Հայերեն / English / Русский

Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

24.11.2017
ՄՇԱԿՈՒՅԹ


Սանահինի եւ Քոբայրի վանական համալիրներում

Շինարարական աշխատանքների ընթացքից մշակույթի նախարարը գոհ չէ

Հայ ժողովուրդն իր բազմադարյա գոյության ընթացքում ստեղծել է մշակութային արժեքավոր հուշարձաններ, որոնց մի մասն այսօր ՅՈՒՆԵՍԿՕ—ի համաշխարհային ժառանգության ցանկ է ընդգրկվել։ Ճարտարապետական այդ ինքնատիպ կոթողներից է Լոռու մարզում գտնվող Սանահինի միջնադարյան վանական համալիրը, ուր այժմ ամրակայման, նորոգման եւ վերականգնման մեծածավալ աշխատանքներ են ընթանում։ Հանրային վերահսկողությունն ապահովելու եւ արված աշխատանքները տեսնելու նպատակով նախօրեին շինհրապարակում էին ՀՀ մշակույթի նախարար Արմեն Ամիրյանը, նախարարության աշխատակիցներն ու լրագրողները։
Այս տարվա ծրագրում նախատեսված էր հեռացնել 10—րդ դարի Ամենափրկիչ եկեղեցու արեւելյան հատվածի կենտրոնական ճակտոնի հին ծածկասալերը, տեղադրել նորերը։ Շինարարները գործը սկսել էին սեպտեմբերից, կրկին փոքր—ինչ ուշացումով։ Տարին փակվում է, իսկ տանիքածածկերի զգալի մասում դեռ աշխատանքներ պետք է իրականացնեն։ «Արհովշին» շինարարական կազմակերպության ներկայացուցիչները վստահեցրին՝ նույնիսկ եղանակային անբարենպաստ պայմանների դեպքում պատրաստ են աշխատել, եւ ամենաուշը տասը օրից ավարտել այս տարվա ծրագրերում նախատեսված աշխատանքները։ Նախագծի հեղինակային հսկիչ, ճարտարապետ Հրանտ Հովսեփյանն ասաց, որ լանջերի հին ծածկասալերի մեջ եղել են արժեքավոր զարդանախշերով հատվածներ, որոնց պիտանի մասը նախագծով որոշված է եղել պահպանել. «Այժմ անցել ենք Ս. Ամենափրկիչ եկեղեցու վերականգնմանը։ Այստեղ գործը կրկին հիմնականում ծածկասալերի վրա է։ Օգտագործվող նյութերի որակից գոհ եմ։ Պատկերը պարզ կլինի վերջում։ Հուսամ՝ մինչեւ դեկտեմբերի 15—ը այս տարվա աշխատանքներն ավարտին կհասցնենք»։
Մի կողմից նորոգվում է, մյուս կողմից՝ կրկին խնամքի պակաս կա։ Վանքի պատերի, գմբեթների, նույնիսկ նոր վերականգնված ծածկասալերի արանքներից կրկին թարմ բուսածածկույթ էր աճում։ Մշակույթի նախարարի տեղակալ Արեւ Սամուելյանի խոսքերով՝ հուշարձանների պահպանության եւ օգտագործման մասին ՀՀ օրենքի համաձայն՝ նմանօրինակ խնդիրների լուծման պարտավորությունները դրված են հուշարձանն օգտագործողի եւ տեղական ինքնակառավարման մարմինների վրա։ Իսկ ինչ վերաբերում է վերջին շրջանում Սանահինի պահպանական գոտու տարածքում իրականացված անօրեն թաղումներին, Ա. Սամուելյանի տեղեկացմամբ՝ դա քննվում է Վանաձորի քննչական կոմիտեում։ Մշակույթի նախարարի հրամանով ստեղծված մասնագիտական հանձնաժողովը որոշել է վնասի չափը։ Աշխատանքներում ներգրավված են ներկայացուցիչներ նաեւ արտաքին գործերի նախարարությունից, քանի որ եկեղեցին, ինչպես արդեն նշեցինք, ընդգրկված է ՅՈՒՆԵՍԿՕ—ի համաշխարհային ժառանգության ցանկում։ «Ցավալի է, բայց մեզ մոտ այսպիսի դեպքեր շատ կան։ Պատմական փակ գերեզմանոցների տարածքներում իրականացվում են նոր թաղումներ։ Մշակույթի նախարարությունն անընդհատ պայքարում է նման արատավոր դեպքերը կանխելու համար»,—ասաց Սամուելյանը։
Վերակառուցման եւ ամրակայման աշխատանքներ են ընթանում նաեւ 12—րդ դարում կառուցված Քոբայրի վանական համալիրում։ Այստեղ վերջին տարիներին կատարված շինարարական աշխատանքների պատկերն առավել քան տեսանելի է։ 2006 թվականից մինչ օրս համալիրում կատարվել են հսկայական աշխատանքներ։ Վերականգնվել են Մարմարաշեն եկեղեցու զգալի մասը, հարակից փոքրիկ մատուռները, տապանատան զանգակատունը։ Իտալացի մասնագետների մասնակցությամբ ամրակայվել է նաեւ գլխավոր եկեղեցու հարավային պատի մեծարժեք որմնանկարը։ Տարածքում կատարվել են մաքրման ու պեղման աշխատանքներ, ինչի արդյունքում հայտնաբերվել են ուշ միջնադարյան կառույցներ։ Այս տարվա աշխատանքները մեկնարկել էին սեպտեմբերի 6—ից։ Նորոգված տեսանք վանական համալիրի սեղանատան արեւելյան ճակատը։ Նոր նյութերից, ճարտարապետ Գոռ Միքայելյանի խոսքով, շինարարներն օգտագործել են ընդամենը 15 տոկոսը. «Մնացածը հին քարերն են։ Խոյակներն էլ բերվել են ներքեւի գյուղից։ Այժմ շարունակվում են սեղանատան աշխատանքները։ Այս տարվա ծրագրում նախատեսված գործը մինչեւ նոյեմբերի վերջը կավարտենք»։
«Ցավոք, պետք է արձանագրեմ, որ երկու հուշարձաններում էլ ուշացումներ ունենք։ Շինարարական որակի եւ արդյունավերության առումով Քոբայրում պատկերը շատ ավելի լավ է։ Սանահինում ունենք լուրջ բացթողումներ։ Այնպես չէ, որ միայն այս տարի ենք նման իրավիճակի ականատես լինում։ Մշտապես այսպես է եղել։ Ես կարծում եմ, որ մեր հետեւողականությունը պատմամշակութային հուշարձանների ամրակայման եւ նորոգման աշխատանքներն իրականացնող շինարարական կազմակերպությունների համար լուրջ հանգամանք կարող է դառնալ՝ գործին ավելի պատասխանատու մոտեցում ցուցաբերելու առումով,–ամփոփելով շրջայցը՝ ասաց ՀՀ մշակույթի նախարար Արմեն Ամիրյանը։–Այս տարվա փորձը ցույց տվեց, որ հանրային վերահսկողությունը միանշանակ պետք է շարունակենք։ Բարենպաստ եղանակային պայմաններում աշխատելու եւ ժամկետների ուշացումներից խուսափելու համար համապատասխան ստորաբաժանումների պատասխանատուների հետ օրերս կայացած ժողովում հստակ հանձնարարականներ է տրվել, որ եկող տարվա մրցույթի պայմաններն ու նախահաշիվները մինչեւ հունվարի 15—ը ամբողջությամբ պատրաստ լինեն»։ Հանձնարարվել է, որ ամբողջ տարվա ընթացքում ոչ միայն հետեւողական լինեն աշխատանքների ընթացքին, այլ նաեւ մասնագիտական խորհուրդներ ու աջակցություն ցուցաբերեն շինարարներին։ «Այն, ինչ տեսանք այս տարի, բավարար չեմ համարում։ 2018թ. պարտավոր ենք արձանագրել ավելի դրական ու բարձր ցուցանիշներ»,— ամփոփեց նախարարը։
Լիանա ՍԱՐԳՍՅԱՆ

14-11-2017





24-11-2017
Պատուհան դեպի միջազգային շուկա
Երեւանում մեկնարկեց գինու առաջին միջազգային համաժողովը

Հայաստանի ճանաչելիության ...


 
24-11-2017
Երկխոսության եւ համագործակցության կամուրջ
Միանշանակ է, որ ԵԱՏՄ—ի եւ ԵՄ—ի լավ հարաբերություններից ...


 
24-11-2017
Միջուկային էներգետիկայի զարգացմանը զուգահեռ
Կարդիականացվի հեղուկ ՌԹ—ների վերամշակման տեղակայանքը

Երբ պարբերաբար անդրադառնում ...


24-11-2017
Կարեն Կարապետյանն ընդունել է «ՎԵՈՆ»—ի պատվիրակությանը
Վարչապետ Կարեն Կարապետյանն ընդունել է «ՎԵՈՆ» ընկերությունների խմբի գլխավոր ...


24-11-2017
Քննարկվել է բազմաբնակարան շենքերից զվարճանքի ակումբները տեղափոխելու մասին օրենսդրական փաթեթը
Վարչապետ Կարեն Կարապետյանի մոտ տեղի է ունեցել խորհրդակցություն, որի ...


24-11-2017
Խորհրդակցություն կառավարությունում
Վարչապետ Կարեն Կարապետյանի մոտ երեկ տեղի է ունեցել խորհրդակցություն՝ ...


24-11-2017
«Հայաստանի թվային օրակարգ 2030»
Ավարտին են մոտենում ռազմավարության մշակման աշխատանքները

Երեկ տեղի ...



 
24-11-2017
Նախ՝ Բաքուն պետք է մեզ ընդառաջ քայլեր անի
Այդ դեպքում Հայաստանը կողջունի ...

24-11-2017
Արցախ այցելողների թիվն աճում է
Որ երթուղիներն են առավել նախընտրում ...

24-11-2017
Դեկտեմբերի 2—ին Աստվածամուխ ս. գեղարդը կդրվի մայր տաճարում
2015 թվականին Ն.Ս.Օ.Տ.Տ. Գարեգին Բ Ծայրագույն պատրիարք ...

24-11-2017
Երկխոսության կոնգրեսը՝ կարեւոր քայլ
Արեւելագիտության ինստիտուտի տնօրեն, թուրքագետ ...
USD
EURO
RUR
GEL
Եղանակը Երևանում
գիշերը -1... -3
ցերեկը +2... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO