Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

16.06.2019
ԱՅԼՔ...


Փաստաթղթեր կեղծելը քրեական հանցանք է

Մանրամասնում է ՀՀ ոստիկանապետ Վալերի Օսիպյանը

Հասկանալի պատճառներով՝ մարտիմեկյան թեման օրակարգից դուրս չի գալիս եւ հիմա ամենաթեժ քննարկվողներից է։ Ուստի կառավարության նիստերից հետո ոստիկանապետ Վալերի Օսիպյանը լրագրողների համար ամենասպասված բանախոսներից է։
Ոստիկանության համակարգում կա՞ն պաշտոնյաներ, որոնք Մարտի 1—ի գործով առնչություն ունեն եւ կարող են հարցաքննվել։ Այս հարցին ի պատասխան երեկ ոստիկանապետը նշեց. «Մարտի 1—ով չեմ բացառում... այո, կան ոստիկաններ, որովհետեւ եղել են ընդգրկված տարբեր քանակի ստորաբաժանումներ, բայց սա չի նշանակում, որը բոլորը ենթակա են պատասխանատվության կամ առհասարակ ենթակա են պատասխանատվության»։
Լրագրողները դիտարկեցին, թե խոսքը փաստաթղթեր կեղծելու մասին է։ Վալերի Օսիպյանն էլ ասաց, որ կպարզաբանի Հատուկ քննչական ծառայությունը, քանզի ինքը դրան չի տիրապետում։ Հետո հավելեց. «Փաստաթուղթ կեղծելը քրեորեն պատժելի արարք է։ Թե ով է արել՝ չեմ կարող ասել։ Արդյոք հնարավո՞ր է անել՝ եկեք չբացառենք, բայց եթե այդպիսիք կան, թող պատասխանատվություն կրեն»։
Լրագրողներից մեկը ցանկացավ ճշտել՝ Մարտի 1—ին ցուցարարների ձեռքում Վալերի Օսիպյանը զենք տեսե՞լ է։ «Զենք չեմ տեսել։ Փայտեր եւ այլն բոլորս տեսել ենք, բայց զենք ու զինամթերք ես ինքս չեմ տեսել»,–հնչեց համառոտ պատասխանը։
Մեկ այլ հարց էլ ուղղվեց ոստիկանապետին։ Ո՞վ էր այդ ժամանակ հրաման տվել մարդկանց հրապարակից բռնի ուժով դուրս բերել։ Բանախոսն էլ լրագրողներին խորհուրդ տվեց հարցը ուղղել նրանց, ովքեր այդ օրը վերադաս են եղել։ Իսկ իրե՞ն ինչ հրաման է տրվել։ «Հասարակական կարգի ապահովման,—ասաց,—ու դա ներառում է տարբեր բաներ։ Ոստիկանության օրենքով նախատեսված իրավունքն է»։
ՀՀ երրորդ նախագահ Սերժ Սարգսյանի եղբորորդու՝ Նարեկ Սարգսյանի թեման էլ չշրջանցվեց։
Բանն այն է, որ հայտարարագրման ենթակա գույքը թաքցնելու եւ ապօրինի հարստանալու դեպքերի վերաբերյալ ՀՔԾ—ում քննվող քրեական գործի շրջանակներում այս տարվա հուլիսի 6—ին քննիչի կողմից Սերժ Սարգսյանի եղբորը՝ Լյովա Սարգսյանին եւ վերջինիս դստերը՝ Անի Սարգսյանին, ՀՀ քրեական օրենսգրքի 310.1 հոդվածի 1—ին մասով եւ 314.3 հոդվածի 2—րդ մասով որպես մեղադրյալ ներգրավելու մասին որոշում է կայացվել։ Անի Սարգսյանը ներկայացել է ՀՔԾ։ Իսկ Լ. Սարգսյանի որդին՝ Նարեկ Սարգսյանը, ում մեղադրանք է առաջադրվել քրեական օրենսգրքի 310.1 հոդվածի 1—ին մասով, հետախուզման մեջ է։ Ի՞նչ նորություն կա այս գործից։ «Մենք Ինտերպոլի հետ սերտ համագործակցության մեջ ենք Նարեկ Սարգսյանին գտնելու համար»,–ասաց ոստիկանապետը՝ խորհուրդ տալով համբերատար լինել, քանզի դա աշխատատար գործընթաց է։
Կկարողանա՞ն գտնել Նարեկ Սարգսյանին։ Ոստիկանապեռը վստահ է, որ, այո, քանզի «հնարավոր չէ, որ մարդ թաքնվի այնպիսի հատվածում, որ իրեն հնարավոր չլինի հայտնաբերել»։
Մյուս հարցը, որ լրագրողներին հետաքրքրում էր, նախկին ոստիկանապետ Վլադիմիր Գասպարյանի առանձնատան թեման էր, որի ձեռքբերման հարցով քրեական գործ է հարուցվել։ Այս մասով Օսիպյանի տեսակետը հետեւյալն է. «Օրենքի առաջ բոլորը հավասար են, եւ իմ գործունեության ընթացքում դուք եւ իմ գործընկերները համոզվել եք, որ օրենքի առաջ բոլորը հավասար են»։
Եթե ապացուցվի, որ նախկին ոստիկանապետը մեղավոր է, ապա նա պատասխանատվություն կկրի՞։ Այո՛, կկրի. կարծում է ներկայիս ոստիկանապետը։
Ոստիկանապետի աշխատավարձով հնարավո՞ր է նման տուն գնել։ Այս հարցին Օսիպյանը պատասխանեց, թե Հայաստանի Հանրապետությունում ընդհանրապես որեւէ աշխատավարձով չես կարող գնել նման առանձնատուն։ «Իսկ թե ինչ ճանապարհով է դա կառուցվել, կխնդրեմ դիմել կամ կառուցողին կամ սեփականատիրոջը»,—եզրափակեց ոստիկանապետը։

«Վեոլիա ջրի» գործը «կջրվի»՞, թե՞ ոչ

«Վեոլիա ջուր» ընկերության գործից էլ լրագրողները ցանկացան մանրամասներ ճշտել ոստիկանապետից։
Տեղեկացնենք, որ ոստիկանությունը հաղորդագրություն էր տարածել, որ ջրի սակագների ճշգրտման 2017—2018թթ. հայտը Հանրային ծառայությունները կարգավորող հանձնաժողովին ներկայացնելուց առաջ «Վեոլիա ջուր» ընկերության տնօրեն Կրիստիան Լըֆեն եւ գործառնական տնօրեն Գոռ Գրիգորյանը, կաշառք տալու դիտավորությամբ ՀԾԿՀ նախագահ Ռոբերտ Նազարյանի եւ ՀԾԿՀ եւս 7 պաշտոնատար անձանց համար գնել եւ տրամադրել են Երեւան—Փարիզ—Երեւան ուղղությամբ 8 ավիատոմս, ինչպես նաեւ փոխանցել են հյուրանոցի ծախսերը, որի ընդհանուր գումարը կազմել է շուրջ 12,6 մլն դրամ։ Դրանից հետո ՀԾԿՀ որոշմամբ խմելու ջրի սակագինը բարձրացվել 11,414 դրամով՝ 180 դրամից դառնալով 191,414 դրամ, որը սուբսիդավորման կարգով փոխհատուցվում է մեր կառավարության կողմից։
Ոստիկանության հաղորդագրությանը հետեւել էր հիշյալ ընկերության հայտարարությունը, ըստ որի՝ ընկերությունը չի ընդունում Հանրային ծառայությունները կարգավորող հանձնաժողովի անդամներին կաշառելու հետ կապված մեղադրանքը։ Ընկերությունն ասել էր նաեւ, որ 2017—2031թթ. համար սակագների սահմանման պայմանագրային մեխանիզմները հաստատել է ՀՀ կառավարությունը, եւ այդ մեխանիզմներն ամրագրվել են 2016—ի նոյեմբերին ստորագրված վարձակալության պայմանագրում։ Ու որ այդ մեխանիզմներն էլ չեն վերանայվել։
Լրագրողները երեկ ոստիկանապետ Վալերի Օսիպյանին հարցրին, թե արտառոց չի՞ թվում, որ Հանրային ծառայությունները կարգավորող հանձնաժողովի նախագահն ու անդամները ընդամենը ավիատոմսով եւ հյուրանոցի ծախսերով կարող էին գնալ նման գործարքի ու բարձրացնել սակագները։ Օսիպյանը նախ չբացառեց նախաքննության մարմնի կողմից այդ գործով այլ մանրամասների հրապարակումը, այնուհետ ասաց, որ ոստիկանությունը պարզաբանում կներկայացնի «Վեոլիա ջուր» ընկերության կողմից հանձնաժողովի անդամներին կաշառելու գործով վարույթի շուրջ։
Դիտարկմանն ի պատասխան, թե ե՛ւ «Վեոլիա ջուր»—ը, ե՛ւ հանձնաժողովի ներկայացուցիչները նշել են, որ դա փորձի փոխանակման նպատակով գործուղում է եղել, ոստիկանապետը ժպտաց. «Նայած ինչ գործուղում»,–եւ երկրորդեց՝ պարզաբանում կներկայացվի։
Արմենուհի ՄԵԼՔՈՆՅԱՆ

07-09-2018





15-06-2019
Հանրային վերահսկողությունը՝ կանխարգելիչ եւս մեկ միջոց
Քաղաքացու արձանագրած ճանապարհային կանոնների խախտումներին կտրվի իրավական գնահատական

Լուսինե ...


15-06-2019
Տավարի մսի մաքսատուրքը 61.5 տոկոսով նվազել է, գառի մսինը՝ սառեցվել
Ինչ կտա ՀՀ-ին ԵԱՏՄ-ԻԻՀ ազատ առեւտրի գոտու ստեղծման ...


15-06-2019
Շների, շնատերերի եւ Ծիծեռնակաբերդի զբոսայգու մասին
Գաղտնիք չէ, որ մեր մայրաքաղաքում վերջերս թափառող շները շատացել ...


15-06-2019
Խորհրդարանական մշակույթի ժողովրդավարացման հիմնախնդիրները՝ արժեբանական չափման ներքո
Հարցազրույց քաղաքական գիտությունների դոկտոր Մարիամ Մարգարյանի հետ

Խորհրդարանական ...


15-06-2019
Կանխարգելե՞լ, թե՞ գնալ հետեւանքները վերացնելու ճանապարհով
Օրինագիծը միտված է սպառողների իրավունքների պաշտպանությանը

Լուսինե ՄԽԻԹԱՐՅԱՆ
l.mkhitaryan@hhpress.am


«Շատ ...


15-06-2019
Դանիիլ Խարմս. «Պատահարներ» շարքից
«Մի պառավ չափազանց հետաքրքրությամբ դուրս նայեց պատուհանից, ցած ընկավ ...


15-06-2019
Հովհաննես Մելքոնյան
Իրեն, ինչպես շատերը, ես նույնպես Ռուբենիչ էի ասում. ու ...



15-06-2019
Նոր շունչ տիկնիկագործությանը
Թբիլիսիում բացվել է հայկական տիկնիկային ...

15-06-2019
Շախմատի արքան
Հունիսի 17-ին Տիգրան Պետրոսյանը կդառնար 90 ...

15-06-2019
Մեծագույն խնդիրը գիրք հրատարակելն է
Ծաղկաձորում քննարկվել են երիտասարդ ...

15-06-2019
Պետական պահպանության կարիք կա
Մարտունի-Եղեգնաձոր ճանապարհն անցնում է Գեղհովիտ ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO