Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

05.07.2020
ԼՂՀ


Բազմաֆունկցիոնալ մարզադաշտի հիմնարկեքը՝ Ճարտարում

Հիմնադրամը շարունակում է աջակցել գյուղական բնակավայրերին

«Հայկական գյուղերի զարգացման հիմնադրամի» կողմից շարունակվում է Արցախի բնակավայրերի աջակցման ծրագիրը, որը ներառում է ամենատարբեր ուղղություններ եւ ոլորտներ՝ բնակարանաշինություն եւ դպրոցաշինություն, ենթակառուցվածքների բարելավում, մասնավորապես՝ նոր ճանապարհների կառուցում եւ հների բարեկարգում, ջրամատակարարում, արտադրամասերի բացում եւ այլն։ Վերջին տարիներին հիմնադրամի միջոցներով մի շարք նորակառույցներ են շահագործվել Մարտունու շրջանում, այդ թվում՝ Ճարտարում, որոնց ծնունդը թույլ է տվել անհամեմատ բարելավել բնակչության սոցիալ—կենցաղային պայմանները եւ վերափոխել գյուղական բնակավայրերի դիմագիծը։
Երեկ Ճարտարում դարձյալ նշանակալի իրադարձություն էր։ Քաղաքում հանդիսավորությամբ դրվեց բազմաֆունկցիոնալ մարզադաշտի հիմնարկեքը։ Հերթական բարեգործական ձեռնարկման հեղինակը դարձյալ «Հայկական գյուղերի զարգացման հիմնադրամն» է, որի ֆինանսական միջոցներով իրականացվում է կառույցի շինարարությունը։ Միջոցառմանը ներկա էր նաեւ ԱՀ պետական նախարար Գրիգորի Մարտիրոսյանը, ով Սուրբ Վարդանանց եկեղեցու սպասավորների օրհնության եւ աղոթքի արարողությունից հետո հիմնադրամի նախագահ Վարդան Կյուրոյանցի հետ հիմնարկեքի «մեկնարկը» տվեց։
Կրթության, գիտության եւ սպորտի նախարարության վարչության պետ Աշոտ Դանիելյանի խոսքով, մարզադաշտը նախատեսվում է տարբեր մարզաձեւերի, այդ թվում՝ ֆուտբոլի, բասկետբոլի եւ վոլեյբոլի, ձեռքի գնդակի խաղերի, տարբեր մրցաշարերի կազմակերպման համար։ Մարզադաշտի ընդհանուր մակերեսը կզբաղեցնի 1400 քառ. մետր տարածք։ Այն կունենա արհեստական խոտածածկ ֆուտբոլի դաշտ՝ 250 նստելատեղով։ Ասել է թե՝ մարզադաշտը կծառայի իր նպատակին տարվա բոլոր եղանակներին։ Պատասխանատուների հավաստմամբ, մեկնարկած շինարարական աշխատանքներն ավարտվելու են 2019—ին։ Նախատեսվում է կառուցել նաեւ լողավազան։ Հարեւանությամբ բացված մարզասրահում արդեն մեկ տարի է, ինչ մարզասերները զբաղվում են սամբոյի եւ բռնցքամարտի պարապմունքներով։ Մարզիչ Մեսրոպ Ղահրամանյանը ոգեւորված է հիմնադրամի նոր բարեգործությամբ՝ շնորհաշատ երիտասարդների համար գուշակելով սպորտային հաջողություններ ոչ միայն Արցախում եւ Հայաստանում, այլեւ արտերկրում։
«Իմ համոզմամբ, որպեսզի զարգանա եւ ուժեղ լինի հայրենիքը, պիտի նրան սատարել նաեւ մասնավոր ներդրումներով,— ասում է ռուսաստանաբնակ գործարար Աշոտ Ջիվանյանը։–Բարեգործական ծրագրեր իրականացնելն անհրաժեշտություն է, բայց երբ որեւէ ձեռնարկություն, թեկուզեւ մի ֆերմա ես կառուցում եւ նոր աշխատատեղեր բացում, ավելի նկատելի է դառնում դրա անհրաժեշտությունը։ Մեր հիմնադրամը նպատակ ունի շարունակել իր առաքելությունը նաեւ ներդրումային միջոցներով, ինչը եւս յուրահատուկ աջակցություն կլինի պետությանը»։
Պետնախարար Գրիգորի Մարտիրոսյանը Մարտունու շրջվարչակազմի ղեկավար Մհեր Օհանյանի ուղեկցությամբ հետեւել է նաեւ Ճարտարում՝ 4 հազար գլուխ խոզի համար կառուցվող համալիրի շինարարությանը, զրուցել ներդրողների հետ եւ պատրաստակամություն հայտնել պետության կողմից ընդառաջել մասնավոր ոլորտին։ Ներդրողներն իրենց հերթին խոստացել են առաջիկայում ընդլայնել ֆերման եւ գլխաքանակը հասցնել 10 հազարի։ «Կարծում եմ, նման քայլով կօժանդակենք նաեւ խոզի մսի արտադրության ավելացմանը, ինչպես նաեւ նրա ինքնարժեքի իջեցմանը»,–գտնում է գործարարը՝ հավելելով, թե խոզաբուծական համալիրի արժեքը 4 մլն ԱՄՆ դոլար է։ Ինչպես խոստացել են Ճարտարի ֆերմերները, որպես հիմնական կեր կօգտագործվի պլանտացիաներում աճեցվող եգիպտացորենը։ Հատկանշական է, որ կառուցվող խոշոր համալիրում մինչեւ 100 նոր աշխատատեղ կբացվի։
Համայնքում համոզված են, որ ծրագրի հեղինակների օրինակը վարակիչ կլինի արտերկրում ապրող մյուս ճարտարցիների համար։
Դավիթ ՄԻՔԱՅԵԼՅԱՆ
Ստեփանակերտ

08-09-2018





04-07-2020
Ջրերի որակի մոնիտորինգի նոր դիտացանց է առաջարկվում
Եվ մակերեւութային ջրերում էլ թունաքիմիկատների դիտարկման կարիք կա



04-07-2020
ՀՀ ոչ մի բուժհաստատություն չպետք է անմասն մնա համավարակի դեմ պայքարից
Մասնագետը հորդորում է մահճակալային ֆոնդն ավելացնել

ՀՀ-ում նոր ...


04-07-2020
Հայաստանում հաստատվել է COVID-19-ի 580 նոր դեպք, առողջացել է 451 քաղաքացի
Հայաստանում հուլիսի 4-ի ժամը 11:00-ի դրությամբ հաստատվել է կորոնավիրուսային ...


04-07-2020
Ծնողների օրհնության ուժը երեխաների կյանքում
Աստվածաշնչում բազմիցս կոչ է արվում աղոթել։ Դա չի նշանակում, ...


04-07-2020
ՀՀ ոչ մի բուժհաստատություն չպետք է անմասն մնա համավարակի դեմ պայքարից
Մասնագետը հորդորում է մահճակալային ֆոնդն ավելացնել

ՀՀ-ում նոր ...


04-07-2020
Պոեզիան՝ որպես աղոթք եւ հոգու ժամանակ
«Քի՜չ մըն ալ դեռ, ա՜հ, շողա՜, շողա՜, բարի՜ ...


04-07-2020
Ամենածիծաղելի ողբերգակը
«Ինձի ձեռ չտաս՝ Աստծուն կըսեմ...» («Հին օրերի երգը»)




04-07-2020
Կենսոլորտը պետք է պաշտպանվի
Մարդն ինչպես է հարաբերվում մայր բնության ...

04-07-2020
Մհեր Մկրտչյան փառահեղ լեգենդը
Նրա արվեստում որտեղ է վերջանում ...

04-07-2020
Էրդողանի հերթական ոտնձգությունը
Նրա ձգտումը՝ վերանայելու տաճարի ...

04-07-2020
Աննախադեպ կոռուպցիոն բացահայտում հայկական ֆուտբոլում
Նախօրեին Հայաստանի ֆուտբոլի ֆեդերացիայի գործկոմը ...
USD
EURO
RUR
GEL
Եղանակը Երևանում
գիշերը +17... +19
ցերեկը +30... +32

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO