Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

01.06.2020
ՆԵՐՔԻՆ ԿՅԱՆՔ


Գարնանը կունենանք նոր նախագահ եւ վարչապետ

Հայաստանը «պաշտոնապես» կդառնա խորհրդարանական երկիր

2018 թվականը Հայաստանում ընտրությունների տարի է։ Համաձայն 2015թ. սահմանադրական փոփոխությունների՝ գարնանն արդեն կունենանք նոր նախագահ եւ վարչապետ։ Նրանց առաջադրման եւ ընտրության կարգը «ՀՀ»—ին ներկայացրեց սահմանադրագետ Վարդան Պողոսյանը։
«Եթե նախագահի պաշտոնին անցնելու օրը համարում ենք ապրիլի 9—ը, ապա այս տարի մինչեւ մարտի 9—ը հանրապետության նախագահը պետք է ընտրված լինի»,–ասաց նա՝ նշելով, որ ընտրությունն անցկացվում է ոչ շուտ, քան քառասուն եւ ոչ ուշ, քան 30 օր առաջ։ Վ. Պողոսյանը նշեց, որ նախագահի ընտրության հետ կապված հարցերը ներկայացված են Սահմանադրության 211, 125 հոդվածներում, իսկ հավելյալ կարգավորումները, որոնք Սահմանադրությունում ներառված չեն, ուղղակիորեն ամրագրված են «ԱԺ կանոնակարգ» օրենքի 139 հոդվածում։
Սահմանադրագետը տեղեկացրեց, որ նախագահի ընտրության պարագայում նույն 139 հոդվածում նշված են նաեւ արտահերթ ընտրության, հերթական ընտրության ժամանակ թեկածուների առաջադրման ժամկետները, ովքե՞ր թեկնածու առաջադրելու իրավունք ունեն, ո՞վ չի կարող առաջադրել եւ այլն։ Անդրադառնալով ընդդիմության կողմից թեկնածուի առաջադրման հարցին՝ նա նշեց. «Այստեղ կարեւոր է, որ առաջադրելու իրավունք ունի մեկ քառորդը, դրանից պակաս թվով պատգամավորները չեն կարող թեկնածու առաջադրել»։
«Հարկ է մատնանշել Սահմանադրության 211 հոդվածը, որտեղ նշվում է, որ նախագահն ընտրվում է Սահմանադրության 125 հոդվածով սահմանված կարգով, այսինքն՝ հոդվածը նախատեսում է ընտրություն պառլամենտի կողմից։ 211 հոդվածը ներառող գլուխը ուժի մեջ է մտնելու ապրիլի իննից հետո, սակայն անցումային դրույթներում հստակ նշվում է, որ 125 հոդվածը կիրառելի է»,—ասաց նա՝ նշելով, որ ընտրության ժամանակ կարող է լինել նաեւ երկրորդ փուլ, եթե նախագահը չի ստանում անհրաժեշտ ձայների մեծ քվորումը՝ երեք քառորդը։ Երկրորդ փուլի համար անհրաժեշտ է ձայների երեք հինգերորդը, երրորդ փուլի համար նախատեսված է պարզ մեծամասնություն։ Սակայն 211 հոդվածը առաջիկա ընտրության համար բացառություն է սահմանում, քանի որ նշված է, որ 3—րդ փուլում նախագահն ընտրվում է անգամ այն դեպքում, երբ ստանում է պարզ մեծամասնություն։ «Դա կատարվել է նրա համար, որ, ամեն պարագայում, ապրիլի 9—ին մենք ունենանք նոր նախագահ։ Իսկ 7 տարի հետո եթե նոր նախագահի ընտրությունը միանգամից չստացվի, ոչ մի խնդիր չի լինի, քվեարկությունը կկրկնվի. անցումային դրույթներում այդ առանձնահատկությունը նշված է»,–ասաց նա։

Ամենափոքր խմբակցությունն էլ կարող է վարչապետ առաջադրել

Ինչ վերաբերում է վարչապետի ընտրությանն ու նշանակմանը, ապա դիտարկվում է Սահմանադրության 149 եւ «ԱԺ կանոնակարգ» օրենքի 140 հոդվածները։ «Ապրիլի 9–ին երկրի վարչապետը պարտավոր է հրաժարական տալ։ Հանրապետության նախագահը պարտավոր է անհապաղ ընդունել այդ հրաժարականը։ Հրաժարականից հետո 7 օրվա ընթացքում խմբակցությունները պետք է առաջադրեն վարչապետի իրենց թեկնածուներին»,–նշեց սահմանադրագետը։ Վարդան Պողոսյանն ընդգծեց, որ այսօր ամենափոքր խմբակցությունն էլ իրավունք ունի առաջին փուլի համար առաջադրելու վարչապետի թեկնածու։ «Վարչապետին պետք է ընտրել բացարձակ մեծամասնությամբ եւ անվանական քվեարկությամբ, ինչի վերաբերյալ նշված է 149 հոդվածի 4—րդ մասում։ Եթե վարչապետ չի ընտրվում, ինչն այսօրվա պառլամենտական հստակ մեծամասնության պայմաններում անհավանական է, ապա առաջադրելու իրավունքն այս անգամ ձեռք է բերում պատգամավորների մեկ երրորդը»,–ասաց նա՝ նշելով, որ դա արված է, որպեսզի խաղի մեջ միայն լուրջ թեկնածությունները մնան, որոնք հավանական է՝ կընտրվեն։ «Մեր առաջիկա ընտրության ժամանակ դա միայն տեսական հնարավորություն է։ Ենթադրենք ես 5—6—հոգանոց ֆրակցիա եմ. առաջադրել եմ իմ ֆրակցիայի ղեկավարին, մնացածներն էլ իրենց թեկնածուներն են առաջադրել, ակնհայտ է, որ ես 5—6 հոգու աջակցությամբ չեմ կարող դառնալ վարչապետ։ Ես իրավունք ունեմ առաջադրելու, իմ ծրագիրը ներկայացնելու, սակայն այդ թեկնածուի ընտրվելու հավանականությունը ձգտում է զրոյի, որովհետեւ ես մյուսների հետ համաձայնության չեմ եկել, եւ նրանք իրենց թեկնածուն են առաջադրել։ Սակայն եթե այնպես է ստացվում, որ ԱԺ—ում մեծամասնական հարաբերություններն այնպիսին են, որ բացարձակ մեծամասնություն ոչ ոք չի կարողանում ստանալ, ապա ընտրության հաջորդ շրջանում, եթե վարչապետ չի ընտրվում, եւ արդեն առաջադրվելու իրավունք է ստանում պատգամավորների մեկ երրորդը, ապա վեցհոգանոց ֆրակցիան այլեւս չի կարող թեկնածու առաջադրել, քանի որ մեկ երրորդի աջակցությունը չունի»,–նշեց Վ. Պողոսյանը։
Լիլիթ ԱՍԱՏՐՅԱՆ

13-01-2018





30-05-2020
Հայաստանում ներդրվում է համայնքային միասնական էլեկտրոնային կառավարման հարթակ
Կբարձրացվեն ՏԻՄ-երի աշխատանքների արդյունավետությունը եւ թափանցիկությունը

Ֆիզիկական եւ ...


30-05-2020
«Հայը լինի իր երկրին մեջ տերը, Հայը լինի իր ազատության տերը»
Դրոն հայոց պատմության էջերը հարստացրել է հաղթանակներով

Հայ ...


30-05-2020
Հայաստանում հաստատվել է COVID-19-ի 251 նոր դեպք, առողջացել է ևս 20 պացիենտ
Հայաստանում մայիսի 30-ի, ժամը 11:00-ի դրությամբ հաստատվել է կորոնավիրուսային ...


30-05-2020
Ո՞րն է ճշմարտությունը։ Աստծո խոսքը
Ի՞նչը կարող է մեզ ազատագրել։ Աստծո խոսքը։ Ե՞րբ է ...


30-05-2020
Առանց կուսակցությունների զարգացման չկա ժողովրդավարություն
Ի՞նչ փոփոխություններ են նախատեսվում ՏԻՄ ընտրություններում

4000 եւ ...


30-05-2020
Թանգարանի գիտական բաժինն անցել է աշխատանքի
Չի գործելու միայն ցուցադրության հատվածը

ԿԳՄՍ նախարարի հրամանով, ...


30-05-2020
Երեխաներին գնահատել է պետք գիտելիքով
Անցումը նոր համակարգին կնպաստի ինքնակրթության զարգացմանը

ՀՀ կրթության, ...



30-05-2020
«Մենք միակ ժողովուրդն ենք, որի գիրն ու կրոնը զուտ ազգային երեւույթներ են»
Ֆրանսահայ պատմաբան Կլոդ Մութաֆյանի հետ «ՀՀ»—ն ...

30-05-2020
Կարմիր գիրքը՝ բնական սահմանների խախտման ուղղակի ցուցիչ
Եվ համավարակի այս օրերին՝ բնության հետ ...

30-05-2020
Նորընտիր խորհրդարան-կառավարություն համագործակցությո՞ւն, թե՞…
2020 թ. փետրվարի 21-ին Իրանում տեղի ունեցան խորհրդարանի ...

30-05-2020
Չեմպիոնների չեմպիոնը կարող է որոշվել միասնական մրցաշարում
ՈւԵՖԱ-ն շարունակում է ուսումնասիրել եվրագավաթների ...
USD
EURO
RUR
GEL
Եղանակը Երևանում
գիշերը +12... +14
ցերեկը +27... +29

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO