Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.10.2019
ԳԻՏՈՒԹՅՈՒՆ


Կեղծարարությունը փաստերին չի դիմանում

Հոբելյանական միջազգային գիտաժողովներ Հայաստանում եւ սփյուռքում

Երեւանում փետրվարի 23–ին կանցկացվի խոշոր միջազգային գիտաժողով՝ նվիրված Արցախյան շարժման 30—ամյակին։ Մասնակցելու են բազմաթիվ հեղինակավոր մասնագետներ տարբեր երկրներից, գիտական ինստիտուտներից։ Մասնակցության իրենց համաձայնությունն են տվել մեդիա ոլորտի ճանաչված դեմքեր։ Այս մասին «Արմենպրեսի» մամուլի սրահում հրավիրված ասուլիսում նշեց ՀՀ ԳԱԱ պատմության ինստիտուտի տնօրեն Աշոտ Մելքոնյանը։
«Մենք շեշտադրում ենք, որ Արցախյան շարժումը միայն ինքնորոշման իրավունքի համար ծավալված շարժում չէր, այն ազգային ազատագրական պայքար էր, որը տրամաբանորեն հանգեցրեց Հայաստանի անկախացմանը։ Ամենակարեւորը, կցանկանայինք լսել մեր միջազգային գործընկերների, արտասահմանյան մասնագետների խոսքն Արցախյան շարժման վերաբերյալ»,—ասաց Աշոտ Մելքոնյանը։
Հայ պատմաբաններն իրենց փաստարկված աշխատություններով են պատասխանում Ադրբեջանի խեղաթյուրումներին, նշեց պատմության ինստիտուտի տնօրենի տեղակալ Կարեն Խաչատրյանը, ներկայացնելով այս ոլորտում կատարվող աշխատանքները։
«Տեսնում ենք, որ օտար երկրների գրախանութներում, գրադարաններում բազմաթիվ են ադրբեջանական աշխատությունները, որոնցում խեղաթյուրում են եւ իրենց, եւ տարածաշրջանի պատմությունը։ Կարելի է ասել «պատմաշինությամբ» են զբաղվում։ Մեր դիրքորոշումը հետեւյալն է, ոչ թե փորձում ենք արձագանքել իրենց հերյուրանքներին, որոնք գիտության հետ կապ չունեն, այլ մեր փաստարկված աշխատություններն ենք թարգմանում, որոնք անուղղակի պատասխան են այդ ամենին»,—ասաց Կարեն Խաչատրյանը՝ նշելով, որ լինում են ադրբեջանական աշխատություններ, որոնց գիտական մակարդակով անդրադառնալը պատիվ չի բերում։
Նրա խոսքով՝ այս դաշտում անելիքներ կան, խնդիր ունենք ստեղծելու լավ թարգմանչական դպրոց, որպեսզի հայ պատմաբանների աշխատանքները բարձրորակ թարգմանվեն եւ ներկայացվեն միջազգային հարթակներում։
Աշոտ Մելքոնյանը նշեց, որ 2017 թվականը կարեւորվեց Պատմական գիտությունների միջազգային կոմիտեին Հայաստանի պատմաբանների ընկերակցության անդամակցությամբ։ Խնդիր է դրված պայքարել տարածաշրջանում պատմության կեղծարարության դեմ։ Ադրբեջանն այդ կոմիտեի անդամ չէ։
«Երկու տարի առաջ ես մասնակցում էի այդ կոմիտեի նիստին, որտեղ խոսք եղավ այն մասին, թե ինչու Ադրբեջանը չի անդամակցում։ Այդ կազմակերպության ղեկավարներն ինձ ասացին, որ մի երկրում, որտեղ նախագահը խոսում է Երեւանի, Էջմիածնի ադրբեջանական լինելու մասին, այդ երկրի պատմագիտական ընկերությունը չի կարող կոմիտեի մաս կազմել։ Ինչ վերաբերում է Ադրբեջանին արձագանքելուն, ապա եթե ամեն հարցում իջնենք իրենց մակարդակին, կլինի ծիծաղելի վիճակ։ Այդ պատմական կեղծարարությունը ներքին լսարանի համար է, դրսում դա ծաղր ու ծանակի է ենթարկվում, նույնիսկ իրենք են սկսում նահանջել»,—հավելեց Աշոտ Մելքոնյանը։
Աշոտ Մելքոնյանը տեղեկացրեց, որ Մեծի Տանն Կիլիկո կաթողիկոսությունը Արամ Ա կաթողիկոսի գլխավորությամբ ընթացիկ տարվա մարտի 21—23—ը Անթիլիասում կանցկացնի միջազգային մեծ գիտաժողով՝ նվիրված Հայաստանի առաջին Հանրապետության անկախության հռչակման 100—ամյակին. «Այն բավական մեծ գիտաժողով է լինելու։ Հայաստանից մասնակցելու է 25 մասնագետ, նույնքան էլ՝ սփյուռքից։ Գիտաժողովը բաղկացած է լինելու 5—6 բաժիններից։ Շոշափվելու են իրավաքաղաքական խնդիրներ, պահանջատիրության հարց, ժողովրդավարական գործընթացներ եւ այլն»։
Հայաստանի առաջին հանրապետության անկախության հռչակման 100—ամյակի շրջանակում տարվա ընթացքում միջազգային գիտաժողովներ են սպասվում տարբեր այլ երկրներում՝ ԱՄՆ—ում, Կանադայում եւ այլն։
Հայաստանում եւս 100–ամյակի շրջանակում մայիսի 25—26—ը կանցկացվի միջազգային գիտաժողով։ Մասնակիցներ կլինեն Ռուսաստանից, Ֆրանսիայից, Լիբանանից եւ այլ երկրներից։
Ընթացիկ տարում ՀՀ ԳԱԱ—ն նշում է իր հիմնադրման 75—ամյակը։ Տարին հոբելյանական է նաեւ ԳԱԱ պատմության ինստիտուտի համար։ Այն ակադեմիայի առաջին ինստիտուտներից էր, որը հիմնվել է 1943 թվականին։ Այս տարի հոբելյանի առթիվ կազմակերպվելու է միջազգային գիտաժողով։
Կարեն Խաչատրյանը նշեց, որ այդ առթիվ նախատեսվում է նաեւ նոր, բավական արժեքավոր հրատարակություն։
«Մեր ինստիտուտի 75—ամյակի առթիվ մենք արդեն մի քանի տարի է նախապատրաստում ենք նոր հրատարակություն։ Լույս է տեսնելու նոր գիրք, որը ներկայացնելու է պատմության ինստիտուտի գործունեության ամբողջ պատմությունը։ Անդրադարձ է լինելու ինստիտուտի զարգացման ուղղություններին, գիտնականներին, ինստիտուտի ձեռքբերումներին։ Այն թույլ կտա արժանին մատուցել այն գիտնականներին, ովքեր մեծ ներդրում են ունեցել ինստիտուտի ստեղծման եւ կայացման գործում»,—ասաց նա։

17-01-2018





12-10-2019
Արցախի բարեկամները՝ Ստեփանակերտում
Պետականաշինության տեսլականը եւ արտաքին քաղաքական հրամայականները

Դավիթ ՄԻՔԱՅԵԼՅԱՆ
d.miqayelyan@hhpress.am


Ստեփանակերտում ...


12-10-2019
Պաշտպանե՛լ Սիրիան՝ հաջորդող պատերազմները կանխելու համար
Այլապես Թուրքիայի ախորժակը անհնար կլինի զսպել

Արմենուհի ՄԵԼՔՈՆՅԱՆ
a.melqonyan@hhpress.am


Մենք՝ ...


12-10-2019
Վարչապետի հանդիպումները Թուրքմենստանում
Մեկնարկել է վարչապետ Նիկոլ Փաշինյանի աշխատանքային այցը Թուրքմենստան, հայտնում ...


12-10-2019
«Պետք է կարողանանք գտնել մեր ժողովուրդների միջեւ երկխոսության, փոխադարձ զիջման, վստահության եւ հարգանքի ուղիներ»
Վարչապետը մասնակցել է ԱՊՀ մասնակից պետությունների ղեկավարների խորհրդի ...


12-10-2019
«Սեւան» ՄՀԿ
Աշտարակի մանկապատանեկան մարզադպրոցի գործունեությունը Արագածոտն մարզում

«Սեւան» գյուղական ...


12-10-2019
Արտասահմանյան երկրների, միջազգային կազմակերպությունների հետ համագործակցությունը
Արագածոտնի մարզպետարանը գործընկերային հարաբերություններ ունի տարբեր միջազգային կառույցների (ՄԱԿ, ...


12-10-2019
Պատմական ակնարկ
Արագածոտնի մարզը հիմնադրվել է 1996 թ.։ Մարզի տարածքը 2753 ...



12-10-2019
Կարեւոր է հասկանալ՝ ինչ դասեր է քաղում Ադրբեջանը
Իսկ Փաշինյանի նվերը Պուտինին ...

12-10-2019
Կենսական պահանջ եւ ոչ թե նպատակ
Շմավոն Շմավոնյանը նկարի պատմություն չի ...

12-10-2019
Յուրաքանչյուր հայ պետք է կարողանա սեփական քրտինքով սեփական հացը վաստակել
Ճանաչված բարերար ու գործարար Հրաչյա ...

12-10-2019
Հաղթեցին, բայց չտպավորեցին
Մինչեւ 21 տարեկան ֆուտբոլիստների Հայաստանի ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO