Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

25.09.2020
ԼՂՀ


Ուրվագծվում են համագործակցության ուղիները

Արցախում է ԱՄՆ Գլենդեյլի քաղաքապետի գլխավորած պատվիրակությունը

Ստեփանակերտի քաղաքապետ Սուրեն Գրիգորյանն ընդունել է ճանաչողական այցով Արցախ ժամանած Գլենդեյլի քաղաքապետ Զարեհ Սինանյանի գլխավորած պատվիրակությանը, որի կազմում են Կալիֆորնիայի նահանգային սենատոր Էնթոնի Պորտանտինոն, Գլենդեյլ քաղաքի քարտուղար—գործակատար Արտաշես Քասախյանը։ Պատվիրակությանն ուղեկցում է ԱՄՆ—ում ԱՀ մշտական ներկայացուցիչ Ռոբերտ Ավետիսյանը։
«Բարով եք եկել ձեր հայրենիքը, հարազատ օջախ»,–ջերմորեն ողջունելով, հյուրերին այսպես է դիմել Ս. Գրիգորյանը, նրանց խնդրանքով անդրադառնալով Արցախի մայրաքաղաքի առօրյային, բնակչության խնդիրներին, լուծում պահանջող առաջնահերթություններին։ Քաղաքապետը որոշ մանրամասներ է հաղորդել պատերազմի արհավիրքների վերացման ուղղությամբ Հայաստանի, աշխարհի համայն հայության կողմից ցուցաբերված հսկայական աջակցության, երկրի իշխանությունների միջամտությամբ՝ ավերված քաղաքի վերականգման ու բարեկարգման շինարարական մեծածավալ աշխատանքների վերաբերյալ, ընդգծելով, որ պատերազմից գրեթե հետքեր չեն մնացել Ստեփանակերտում։ Այն օրեցօր բարգավաճում, զարգանում, վերափոխում է դեմքը, դառնում հմայիչ, անճանաչելի։ Իսկ գաղտնիք չէ, որ Արցախ ժամանած հյուրերը երկրի մասին առաջին տպավորությունը ստանում են Ստեփանակերտում՝ հաղորդակից լինելով քաղաքին ու նրա բնակիչներին։
Քաղաքապետը պատասխանել է պատվիրակության անդամներին հետաքրքրող հարցերին, շրջագայության ժամանակ նրանց մաղթել բարձր տրամադրություն եւ հաճելի ժամանց։
Գլենդեյլի քաղաքապետ Զարեհ Սինանյանը պատվիրակության անունից շնորհակալություն է հայտնել Սուրեն Գրիգորյանին՝ ջերմ ընդունելության համար եւ վստահեցրել, որ ներկա այցով արդեն ուրվագծվում են համագործակցության ուղիները, եւ իրենից կախված ամեն ինչ կանի Գլենդեյլի եւ Ստեփանակերտի միջեւ սկիզբ առած բարեկամությունն ամրապնդելու համար։
Նա կարեւորել է Հայաստան—Արցախ—սփյուռք շփումները եւ պատրաստակամություն հայտնել որեւէ օգտակար գործ ձեռնարկել մայրաքաղաք Ստեփանակերտի համար։ Զ. Սինանյանի խոսքով, առաջին անգամ ինքն Արցախում եղել է պատերազմի ծանր տարիներին, երբ ռմբակոծվում, հրետակոծվում էին Շուշին, Ստեփանակերտը, հայկական մյուս բնակավայրերը։ «Ամենուր ավերածություններ էին, ռազմական մեծածավալ գործողություններ էին տեղի ունենում, մայրաքաղաքի փողոցներով շարժվում էին տանկերն ու զրահամեքենաները, բայց ասես այդ ամենը սովորական էին դարձել հարազատ օջախները չլքող մարդկանց, փոքրիկների համար։ Ես ցնցված էի նրանց կամքի զորությունից եւ աղոթելով Արցախի ազատության համար, համոզված էի, որ նման հերոս ժողովուրդը դատապարտված է միայն հաղթելու»,–ասում է Զ. Սինանյանը։ Կալիֆորնիայի նահանգային սենատոր Էնթոնի Պորտանտինոն էլ հավելեց, որ զարմացած է, թե մարդիկ այնքան մոտ լինելով առաջնագծին, ինչպես են «անհոգ» աշխատում, արարում, ստեղծագործում ու շենացնում երկիրը։
Ավանդույթի համաձայն, Ստեփանակերտի քաղաքապետն ու Գլենդեյլի քաղաքապետի գլխավորած պատվիրակության անդամները հուշանվերներ են փոխանակել։
Ճանաչողական այցի շրջանակներում պատվիրակությանը հյուրընկալել են երկրի նախագահ Բակո Սահակյանը, խորհրդարանի ղեկավար Աշոտ Ղուլյանը, պետնախարար Գրիգորի Մարտիրոսյանը եւ արտգործնախարար Մասիս Մայիլյանը։
Հյուրերը կայցելեն Շուշի եւ Գանձասար ու մոմ կվառեն տաճարներում, ինչպես նաեւ կմեկնեն Արցախի եւ Ադրբեջանի զինված ուժերի շփման գիծ, կծանոթանան մարտական հերթապահություն իրականացնող զինծառայողների առօրյային։
Դավիթ ՄԻՔԱՅԵԼՅԱՆ

14-09-2018





25-09-2020
Ասֆալտապատման փոխարեն՝ սալարկում
Գյուղական ճանապարհների բարեկարգման համար շինթույլտվություն չի պահանջվի

Գործադիրը ...


25-09-2020
Հանրության դատին է ներկայացվել ինտեգրված կադաստրի ստեղծման ռազմավարական ծրագիրը
Կգործարկվի կադաստրային գործարքները եւ գործողությունները ապահովող միասնական էլեկտրոնային հարթակ


25-09-2020
«Հարություն վարդապետ, եթե դու ողջ լինեիր…»
«Գիտնական, ուսուցիչ, զինվոր եւ բանաստեղծ». գրված է նրա շիրմաքարին


25-09-2020
Նա ընկավ հսկա կաղնու նման
Եվ ծանր լռություն տիրեց անտառում

Այդ տխուր օրը ...


25-09-2020
Աստված կյանքի Հոգին է
Սկզբից Նա ծնվեց մարմնով, որպես մարդ՝ Հիսուս անունով: ...


25-09-2020
Համավարակի կորի իջնելը պետք է զորացնի մեր կամքը
Պայքարը դեռ չի ավարտվել

Վերացվել է հատուկ դրության ...


25-09-2020
Իրականացնում է «Քաշաթաղի ջրամատակարարում» ընկերությունը
Քաշաթաղի շրջանում մի շարք աշխատանքներ՝ շինարարություն, ճանապարհաշինություն, ջրամատակարարում եւ ...



25-09-2020
Արարատ Միրզոյանն առանձնազրույց է ունեցել Արցախի ԱԺ նախագահի հետ
Պաշտոնական այցով Հայաստանի Հանրապետություն ...

25-09-2020
Հայկական եւ ռուսական ուժերը համահունչ են գործել
«Կովկաս-2020» զորավարժություն
«Ալագյազ» ...

25-09-2020
Իտալացի մեծանուն նկարիչների գլուխգործոցները
Ժամանակավոր կզարդարեն ՀՀ նախագահի նստավայրը

25-09-2020
ՌԴ-ի դաշնակիցների շարքում ՀՀ-ն արժանացել է շատ բարձր գնահատականի
Ռուսական վերլուծական կենտրոններից մեկը հրապարակել ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO