարդանյանի զեկուցմամբ՝ ատոմակայանի երկրորդ էներգաբլոկի շահագործման ժամկետի երկարաձգման աշխատանքները կավարտեն 2019թ.։ Ծրագրի իրականացման համար նախատեսված է 300 մլն դոլար։
2017թ. կշարունակվեն «Երկրաջերմային հետախուզական հորատման» եւ «Էներգախնայողության» ծրագրերը՝ 126 մլն դոլար ընդհանուր գումարով։ Նախարարի տեղակալ Հայկ Հարությունյանի ներկայացմամբ առաջիկա երեք տարիներին միջազգային եւ դոնոր կազմակերպությունների միջոցներով նախատեսվում է իրականացնել եւս շուրջ 190 մլն դոլարի էներգախնայողության ու էներգաարդյունավետության բարձրացմանն ուղղված ծրագրեր։ «Կոնտուր Գլոբալ» ընկերության կողմից նախատեսվում է շուրջ 80 մլն դոլարի ներդրում՝ Որոտանի ՀԷԿ—երի համալիրի վերազինման եւ վերանորոգման համար։
Ներկայացնելով Վեդու ջրամբարի կառուցման ծրագրի ընթացքը՝ Ջրային տնտեսության պետական կոմիտեի նախագահի տեղակալ Վոլոդյա Նարիմանյանը նշել է, որ ջրամբարի շինարարությունը կմեկնարկի գարնանը 95 մլն դոլար արժողությամբ ծրագիրը կիրականացնի իրանական եւ հայաստանյան ընկերությունների կոնսորցիումը։ Ըստ նրա, 2017—18թթ. կկառուցվեն նաեւ Գետալիճ—Քաղցրաշեն, Մեղրու աջ թեւ, Բաղրամյան—Նորակերտ ջրագծերը։ Այդ նպատակով իրականացվող ներդրումների ծավալը կկազմի 20 մլն դոլար։
Անդրադառնալով հանքարդյունաբերության ոլորտի ներդրումային ծրագրերին՝ փոխնախարար Վարդան Գեւորգյանը տեղեկացրել է, որ «Լիդիան Արմենիա», «Թեղուտ» եւ «ԳեոՊրոՄայնինգ Գոլդ» ընկերություններն առաջիկա տարիներին կիրականացնեն շուրջ 250 մլն դոլարի ներդրումներ։
Բաշխիչ ցանցերի վերազինման նպատակով, նախարարության աշխատակազմի ղեկավար Կարեն Ղահրամանյանի հաղորդմամբ, ավելի քան 40 մլն դոլար կներդնի «Հայաստանի էլեկտրական ցանցեր» ընկերությունը։
Ըստ նրա, համակարգի ձեռնարկություններն առաջիկա տարիներին կիրականացնեն 1,5 մլրդ դոլարի ներդրումային ծրագրեր։
—Ուզում եմ ձեր ուշադրությունը հրավիրել այն հանգամանքին, որ էներգետիկայի ոլորտում իրականացվող նշված ծրագրերը փոխկապակցված են։ Դրանց իրականացման ընդհանուր ծավալից է կախված յուրաքանչյուր ծրագրի արդյունավետությունը, ինչն էլ իր հերթին նպաստելու է երկրի էներգահամակարգի հուսալիության եւ արդյունավետության բարձրացմանը։ Ուստի չափազանց կարեւոր է հաստատված ժամանակացույցերի հստակ պահպանումն ու աշխատանքների կատարման որակը։ Այս ծրագրերի իրականացմամբ կստեղծվեն բազմաթիվ նոր աշխատատեղեր,–ամփոփելով նիստը՝ ասել է Աշոտ Մանուկյանը։
Նիստի ավարտին նախարարը հանձնարարականներ է տվել ներդրումային ծրագրերի իրականացման ընթացքի եւ սահմանված ժամանակացույցի պահմանման վերահսկողության իրականացման վերաբերյալ։

15-02-2017





26-05-2018
Պատմությունից դասեր քաղելու ժամանակը
Գիտաժողով՝ նվիրված Հայաստանի առաջին հանրապետությանը

ՀՀ ԳԱԱ նախագահության ...


 
26-05-2018
Ժամանակ է անհրաժեշտ
Որպեսզի կառավարությունն աշխատի, եւ հնարավոր լինի գնահատական տալ



26-05-2018
Վեhաշուք հուշարձան-կոթող
Հայրենի հողի պաշտպանությանը զինվորագրվածների հիշատակին

Բաշ Ապարանի հերոսամարտի ...


 
26-05-2018
Վերքերից երգեր գոյացան
Ինչպես ծնվեց «Սարդարապատ» ստեղծագործությունը

1968 թվականին, երբ նշվում ...


26-05-2018
Անցյալի աստեղային դրվագները
Ղարաքիլիսայի հերոսամարտը մասնակցի հուշերում

1918 թվականի մայիսը հայերիս ...


 
26-05-2018
Ավարայր եւ Սարդարապատ. զուգահեռների փորձ
Հայոց պատմության երկու խորհրդանշական հասկացությունները՝ Ավարայրն ու Սարդարապատը, մշտապես ...


26-05-2018
Ազատ եւ երջանիկ Հայաստան կառուցելու գործընթացն անշրջելի է
Նիկոլ Փաշինյանի ելույթը  «Հայաստան» համահայկական հիմնադրամի հոգաբարձուների խորհրդի ...



26-05-2018
Նորի կառուցումը ճիշտ ժամանակին կսկսվի
Իսկ առայժմ երկարացվում է գործող ԱԷԿ—ի ...

26-05-2018
Բաց դռների օր
Հայաստանում Գերմանիայի ...

26-05-2018
Կառուցելով նոր կամուրջներ
«Արմենպրեսը» համաձայնագիր է ստորագրել ...

26-05-2018
«Հայաստանի առաջին հանրապետությունը՝ 100 տարվա հետահայաց»
Ցուցահանդեսում արդի ...
USD
EURO
RUR
GEL
Եղանակը Երևանում
գիշերը +13... +15
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO