Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.01.2021
ԱՇԽԱՐՀ


Նոր լարվածություն ԱՄՆ—Թուրքիա հարաբերություններում

ԱՄՆ—ի եւ Թուրքիայի դիրքորոշումները Սիրիայի հիմնահարցի շուրջ, կարելի է ասել, ի սկզբանե առնվազն չեն համընկել, այդ հակասություններն ավելի են սրվել 2015—ից ի վեր։ Տարեսկզբին ԱՄՆ—ը հայտարարել է, որ Թուրքիայի սահմանների հարեւանությամբ եւ Եփրատի արեւելյան ափին ձեւավորվելու են «սահմանապահ» նոր ուժեր, որոնց թիվը 30 հազար է լինելու, 50 տոկոսը՝ քրդեր, 50—ը արաբներ են լինելու։
Այս նորությունը խիստ զայրացրել է Թուրքիային, ԱՄՆ—ի դեսպանը Անկարայում հրավիրվել է ԱԳ նախարարություն։ Իսկ նախագահ Էրդողանը նախազգուշացրել է, որ այդ սահմանապահ ուժերին «սաղմում կոչնչացնեն»՝ նոր ձեւավորվող ուժը «ահաբեկչության բանակ» անվանելով։ Թուրքիայի ազգային անվտանգության խորհուրդը խնդրո առարկային նվիրված նիստ էր գումարել, որի ավարտին հանդես է եկել սպառնալից հայտարարությամբ, որտեղ նշվել է, որ Թուրքիան թույլ չի տա իր երկրի սահմանների մոտ ահաբեկչության միջանցքի եւ ահաբեկչական բանակի ձեւավորումը եւ դա կանխելու համար կդիմի անհրաժեշտ միջոցների։
ԱԳ նախարար Չաուշօղլուն ԱՄՆ—ին նախազգուշացրել է, որ նման քայլի իրականացումն անդառնալի հարված է հասցնելու թուրք—ամերիկյան փոխհարաբերություններին՝ ընդգծելով, որ Վաշինգտոնը պետք է ընտրություն կատարի իր դաշնակիցների եւ ահաբեկիչների միջեւ։ Թուրքիայի ԶԼՄ—ների գլխավոր թեման է դարձել Աֆրինի եւ Մանբիջի վրա հարձակվելու հարցը, երբ երկրի նախագահը հայտարարել է, որ հարձակման հավանականությունը յուրաքանչյուր պահի շատ մեծ է, ինչը նշանակում է ՆԱՏՕ—ի երկու կարեւոր անդամների միջեւ բախում, որը անհավանական է թվում։ Ավելին, փորձագետները հարձակման հավանականությունը մեծ չեն համարում։
Ստամբուլում ապրող՝ Թուրքիայի հարցերով փորձագետ Մոհամեդ Սալեհ Խաթամի կարծիքով՝ առանց ԱՄՆ—ի համաձայնության կամ առնվազն լռության Թուրքիան լայնածավալ հարձակում չի իրականացնի։ Իսկ Էրդողանի եւ այլ բարձրաստիճան պաշտոնյաների սպառնալից հայտարարությունը բխում է նրանց զայրույթից, ինչպես նաեւ ներքին սպառման համար է, քանի որ հակաամերիկյան տրամադրությունները զգալի են, ինչը ձգտում են օգտագործել իշխանությունների հանդեպ դրական վերաբերմունք ձեւավորելու նպատակով։ Բաքվում եւ Կիեւում Իրանի նախկին դեսպան Աֆշար Սոլեյմանին եւս ԱՄՆ—Թուրքիա բախումները հնարավոր չի համարում, թեեւ Անկարայի որոշ գործողությունները Սիրիայի հյուսիսում չի բացառում։ ԱՄՆ—ի արձագանքը թուրք պաշտոնյաների սպառնալիքներին, կարելի է ասել, մեղմ է՝ նշելով, որ Թուրքիան ՆԱՏՕ—ում ԱՄՆ—ի կարեւոր դաշնակիցներից է։ Նշենք, որ ԱՄՆ որոշումը քրդերի վերաբերյալ բացասական արձագանք է գտել նաեւ Իրանում, որի ԱԳ նախարարությունը հանդես է եկել հայտարությամբ՝ այն Սիրիայի մասնատման ուղղությամբ քայլ գնահատելով։
Մյուս կողմից՝ ԱՄՆ պետքարտուղար Ռեքս Թիլերսոնը Սիրիայում, այդ երկրի ռազմավարության մասին խոսելիս, շեշտել է, որ Վաշինգտոնը 5 նպատակ է հետապնդում՝ դաիշակաների վերջնական տապալումն ու դրանց վերադարձի արգելակումը, հիմնահարցի լուծումը ժնեւյան բանակցությունների միջոցով եւ ժողովրդավարական կարգեր հաստատելը, Սիրիայում Իրանի ազդեցությունը կրճատելը, փախստականների վերադարձը եւ զանգվածային ոչնչացման զենքերը ոչնչացնելը։

Էմմա ԲԵԳԻՋԱՆՅԱՆ

19-01-2018





22-01-2021
Որքանով է ձեռնտու ԵԱՏՄ գազի ընդհանուր շուկա մտնելը
Եվ, ընդհանրապես, ի՞նչ սպասել դրանից

Բնական գազը մեր ...


22-01-2021
Թուրքական անօդաչուները միտված էին նոր իրավիճակի ստեղծմանը
Հայաստանին նոր պայմանագրի պարտադրումը պետք է հակահարված ստանա



22-01-2021
Պետությունը կփոխհատուցի մարտական գործողություններին մասնակցածների ուսման վարձը
Արտոնություններ ստացողների թվում են նաեւ երկու եւ ավելի անչափահաս ...


22-01-2021
Ադրբեջանն օգտագործեց ՆԱՏՕ-ի զենքը
Ինչպես չեխական հաուբիցները հայտնվեցին հակամարտող երկրում

Հյուսիսատլանտյան դաշինքը ...


22-01-2021
Հայկական եկեղեցիների ճակատագիրը Թուրքիայում
Բնիկ ժողովուրդների մշակութային արժեքների նկատմամբ Անկարայի բացառիկ իրավունքի ճանաչումն ...


22-01-2021
Լեզվի օրենքի ծնունդը
Կամ՝ հոգեւոր անկախության ճանապարհին

Շուրջ երեսուն տարի ...


22-01-2021
Առակների խորհուրդը
Կարելի՞ է արդյոք պնդել, թե առակը լոկ այն է, ...



22-01-2021
Կառավարությունը հեշտացնում է
Ապօրինի ներխուժումը վերացնելը, սեփականությունը ...

22-01-2021
Քննարկել են ԼՂ հակամարտության գոտում հետպատերազմյան իրադրությունը
Հայաստանի Հանրապետության արտաքին գործերի նախարար ...

22-01-2021
Հեռախոսազրույց են ունեցել
ՀՀ պաշտպանության նախարար Վաղարշակ Հարությունյանը ...

22-01-2021
Տարին՝ «Անուշ» ներկայացմամբ
Ալ. Սպենդիարյանի անվան օպերայի եւ բալետի ազգային ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO