Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

25.09.2020
ՍՈՑԻՈՒՄ


Հարկավոր է մշակել գործուն քաղաքականություն

Ժողովրդագրական խնդիրները՝ մտահոգության առարկա

Հայաստանցիները ցանկանում են վերադառնալ հայկական ավանդական ընտանիքի մոդելին, այսինքն՝ ունենալ 3 երեխա, թեպետ հարցվողների մեծ մասն ունենում է 2 երեխա։
Այս մասին երեկ հայտարարեց ժողովրդագիր, ՄԱԿ—ի բնակչության հիմնադրամի հայաստանյան գրասենյակի ներկայացուցիչ Աննա Հովհաննիսյանը՝ «Ժողովրդագրության նոր քաղաքականությունը հայրենադարձության համար պայմաններ է ստեղծում» թեմայով քննարկմանը։
Բանախոսը նշեց, որ 2009—ին իրականացված հետազոտության համաձայն՝ բնակչության 44 տոկոսն ասել է, որ իր ապագան չի կապում Հայաստանի հետ եւ երկիրը լքելու պլաններ ունի, սակայն ոչ երեխաներ ունենալու։
2017—ին վերարտադրական վարքագծի մասին իրականացված հետազոտության համաձայն՝ բնակչության մեծամասնությունը, ցանկությունների մակարդակում, իհարկե, հայտնել է, որ ցանկանում է վերադառնալ հայկական ավանդական ընտանիքի մոդելին, այսինքն՝ ունենալ 3 երեխա, չնայած, որ ընտանիքների մեծ մասն ունի միայն 2 երեխա։
Իսկ հարցին, թե ինչ օժանդակություն են ակնկալում կառավարությունից, կամ ինչն է խանգարում, որ չեն ունենում 3 երեխա, Աննա Հովհաննիսյանը նշեց, որ պատասխանները հետեւյալն են. «Ցանկանում ենք ունենալ ավելի լավ վարձատրվող աշխատանք, բնակարանային պայմանների բարելավում եւ ծնողական ու աշխատանքային պարտականությունների համադրումներ»։
Իրավիճակն էլ ավելի է խորանում այն պատճառով, որ Հայաստանը համարվում է ծերացող երկիր։ ՄԱԿ—ի միջազգային սանդղակներով՝ նման երկիր է համարվում այն երկիրը, որի 63+ տարիքի բնակչությունն անցնում է 7 տոկոսի շեմը։ Նշենք, որ Հայաստանում այս պահին այդ ցուցանիշը մոտ 13 տոկոս է, իսկ մինչեւ 2050 թվականը կհասնի 25 տոկոսի։ Իսկ սա նշանակում է, որ ՀՀ բնակչության 4—ից 1—ը կլինի 63+ տարիքի բնակիչ, սրանով էլ կբարձրանա պետության սոցիալական բեռը։ Սա թույլ չտալու համար, ըստ ժողովրդագրի, ՀՀ—ում պետք է ներդնել, այսպես կոչված, ծերաբուժության ինստիտուտը, այսինքն՝ տարեցների առողջապահական կարիքները ծածկելու համար առողջապահություն։
Աննա Հովհաննիսյանը ներկայացրեց մինչ այս իրականացված քայլերը. «Դեռեւս 2009 թվականին մեր հիմնադրամն օժանդակեց կառավարությանը՝ մշակելու ժողովրդագրական ռազմավարությունը, որը 2009—2035թթ. համար է ընդունված եւ որն այս պահին ընդունված է ու գոյություն ունի։ Ցանկացած քաղաքականություն պետք է հիմնված լիներ տվյալների վրա, եւ դրա համար իրականացրինք բազում հետազոտություններ, ծնելիության վարքագծի, վերարտադրողական վարքագծի հետազոտություններ, եւ նոր դրանից հետո ստեղծվեց աշխատանքային խումբ եւ նոր ռազմավարություն»։
Նախքան այդ, բանախոսը ներկայացրեց նոր իրավիճակը եւ հայտնի պայմանները։
«Երկրում իրադրություն է փոխվել, սակայն այն խնդիրները, որ կային Հայաստանում, մանավանդ ժողովրդագրական, պահանջում են լուծումներ։ Միգրացիոն առումով որոշ չափով հնարավոր փոփոխություններ ենք ակնկալում, քանի որ բարոյահոգեբանական իրադրությունն է երկրում փոխվել, մարդկանց մոտ հույս է արթնացել ապագայի նկատմամբ, սակայն խնդիրը մնում է այն, որ միայն ներքին ռեսուրսներով ժողովրդագրական խնդիրները լուծել այսօր հնարավոր չէ, եւ մեզ անհրաժեշտ է, որ դրսում ապրող մեր հայրենակիցները հավատան ու հասկանան, որ տեղի է ունեցել մեծ փոփոխություն, դրա համար ժամանակ է պետք, որ նրանք կարողանան հասկանալ՝ ինչպես կարող են վերադառնալ Հայաստան»,–հայտարարեց ժողովրդագիրը։
Հիշեցնենք, որ 2011 թվականից սկսած Հայաստանում նկատվում է ծնունդների թվի անկում, որը շարունակվում է, 2017—ին դա ավելի խորը միտումներ է ձեռք բերել եւ կազմել է շուրջ 8 տոկոս։ Ինչ վերաբերում է 2018 թվականի առաջին եռամսյակին՝ միտումը շարունակվել է։
«Հասկանալի է, որ ամուսնական տարիք է մուտք գործել այն սերունդը, որը ծնվել է 1990–ականներին, որոնց թվաքանակը բավականին քիչ է՝ ունենալու ենք քիչ ամուսնություններ, բնականաբար, քիչ ծնված երեխաներ»,–մեկնաբանեց ժողովրդագիրը։
Այս պայմաններում առաջարկվում է մշակել ավելի գործուն ժողովրդագրական քաղաքականություն, քանի որ իրերի շարունակության պայմաններում մոտակա 20—30 տարիներին այդ խնդիրներն ավելի ցավոտ կլինեն։ Թեպետ ժողովրդագիրները նշում են նաեւ, որ Հայաստանում իրավիճակ է փոխվել, մարդկանց մոտ նոր հույսեր են արթնացել։

20-07-2018





25-09-2020
Ասֆալտապատման փոխարեն՝ սալարկում
Գյուղական ճանապարհների բարեկարգման համար շինթույլտվություն չի պահանջվի

Գործադիրը ...


25-09-2020
Հանրության դատին է ներկայացվել ինտեգրված կադաստրի ստեղծման ռազմավարական ծրագիրը
Կգործարկվի կադաստրային գործարքները եւ գործողությունները ապահովող միասնական էլեկտրոնային հարթակ


25-09-2020
«Հարություն վարդապետ, եթե դու ողջ լինեիր…»
«Գիտնական, ուսուցիչ, զինվոր եւ բանաստեղծ». գրված է նրա շիրմաքարին


25-09-2020
Նա ընկավ հսկա կաղնու նման
Եվ ծանր լռություն տիրեց անտառում

Այդ տխուր օրը ...


25-09-2020
Աստված կյանքի Հոգին է
Սկզբից Նա ծնվեց մարմնով, որպես մարդ՝ Հիսուս անունով: ...


25-09-2020
Համավարակի կորի իջնելը պետք է զորացնի մեր կամքը
Պայքարը դեռ չի ավարտվել

Վերացվել է հատուկ դրության ...


25-09-2020
Իրականացնում է «Քաշաթաղի ջրամատակարարում» ընկերությունը
Քաշաթաղի շրջանում մի շարք աշխատանքներ՝ շինարարություն, ճանապարհաշինություն, ջրամատակարարում եւ ...



25-09-2020
Արարատ Միրզոյանն առանձնազրույց է ունեցել Արցախի ԱԺ նախագահի հետ
Պաշտոնական այցով Հայաստանի Հանրապետություն ...

25-09-2020
Հայկական եւ ռուսական ուժերը համահունչ են գործել
«Կովկաս-2020» զորավարժություն
«Ալագյազ» ...

25-09-2020
Իտալացի մեծանուն նկարիչների գլուխգործոցները
Ժամանակավոր կզարդարեն ՀՀ նախագահի նստավայրը

25-09-2020
ՌԴ-ի դաշնակիցների շարքում ՀՀ-ն արժանացել է շատ բարձր գնահատականի
Ռուսական վերլուծական կենտրոններից մեկը հրապարակել ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO