Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.09.2019
ԱՅԼՔ...


Հավասար մրցակցային պայմաններ

Հայաստանում միասնական ուղեւորափոխադրման ցանցի ներդրման հաշվարկները վերջնական փուլում են

ՀՀ տրանսպորտի, կապի եւ տեղեկատվական տեխնոլոգիաների նախարարությունը վերջնական փուլ է հասցրել Հայաստանում միասնական ուղեւորափոխադրման ցանցի ներդրման հաշվարկները։ Ցանցի ներդրմամբ նախատեսում են լուծել տրանսպորտի հետ կապված գրեթե բոլոր խնդիրները։ Նախարարությունը վերջին երեք ամիսներին նաեւ զգալի փոփոխություններ է կատարել «Հյուսիս—հարավ» մայրուղու կառուցման աշխատանքներում, հանդես է եկել օրենսդրական նախաձեռնություններով՝ տաքսի ծառայություններ մատուցողների համար հավասար մրցակցային պայմաններ ստեղծելու նպատակով։
ՀՀ տրանսպորտի, կապի եւ տեղեկատվական տեխնոլոգիաների նախարար Աշոտ Հակոբյանը երեկ հրավիրված ասուլիսում ամփոփեց պաշտոնավարման 100 օրը։
«Միասնական ուղեւորափոխադրման ցանցի ներդրման համար մենք պետք է իմանանք, թե ամենավերջին բնակավայրից մինչեւ մարզկենտրոն, մարզի մի քաղաքից մյուսը եւ մարզից Երեւան օրական քանի ուղեւորափոխադրում է իրականացվում, եւ քանի ուղեւոր է փոխադրվում։ Դա պետք է իմանանք՝ հասկանալու, թե ինչ տարողությամբ մեքենաներ են պետք յուրաքանչյուր մարզի համար, որպեսզի կարողանանք տեխնիկական առաջադրանքը տալ եւ արդյունքը հայտարարել։ Այսինքն՝ մրցույթին մասնակցող տնտեսավարողը պիտի հասկանա, որ պետք է ձեռք բերի համապատասխան մեքենաներ, ավտոբուսներ, միկրոավտոբուսներ՝ պահանջվող քանակով։ Մենք հիմա վերջնական հաշվարկների փուլում ենք»,—ասաց նախարար Հակոբյանը։
Ցանցը ներառելու է բոլոր բնակավայրերը՝ ներառյալ բոլոր կտրված գյուղերը։ Նախարարը նկատեց՝ տրանսպորտի բնագավառում շատ բացեր կան։ Ներկայումս ունենք միջմարզային ուղեւորափոխադրում իրականացնող 75 եւ 27 միջպետական տնտեսավարողներ. «Սակայն մենք որդեգրել ենք միասնական երթուղային ցանց ստեղծելու գաղափարը։ Դա բոլոր հարցերին լուծում կտա։ Մեկ օպերատորի առկայությունը, որը կսպասարկի ոչ միայն իրեն ձեռնտու երթուղիները, այլ ողջ մարզը՝ ներառյալ նախկինում չսպասարկվող բնակավայրերը, կլուծի խնդիրը»։
Անդրադառնալով «Հյուսիս—հարավ» մայրուղու կառուցման աշխատանքներին՝ Հակոբյանը նշեց՝ զգալի աշխատանք եւ փոփոխություններ են կատարել վերջին երեք ամիսներին։ Կատարել են փոփոխություններ ինժեներական կազմում, մշակել են շինարարական մի քանի նոր մեթոդներ, որոնք արդեն հաստատման փուլում են եւ կարագացնեն աշխատանքները։ Ուզում են հասնել այսօրվա կատարած աշխատանքի կրկնակիին։ Գրեթե ամբողջությամբ ավարտին են հասցվել հողերի օտարման եւ տարաբնակեցման աշխատանքները։ Նախարարի կարծիքով՝ «Հյուսիս—հարավ» մայրուղու ծրագիրը խոշորագույններից է։ Եվ 100 կմ/ժ արագություն ապահովող ճանապարհի կառուցումից չի կարելի հետ կանգնել։
Սակայն ճանապարհային միջանցքի կառուցումից հետո որոշ հատված լինելու է վճարովի։ Վճարի չափը չի գերազանցի ներկայիս ճանապարհով երթեւեկելու դեպքում ծախսված վառելիքի արժեքը։ «Ես հակված եմ, որ այդ ճանապարհը պետք է լինի վճարովի։ Վճարովի ճանապարհներ միայն Հայաստանում չեն, բազմաթիվ երկրներում եւս կան այդպիսիները։ Կոնկրետ այդ հատվածում ճանապարհի վճարովի լինելն արդարացված է։ Այն վճարովի է լինելու բոլորի՝ թե՛ ՀՀ քաղաքացիների, թե՛ օտարերկրացիների համար»,—ասաց նախարարը։
Հակոբյանը չկարողացավ ճանապարհի կառուցման ավարտի վերջնաժամկետը նշել, քանի որ դա կախված է միջազգային ֆինանսավորման աղբյուրներից, աշխատանքի տեմպերից եւ պետության ֆինանսական հնարավորություններից։ Հնարավոր է, որ այդ ճանապարհն ավարտվի 5 տարում, հնարավոր է՝ 10—12 տարում։
Խոսելով ՏՏ ոլորտում արված աշխատանքների մասին՝ նախարար Հակոբյանն ասաց, որ ինովացիոն սկսնակ ընկերություններին ֆինանսական օժանդակություն ցուցաբերելու նպատակով Հայաստանում ստեղծվել է «Մուլտի գրուպ» վենչուրային հիմնադրամը՝ 1 մլն դոլար նախնական կապիտալով։ Նախարարությունը վերջին 3 ամսվա ընթացքում բազմաթիվ հանդիպումներ է ունեցել նաեւ միջազգային կառույցների, հեղինակավոր կազմակերպությունների հետ՝ Հայաստանում ազգային վենչուրային ֆոնդ ստեղծելու նպատակով։
Անդրադառնալով առաջարկած օրենսդրական նախաձեռնություններին՝ Աշոտ Հակոբյանը նշեց՝ առաջինը վերաբերում է տաքսոմոտորային ծառայությունների բնագավառում որակի բարելավմանը եւ հիմնախնդիրների լուծմանը։ Փորձում են ստեղծել հավասար պայմաններ տաքսի ծառայություն մատուցող թե՛ անհատ ձեռներեցների, թե՛ կազմակերպությունների եւ թե՛ էլեկտրոնային տաքսի ծառայություններ մատուցողների համար։ Երկրորդ օրենսդրական նախաձեռնությունը վերաբերում է գազաբալոնային համակարգով սնուցվող ավտոմեքենաներին։ «Դրանց տեղադրման, ճնշափորձարկման աշխատանքները կանոնակարգված չեն եղել, առ այսօր դուրս են մնացել որեւէ օրենսդրական կարգավորումից»,—ասաց Հակոբյանն ու հավելեց՝ սեղմված բնական կամ հեղուկացված նավթային գազով տրանսպորտային միջոցների վերասարքավորման գործընթացը կանոնակարգելու նպատակով շահագրգիռ մարմիններին փաթեթ են ներկայացրել։
Խոսելով Լարսի անցակետում մեքենաների կուտակումներից՝ նախարարը վստահեցրեց, որ դրանում քաղաքական ենթատեքստ չկա։ Հերթում հայաստանցի վարորդները 25 տոկոսն են ընդամենը, մեծ մասը ռուսաստանցիներ են։ Նախարարը կուտակումների օրերին անձամբ է եղել Վրաստանում եւ իմացել, որ այնտեղ են նաեւ ՌԴ տրանսպորտի նախարարության, մաքսային եւ սահմանապահ մարմինների ներկայացուցիչները, որպեսզի կարողանան համատեղ ինժեներական լուծումներ գտնել Լարսի անցակետն ընդլայնելու համար։ Հերթերը վերաբերում են ոչ միայն հայաստանցի վարորդներին, այլեւ բոլորին։ Ներկայումս բանակցություններ են ընթանում ռուսաստանյան, վրացական կողմերի եւ շվեյցարական SGS ընկերության միջեւ, որպեսզի կազմակերպությունը կարողանա միջանկյալ այդ հատվածում կատարել մեր բեռնափոխադրումները։
Աննա ԳՐԻԳՈՐՅԱՆ

05-09-2018





21-09-2019
Ինքնիշխան պետության ձեռքբերումներն ու մարտահրավերները
Ինչ է սովորեցնում մեզ անկախության արդեն 28 տարվա ...


21-09-2019
Անկախության բանաձեւը
Ո՞րն է պետություն կառուցելու մեր տեսլականը

Լուսինե ՄԽԻԹԱՐՅԱՆ
l.mkhitaryan@hhpress.am


1988-90 ...


 
21-09-2019
IPSE DIXIT
Ամբոխի հոգեբանության ուսումնասիրությունը ցանկալի է դիտվում գործնական առումով, բայց ...


21-09-2019
Տղամարդկանց հագուստ
Սմոքինգ
Բարձրաշխարհիկ պաշտոնական միջոցառումների ժամանակ (օրինակ՝ երեկոյան ընդունելությունների) նախընտրությունը ...


21-09-2019
Պատմության նոր էջ
Ժամանակին Մոսկվայում մի հայ ուսանողի քննությանը հարցրել էին. «Ի՞նչն ...


21-09-2019
Անկախության խորհուրդը պետության համար
Եվ անկախության՝ քաղաքացու ընկալումը

Յուրաքանչյուր դպրոցական գիտի, թե ...


21-09-2019
Ու եղավ այնպես, ինչպես չէր եղել արդեն քանի դար
Հայաստանն անկախացավ ժողովրդի գրեթե միաձայն քվեով

Թամարա ՄՈՒՐԱԴՅԱՆ
t.muradyan@hhpress.am


«Անկախության ...



21-09-2019
Տնտեսական հեղափոխության ընկալումներն ու իրագործումը
Որքանով է այն պահանջված, եւ որոնք են դրա ...

21-09-2019
Ու եղավ այնպես, ինչպես չէր եղել արդեն քանի դար
Հայաստանն անկախացավ ժողովրդի գրեթե ...

21-09-2019
Իմ թանձրացական անկախությունը
Այն ինձ համար եթերային երազանք ...

21-09-2019
Անկախության սպորտը. անմոռանալի ապրումների պահեր
Հայաստանի անկախության 28 տարիներին ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO