Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

09.08.2020
ԱՇԽԱՐՀ


Իրաքում իրավիճակը բարդ է ու անորոշ

Ընթացիկ տարվա մայիսի 12—ին Իրաքում տեղի ունեցան հետսադամյան ժամանակաշրջանի 329 անդամ ունեցող խորհրդարանի 4—րդ գումարման ընտրությունները։ Սակայն, հաշվի առնելով ընտրությունների արդյունքները, ի սկզբանե ակնհայտ էր, որ կառավարության ձեւավորումը դյուրին չի լինելու, ավելին, ինչպես նշել էր «ՀՀ»—ն, հավանական էր թվում ներքաղաքական ճգնաժամը, ինչը շարունակվում է առ այսօր։ Ընտրությունների արդյունքների համաձայն՝ առաջատարը շիաների 5 կոալիցիան ու կուսակցություններն են։ Նշենք, որ Իրաքի 35—37 միլիոն բնակչության ավելի քան 75 տոկոսը շիաներ են, որոնք Սադամ Հուսեյնի իշխանության օրոք լուրջ ճնշումների էին ենթարկվում։
Ընտրություններում հաջողություն արձանագրած շիաների կուսակցություններն ու կոալիցիաները կառավարություն ձեւավորելու շուրջ բանակցություններում առ այսօր շոշափելի արդյունք չեն արձանագրել։ Դրանք ընթանում էին 2 առանցքային ուղղություններով. ա) Հադի Ամերի առաջնորդած «Ալ Ֆաթհ» եւ նախկին վարչապետ Նուրի ալ Մալեքիի առաջնորդած «Օրենքի պետություն» կոալիցիաներ, բ) «Սաերուն» ու Սեյեդ Ամար Հաքիմի գլխավորած Ազգային իմաստություն կոալիցիաների առանցքներով, որոնք ցանկանում էին մեծ կոալիցիա ձեւավորել սունի եւ քուրդ կուսակցությունների ու հոսանքների հետ։ Առ այսօր առավել հավանական էր համարվում, որ կառավարությունը գլխավորելու է գործող վարչապետ Ալ Աբադին։ Սակայն սեպտեմբերի 13—ին նա հայտարարել է, թե հրաժարվում է իր թեկնածությունն առաջադրելուց, ինչը պատճառաբանել է Սահմանադրությանը հավատարիմ մնալով եւ կրոնական առաջնորդության հորդորները ընդունելով։ Նշենք, որ Իրաքի շիաների առաջնորդ այաթոլա սեյեդ Ալի Սիսթանին, ով վերջին տարիներին գրեթե կապը խզել է երկրի քաղաքական ղեկավարության հետ՝ նրանց ոչ արդյունավետ գործունեության պատճառաբանությամբ, հայտարարել է, որ նրա հավանությանն է արժանանալու վարչապետի այն թեկնածուն, ով նախկինում չի զբաղեցրել այդ պաշտոնը։
Մյուս կողմից առաջին տեղը զբաղեցրած շիա ազդեցիկ հոգեւորական Մոքթադա Սադրը հայտարարել է, որ Իրաքի հեղինակավոր անհատականությունների հետ խորհրդակցելուց հետո համաձայնության են եկել վարչապետի պաշտոնի համար մի քանի տեխնոկրատ, անկախ գործիչների առաջադրելու հարցում, ինչը լիովին իրաքյան որոշում է։ Բացի այդ, վարչապետը նախարարներին ընտրելիս պետք է հաշվի առնի նրանց հմտությունները, արհեստավարժությունը՝ անկախ նրանց ազգային, կրոնական եւ կուսակցական պատկանելությունից։ Նա իր «Թվիթերի» էջում գրել է, թե քաղաքական որոշ գործիչներ անմիջապես մերժել են վարչապետի ու կառավարության ձեւավորման իր առաջարկած տարբերակը, որպեսզի երկիրը ղեկավարվի նախկին ոչ արդյունավետ ուղիով։ Դեպքերի այդօրինակ ընթացքի դեպքում «Սաերունը» դառնալու է ընդդիմադիր։
Հատկանշական է, որ «Ալ Սաերունը» ընտրարշավի ընթացքում քննադատությունների սլաքն ուղղել էր իսլամամետ կուսակցություններին, նշելով, թե վերջին 15 տարվա ընթացքում հենց նրանք են իշխել, ինչի արդյունքում երկիրը հայտնվել է հասարակական—սոցիալական ծանր վիճակում։ Միաժամանակ շեշտել է, որ պետք է ձեւավորել տեխնոկրատական կառավարություն, որը կբարելավի իրավիճակը։ Թերեւս հենց նման դիրքորոշումներն են եղել նրա հաջողության գրավականը։
Իրաքում իրենց ազդեցությունը տարածելու եւ մեծացնելու նպատակով լուրջ պայքար է ընթանում նաեւ տարածաշրջանի գերտերությունների միջեւ, որտեղ ակնհայտ է Իրանի ազդեցությունը։ Թեեւ ԱՄՆ օրենսդիրները ընդդեմ Իրանի ազդեցության նոր օրինագիծ են շրջանառության մեջ դրել, որը կոչվում է «Պայքար Իրաքում Իրանի հարաճուն ազդեցության դեմ», ըստ որի սահմանափակումներ են կիրառվելու Իրաքում իրանամետ ուժերի դեմ, սակայն եթե անգամ այդ օրինագիծը հաստատվի ու օրենքի ուժ ստանա, հազիվ թե լրջորեն հարվածի Իրանի ազդեցությանը։

Էմմա ԲԵԳԻՋԱՆՅԱՆ

15-09-2018





01-08-2020
682 դեպքով հրդեհների թիվը նվազել է
Սակայն հրդեհավտանգ իրավիճակը կպահպանվի նաեւ օգոստոսին եւ սեպտեմբերին



01-08-2020
Ադրբեջանի էթնիկ քարտեզը
Հայկական տարրը տեւապես եղել է Կովկասի մշակութային շարժիչ ...


01-08-2020
Հայաստանում հաստատվել է COVID-19-ի 291 նոր դեպք․ ապաքինվել է 560, մահացել 11 քաղաքացի
Հայաստանում օգոստոսի 1-ի դրությամբ` հաստատվել է կորոնավիրուսային հիվանդության ընդհանուր ...


01-08-2020
Հուշապատում
Բինգյոլը... Սեւանի ափին

Սեւանա կղզին Իսահակյանի ամենասիրելի վայրերից ...


01-08-2020
«Ամենատխուր մարդը» կամ անազատության ազատությունը
Վերարժեւորելով Պերճ Զեյթունցյանին եւ նրա ինքնատիպ գործերից մեկը՝ ...


01-08-2020
Հայաստանի «Ինտերկապը» 30 տարեկան է
ՀԽՍՀ ֆիզիկական կուլտուրայի եւ սպորտի պետական կոմիտեի նախագահ Ռուբեն ...


01-08-2020
Կալիսիրի ակումբը՝ Շվեդիայի գավաթակիր
Շվեդիայի ֆուտբոլային գավաթը 8-րդ անգամ նվաճեց «Գյոթեբորգը»։ Ակումբակիցների հետ ...



01-08-2020
Հայաստանում մեկնարկում է հիմնարար բարեփոխումների գործընթաց
68-97 տոկոսով կբարձրացվեն ոստիկանության ...

01-08-2020
ՀԱԷԿ-ում ՊՆՎ-ն ըստ ժամանակացույցի է եւ առանց խոչընդոտների
Հայաստանն ատոմակայանի շահագործման եզակի ...

01-08-2020
Պատմության հետագծով
–1921 թ. օգոստոսի 1-ին ծնվել է Լիլի Չուգասզյանը՝ ...

01-08-2020
Ինֆանտինոն արդեն մեղադրյալ է
Համաշխարհային ֆուտբոլը հերթական ապտակը ստացավ. ...
USD
EURO
RUR
GEL
Եղանակը Երևանում
գիշերը +20... +22
ցերեկը +36... +38

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO