Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.09.2020
ԱԶԳԱՅԻՆ ԺՈՂՈՎ


Ներկայացվել են մի շարք օրինագծեր

Խորհրդարանը շարունակել է հերթական նիստերի աշխատանքը

ՀՀ Ազգային ժողովը երեկ շարունակել է նիստերի աշխատանքը եւ քվեարկությամբ ընդունել նախորդ օրը քննարկված օրենքների նախագծերն ու օրենսդրական փաթեթները, ինչպես նաեւ ՀՀ ԱԺ պատգամավորներ Վահրամ Բաղդասարյանի, Ռուստամ Մախմուդյանի, Արմեն Աշոտյանի, ՀՀ ԱԺ ՀՀԿ, ՀՀ ԱԺ «Ծառուկյան», ՀՀ ԱԺ ՀՅԴ, ՀՀ ԱԺ «Ելք» խմբակցությունների հեղինակած «Ահաբեկչական խմբավորումների կողմից իրենց վերահսկողության ներքո գտնվող Իրաքի Հանրապետության տարածքներում եզդի ժողովրդի նկատմամբ 2014 թվականին իրականացված ցեղասպանության դատապարտման մասին» ՀՀ ԱԺ հայտարարության նախագիծը, հայտնում են ԱԺ հասարակայնության եւ տեղեկատվության միջոցների հետ կապերի վարչությունից։
Երկրորդ ընթերցմամբ եւ ամբողջությամբ ընդունելու համար քննարկվել է ՀՀ կառավարության ներկայացրած «Սահմանադրական դատարանի մասին», «Պետական պաշտոններ զբաղեցրած անձանց սոցիալական երաշխիքների մասին» ՀՀ օրենքում փոփոխություններ կատարելու մասին» եւ դրանց կից օրենքների նախագծերի փաթեթը, որը ներկայացրել է ՀՀ արդարադատության նախարարի առաջին տեղակալ Արթուր Հովհաննիսյանը։ Նա նշել է, որ առաջին ընթերցումից հետո փաթեթը խմբագրվել է, առաջարկներ ներկայացրել են ՀՀ կառավարությունը, ՀՀ ԱԺ փոխնախագահ Արփինե Հովհաննիսյանը եւ ՀՀ ԱԺ «Ելք» խմբակցությունը։ Նախագծով իրավական ակտերի՝ Սահմանադրությանը համապատասխանության հարցը լուծելիս ՍԴ—ն, ի տարբերություն ներկա կարգավորման, պետք է իրավունք ունենա այդ գործերը քննել նաեւ բանավոր ընթացակարգով այն դեպքերում, եթե գտնում է, որ դրանք հանրային հնչեղություն ունեն, կամ քննությունը կարող է նպաստել գործի հանգամանքների առավել արդյունավետ լուծմանը։ Առաջարկվում է «համայնքի ավագանիներ» բառակապակցությունը փոխարինել «տեղական ինքնակառավարման մարմիններ»—ով. ՍԴ դատավորը՝ որպես ընտրող, կարող է մասնակցել ՏԻՄ—երի ընտրություններին։ Նախագծով օրենքի որոշ դրույթներ համապատասխանեցվել են առաջին ընթերցմամբ ընդունված դատական օրենսգրքի նախագծին։
ՀՀ ԱԺ պետական—իրավական եւ մարդու իրավունքների պաշտպանության հարցերի մշտական հանձնաժողովի նախագահ Հրայր Թովմասյանը հարակից զեկույցում անդրադարձել է որոշ հարցերի, մասնավորապես ՍԴ աշխատակարգի՝ որպես նորմատիվ ակտ հրապարակմանը, դատավարական օրենքների կարգավորման առարկա հանդիսացող որոշ հարաբերությունների կանոնակարգմանը, վնասի փոխհատուցմանը։ Նա առաջարկել է գործընկերներին կողմ քվեարկել նախաձեռնությանը։
Արթուր Հովհաննիսյանն առաջին ընթերցումով քննարկման է ներկայացրել նաեւ «Ահաբեկչության դեմ պայքարի մասին» ՀՀ օրենքում փոփոխություններ կատարելու մասին» օրենքի նախագիծը, որով ահաբեկչության դեմ պայքարն անմիջականորեն իրականացնող սուբյեկտների եւ պետական կառավարման համակարգի մարմինների գործողությունների համակարգումը, հակաահաբեկչական գործողության օպերատիվ շտաբի ձեւավորումն ու ընդհանուր ղեկավարումը վերապահվել է ՀՀ վարչապետին։ Նշվել է, որ ահաբեկչության դեմ պայքար իրականացնող հանրապետական գործադիր մարմինները վերանվանվել են պետական կառավարման համակարգի մարմիններ։
ՀՀ ԱԺ պետական—իրավական եւ մարդու իրավունքների պաշտպանության հարցերի մշտական հանձնաժողովի նախագահի տեղակալ Ռուստամ Մախմուդյանը ներկայացրել է հանձնաժողովի դրական եզրակացությունը՝ փաստելով, որ նախագծի ընդունումը պայմանավորված է օրենքը Սահմանադրության պահանջներին համապատասխանեցնելու անհրաժեշտությամբ։
Առաջին ընթերցման ընթացակարգով ՀՀ էներգետիկ ենթակառուցվածքների եւ բնական պաշարների նախարարի տեղակալ Հայկ Հարությունյանը քննարկման է ներկայացրել «Էներգետիկայի մասին» ՀՀ օրենքում փոփոխություններ եւ լրացումներ կատարելու մասին», «Լիցենզավորման մասին» ՀՀ օրենքում փոփոխություններ կատարելու մասին» եւ «Պետական տուրքի մասին» ՀՀ օրենքում փոփոխություններ կատարելու մասին» օրենսդրական փաթեթը։ Հիմնական զեկուցողը նշել է, որ փոփոխությունները միտված են էլեկտրաէներգետիկական շուկայի ազատականացմանը, ՀՀ կառավարության կողմից լիազորված մարմնի եւ հանրային ծառայությունները կարգավորող հանձնաժողովի իրավասությունների հստակեցմանը, միջպետական առեւտրի զարգացմանն ու սպառողների շահերի պաշտպանությանը։ Փոխնախարարի խոսքով՝ նախատեսվում է ոլորտում ժամային առեւտրին՝ որպես էլեկտրաէներգետիկական համակարգի աշխատանքի արդյունավետությունը բարձրացնող մեխանիզմին անցումը։ Կառավարությունն առաջարկում է տնտեսական կարգավորման իրականացում՝ շուկայի մասնակիցներից պահանջարկի եւ առաջարկի հայտերի հիման վրա, շուկայի մասնակիցների համար անհատական պատասխանատվության ներդրում, միջպետական առեւտրի նոր հնարավորությունների ստեղծում, ներքին սպառողների պաշտպանության նոր մեխանիզմների ներդրում, ներդրումային միջավայրի բարելավում եւ գրավիչ պայմանների ստեղծում ներդրողների համար։
Ներկայացնելով ՀՀ ԱԺ տնտեսական հարցերի մշտական հանձնաժողովի դրական եզրակացությունը՝ ՀՀ ԱԺ պատգամավոր Վահան Հարությունյանը նշել է, որ հանձնաժողովը հարցը մանրամասն քննարկել է, լսումներ է կազմակերպել։
ՀՀ ԱԺ պատգամավոր Գագիկ Մելիքյանը նշել է, որ նախագիծը լուրջ ազդեցություն կունենա ոլորտի զարգացման վրա. մեր երկրի էներգետիկ համակարգը կթեւակոխի որակական նոր փուլ, տեղի կունենա էներգիայի սակագների նվազում, հնարավոր կլինի արտահանել էներգիայի ավելցուկը։ Նա հավելել է, որ հնչած առաջարկությունները դրական ազդեցություն են ունեցել օրենքի նախագծի վրա եւ առաջարկել կողմ քվեարկել նախագծին։
ՀՀ ԱԺ փոխնախագահ Միքայել Մելքումյանը, ներկայացնելով էներգիայի արտահանմանը եւ իրացմանը վերաբերող հարցերի շուրջ իր մոտեցումները, նշել է, որ իրականացվող քայլերը պետք է նպաստեն ազատ շուկայական հարաբերությունների կայացմանը։ Նա անդրադարձել է նաեւ սակագների նվազեցմանը, որի դեպքում պետք է հաշվի առնել դրամի փոխարժեքի տատանումները։
ՀՀ կենտրոնական բանկի նախագահի տեղակալ Վախթանգ Աբրահամյանը, ներկայացնելով ՀՀ կառավարության հեղինակած «Փողերի լվացման եւ ահաբեկչության ֆինանսավորման դեմ պայքարի մասին» ՀՀ օրենքում փոփոխություններ եւ լրացումներ կատարելու մասին» օրենքի նախագիծը եւ կից նախագծերի փաթեթը, նշել է, որ դրանով ընդլայնվում է փողերի լվացման եւ ահաբեկչության ֆինանսավորման դեմ պայքարի շրջանակը՝ ներառելով նաեւ զանգվածային ոչնչացման զենքի տարածման ֆինանսավորման դեմ պայքարը, ինչպես նաեւ արգելվում է ՀՀ անշարժ գույքի առուվաճառքի գործարքների դեպքում 50 միլիոն դրամից ավել կանխիկ եղանակով վճարում իրականացնելը։
Հարակից զեկուցող, ՀՀ ԱԺ ֆինանսավարկային եւ բյուջետային հարցերի մշտական հանձնաժողովի նախագահ Գագիկ Մինասյանը նշել է, որ նախագծով կատարվում է երկու կարեւոր փոփոխություն եւ առաջարկել է կողմ քվեարկել նախագծին։
«Խաղաղ նպատակներով ատոմային էներգիայի անվտանգ օգտագործման մասին» ՀՀ օրենքում լրացումներ եւ փոփոխություններ կատարելու մասին» օրենքի նախագիծը ներկայացրել է ՀՀ ԿԱ միջուկային անվտանգության կարգավորման պետական կոմիտեի նախագահ Աշոտ Մարտիրոսյանը, ով նշել է, որ նախագծի ընդունման անհրաժեշտությունը պայմանավորված է ՀՀ սահմանադրական փոփոխություններով։
Հարակից զեկուցող Գագիկ Մելիքյանը տեղեկացրել է, որ նախագիծը քննարկվել է ՀՀ ԱԺ տնտեսական հանձնաժողովում եւ ստացել դրական եզրակացություն։
ՀՀ ԱԺ «Ելք» խմբակցության պատգամավորներ Էդմոն Մարուքյանի, Արարատ Միրզոյանի, Նիկոլ Փաշինյանի, Արտակ Զեյնալյանի եւ Գեւորգ Գորգիսյանի հեղինակած «Շահումով խաղերի, ինտերնետ շահումով խաղերի եւ խաղատների մասին» ՀՀ օրենքում լրացումներ կատարելու մասին» օրենքի նախագիծը ներկայացրել է Էդմոն Մարուքյանը։ Նա նշել է, որ առաջարկվող փոփոխությամբ նախատեսվում է ստուգել խաղատուն այցելող քաղաքացու անձնագիրը եւ տեսնել՝ արդյոք լրացել է նրա քսանմեկ տարին։ Բացի այդ, նախագծով պիտի սահմանվի մոլեխաղերով հրապուրվելու հետեւանքով իր ընտանիքը նյութական ծանր դրության մեջ դնելու հիմքով սահմանափակ գործունակ ճանաչված քաղաքացու՝ խաղասրահ կատարվող այցելությունները սահմանափակելու կարգը։ Այդ քաղաքացիների մուտքը խաղասրահ պետք է արգելվի։ Էդմոն Մարուքյանի կարծիքով՝ պետք է ներմուծել եւ գործարկել անձի ինքնաբացարկի ինստիտուտը, ինչպես որ արվում է քաղաքակիրթ աշխարհում։
Հարակից զեկուցող, ՀՀ ԱԺ պատգամավոր Վահան Հարությունյանը նշել է, որ օրինագիծը քննարկվել է ՀՀ ԱԺ տնտեսական հանձնաժողովում եւ ստացել դրական եզրակացություն։
ՀՀ ֆինանսների նախարարի տեղակալ Կարեն Թամազյանը փաստել է, որ ներկայացված օրենքի նախագիծը համահունչ է ՀՀ կառավարության մոտեցումներին, սակայն իրավական հարցերը շտկելու համար կա պայմանավորվածություն եւ համատեղ աշխատելու անհրաժեշտություն։
ՀՀ ԱԺ ՀՅԴ խմբակցության պատգամավոր Արմենուհի Կյուրեղյանը մտքերի փոխանակության ընթացքում նշել է, որ խաղերից հրաժարվող մարդուն պետք է հնարավորություն տալ չմասնակցելու դրանց։ Պետք է անձնագրով նույնականացվի անձի մուտքը խաղատուն կամ իր իսկ ցանկությամբ բանկի արգելքով նրա քարտից գումար չփոխանցվի։
ՀՀ ԱԺ պատգամավորներ Սամվել Ֆարմանյանի, Աղվան Վարդանյանի, Ռուզաննա Մուրադյանի, Հրայր Թովմասյանի, Վարդեւան Գրիգորյանի, Մանե Թանդիլյանի, Գագիկ Մելիքյանի, Ռուստամ Մախմուդյանի, Շուշան Սարդարյանի, Սերգեյ Բագրատյանի, Արման Սաղաթելյանի, Միհրան Հակոբյանի եւ Ջեմմա Բաղդասարյանի հեղինակած «Շահումով խաղերի, ինտերնետ շահումով խաղերի եւ խաղատների մասին» ՀՀ օրենքում փոփոխություն եւ լրացումներ կատարելու մասին» եւ «Վիճակախաղերի մասին» ՀՀ օրենքում փոփոխություններ եւ լրացումներ կատարելու մասին» օրենքների նախագծերի փաթեթը ներկայացրել է ՀՀ ԱԺ ՀՀԿ խմբակցության պատգամավոր Սամվել Ֆարմանյանը։ Ըստ հիմնական զեկուցողի՝ վերջին շրջանում մամուլում եւ սոցիալական ցանցերում ավելի հաճախակի են դառնում վիճակախաղի կազմակերպիչների կողմից 18, իսկ շահումով խաղերի, ինտերնետ շահումով խաղերի կամ խաղատների կազմակերպիչների կողմից 21 տարեկանը չլրացած անձանց վիճակախաղին կամ շահումով խաղերին մասնակցելու իրավունք ընձեռելու վերաբերյալ հրապարակումները։ Նման հրապարակումները փաստում են, որ գործող օրենսդրության առկա կարգավորումների խախտման արդյունքում ոչ միայն կարող է խեղվել անչափահաս քաղաքացու հոգեբանությունը, այլեւ շատ դեպքերում կործանարար ազդեցություն ունենալ առանձին անչափահաս քաղաքացիների ու նրանց ընտանիքների համար։ Սամվել Ֆարմանյանի խոսքով՝ փաթեթով առաջարկվում է հիշյալ իրավախախտումների առաջին դեպքի համար սահմանել երկու միլիոն, երկրորդ դեպքի համար՝ հինգ միլիոն, երրորդ դեպքի համար՝ տասը միլիոն դրամ տուգանք, իսկ չորրորդ անգամ այդպիսի իրավախախտումներ թույլ տալու դեպքում կազմակերպչի լիցենզիայի գործողությունը դադարեցվում է։
Հարակից զեկույցում ՀՀ ֆինանսների նախարարի տեղակալ Կարեն Թամազյանը նշել է, որ քննարկվող փաթեթի գաղափարախոսությունն ընդհանուր առմամբ համահունչ է կառավարության վարած քաղաքականությանը։ Գործադիրը որոշ դիտարկումներ է ներկայացրել, որոնք կքննարկվեն առաջինից երկրորդ ընթերցում ընկած ժամանակահատվածում։
Հարակից զեկուցող, ՀՀ ԱԺ տնտեսական հարցերի մշտական հանձնաժողովի անդամ Վահան Հարությունյանը ներկայացրել է հանձնաժողովի դրական եզրակացությունը։
Երկրորդ ընթերցմամբ եւ ամբողջությամբ ընդունելու համար քննարկվել է «ՀՀ քննչական կոմիտեի մասին» ՀՀ օրենքում փոփոխություններ եւ լրացումներ կատարելու մասին» եւ կից օրենքների նախագծերի փաթեթը, ՀՀ ԱԺ պատգամավորներ Կարեն Ավագյանի եւ Հրայր Թովմասյանի հեղինակած «ՀՀ քրեական օրենսգրքում լրացում կատարելու մասին» օրենքի նախագիծը։
Օրվա վերջին նիստում «ՀՀ ԱԺ կանոնակարգ» ՀՀ սահմանադրական օրենքի համաձայն՝ ՀՀ ԱԺ պատգամավորները հանդես են եկել հայտարարություններով։
Ազգային ժողովը նիստի աշխատանքը կշարունակի այսօր։

17-01-2018





26-09-2020
Կտրուկ քայլ՝ տեղական արտադրությունը պաշտպանելու համար
Արգելվում է Հայաստանի համար ռազմավարական նշանակության սեւ եւ գունավոր ...


26-09-2020
Ճնշում է գործադրվում Կիպրոսի վրա
ԱՄՆ-ը պնդում է այլեւս չարգելափակել Բելառուսի նկատմամբ ԵՄ-ի պատժամիջոցների ...


26-09-2020
Իդլիբը՝ Մոսկվայի ու Անկարայի միջեւ
Ստատուս-քվոն պահպանվում է

Մոսկվան ու Անկարան որոշում են ...


26-09-2020
Էներգախնայողությունը` էներգիայի նոր աղբյուր
Ինչ ներուժ ունի Հայաստանը եւ ինչ քայլեր է ձեռնարկում ...


26-09-2020
Նա՝ մեր անլռելի զանգակատունը
Սերմ էր, որ ընկնելու էր հողի մեջ, որպեսզի հողը ...


26-09-2020
Հումանիտար ականազերծման կենտրոն՝ Արցախում
Հիմնադիրներն արցախյան պատերազմի մարտական սպաներն են

Երկրորդ ամիսն ...


26-09-2020
Ինչպես ենք մենք վայելում Աստծուն
Որպեսզի ընդունենք Աստծուն, մենք պարտավոր ենք դեմքով շրջվել դեպի ...



26-09-2020
«Հայաստանի հետ պետք չէ խոսել ուժի եւ սպառնալիքի լեզվով»
ՀՀ վարչապետ Նիկոլ Փաշինյանը կառավարությունում ...

26-09-2020
Դավիթ Տոնոյանը ՌԴ-ում ներկա է «Կովկաս-2020» զորավարժության հիմնական փուլին
ՀՀ պաշտպանության նախարար Դավիթ Տոնոյանն ...

26-09-2020
ՀՀ նախագահը շնորհավորել է «Ավրորա» մրցանակաբաշխության 5-ամյակը
Հայաստանի Հանրապետության նախագահ Արմեն Սարգսյանը ...

26-09-2020
Արոնյանը ձգտում է եզրափակիչ
Լեւոն Արոնյանը երկրորդ հաղթանակը տանելով ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO