Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.08.2019
ՆԵՐՔԻՆ ԿՅԱՆՔ


Ոստիկանությունն ապաքաղաքական կառույց է

Վալերի Օսիպյանը պարզաբանումներ է ներկայացնում

ՀՀ ոստիկանապետ Վալերի Օսիպյանը երեկ կառավարության նիստից հետո լրագրողների հետ ճեպազրույցում հաստատեց, որ իրենք ՀՀ պաշտպանության նախկին նախարար Միքայել Հարությունյանի հետախուզման չեղարկման մասին տեղեկություն ստացել են Ռուսաստանից։ Բայց, օրինակ, Վալերի Օսիպյանը տեղեկացված չի եղել, որ Միքայել Հարությունյանը ՌԴ քաղաքացի է։ Միքայել Հարությունյանը եթե հայտնվի ԱՊՀ անդամ այլ երկրներում, ապա կարող է ձերբակալվել եւ փոխանցվել Հայաստանին։
Արդյո՞ք Հարությունյանի նկատմամբ հետախուզումը Ռուսաստանի տարածքում դադարեցնելը ոչ գործընկերային մոտեցում է այդ երկրի կողմից մեր հանդեպ։ Լրագրողներից մեկի այս հարցին ի պատասխան՝ ոստիկանապետը համառոտեց. «Ես այդ հարցին չեմ պատասխանի։ Ոստիկանությունն ապաքաղաքական կառույց է»։

«Ե՛վ անթույլատրելի է, ե՛ւ դատապատելի»

Երեկ լրագրողները ցանկացան ճշտել Վալերի Օսիպյանի գնահատականը «YouTube»–ում տեղադրված Ազգային անվտանգության ծառայության տնօրեն Արթուր Վանեցյանի եւ Հատուկ քննչական ծառայության պետ Սասուն Խաչատրյանի հեռախոսազրույցի գաղտնալսման եւ ձայնագրության վերաբերյալ։
Ոստիկանապետը նախ նշեց, որ ինքը, կատարելով վարչապետ Փաշինյանի հանձնարարականը, սահմանված ժամկետում զեկուցել է նրան գաղտնալսված հայտնի ձայնագրության վերաբերյալ։
Այնուհետեւ հավելեց, որ դատապարտում է գաղտնալսման փաստը, որովհետեւ դա թույլատրվում է միայն օրենքով սահմանված կարգով այն ծառայություններին, որոնք ունեն դա անելու իրավունք։ Միաժամանակ հիշեցրեց, թե Սահմանադրությամբ ամրագրված է՝ յուրաքանչյուր ոք ունի խոսքի ազատության իրավունք։
Այս պահին կասկածներ կա՞ն, թե ովքեր կարող են լինել գաղտնալսման հեղինակները, ոստիկանապետը չասաց. «Գործընթացը շարունակվում է, եւ ես այս պահին որեւէ պատասխան տալ չեմ կարող»։

«Պառկեցնելուց հաճույք չենք ստանում»

Ինչու՞ ոստիկանությունը վարչապետի՝ երկու ժամում «ռեյդեր» անելու հրամանը երկու ժամում չարեց։ Դիտարկման պատասխանը ոստիկանապետը համառոտ հնչեցրեց. «Ոստիկանությունը չի կարող վարչապետի հանձնարարականն ուշ կատարել, վարչապետի հանձնարարականներն անմիջապես կատարվում են»։
Օլիգարխների թիկնազորներին զինաթափելու վերաբերյալ հարցերին էլ ի պատասխան՝ Վալերի Օսիպյանը պարզաբանեց, որ այդ գործընթացը մշտապես շարունակվում է. «Ոստիկանությունը մշտապես օպերատիվ տեղեկություններ է ստանում, բայց այդ տեղեկությունները ենթակա չեն հրապարակման, մենք ստուգում ենք օրինականությունը։ Հավատացեք՝ ոստիկանությունը հաճույք չի ստանում որեւէ քաղաքացու պատի դեմ տալուց, դեմքը մեքենային կամ պատին հենելուց, դա պարզապես օրինական գործընթաց է։ Այն պայմանավորված է նրանով, որ այդ անձանց մոտ կա զենք, իսկ մենք չգիտենք՝ զենքն օրինակա՞ն է, թե՞ ոչ, հետեւաբար, ստուգել է պետք։ Զինված քաղաքացին մշտապես վտանգ է ոստիկանության աշխատակցի համար, այդ պատճառով էլ ստուգումներն այդ կերպ են լինում»։
Թիկնապահներին ասֆալտին պառկեցնելուց ու զենքն առգրավելուց հետո զենքն ուղարկվում է համապատասխան փորձագիտության, որպեսզի պարզվի՝ արդյո՞ք նախկինում կատարված հանցագործությունների հետ կապ կա, թե՞ ոչ։
Ոստիկանությունը զենքի օրինականության մասով կասկածնե՞ր է ունեցել նաեւ գործարարներ Խաչատուր Սուքիասյանի եւ Սամվել Ալեքսանյանի թիկնազորի առնչությամբ։ Ինչպես պարզաբանեց բանախոսը, խնդիրն այն է եղել, որ շարասյունով են երթեւեկել, իսկ իրենք բազմաթիվ բողոքներ ենք ստանում համաքաղաքացիներից, որ շարասյունով երթեւեկելը խանգարում է ընդհանուր երթեւեկությանը։
«Կրկնում եմ՝ խնդիրը շարասյունով երթեւեկելն է,–երկրորդեց Օսիպյանը,–մեկ մեքենայով ուղեկցման դեպքում, անկախ նրանից թե ով է ուղեկցվողը՝ գործարար, օլիգարխ, թե սովորական քաղաքացի, ոստիկանությունը խնդիր չի տեսնում, խնդիրը մեկից ավելի մեքենայով ուղեկցումն է։ Բոլորս էլ գիտակցում ենք, որ երկրորդ մեքենայում թիկնազորն է լինում, թիկնապահները»։
Բայց այդ ասֆալտին պառկեցնելու տեսարանները արդյո՞ք շոուներ չեն, եթե ոչ, ինչու՞ է անընդհատ ցուցադրվում, եթե ոստիկանական գործողություն է, ապա թող անեն, վերջացնեն, կարելի՞ է անընդհատ դա ցույց տալ։ «Տեսանյութերը հիմնականում հրապարակում են լրատվամիջոցները կամ քաղաքացիները, ոչ թե ոստիկանությունը»,–պնդեց ոստիկանապետը՝ հավելելով, թե ոչ մի շոու էլ չկա, եւ ինքն իր գործունեության ընթացքում շոուներով չի զբաղվել, այլ առաջնորդվել է օրենքով։ «Իսկ ովքեր շոուներ են անում, փորձում են ցեխ շպրտել ոստիկանության վրա, ապա վստահեցնում եմ, որ ոստիկանությունը երբեք այսպես չի աշխատել, ինչպես հիմա»,–եզրափակեց նա։
Արմենուհի ՄԵԼՔՈՆՅԱՆ

15-09-2018





01-08-2019
Ինչպե՞ս դառնալ ներդրող
Բնակելի շենքի կառուցապատման գործընթացից կարելի է շահույթ ստանալ ...


01-08-2019
«Աշխարհս առանց իշխանութեան չի կառավարուիր»
Մկրտիչ Ա Վանեցի Ամենայն հայոց կաթողիկոսը (1820–1907) համոզված էր, ...


01-08-2019
Հնարավոր չէ առանց պատժվելու այլասերել բառերը
Թադեւոս ԽԱՉԱՏՐՅԱՆ
t.khachatryan@hhpress.am


Կամյուին կարելի է համարել 20-րդ դարի ...


01-08-2019
Արեւայրուք ստանալ բակում «բուրդ չփխելո՞վ», թե՞ լողափին
Հանգստի ամեն տեսակ էլ կարող է լավագույնը լինել

Թամարա ...


01-08-2019
Թավշյա հեղափոխությունը բացառապես ներքին խնդիր էր
ՀՀ ԱԳ նախարար Զոհրաբ Մնացականյանի հարցազրույցը Մարշալի հիմնադրամին



01-08-2019
Թարմ մսի սպանդանոցային ծագման պահանջ՝ այսօրվանից
Տեսչական մարմինը մշտադիտարկում է սկսում հանրային սննդի կետերում

Արմենուհի ...


01-08-2019
Ժամանակ ու սերունդներ կապող մարդ-մշակույթ էր
ՀՀ ժողովրդական արտիստ, բեմադրիչ Երվանդ Ղազանչյանի վախճանը մեծ ...



01-08-2019
Եղիշե Չարենցը պաշտում էր Արեւելքը
Վաղը բանաստեղծի տուն-թանգարանում կբացվի ...

01-08-2019
Այվազովսկուց մինչեւ Սալվադոր Դալի
Ի՞նչ են սովորում ՀԱՊ-ի ամառային ...

01-08-2019
Արոտների ջրարբիացումից՝ ճանապարհների վերակառուցում
Ի՞նչ խնդիրներ են լուծվում Ամասիա ...

01-08-2019
Մեդալներն արդեն նշմարվում են
Եվրոպայի երիտասարդական առաջնությանը ...
USD
EURO
RUR
GEL
Եղանակը Երևանում
գիշերը +20... +22
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO