Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

16.12.2018
ԱԳՆ


Հայաստանը կարեւորում է նորարարությունը

Արտգործնախարար Զոհրաբ Մնացականյանը նախագահեց ՄԱԿ—ում անցկացված միջոցառումը

ՀՀ արտաքին գործերի նախարար Զոհրաբ Մնացականյանը նախօրեին Միավորված ազգերի կազմակերպության կենտրոնակայանում նախագահեց «Նորարարությունը, հանրօգուտ ներդրումները եւ կայուն զարգացման նպատակները որպես բարեփոխումների խթանման գործիք» խորագրով բարձր մակարդակի քննարկումը, որը կազմակերպվել էր ՄԱԿ—ում ՀՀ մշտական ներկայացուցչության, Միավորված ազգերի կազմակերպության զարգացման ծրագրի (ՄԱԶԾ) եւ ՄԱԿ—ում Ֆրանկոֆոնիայի միջազգային կազմակերպության մշտական ներկայացուցչության կողմից, հայտնում են ԱԳՆ մամուլի եւ տեղեկատվության վարչությունից։ Միջոցառման բանախոսներն էին ԱԳ նախարար Զոհրաբ Մնացականյանը, տրանսպորտի, կապի եւ տեղեկատվական տեխնոլոգիաների փոխնախարար Հակոբ Արշակյանը, սփյուռքի փոխնախարար Բաբկեն Տեր—Գրիգորյանը, Հայաստանում ՄԱԿ—ի մշտական համակարգող Շոմբի Շարփը եւ «Wicastr» ընկերության գործադիր տնօրեն Արմին Սաիդին։
Միջոցառումը նվիրված էր կայուն զարգացման նպատակների (ԿԶՆ) իրականացման ուղղությամբ Հայաստանի փորձին՝ հիմնված նորարարությունների եւ մասնավոր հատվածի հետ գործընկերության վրա։ Մեր երկրում տեղի ունեցած թավշյա հեղափոխության համատեքստում բանախոսների կողմից ներկայացվեցին նոր կառավարության բարեփոխումների օրակարգը եւ դրա իրականացման ուղղությամբ ձեռնարկվող քայլերը։
Իր ելույթում ՀՀ ԱԳ նախարարն ընդգծեց, որ Հայաստանի համար նորարարական ոլորտը կարեւոր նշանակություն ունի տարբեր շահառուների համախմբման միջոցով զարգացման ծրագրերին լավագույն լուծումներ մշակելու գործում։ ԱԳ նախարարը բարձր գնահատեց կայուն զարգացման նպատակների ազգայնականացման գործում ՄԱԿ—ի կառույցների հետ Հայաստանի շարունակական արդյունավետ համագործակցությունը։ Նա նաեւ կարեւորեց նոր գաղափարների եւ ստեղծարարության գործում ՄԱԿ—ի հետ ձեւավորված սերտ փոխգործակցությունը՝ ընդգծելով այն խորացնելու մեր երկրի շահագրգռվածությունը։
Անդրադառնալով Ֆրանկոֆոնիայի միջազգային կազմակերպության շրջանակներում կայուն զարգացման նպատակներին առնչվող գործունեությանը՝ ԱԳ նախարարը նշեց, որ Հայաստանի համար պատիվ է մաս կազմել Ֆրանկոֆոնիայի մեծ ընտանիքին եւ սերտ համագործակցություն ծավալել կրթության, մշակույթի, բարձր տեխնոլոգիաների, նորարարության եւ այլ ոլորտներում։
Եզրափակելով իր խոսքը՝ ԱԳ նախարարը նշեց, որ Հայաստանը կարեւորում է նորարարությունը, որը հնարավորություն է ընձեռում ստեղծագործելու եւ նյութականացնելու նոր գաղափարները՝ դրանք ներդնելով մեր երկրի սոցիալ—տնտեսական զարգացման մեջ։ Հայաստանի պարագայում արդեն իսկ առկա են կարեւոր նախաձեռնություններ, որոնք էական հաջողություն են արձանագրել այդ ուղղությամբ. ԹՈՒՄՈ, ՍՄԱՐԹ կենտրոն, Dasaran.am եւ այլք, որոնց գործունեությունն անցյալ տարի ներկայացվել է նաեւ ՄԱԿ—ի կենտրոնակայանում։ Կառավարությունը մեծապես խրախուսում է այս նախաձեռնությունները։ Կայուն զարգացման նպատակների ողջ հայեցակարգը կառուցված է նորարարական, ստեղծագործական գաղափարների վրա՝ կայուն զարգացում ապահովելով դրանք ներդնող երկրներին։ «Սա այն է, ինչին մենք ձգտում ենք»,–շեշտեց ԱԳ նախարարը։

19-07-2018





15-12-2018
Մեր երկիրը մերժել է հանձնել հինգ շրջանները
Լուկաշենկոն պատմել է Նիկոլ Փաշինյանից ներողություն խնդրելու մասին



15-12-2018
«Հայերն ինձ մեծ հույս ներշնչեցին մարդ էակի նկատմամբ»
Վիրխինիա Մենդոսան իր համար բացահայտել է զարմանահրաշ երկիր ...


15-12-2018
ԵԱՏՄ երկրները միջազգային բյուրո են ստեղծում
Ավիացիոն պատահարներն ու լուրջ միջադեպերը քննելու համար

Հայաստանի ...


15-12-2018
Հայաստանի ֆինանսական համակարգը գնահատվել է կայուն
ԿԲ-ն այս տարվա համար մոտ 5 տոկոս տնտեսական ...


15-12-2018
Նվիրատվությունների գումարն ավելացել է
Սակայն ավելի կարեւոր էր «Հայաստան» հիմնադրամի նկատմամբ վստահությունը ...


15-12-2018
Կառավարությունը կաջակցի
Վարչապետի պաշտոնակատար Նիկոլ Փաշինյանն ընդունել է Հայաստանում Չեխիայի արտակարգ ...


15-12-2018
Նիկոլ Փաշինյանը հեռախոսազրույց է ունեցել Ջասթին Թրյուդոյի հետ
Վարչապետի պաշտոնակատար Նիկոլ Փաշինյանը հեռախոսազրույց է ունեցել Կանադայի վարչապետ ...



15-12-2018
Մանուկների աչքերով
«Արմենպրեսը», Խնկո Ապոր գրադարանը եւ ...

15-12-2018
Անցյալից զրկված ժողովուրդն ապագա ունենալ չի կարող
Հովհ. Շարամբեյանի անվան ժողովրդական ...

15-12-2018
Երեւանը պաշտոնապես Գինեսի ռեկորդակիր է
Աշխարհի ամենամեծ գաթայի ռեկորդը ...
USD
EURO
RUR
GEL
Եղանակը Երևանում
գիշերը +2... +4
ցերեկը +13... +15

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO