Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.04.2018
ՍՈՑԻՈՒՄ


Ընթերցասերները չեն փոշմանի

Գրքախառնվելու ենք, գրքի գիշեր է լինելու

«Էրեբունի—Երեւան—2799» տոնակատարություններին մեկ օր է մնացել։ Քաղաքում բազմաբովանդակ միջոցառումների տեղատարափ է լինելու։ Պատմական Հայաստանի մշակութային կոլորիտն ապահովելու են ժողովրդական արվեստին, ազգային խոհանոցին, տարազին, ավանդական խաղերին նվիրված տոնահանդեսները։ Ծրագրում ներառված են դասական, ռոք, ջազ, էստրադային եւ այլ երաժշտական ելույթներ, մանկական տոնական ծրագրեր, կավճանկարչություն, երիտասարդական ֆլեշմոբեր, հեծանվավազք, շախմատի առաջնություն... Աննախադեպ է լինելու օդագնացության միջազգային փառատոնի բացումը Հանրապետության հրապարակում։
Օրվա պատվավոր ծրագրերի շարքում է նաեւ «Բուկինիստ» գրախանութի ամենամյա դարձած «Գրքի գիշեր» միջոցառումը։ Մայրաքաղաքի ամենատարեց գրախանութն իր 85—ամյակի առիթով ընթերցասերներին հոկտեմբերի 14—ին յուրօրինակ նվեր է մատուցելու։ Բոլոր գրքերը վաճառելու են 30 տոկոս զեղչով։ Այնուհետեւ կեսգիշերից մինչեւ լուսաբաց կշարունակվի գրքերի վաճառքն արդեն գրախանութի օնլայն տիրույթում։ Բացի այդ, 19 միջոցառում է անցկացվելու Մ. Մանուշյանի անվան պուրակում. հանդիպում մերօրյա գրողների հետ, գրքախաղեր, ֆոտոտաղավարներ, Երեւանին նվիրված գրքերի ցուցահանդեսներ, տիկնիկային ներկայացում, թեյախմություն եւ այլն։ Գրականության տարածմանն ու գրավաճառ ցանցի զարգացմանը նվիրված այս միջոցառումը, որ կազմակերպվում է Երեւանի քաղաքապետարանի ու ՀՀ մշակույթի նախարարության աջակցությամբ, նախարար Արմեն Ամիրյանի խոսքերով, մեծ հաջողություն է ունենալու. «Միջոցառումների այս շարքը, սկսած «Գրքի գիշերվանից», մեծ նպաստ են բերում գրահրատարակչության զարգացմանը։ Անցյալ տարի մեկնարկած ծրագիրն ապացուցեց, որ սին էին այն կարծիքները, թե իբր հասարակությունը հեռացել է գրքից։ Հայաստանը շատ շքեղ տաղավարով այս օրերին Ֆրանկֆուրտում մասնակցելու է գրքի միջազգային ցուցահանդեսի։ Նոյեմբերին կազմակերպվում է գրքի փառատոն։ Այս միջոցառումները ձեւական բնույթ չեն կրելու»։ Գրքի վաճառքի ծավալները տարեցտարի աճում են, նկատեց «Բուկինիստ» ընկերության տնօրեն Խաչիկ Վարդանյանը։ Վստահ է, գնորդների մեծ մասը հիմնականում երիտասարդներն են. «Գրքի մասին լրատվամիջոցների կողմից լուսաբանված ցանկացած փոքր տեղեկատվություն նպաստում է գրավաճառ ցանցի գործունեությանը։ Ընթերցասերների համար կազմակերպվող այս միջոցառումը շարունակական բնույթ է ունենալու։ Անակնկալ է սպասվում նաեւ հանրապետության բոլոր գրադարաններին։ Եկող երկուշաբթի, երեքշաբթի եւ չորեքշաբթի օրերին գրախանությում կլինի գրքի նվիրատվություն»։
Երեւանի քաղաքապետարանի աշխատակազմի մշակույթի վարչության պետ Ռուբեն Հովհաննիսյանը համոզված է, որ «Գրքի գիշեր» միջոցառումը մեծացնելու է ընթերցողների սերը դեպի գիրն ու գրականությունը. «Ամեն տարի «Էրեբունի—Երեւան տոնակատարության շրջանակում այս միջոցառումը պարտադիր բնույթ կկրի։ Արդեն մյուս տարի կվերածվի փառատոնի։ Սա տոնական օրվա միջոցառումներից միայն մեկն է։ Հարթակներ են լինելու տարբեր ճաշակի մարդկանց համար։ Մայրաքաղաքում օրը սկսվելու է առավոտյան 8։30—ից՝ ջրցան մեքենաների շքերթով։ Սարյանի պուրակում կմեկնարկի «Մեկ կտավ Երեւանիս» ակցիան, քաղաքապետարանի ճեմասրահում տեղի կունենա «Երեւանը գեղանկարներում» ցուցահանդեսի բացումը, «Լսիր Երեւանը» ուսանողական հարթակ կբացվի կոնսերվատորիայի հարակից այգում։ «Մարզական Երեւան» խորագրով ցուցադրական ելույթներ կհնչեն Ազատության հրապարակում եւ այլն»։
Լիանա ՍԱՐԳՍՅԱՆ

13-10-2017





27-04-2018
Դրական ցուցանիշները պետք է պահպանվեն
Քննարկված բոլոր հարցերն ընդունվել են

Երեկ տեղի է ...


27-04-2018
Կառուցողական ուղին՝ լավագույն լուծում
Եվ զգույշ վերաբերմունք՝ տեղեկատվության հանդեպ

Նախորդ տարի ընթացիկ ...


27-04-2018
Քաջության օրինակներն անպակաս են
Վարդենուտցիները դրանց մասին լսել են իրենց մեծերից

Շիրաղալա ...


27-04-2018
Առաջին հանրապետության նախերգանքը
Մայիսյան հերոսամարտերի տարեգրություն

—Մայիսի 22—ի բախտորոշ եւ շրջադարձային ...


27-04-2018
Օրինականությունը չպետք է խաթարվի
Հնարավոր լուծումների փնտրտուքը շարունակվում է

Երեկ «Իմ քայլը» ...


27-04-2018
Ցանկացած որոշում պետք է բխի երկրի շահերից
ԱԺ խմբակցությունները շարունակում են քննարկումներն ու խորհրդակցությունները

Ազգային ...


 
27-04-2018
Զբոսաշրջիկներին անհանգստացնում է վիճակը
Տուրիստական ընկերությունները որոշակի ազդեցություն նկատում են

Այս օրերին ...



 
27-04-2018
Այլընտրանքային էներգետիկա
Կուտակիչ կայանների հիմնումը կապահովի ...

27-04-2018
Երկրաբանները ստորգետնյա ջուր են որոնում
«Հայաստան» համահայկական հիմնադրամի նոր ...

27-04-2018
Կտեղադրվի Զորավար Անդրանիկի արձանը
Վանաձորի Զորավար Անդրանիկի խճուղու սկզբնամասում, ...
USD
EURO
RUR
GEL
Եղանակը Երևանում
գիշերը +9... +11
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO