Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.09.2020
ԱՅԼՔ...


Վերականգնողական արդարադատություն

Պրոբացիայի ծառայությունը կայանում է

Երեւանում երեկ տեղի է ունեցել «Պրոբացիայի ծառայության առաջին տարվա գործունեության արդյունքները, խնդիրները եւ հեռանկարները» թեմայով քննարկում, որը կազմակերպել էր «Քաղաքացիական հասարակության ինստիտուտ» հասարակական կազմակերպությունը՝ ՀՀ արդարադատության նախարարության հետ համատեղ, հայտնում են ՀՀ ԱՆ տեղեկատվության եւ հասարակայնության հետ կապերի վարչությունից։ Միջոցառմանը մասնակցել են ՀՀ արդարադատության նախարարի տեղակալ Սուրեն Քրմոյանը, ՀՀ ԱՆ պրոբացիայի պետական ծառայության պետ Արսեն Նավասարդյանը, «Քաղաքացիական հասարակության ինստիտուտ» ՀԿ տնօրեն Արտակ Կիրակոսյանը, «Իրավաբանների հայկական ասոցիացիա» ՀԿ նախագահ Կարեն Զադոյանը, այլք։
Նախարարի տեղակալ Սուրեն Քրմոյանի խոսքով, պրոբացիայի ծառայության գործարկմամբ ՀՀ կառավարությունը ամրագրեց ու հաստատեց վերականգնողական արդարադատության համակարգերի ներդրմանն ուղղված իր կամքը, ինչը նշանակում է, որ պատժի նպատակներին կարելի է հասնել ոչ միայն անձին պահելով ազատազրկման վայրերում, այլեւ նրան վերասոցիալականացնելով։ «Շատ կարեւոր ու սկզբունքային փոփոխություններ են կատարվել, ինչի շնորհիվ էլ մենք նախորդ տարի լուրջ արդյունքներ ենք գրանցել։ Նախ արդեն կարող ենք ասել, որ պրոբացիայի ծառայությունը կայացել է՝ որպես առանձին, անկախ կառույց, ինչի հիմքում էլ դրվել է ամենակարեւոր սկզբունքը, ըստ որի՝ մենք անձի պատժի իրականացումը համարում ենք անձի վերասոցիալականացումը, վերաինտեգրումը հանրային կյանքին»,–ասել է Ս. Քրմոյանը։
Արդարադատության նախարարի տեղակալը հավելել է, որ պրոբացիայի ծառայությունում հիմնական նպատակ է սահմանվել ազատազրկված անձի բոլոր պահանջմունքների վերհանումն ու դրանց արդյունքում ճիշտ եւ թիրախավորված, անհատական աշխատանք կատարելը։
ՀՀ ԱՆ պրոբացիայի պետական ծառայության պետ Արսեն Նավասարդյանն էլ նշել է, որ մեկ տարվա ընթացքում ծառայությունում կատարվել է բավական աշխատանք եւ շեշտել, որ պրոբացիայի ծառայությունը դեռեւս գտնվում է կայացման փուլում։ Այնուհետեւ ՀՀ ԱՆ պրոբացիայի պետական ծառայության ներկայացուցիչներ Աստղիկ Խաչատրյանն ու Արամ Դարբինյանը ներկայացրել են կառույցի առաջին տարվա գործունեության արդյունքները։
Քննարկման ավարտին տեղի է ունեցել հարց ու պատասխան։
29.12.2017թ. դրությամբ ՀՀ ԱՆ պրոբացիայի պետական ծառայությունում հաշվառված են 3088 դատապարտյալ։
Նրանց նկատմամբ նշանակվել է 1866 պատիժ, իսկ 1412—ը գտնվում են վերահսկողության ներքո։ Նրանցից 1270—ը դատապարտվել են տուգանքի, 205—ը զրկվել են որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից, 391—ը կատարում են հանրային աշխատանքներ։ 1265—ի նկատմամբ նշանակված ազատազրկման ձեւով պատիժը պայմանականորեն չի կիրառվել, սահմանվել է փորձաշրջան, 137—ը պայմանական վաղաժամկետ ազատվել են քրեակատարողական հիմնարկներից, իսկ 10—ի պատիժը հետաձգված է մինչեւ առողջանալը կամ երեխայի 3 տարեկան դառնալը։ 3088 դատապարտյալից 190—ն ունեն կրկնակի պատիժ կամ վերահսկողություն։ 3088 դատապարտյալից 332 կանայք են, իսկ 47—ը՝ անչափահաս։ 2017թ. ընթացքում տուգանք պատժատեսակի կատարման արդյունքում ՀՀ պետական բյուջե մուտքագրվել է մոտ 227 մլն դրամ։

19-01-2018





26-09-2020
Կտրուկ քայլ՝ տեղական արտադրությունը պաշտպանելու համար
Արգելվում է Հայաստանի համար ռազմավարական նշանակության սեւ եւ գունավոր ...


26-09-2020
Ճնշում է գործադրվում Կիպրոսի վրա
ԱՄՆ-ը պնդում է այլեւս չարգելափակել Բելառուսի նկատմամբ ԵՄ-ի պատժամիջոցների ...


26-09-2020
Իդլիբը՝ Մոսկվայի ու Անկարայի միջեւ
Ստատուս-քվոն պահպանվում է

Մոսկվան ու Անկարան որոշում են ...


26-09-2020
Էներգախնայողությունը` էներգիայի նոր աղբյուր
Ինչ ներուժ ունի Հայաստանը եւ ինչ քայլեր է ձեռնարկում ...


26-09-2020
Նա՝ մեր անլռելի զանգակատունը
Սերմ էր, որ ընկնելու էր հողի մեջ, որպեսզի հողը ...


26-09-2020
Հումանիտար ականազերծման կենտրոն՝ Արցախում
Հիմնադիրներն արցախյան պատերազմի մարտական սպաներն են

Երկրորդ ամիսն ...


26-09-2020
Ինչպես ենք մենք վայելում Աստծուն
Որպեսզի ընդունենք Աստծուն, մենք պարտավոր ենք դեմքով շրջվել դեպի ...



26-09-2020
«Հայաստանի հետ պետք չէ խոսել ուժի եւ սպառնալիքի լեզվով»
ՀՀ վարչապետ Նիկոլ Փաշինյանը կառավարությունում ...

26-09-2020
Դավիթ Տոնոյանը ՌԴ-ում ներկա է «Կովկաս-2020» զորավարժության հիմնական փուլին
ՀՀ պաշտպանության նախարար Դավիթ Տոնոյանն ...

26-09-2020
ՀՀ նախագահը շնորհավորել է «Ավրորա» մրցանակաբաշխության 5-ամյակը
Հայաստանի Հանրապետության նախագահ Արմեն Սարգսյանը ...

26-09-2020
Արոնյանը ձգտում է եզրափակիչ
Լեւոն Արոնյանը երկրորդ հաղթանակը տանելով ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO