Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

30.09.2020
ԱՅԼՔ...


Աշխատանքը գնահատեք

ՊԵԿ նախագահը վերջին նշանակումների հարցով պարզաբանում է

Կառավարությունը պետական բյուջեից պետական եկամուտների կոմիտեին կտրամադրի 1 մլրդ 873 մլն դրամ՝ ծխախոտի ակցիզային դրոշմանիշեր եւ դրոշմապիտակներ ձեռքբերելու համար։ Գործադիրը սա որոշեց երեկվա նիստում։
Ըստ պետական եկամուտների կոմիտեի նախագահ Դավիթ Անանյանի, կոմիտեի կողմից 2017թ. դեկտեմբերի 19—ի պայմանագրով ձեռք է բերվել 310 հազար հատ ծխախոտի, 41 հազար հատ ալկոհոլային խմիչքի ակցիզային դրոշմանիշներ եւ 800 մլն հատ դրոշմապիտակներ։ Վերլուծությունից պարզվել է, որ 2018թ. անհրաժեշտ է լրացուցիչ ձեռքբերել 100 մլն հատ տեղական ծխախոտի ակցիզային դրոշմանիշներ եւ 400 մլն հատ դրոշմապիտակներ։
Դավիթ Անանյանին ուղղված՝ լրագրողներին ամենահուզող հարցերի շրջանակը կրկին ՊԵԿ—ում նշանակումներին էին առնչվում, իմա՝ ԱԺ նախկին պատգամավոր Լեւոն Սարգսյանի՝ «Ալրաղացի Լյովիկի» քրոջ որդու՝ Բագրատաշենի մաքսակետի պետի պաշտոնում նշանակմանը։ Ի պատասխան ՊԵԿ նախագահը նախ կոչ արեց սոցցանցերում «ֆեյք» օգտատերերին եւ հանրությանը չնույնականացնել, ապաեւ՝ պարզաբանեց. «Այդ անձնավորությունը «Ալրաղացի Լյովիկի» քրոջ որդին չէ առնվազն այն պարզ պատճառով, որ «Ալրաղացի Լյովիկը» քույր չունի, բայց ինչ—որ հեռավոր ազգակցական կապ ունեն»։
Լրագրողները խնդրեցին պարզաբանել նաեւ մեկ այլ հարց. բանն այն է, որ իբր ՊԵԿ աշխատակիցներն ասել էին, թե այդ անձը մասնագիտական առումով պատրաստ չէ, եւ կոռուպցիոն որոշակի մտահոգություններ կան։ Սրան ի պատասխան էլ Դավիթ Անանյանը համառոտեց. «Ես ծառայողական քննություն եմ նշանակել։ Կպարզվի՝ աշխատակիցները նման բան ասե՞լ են, թե՞ ոչ։ Ու վերջապես, այդ մարդու վերաբերյալ վերապահումները տեղի՞ն են, թե՞ ոչ»։
Հնարավո՞ր է, որ համակարգում կադրերի պակաս կա, եւ նշանակումներն այլընտրանք չունեն։ Ըստ ՊԵԿ նախագահի՝ կադրեր կան։ «Բայց կարեւորն այն չէ, թե մենք ինչ որոշումներ ենք ընդունում, կարեւորն այն է, թե մենք մեր որոշումների գերի՞ն ենք մնում, թե՞ ոչ։ Եվ ուրեմն՝ եթե մենք որոշում ենք ընդունել ու տեսնում ենք, որ մեր որոշումներում որոշակի առումով վերապահումներ կան, մենք հակառակ որոշումներն ենք ընդունում եւ առաջ ենք գնում։ Եվ եթե ձեզ թվում է, որ իմ անելիքը առավոտից իրիկուն դարդ անելն է, թե ինչ կադր նշանակեցի, դա չէ իմ անելիքը,–ասաց բանախոսը՝ եզրափակելով.–Կոչ եմ անում գնահատել մեր աշխատանքը, այլ ոչ թե այն՝ լա՞վ, թե՞ վատ կադրային քաղաքականություն ենք իրականացնում»։
Կադրային քաղաքականությանն ինչպես կարող ենք ուշադրություն չդարձնել, երբ, օրինակ, ՓՄՁ—ին չանհանգստացնելու բազմաթիվ հորդորներին հակառակ, ՓՄՁ—ին այնուամենայնիվ անհանգստացնում են։ Դավիթ Անանյանը չի ժխտում, այո, կա հրահանգ, որ փոքր ու միջին կազմակերպություններին եւ ձեռներեցներին հարկային վարչարարությամբ ավելորդ չծանրաբեռնեն։ Ու եթե այս կամ այն աշխատակիցը սխալ է հասկանում իրեն տրված հանձնարարականը եւ, այնուամենայնիվ, այդպիսի գործողություններ է իրականացնում, ապա, ՊԵԿ նախագահի խոսքերով՝ «Մենք այդ ծառայողներից պետք է ազատվենք, դաշտը մաքրենք, նորերին բերենք»։ Ավելին՝ «եթե չեն հասկացել աշխատակիցները, կարող են կոշտ ձեւով հասկացնել»։
Այսքանով հանդերձ՝ Դ. Անանյանը լրագրողներին խնդրում է հասկանալ, որ կադրային գործընթացը շարունակական է. «Այս գործընթացը շարունակական գործընթաց է, եթե ձեզ թվում է, որ մենք պետք է բերենք անձանց, որոնք պետք է լինեն բացարձակապես մաքուր, եւ հրեշտակի թեւեր էլ տեսնեք, այդպես չի լինում։ Սա այն համակարգն է, որ անընդհատ պետք է ինքնամաքրմամբ զբաղվի։ Եվ այո, հնարավոր է, որ այս կամ այն կադրային նշանակումը սխալ կարող է լինել, ոչ ոք ապահովագրված չէ սխալներից»։
Իսկ ի՞նչ եղավ յուրացումների ցանկի հետ, որ խոստացել էր հրապարակել Դավիթ Անանյանը։ Ըստ նրա, քննիչները, կոլեգաները ասացին, որ քննչական եւ հետաքննչական գործողությունների շրջանակում որեւէ տեղեկատվություն հրապարակելը կարող է վնասել գործին։
Հարց է ծագում՝ հապա այդ դեպքում ինչո՞ւ էր նախկինում անուններ տվել։ «Սխալվել եմ»,—եզրափակեց ՊԵԿ նախագահը՝ կոչ անելով սպասել հրապարակումներին։
Արմենուհի ՄԵԼՔՈՆՅԱՆ

20-07-2018





29-09-2020
Ժամանակն է իրերն ու երեւույթներն իրենց անուններով կոչել
Թուրքը թշնամի է, այլ ոչ՝ հակառակորդ

Հայաստանը պատերազմի ...


29-09-2020
Կանադա-Հայաստան խորհրդարանական բարեկամական խումբը դատապարտել է Ադրբեջանի սանձազերծած ագրեսիան
Կանադայի խորհրդարանի պատգամավոր, Կանադա-Հայաստան բարեկամական խմբի ղեկավար Բրայան Մեյն ...


29-09-2020
Թուրքիան եւ Ադրբեջանը վերածվել են համաշխարհային չարիքի
«Ողջ աշխարհը դա կհասկանա, երբ կրակ շնչող գազանը եռաժանիով ...


29-09-2020
Որտե՞ղ է թուրքին ներել-հանդուրժելու սահմանը
Թուրքիային նոր իրավիճակ է պետք, հանուն որի օգտագործում է ...


29-09-2020
Կենաց ու մահու հերթական պատերազմ
Կեսգիշերին հերթական կամավորական խումբը մեկնեց առաջնագիծ: Իսկ Քաշաթաղի շրջկենտրոն ...


29-09-2020
ՏՏ-ն պետք է կիրառություն գտնի էներգետիկայի բնագավառի խնդիրների լուծման համար
Ինչ է արվելու կիբերանվտանգության ապահովման համար

Որեւէ ոլորտի ...


29-09-2020
Կայսրինը Կայսրին տուէք, եւ Աստուծունը՝ Աստուծուն
Հին հրեաների մոտ օրենքը նույնականացվում էր կրոնի հետ: Դատավորները ...



29-09-2020
ՀՀ ԱԺ հայտարարությունը
2020 թ. սեպտեմբերի 27-ին Արցախի Հանրապետության դեմ ...

29-09-2020
Այս պատերազմում ամեն մեկս զինվոր ենք
Զարեհ Սինանյանը համախմբման կոչով դիմել է հայ ...

29-09-2020
Անհնար է հաղթել մի ժողովրդի
Որը ժամերի ընթացքում վերածվում է միասնական ...

29-09-2020
Արցախի ժողովուրդը մարտնչում է թուրք-ադրբեջանական դաշինքի դեմ
ՀՀ ԱԳՆ հայտարարությունը
Հայաստանի ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO