Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

25.09.2020
ԿԱՌԱՎԱՐՈՒԹՅՈՒՆ


«Ունենք երկկողմ գործակցությունը նոր մակարդակի բարձրացնելու ռեալ հնարավորություններ»

Վարչապետն ընդունել է Ճապոնիայի արտաքին գործերի նախարարին

Վարչապետ Նիկոլ Փաշինյանը երեկ ընդունել է պաշտոնական այցով Հայաստան ժամանած Ճապոնիայի արտաքին գործերի նախարար Տարո Կոնոյին։
Երկրի վարչապետը ողջունել է Ճապոնիայի արտգործնախարարի առաջին այցը մեր երկիր եւ նշել, որ այն տեղի է ունենում Հայաստանի համար կարեւոր՝ ժողովրդավարական փոփոխությունների շրջանում։ «Նախորդ տարի տոնում էինք հայ—ճապոնական դիվանագիտական հարաբերությունների հաստատման 25–ամյակը, որոնք կարելի է բնութագրել որպես արդյունավետ եւ դինամիկ զարգացող։ Միեւնույն ժամանակ կարծում եմ, որ ունենք ռեալ հնարավորություններ՝ երկկողմ գործակցությունը նոր մակարդակի բարձրացնելու եւ հատկապես տնտեսական կապերը խթանելու համար»,–ասել է Նիկոլ Փաշինյանը։
Ճապոնիայի ԱԳ նախարարը համակարծիք է եղել ՀՀ վարչապետի հետ, որ երկու երկրների փոխգործակցությունը զարգացման եւ խորացման մեծ ներուժ ունի տարբեր ոլորտներում։ «Ինձ համար պատիվ է այցելել Հայաստան։ Այսօր եղել եմ «Թումո» ստեղծարար տեխնոլոգիաների կենտրոնում եւ տպավորված եմ Հայաստանի տեխնոլոգիական ոլորտի կրթական մոդելով։ «Թումոն» այն տեղերից է, որտեղ եւս կարող ենք միասին աշխատել։ Պատրաստ ենք քննարկել տնտեսության բնագավառում մեր համագործակցության խորացման հեռանկարները»,–նշել է նա։
Վարչապետ Փաշինյանն անդրադարձել է Հայաստանում ձեւավորված նոր քաղաքական ու տնտեսական իրավիճակին եւ իրականացվող բարեփոխումներին, մասնավորապես՝ կոռուպցիայի դեմ պայքարի, ներդրումային եւ բիզնես միջավայրի բարելավման ուղղություններով։ Ճապոնիայի ԱԳ նախարարը ողջունել է Հայաստանում կատարվող ժողովրդավարական փոփոխությունները եւ պատրաստակամություն հայտնել աջակցել կառավարությանն այդ գործընթացում։
Տնտեսական կապերի զարգացման համատեքստում զրուցակիցները կարեւորել են այս տարի «ՀՀ կառավարության եւ Ճապոնիայի կառավարության միջեւ ներդրումների ազատականացման, խրախուսման եւ պաշտպանության մասին» համաձայնագրի ստորագրումը եւ վավերացումը։ Կառավարության ղեկավարը հեռանկարային է համարել տեղեկատվական եւ բարձր տեխնոլոգիաների, զբոսաշրջության, ենթակառուցվածքների, նորարարությունների ոլորտներում գործակցության զարգացումը։ Ճապոնիայի ԱԳ նախարարը ողջունել է ՀՀ վարչապետի առաջարկը եւ պատրաստակամություն հայտնել քննարկել այդ ուղղությամբ քայլերը։ Երկուստեք ընդգծվել է Հայաստանում եւ Ճապոնիայում երկու երկրների մշակույթի օրերի անցկացման անհրաժեշտությունը, կարեւորվել է միջխորհրդարանական հարաբերությունների խորացումը։ Զրուցակիցները պայմանավորվածություն են ձեռք բերել՝ ձեւավորել համատեղ օրակարգ եւ ակտիվ աշխատել այն կյանքի կոչելու համար։
Վարչապետը կարեւորել է նաեւ հումանիտար ու գործարար կապերի սերտացումը եւ այս նպատակով ՀՀ կողմից Ճապոնիայի քաղաքացիների համար մուտքի արտոնյալ ռեժիմի սահմանումը, որի շրջանակում նրանք կարող են առանց մուտքի արտոնագրի այցելել Հայաստան։
Կողմերը մտքեր են փոխանակել նաեւ տարածաշրջանային եւ միջազգային արդի հարցերի շուրջ։ ՀՀ վարչապետը նշել է, որ Հայաստանը բարձր է գնահատում Ճապոնիայի հավասարակշռված դիրքորոշումը Լեռնային Ղարաբաղի հակամարտության հարցում։

04-09-2018





25-09-2020
Ասֆալտապատման փոխարեն՝ սալարկում
Գյուղական ճանապարհների բարեկարգման համար շինթույլտվություն չի պահանջվի

Գործադիրը ...


25-09-2020
Հանրության դատին է ներկայացվել ինտեգրված կադաստրի ստեղծման ռազմավարական ծրագիրը
Կգործարկվի կադաստրային գործարքները եւ գործողությունները ապահովող միասնական էլեկտրոնային հարթակ


25-09-2020
«Հարություն վարդապետ, եթե դու ողջ լինեիր…»
«Գիտնական, ուսուցիչ, զինվոր եւ բանաստեղծ». գրված է նրա շիրմաքարին


25-09-2020
Նա ընկավ հսկա կաղնու նման
Եվ ծանր լռություն տիրեց անտառում

Այդ տխուր օրը ...


25-09-2020
Աստված կյանքի Հոգին է
Սկզբից Նա ծնվեց մարմնով, որպես մարդ՝ Հիսուս անունով: ...


25-09-2020
Համավարակի կորի իջնելը պետք է զորացնի մեր կամքը
Պայքարը դեռ չի ավարտվել

Վերացվել է հատուկ դրության ...


25-09-2020
Իրականացնում է «Քաշաթաղի ջրամատակարարում» ընկերությունը
Քաշաթաղի շրջանում մի շարք աշխատանքներ՝ շինարարություն, ճանապարհաշինություն, ջրամատակարարում եւ ...



25-09-2020
Արարատ Միրզոյանն առանձնազրույց է ունեցել Արցախի ԱԺ նախագահի հետ
Պաշտոնական այցով Հայաստանի Հանրապետություն ...

25-09-2020
Հայկական եւ ռուսական ուժերը համահունչ են գործել
«Կովկաս-2020» զորավարժություն
«Ալագյազ» ...

25-09-2020
Իտալացի մեծանուն նկարիչների գլուխգործոցները
Ժամանակավոր կզարդարեն ՀՀ նախագահի նստավայրը

25-09-2020
ՌԴ-ի դաշնակիցների շարքում ՀՀ-ն արժանացել է շատ բարձր գնահատականի
Ռուսական վերլուծական կենտրոններից մեկը հրապարակել ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO