Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

07.06.2020
ԳԻՏՈՒԹՅՈՒՆ


Գիտական հաջողությունների տարի

Բյուրականի աստղադիտարանի տնօրենը՝ 2017—ի աշխատանքների մասին

Բյուրականի աստղադիտարանի համար 2017—ը եղել է բովանդակալից եւ իրադարձություններով լի տարի։ «Արմենպրեսի» հաղորդմամբ՝ երեկ լրագրողների հետ զրույցում Բյուրականի աստղադիտարանի աշխատանքներն ամփոփեց տնօրեն Արեգ Միքայելյանը։
«Ինչպես վերջին մի քանի տարիներին, այնպես էլ այս տարի եղել են տիեզերական անկայուն երեւույթների ուսումնասիրություններ։ Դրանց արդյունքում հայտնաբերվել են ակտիվ գալակտիկաներ, ռադիոաղբյուրներ։ Մեր երկու մեծ դիտակները եւս աշխատել են կանոնավոր կերպով։ Տեղի են ունեցել նաեւ կառուցվածքային փոփոխություններ՝ կազմավորվել են երիտասարդական խորհուրդը եւ գիտահետազոտական բաժինները»,—նշեց աստղադիտարանի տնօրենը։
Միքայելյանի խոսքով՝ աստղադիտարանում սկսել են մշակել նաեւ նոր ուղղություններ՝ աստղաքիմիայի եւ աստղակենսաբանության։ Ստեղծվել են պատմամշակութային աստղագիտության, ինչպես նաեւ աստղաինֆորմատիկայի բաժիններ։ Աստղաինֆորմատիկայի բաժնում ներառված է նաեւ թվայնացման եւ վիրտուալ աստղադիտարանի նախագիծը։
«Այս տարի շատ ակտիվ ենք աշխատել։ Եղել են ռեկորդային թվով սեմինարներ, աշխատանքային խորհրդակցություններ, միջազգային համագործակցության շրջանակում 53 գործուղումներ արտասահմանյան երկրներ։ Առաջին անգամ անցկացրել ենք աստղավիճակագրության եւ ծրագրային ապահովման դասընթացներ՝ խորացնելու աստղագետների գիտելիքները։ Անցկացրել ենք մի քանի գիտաժողովներ, կոնֆերանս, տիեզերագնացության դպրոց»,—ասաց Միքայելյանը։
Նա կարեւորեց նաեւ ՅՈՒՆԵՍԿՕ—ի կողմից համաֆինանսավորվող կոնֆերանսի անցկացումը ՀՀ ԳԱԱ—ում։ Դրանում շեշտը դրվել էր Հայաստանի աստղագիտական ժառանգության վրա։ «Մենք ուրախ ենք, որ ոչ միայն հայ աստղագետները, այլ նաեւ օտարերկրացիները հետաքրքրված են Հայաստանի աստղագիտական ժառանգությամբ»,– նշեց Միքայելյանը։
«Մենք առաջարկել էինք փոփոխություններ կատարել Վիկտոր Համբարձումյանի անվան աստղագիտության միջազգային մրցանակի շնորհման կարգում։ Տրվել է համաձայնություն, եւ շուտով կլինի ՀՀ կառավարության համապատասխան որոշումը։ Փոփոխություններով 100 000 ԱՄՆ դոլար կտրամադրվի հայ աստղագիտության զարգացմանը»,—ասաց Միքայելյանը։
Այդ գումարից տրամադրվելու է ԵՊՀ ուսանողների կրթաթոշակների, պրոֆեսիոնալ աստղագետների միջազգային համագործակցության, գիտաժողովների աջակցությունների համար։
«Գումարը շատ ավելի արդյունավետ կծախսվի։ Ողջ գումարը կտրամադրվի գիտական ծրագրերին։ Իսկ աստղադիտարանի բյուջեի զգալի մասը հատկացվում է անհրաժեշտ ծախսերին, եւ քիչ գումար է մնում կարեւոր գիտական ծրագրեր իրականացնելու համար»,—նշեց աստղադիտարանի տնօրենը։
Արեգ Միքայելյանը նաեւ ուշագրավ մի տեղեկություն հայտնեց. «Հունվարի 2—ին տեղի կունենա գերլուսին երեւույթը, երբ Լուսինը Երկրին շատ մոտ կլինի իր էլիպսաձեւ ուղեծրով շարժվելիս եւ իր սովորական չափից մեծ կլինի մոտ 15 տոկոսով։ Սովորաբար ամեն տարի գոնե մեկ անգամ լինում է գերլուսին»։

21-12-2017





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO