Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.09.2020
ԿՐԹՈՒԹՅՈՒՆ


Հայ—ֆրանսիական կրթական համագործակցությունը զարգանում է

Ֆրանսիական համալսարանում՝ նոր ֆակուլտետ, միջազգային դպրոցում՝ ավագ դասարաններ

Սեպտեմբերից Հայաստանի ֆրանսիական համալսարանում կգործի նոր՝ ինֆորմատիկայի եւ կիրառական մաթեմատիկայի ֆակուլտետը։ «Արմենպրեսի» հաղորդմամբ՝ այս մասին Ֆրանսիայի դեսպանատանը կազմակերպված ասուլիսի ժամանակ հայտարարեց Հայաստանում ֆրանսիական համալսարանի ռեկտոր Ժան—Մարկ Լավեստը։
«Մեր նպատակն է հետագայում մեր շրջանավարտներին ապահովել աշխատանքով, եւ մենք չէինք կարող համալսարանում ֆակուլտետ բացել առանց հաշվի առնելու ներկա իրավիճակը եւ ուսումնասիրություններ կատարելու»,–ասաց համալսարանի ռեկտորը՝ ընդգծելով, որ ֆակուլտետը ծառայելու է Հայաստանի զարգացմանը, քանի որ այն ամեն տարի պատրաստելու է այդ ոլորտի շուրջ 100 ֆրանկոֆոն ուսանողի, ովքեր ստանալու են հայկական եւ ֆրանսիական դիպլոմներ։
«Այն, որ Հայաստանում զարգանում է տեղեկատվական տեխնոլոգիաների ոլորտը, ես չէ, որ նշում եմ, այլ միջազգային կառույցները»,–ասաց ռեկտորը։
Ժան—Մարկ Լավեստի խոսքով՝ Թուլուզի «Պոլ Սաբատիե Թուլուզ 3» համալսարանի հետ համագործակցությամբ ինֆորմատիկա եւ կիրառական մաթեմատիկա կրթական ծրագրի ներդրմամբ Հայաստանում ֆրանսիական համալսարանը շարունակում է հավատարիմ մնալ իր առաջնային առաքելությանը՝ «ապահովել գերազանց ուսուցում» եւ «ձեւավորել ֆրանկոֆոն վերնախավ Հայաստանում»։
Բակալավրիատի առաջին կուրսից կրթական ծրագիրը նախատեսում է «Թումո» ստեղծարար տեխնոլոգիաների կենտրոնի հետ համագործակցության շնորհիվ նորարարական եւ ձեռնարկատիրական նախագծերի իրականացում եւ Եվրամիության եւ «Սիմոնյան կրթական հիմնադրամի» կողմից համաֆինանսավորմամբ համագործակցության կենտրոնի ստեղծում։
Ռեկտորն ասաց, որ նախատեսում են արդեն իսկ սեպտեմբերից ունենալ 50 ուսանող, ովքեր մաթեմատիկայից եւ օտար լեզվից խորացված քննություն են հանձնելու։
«Եվս մեկ անգամ կցանկանայի հիշեցնել, որ ֆրանսիական համալսարան ընդունվելու համար ֆրանսերենի իմացությունը պարտադիր չէ, քանի որ խորացված դասընթացներ են կազմակերպվում ուսման ընթացքում»,–ասաց ռեկտորը։
Հայ—ֆրանսիական կրթական համագործակցությանն առնչվող եւս մեկ հատկանշական իրադարձություն է առաջիկայում Հայաստանում արդեն 11 տարի գործող ֆրանսիական միջազգային դպրոցում ավագ դասարանների բացումը։
Դպրոցի տնօրեն Մարտեն Բեկերը ներկայացրեց, որ այս բաժինն ուղղված է այն աշակերտներին, ովքեր ցանկանում են ընդունվել Հայաստանում ֆրանսիական համալսարան։
«Աշակերտները կընտրվեն իրենց դպրոցական արդյունքների, ինչպես նաեւ մաթեմատիկայի գրավոր քննության եւ բանավոր հարցազրույցի հիման վրա։ Ֆրանսերենի նախնական իմացությունը պարտադիր չէ, քանի որ դպրոցը ապահովելու է 700 ժամ ֆրանսերենի ուսուցում, ինչը բավարար է համալսարան ընդունվելու համար»,–ասաց նա։
Դպրոցի այս ծրագրի համար նախատեսված տարեկան վարձավճարն է 650 հազար դրամ։
Իսկ Հայաստանում Ֆրանսիայի դեսպան Ժոնաթան Լաքոտը, ամփոփելով ֆրանսիական կրթական հաստատություններում սպասվող փոփոխությունները, նշեց, որ Հայաստանում ֆրանսիական համալսարանն ու ֆրանսիական միջազգային դպրոցը երկրում ֆրանսիական ուսուցում կազմակերպող միակ հաստատություններն են, որոնք նաեւ Հայաստանի զարգացման գործում մեծ դերակատարում ունեն։
«Հայաստանում ֆրանսիական համալսարանի շրջանավարտների ավելի քան 80 տոկոսն ունի աշխատանք, ավելի քան 90 տոկոսը մնում է Հայաստանում, իսկ ֆրանսիական դպրոցի աշակերտների 40 տոկոսից ավելին տեղաբնակ հայեր են»,–ասաց Ֆրանսիայի դեսպանը՝ հատկապես կարեւորելով այն, որ փոփոխությունները տեղի են ունենում հենց այն տարում, երբ Հայաստանը հյուրընկալելու է Ֆրանկոֆոնիայի գագաթնաժողովը։

19-01-2018





26-09-2020
Կտրուկ քայլ՝ տեղական արտադրությունը պաշտպանելու համար
Արգելվում է Հայաստանի համար ռազմավարական նշանակության սեւ եւ գունավոր ...


26-09-2020
Ճնշում է գործադրվում Կիպրոսի վրա
ԱՄՆ-ը պնդում է այլեւս չարգելափակել Բելառուսի նկատմամբ ԵՄ-ի պատժամիջոցների ...


26-09-2020
Իդլիբը՝ Մոսկվայի ու Անկարայի միջեւ
Ստատուս-քվոն պահպանվում է

Մոսկվան ու Անկարան որոշում են ...


26-09-2020
Էներգախնայողությունը` էներգիայի նոր աղբյուր
Ինչ ներուժ ունի Հայաստանը եւ ինչ քայլեր է ձեռնարկում ...


26-09-2020
Նա՝ մեր անլռելի զանգակատունը
Սերմ էր, որ ընկնելու էր հողի մեջ, որպեսզի հողը ...


26-09-2020
Հումանիտար ականազերծման կենտրոն՝ Արցախում
Հիմնադիրներն արցախյան պատերազմի մարտական սպաներն են

Երկրորդ ամիսն ...


26-09-2020
Ինչպես ենք մենք վայելում Աստծուն
Որպեսզի ընդունենք Աստծուն, մենք պարտավոր ենք դեմքով շրջվել դեպի ...



26-09-2020
«Հայաստանի հետ պետք չէ խոսել ուժի եւ սպառնալիքի լեզվով»
ՀՀ վարչապետ Նիկոլ Փաշինյանը կառավարությունում ...

26-09-2020
Դավիթ Տոնոյանը ՌԴ-ում ներկա է «Կովկաս-2020» զորավարժության հիմնական փուլին
ՀՀ պաշտպանության նախարար Դավիթ Տոնոյանն ...

26-09-2020
ՀՀ նախագահը շնորհավորել է «Ավրորա» մրցանակաբաշխության 5-ամյակը
Հայաստանի Հանրապետության նախագահ Արմեն Սարգսյանը ...

26-09-2020
Արոնյանը ձգտում է եզրափակիչ
Լեւոն Արոնյանը երկրորդ հաղթանակը տանելով ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO