Հայերեն / English / Русский

Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.10.2017
ՀԱՍԱՐԱԿՈՒԹՅՈՒՆ


Ուշադրություն անվտանգությանը

Կներդրվի էլեկտրոնային քրեակատարողական համակարգ

Էլեկտրոնային համակարգի ներդրմամբ կբացառվեն ռիսկերը, կպարզեցվեն մի շարք ընթացակարգեր։
«Արմենպրեսի» հաղորդմամբ՝ երեկ լրագրողների հետ հանդիպմանը ՀՀ արդարադատության նախարարի տեղակալ Սուրեն Քրմոյանն ասաց, որ այս դրույթը նախատեսված է քրեակատարողական համակարգի 2018—2038 թթ. ռազմավարական ծրագրով։
«Էլեկտրոնային ծառայությունները ներդնելով՝ մենք հնարավորություն կունենանք շատ խնդիրներ լուծել։ Քրեակատարողական ծառայողների թիվը բավարար չէ։ Սակայն նորագույն էլեկտրոնային տեխնոլոգիաների կիրառմամբ կօպտիմալացնենք քրեակատարողական ծառայողների աշխատանքը»,—ասաց Քրմոյանը։
Բոլոր գործառույթները կիրականացվեն էլեկտրոնային եղանակով՝ դատապարտյալի գործի, տույժերի վարում, դիմումների ներկայացում։ Նախնական մշակվել է էլեկտրոնային քրեակատարողական համակարգ, որը դեռ փորձարկման փուլում է։ Մոտակա տարիներին համակարգը պետք է կատարելագործվի։ Փաստաթղթերի կորելը բացառելու, տույժերի եւ ծանուցումների համակարգը հստակեցնելու նպատակով կներդրվեն նոր մոդուլներ։
«Հաճախ մենք ստիպված ենք լինում բողոքի համար հարցում կատարել քրեակատարողական վարչություն, հիմնարկ։ Էլեկտրոնային համակարգի շնորհիվ մեր վերահսկողական ծառայությունն անմիջապես կարող է տեսնել անձի տույժերը, սոցիալական, ինչպես նաեւ առողջական խնդիրները»,—եզրափակեց նախարարի տեղակալը։
Ըստ քրեակատարողական համակարգի 2018—2038 թթ. ռազմավարական ծրագրի՝ քրեակատարողական համակարգում նախատեսվում է քրեակատարողական հիմնարկների օպտիմալացում, դատապարտյալների զբաղվածության ապահովում, ծառայությունների պատվիրակման ինստիտուտի ներդրում։ «Քրեակատարողական համակարգում ունենք շատ խնդիրներ, որոնք տարիներ ի վեր պահանջում են նաեւ լուրջ ֆինանսական ներդրումներ։ Այդ պատճառով հանձնարարվել է մշակել հաջորդ 20 տարվա մեր տեսլականը։ Մենք հիմնվում ենք երկարաժամկետ փոփոխությունների վրա։ Ողջ ռազմավարությունը կառուցված է պատժի նպատակների վրա։ Մենք ամրագրել ենք մի սկզբունք՝ քրեակատարողական համակարգը պետք է հստակ ապահովի պատժի նպատակների իրականացումը»,—ասաց Քրմոյանը։
Համակարգում պլանավորել են կարճաժամկետ եւ երկարաժամկետ միջոցառումներ, որպեսզի օրենսդրությունը համապատասխանի միջազգային լավագույն պրակտիկային։ Հաշվի են առել նաեւ հասարակական դաշտի գործընկերների ամրագրած բոլոր խնդիրները։
Ինստիտուցիոնալ պատշաճ համակարգ ապահովելու համար պլանավորում են քրեակատարողական հիմնարկները օպտիմալացնել եւ արդիականացնել։ «Սա նշանակում է կառույցների օպտիմալացում, անհրաժեշտության դեպքում փակում, նոր կառույցների ձեւավորում։ Ռազմավարական ծրագրով մեծ ուշադրություն է դարձված նաեւ անվտանգության համակարգին։ Փախուստի դեպքերը կանխելու համար պետք է կիրառվեն ժամանակակից տեխնոլոգիաներ։ Նախատեսվում է ինչպես գործող կառույցների վերակառուցում, այնպես էլ նորերի կառուցում։ Ռազմավարության մեջ ամրագրված են նաեւ հիվանդանոցային բուժօգնության բարելավմանն ուղղված միջոցառումներ»,—ասաց Քրմոյանը։
Կլինի նաեւ քրեակատարողական ծառայության եւ հիմնարկների կառավարման փոփոխություն։ Կարեւորվել է նաեւ վերասոցիալականացման կոմպոնենտը, որպեսզի կանխվի կրկնահանցագործությունը, եւ անձանց պատրաստեն ապրելու հանրության մեջ։ «Մենք պետք է պատրաստենք անձանց, որոնք, հասարակություն վերադառնալով, վտանգ չներկայացնեն։ Ըստ դրա՝ կարեւորվել է զբաղվածությունը՝ աշխատատեղերի ստեղծումը»,—նշեց Քրմոյանը։
Նախատեսված է նաեւ ծառայությունների պատվիրակման ինստիտուտի ներդրում։ Օրինակ՝ սննդի մատակարարումը եւ այլ գործողությունները պետք է իրականացնեն պատվիրակված մասնավոր սուբյեկտները, որպեսզի ապահովվի թափանցիկություն։ Կարեւորվել են նաեւ քրեակատարողական ծառայողների վերապատրաստումը, բազային կրթությունը, սոցիալական վիճակի բարելավումը։ Կոռուպցիայի դեմ պայքարի համար եւս նախատեսված են կանխարգելիչ եւ իրավապահ գործողություններ։

13-10-2017





21-10-2017
Խաղաղ կարգավորմանն այլընտրանք չկա
Իսկ Բաքուն hուսահատորեն շարունակում է խախտել զինադադարը

Հայաստանի ...


21-10-2017
Խորհրդարանական համագործակցություն
Արա Բաբլոյանը հանդիպել է մարշալեկ Մարեկ Կուհչինսկու հետ



21-10-2017
Արդարադատության ոլորտի խնդիրները նույնն են
Վրաց—հայկական իրավական երկրորդ ֆորումը

Վրաստանի մայրաքաղաք Թբիլիսիում երեկ ...


 
21-10-2017
Ժնեւում պայմանավորվել էին նվազեցնել լարվածությունը
Սակայն Բաքուն շարունակում է խախտել ձեռք բերված պայմանավորվածությունները



 
21-10-2017
Համաձայնագիրը կստորագրվի
Իսկ վավերացման գործընթացը կարող է ավարտվել եկող տարի



21-10-2017
Գիտական նոր խնդիրներ
Բյուրականի աստղադիտարանում իրականացվում են կառուցվածքային փոփոխություններ

ՀՀ ԳԱԱ ...


21-10-2017
Էդվարդ Նալբանդյանը ԵՊՀ—ում մասնակցեց Բուտրոս Ղալիի անվան լսարանի բացմանը
Երեկ արտգործնախարար Էդվարդ Նալբանդյանն այցելեց Երեւանի պետական համալսարան, ուր ...



21-10-2017
Միջուկային էներգետիկայից չենք հրաժարվի
Հավաստում է նախարարն ու ներկայացնում այլ ...

 
21-10-2017
Արցախի զբոսաշրջությունը՝ «Ինվետեքս» ցուցահանդեսում
Արցախյան տաղավարը վերստին մեծ հետաքրքրություն է ...

21-10-2017
Բացվեց Հակի դպրոցը
Հոկտեմբերի 17—ին մարդաշատ էր Քաշաթաղի շրջանի Հակի ...

 
21-10-2017
D—8—ի գագաթնաժողովից լուրջ ակնկալիքներ չկան
Երեկ Ստամբուլում տեղի է ունեցել D—8 (Developing 8 countries) ...
USD
EURO
RUR
GEL
Եղանակը Երևանում
գիշերը +6... +8
ցերեկը +20... +22

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO